MAKE UP FOR EVER

持久保濕底霜

Primer屬於保養的化妝品，肌膚狀態唔好，或者想營造一個無瑕嘅妝容嘅話，一定要靠保濕度高，透氣嘅底霜。
Make up forever 呢隻持久保濕底霜，白色牙膏狀包裝，容易控制份量～唧出嚟見到佢三文魚色嘅水凝質地，有啲嚇親；不過一推開就覺得好水潤 ，同埋其實不會影響膚色狀態；用少少時間按摩於肌膚，就令皮膚非常有光澤。但缺點在佢單一功能 — 只能保濕，不能防曬。春夏秋冬出入門都要做好防曬功夫，尤其我呢啲家族遺傳有雀斑嘅人士！疊加幾樣護膚品會令到皮膚好似唞唔到氣，呢一點令我鎖定佢只會喺局部乾燥位置使用呢支持久保濕底霜。
相比之下，旁邊呢支有防UV效果既primer 我就會比較常用。不過我唔特別喺呢篇心得提及呢款產品 ：） 下一次再分享！