找產品
無酒精 推薦好用產品
60 件
Niki Yau好用推薦：試用這款眼唇精華十多天，整體體驗很不錯。首先包裝是簡約的白色瓶身，搭配滴管設計，取量方便又衛生，每次一滴就能照顧到眼周和唇部，15ml的容量感覺很耐用。 質地是清爽的蛋清狀，流動性不錯，接觸肌膚後輕輕按摩幾秒就吸收了，完全不黏膩，後續疊加護膚品或化妝也不會搓泥，這點超加分！ 使用當天就能感受到即時保濕效果，眼周原本乾燥的肌膚變得柔軟，唇部也沒那麼容易起皮了。堅持用了十天左右，最明顯的是眼紋，眼角的幹紋變淺了很多，笑起來沒那麼顯老；黑眼圈也有改善，之前熬夜的青黑色淡了些，眼周看起來更提亮緊致。唇紋雖然沒完全消失，但唇部狀態穩定了不少，塗口紅時不會卡紋。 全程沒有出現過敏反應，敏感肌應該也能放心用。總體來說，作為日常保養的眼唇精華，它在保濕、淡化細紋和改善暗沉方面都有實際效果，性價比不錯～
<看全文>green好用推薦：感謝@cosme Hong Kong 邀請試用JONZAC 緊緻祛暗眼唇精華。 氣味：無香料 顏色：乳白色 延伸性：推開、透明，易吸收 感覺：無刺激性，沒有酒精感覺 搽於眼圈下，慢慢推開容易吸收 再使用其他護膚品並無刺激 產品說明可同步撫平眼紋和唇紋，雖然不刺激使用後沒太大感覺 本人有輕微黑眼圈，持續使用七天後，黑眼圈沒太大變化，但眼周肌膚水潤度有輕微增加，細紋有改善。 總括來說，產品經過測試可放心使用，並無敏感不適，有改善眼周肌膚滋潤度改善細紋，但對完全改善黑眼圈暫未有明顯變化，可能要繼續使用一個月再觀察。
<看全文>
Emily Leung好用推薦：DR.WU杏仁酸精華用後感｜溫和刷酸！暗粒閉口拜拜！ 忍唔住要同大家分享呢支寶藏精華——DR.WU 18%杏仁酸亮白煥膚精華！對於成生暗粒、閉口嘅我嚟講，真係相見恨晚！ 簡約專業嘅樽身，滴管設計好容易控制分量，衛生又方便。 點解揀佢？ 聽講杏仁酸相比其他酸類溫和好多，而且呢支專為亞洲肌膚設計。我係混合敏感肌，用咗之後覺得真係唔會點刺激，好安心！ 質地係透明水狀，非常清爽，搽上臉好快吸收，唔會黏膩，油皮用都零負擔。 效果點樣？ 最驚喜係用咗大概兩星期，額頭同下巴啲「磨砂感」暗粒平伏咗好多！皮膚摸落去滑溜咗，冇咁易阻塞出暗瘡。而且膚色睇落均勻咗、有光澤感！ 用之前皮膚有啲暗啞同細細粒嘅閉口，用咗一段時間後，皮膚平滑咗同光亮咗！ 使用心得同注意事項： · 頻率好緊要！ 新手建議由隔晚開始，等皮膚建立耐受性。 · 一定要加強保濕！ 用完之後我會搽保濕力強嘅面霜。 · 日頭必須防曬！ 刷酸後唔做防曬好易反黑，切記！ 總括來講： ✅ 優點： 溫和去角質、有效對付閉口暗粒、膚色更亮白 ❌ 缺點： 要建立耐受性、必須配合保濕防曬 咩人最啱用？ ➡️ 成日有暗粒、閉口煩惱嘅
<看全文>Poyobb好用推薦：我嘅皮膚角質層較厚好容易出粒粒，dr wu杏仁酸由讀書開始用👩🏻🎓依支係新包裝18%杏仁酸，質地比較水劑，輕微發酵味道，泵頭型都好衛生，晚上瞓覺前先會用。 如果有傷口會搽上去一下會有刺激感🤣杏仁酸對於你啲皮膚有好多暗粒嘅情況下，你用佢會慢慢退，但係要時間，around 2-3日，呢個係最見效嘅功能👍🏻 如果有暗瘡，係有催熟功能，其實佢單用效果冇咁大，如果將佢用完之後再用其他祛痘產品會更加強效（eg阿達帕林），粒粒第二朝就真係會變熟、傷口變乾。如果想直接用酸去暗瘡，建議用水棉酸最快，不過較刺激🫶🏻 如果想純粹收毛孔、光滑皮膚，我就唔係好覺得有感覺，同係酸類精華既ysl夜皇后有效果好好多。另外想去暗瘡印痘印的話，杏仁酸對美白方面冇效果，要額外再用美白精華💭 即使18%都好溫和，同埋我覺得單用係冇乜效果，佢要配搭其他產品嘅效果先會發揮得最大🫢
<看全文>
Kelvin好用推薦：BR面膜有好多款 ，依款係Bicelle高滲透納米保濕面膜 深層滋潤型。BR既新產品。敷既時侯 ，佢大致上cutting男仔都好適合，好貼服，鼻位就細咗少少。即使走嚟走去都無問題。精華分量岩岩好，唔會太重香料味。敷完皮膚彈彈的，feel到補水。清潔多餘既精華都好容易，唔會太有粘稠感。 第二天都唔需要上妝前再敷面膜直接搽返基本護膚產品就OK啦。 急救面膜來講性價比高，淨補水滋潤，冬天好岩，就算聖誕通頂用個妝都keep得好靚。 #火熱新品
<看全文>A&R好用推薦：日本製保濕面膜，價錢平靚正，性價比高，水潤面膜，保濕度都幾高，隔日用都冇問題 面膜紙不算太厚太會太薄，剪裁ok，眼睛位置有保留可以重疊在眼袋上，好貼面，眼睛位置夠大，唔會入眼，奶白色保濕液充足 冇乜香味，敷完塊面都唔會敏感。
<看全文>
Also melon好用推薦：用慣咗遮瑕膏，因為好多遮瑕亦都遮唔到黑眼圈又會溶再顯眼紋，好耐都冇試過用liquid 。NARS光亮柔滑遮瑕霜，質地輕盈同時滋潤，緞面咁既質感，延展性好，即使就咁用佢個棉頭都可以搽到好薄。我會先用Honey橙調色當三文魚色作為打底，再用vanilla做提亮。兩層都用遮瑕掃推疊加咗都可以好薄身，而且Liquid好水潤，我化完一日裝眼底都冇出現乾紋情況。即使出街幾個鐘去照鏡嘅時候，好驚喜地發覺眼底係完全冇任何變化，遮瑕度依然同啱啱上妝冇分別。 上網見到有人話唔適合遮眼底好乾，但我覺得以liquid嚟講係非常好用，一定會比遮瑕膏更加方便使用。
<看全文>shirley好用推薦：超好用遮黑眼圈遮瑕 顏色係 Light3 - Honey 偏橙嘅膚色，輕輕一層已經遮到黑眼圈 細細一枝都可以用好耐 而且唔會太乾，唔卡粉 （通常遮瑕力高嘅，都會好厚重） 加上帶有細刷頭，可精準控制要用嘅位置
<看全文>
cheng2001好用推薦：濕疹敏感肌here～ 因為又又又濕疹發作，咁自己之前都有用la roche精華覺得唔錯，但係今次洗臉/用化妝水都會拿… {(-_-)}所以就搵緊d cream product用。 使用感：自己就單塗呢隻抗敏cream係濕疹位，因為自己濕疹位真係好乾燥，差不多隔一至幾個鐘feel到少少乾燥感就塗多次，如果一痕又會再塗少少。如此類推，用左2日就好快已經淡左紅同有好轉，止痕效果相當出色，保濕不錯。 總結：非常推薦臉部濕疹敏感肌！
<看全文>Sarah好用推薦：由20歲開始當面霜用，一用就好多年，已回購無限枝，皮膚一直沒有敏感問題。不過最近覺得保濕力不夠了，要轉其他更滋潤有抗老成份的產品。
<看全文>
Emily Leung好用推薦：日本Naturie薏仁保濕水凝霜，換季救星 最近天氣乾燥，相信同我一樣，好多人都覺得塊面繃緊、乾到痕，甚至會有啲甩皮。喺咁嘅天氣底下，搽乜嘢面霜都好似即刻俾塊面「食咗」，搞到需要不停補搽，想搵件清爽又夠力嘅保濕霜真係好頭痕。 Naturie呢款薏仁水凝霜，喺香港同台灣嘅美容網站上都幾有人氣。佢真係又平價好用！ 🫧質地與觸感：透明嘅啫喱（果凍）質地，非常Q彈。 🫧推開感受：一抹開就即刻化成水狀，延展性極高，上臉吸收速度快，感覺好輕盈。 🫧膚感：搽完後唔會黐立立，呈現啞光感，清爽唔厚重，好多油性同混合性肌膚嘅用家都好鍾意呢種觸感。 🫧氣味：產品本身無添加香料。所以係冇乜特別氣味，對於唔鍾意香味或者容易敏感嘅人嚟講，呢點係個優點。 👍使用感受與多用途 1.日常保濕：可以當作日霜或晚霜使用，質地清爽，夏天或潮濕天氣用尤其舒服。 2.妝前打底：化妝前薄搽一層，有助後續上妝更貼服。 3.睡眠面膜：夜晚可以厚敷一層當作晚安面膜，第二朝起身塊面會覺得好水潤同柔軟。 4全身保濕：因為係大碗裝（180g），平價大碗，用嚟搽身體都唔會肉赤。 🌸保濕力度評價 • 優點：瞬間補水效果出色，能為皮膚帶來
<看全文>Julianna好用推薦：夏天護膚唔想太厚重，呢款薏仁水凝霜真係幫到手。佢質地好似啫喱咁，一搽上面即刻變水感，吸收得快又唔黏。對於我呢啲混合偏油肌嚟講，夜晚搽厚少少可以當sleeping mask，朝早又可以當妝前保濕打底，性價比高得嚟又夠大罐，真係唔怕用。冇香料冇刺激，基本上敏感肌都可以試。不過佢保濕力唔算超強，如果你係乾肌或者轉天氣時用，可能就未必夠力～我自己會喺秋冬加返面霜先夠鎖水。不過炎夏用嚟降溫+補水，真係非常啱用，用完塊面有種透亮感。CP值極高，特價入手更加冇得輸！
<看全文>
YYeman好用推薦：Dr. Wu保濕面膜測評｜乾敏皮嘅真心話 Hi 姊妹們！今日同大家分享呢款Dr. Wu玻尿酸保濕面膜～ 講真，佢喺臺灣真係好紅，我抱住好大期望試㗎！ 首先講膜布： 材質係薄身嘅生物纖維膜，好似啫喱咁敷上臉，貼服度真係冇得彈！好似第二層皮膚咁，郁吓塊面都唔會走位。 精華方面： 係屬於濃稠嘅乳液質地，唔會滴滴瀝瀝。敷咗15分鐘都冇覺得乾，摞落嚟嗰陣仲有好多精華剩，可以順手敷埋條頸。 效果即刻睇到： ✨補水真係冇得輸！敷完塊面係飽滿咗，掂落去軟淋淋，好似飲飽水咁。 ✨我面頰啲泛紅同繃緊真係舒緩咗好多，即刻冇咗『乾到扯住』嘅感覺。 ✨上妝前敷一片，個粉底真係貼服到不得了，冇再爆皮卡粉。 小總結： 對於我哋呢啲乾敏皮來講，佢係一款穩陣嘅「急救兵」！ 保濕力真係堅得，尤其轉天氣同長期開冷氣嘅日子，敷完即刻翻生。 雖然價錢有啲小貴（平均要廿幾蚊一片），但係效果對得住個價錢。如果姊妹你係極需要補水，预算又鬆動，呢款真係可以入手試吓！
<看全文>bearbear246好用推薦：面膜質紙材透薄，所以非常貼面，同時大小適中。 有大量既玻尿酸精華液可以掛係面膜紙既同時唔會掉落，所以就算敷住面膜都可以做其他野。敷完有保濕感，但又唔會太黏立。皮膚吸收度高，敷完洗面後有潤澤又有彈性感覺。產品價格偏高，會等待特價時入手。（約$280/8片）
<看全文>
Emily Leung好用推薦：Muji導入精華液用後感｜簡約派嘅保濕打底神器！ 身為簡約護膚派，Muji呢支導入精華液（Moisture Serum）真係深得我心！平平哋，但效果絕不馬虎。 一貫Muji嘅簡潔透明樽身，睇得晒入面仲有幾多，夠晒實用。擺喺化妝枱上，零違和感。 點解會用佢？ 我護膚第一步就係用佢嚟打底，質地係透明嘅凝露狀，非常水感。一搽上面，咻一聲就吸收咗，之後再搽化妝水同精華，感覺後面啲護膚品吸收得快咗同好咗！ 推開就變成水一樣，完全唔黏膩，保濕感即刻有。無論咩膚質都用得到。 效果有幾好？ 最明顯係皮膚飲飽水，冇咁容易乾到繃緊。尤其係轉天氣或者開冷氣瞓覺，用咗佢打底，第二朝塊面都依然保持水潤軟滑。妝前用，個底妝都會特別貼服。 用之前皮膚有啲乾，用完之後即刻有層水潤光澤感，摸落去滑溜咗。 總括嚟講： ✅ 優點： 價錢親民、成分簡單溫和、保濕力足、百搭唔會「撞護膚品」 ❌ 缺點： 功能專注保濕打底，冇其他美白抗老等功效 咩人最啱？ ➡️ 追求性價比嘅學生黨同小資女！ ➡️ 護膚步驟喜歡簡簡單單嘅人！ ➡️ 需要一支萬用打底精華嚟加強後續保養嘅你！ 一支唔會出錯嘅基礎入門精華，誠意推薦
<看全文>TY好用推薦：爽膚水質地，吸收得幾快，吸收完之後唔會覺得笠，有保濕效果。 夏天出得多汗我會用水洗一洗面再拍佢，或者倒啲落化妝棉直接抹面，等塊面感覺冇咁污糟。
<看全文>
lonia好用推薦：每逢戶外活動長時間曬太陽之後，皮膚就好容易變紅變乾，或者秋冬季節，日常護膚都不足以補濕嘅時候，就會敷mask幫皮膚補補水。 呢款mask價錢唔貴，所以屋企會長備作補水用。mask嘅前裁比一般mask闊，可以fit到不同面形大小嘅女生，完全cover到全塊面，同時非常貼面。敷上mask之後我會輕拍不同位置，幫助吸收精華液。敷完之後完全感覺到充足補水嘅效果，連帶膚色都有所提亮，皮膚當堂有一種水潤透亮感。
<看全文>Verna好用推薦：我用開這品牌的保濕爽膚水，覺得很不錯，所以對這保濕面膜也有點期望，而且它無香料無色素無酒精，敏感肌也可以用 洗完面後，我會首先用花水噴濕整塊面，然後才敷上面膜，我覺得這樣做的效果會更好。敷上面膜紙，就發現它的剪裁很貼面，而且敷的過程也沒有走位 看包裝，它的精華液有23g，我覺得份量剛剛好，拿出面膜紙後，袋內還有少許精華液，我會把它倒出來再搽上面，這樣也沒有水滴滴 敷了10分鐘，我就跟包裝說明拿走面膜紙，面上仍然殘留少許精華液，是透明有少許黏稠的，不過我也習慣過一過水，然後才搽上護膚品 我覺得敷完面膜後，皮膚立時變得水潤了，毛孔細緻了，連膚色也好像有點白淨了，我覺得可以當作急救面膜，而保濕效果也可以維持一兩天
<看全文>
natanatalie好用推薦：換季粒粒的救星❤️ 很多女生在轉季的時候都會因為天氣忽冷忽熱又濕又乾，而令到肌膚狀態很不穩定，會出不同的粒粒和暗粒，無論素顏和化妝都非常不好看！🥶 這款輕度杏仁酸就能夠幫到女生渡過轉季的難關了！我會在晚上洗完面後立即查這款杏仁酸，他的質地是有一點油油的感覺，我主要會搽在有粒粒的地方。用了幾天之後肌膚會變得平滑，而且粒粒也會很快消失！🫶🏻
<看全文>chasiutung好用推薦：我混油敏感肌 用Dr wu 杏仁酸沒有過敏 用8 ％依款無乜效果 可能係我之前有用過果酸所以需要濃度高d嘅杏仁酸先有效 18 ％嗰款特別愛用 因為我吾喜歡全臉都係油嘅感覺 所以我只會係有暗粒嘅位置同有黑頭嘅位置搽 剛開始用 會長痘 但好快謝 會有少少甩皮 之後會發現暗粒少左 皮膚變得乾滑左👍酸類黎講杏仁酸係比較溫和 同無咁快見效 不過用耐左效果真係好好 雖然杏仁酸溫和 但皮膚都需要建立耐受 剛開始先用8 ％ 一星期用一至兩次 之後皮膚適應左 可以日日用 用完一支之後可以考慮使用18 ％ 但18 ％吾可以日日用 一開始可以 一星期用一至兩次之後可以隔日使用 杏仁酸 油狀質地 雖然係油但吾係油冧冧嗰種 質感輕薄但使用後皮膚會略乾 甚至甩皮 要注意做好保濕同防曬 🫶 Dr wu 杏仁酸 價值吾貴 性價比高 值得入手👍推介
<看全文>
cheng2001好用推薦：Fit for 敏感肌❤️上臉出乎意料地舒服和非常輕盈！ 之前一直都有見到DR.WU玻尿酸精華，價錢親民但見評論…所以無試過，今次咁岩屋企有支DR.WU修護精華油出現左就一於試試佢🤣 我臉部屬於敏感易紅，容易乾燥變濕疹，自己都有用過角鯊成分既精華油，但用後感就係油黏，自己亦好怕，因為皮膚一油就容易發癢不舒服… 自己用法：水狀精華>DR.WU精華油>Cream 而且神奇在於這款用在臉部也很輕盈，不會黏笠，睡覺完全不用怕沾頭髮。 而且這款精華油除了吸收得快，用後皮膚亦有舒緩作用，完全不癢，摸上臉又覺得滑左好多，聞起來也有草本的香味（？）
<看全文>natanatalie好用推薦：大愛的急救修護精華❤️ 好滋潤嘅精華，一啲都唔刺激，性質好溫和，質地非常輕盈易推，唔會對肌膚造成負擔！🫶🏻 一搽上面，就感覺到直接俾到肌膚好強嘅保濕力，冬天最中意用佢。台灣買平過香港好多，台灣旅行必買！🤗
<看全文>
Poyobb好用推薦：之前工作因為壓力大手踭長出了乾廯，維持咗好多年都冇改善🥲試過市面上多個濕疹牌子嘅護膚霜，也不能治癒，而且對抗痕癢嘅功能也平平無奇。 Suubalm 既保濕乳、噴霧、沖涼液都有試過，對我嚟講最有效嘅係支噴霧，點解會試咁多？係因為見到新嘢就會即刻試，希望搵到隻啱用嘅令皮膚好返🫣噴霧嘅效果係超級見效，超快有薄荷冰涼感覺，反而會建議唔好噴太多，適量就可以，完全做到有即時止痕作用😻 佢嘅噴霧，除咗有薄荷成份，仲添加咗保濕護膚嘅效果，所以一支係有兩種功效，細細支好方便。 除咗濕疹、牛皮癬皮膚之外，夏天出國旅行、蚊咬或者突然間某啲位置脫皮都可以使用。可以去萬寧試一試，放咗tester出黎🫢
<看全文>Also melon好用推薦：間唔中都有皮膚問題，試咗佢嘅cream之後覺得幾好用，喺萬寧買咗Suu Balm噴霧，試完之後一樣覺得好好！佢有強烈薄荷味，夏天用特別清涼，噴落皮膚上好快就吸收，根本唔會有黐黐嘅感覺，而且仲有保濕滋潤感。因為噴完嘅位置會有冰涼感，感覺到皮膚舒服咗，止到痕！ 如果真係改善濕疹或者牛皮癬之類皮膚問題，一日要用幾次或者一痕癢嘅時候就即刻用。keep住用一段時間，明顯覺得皮膚冇咁紅，或者出粒粒嘅地方會慢慢退。我試過蚊咬完之後噴，都一樣止到痕，好舒服☺️
<看全文>
莓莓好用推薦：💮 Curel浸透保濕身體乳液 💮溫和抗敏・極潤修護 睇到成班敏感肌姊妹狂推呢支 #平價保濕神器 Curel浸透保濕身體乳液，話連BB同濕疹皮膚都用得，忍唔住買支返屋企試真啲！同大家分享吓用後感～ 💥 質地： 同一般濃厚嘅身體乳唔同，佢係奶白色嘅輕盈乳液，一推開就化水，好似同皮膚撳咗個快速補水掣咁！吸收速度超快，搽完那刻已經覺得乾燥手臂有層保濕膜，但係完全唔黏立立，即刻著衫都冇問題！ 🌟 真實用後感： • #甩皮救星 ：試過小腿乾到有白色紋，搽完第二日已經即刻平滑返，冇再「飛雪花」 • #敏感肌恩物 ：皮膚痕癢或者紅咗嘅位置，搽完即刻有陣涼浸浸嘅鎮靜感覺，冇再愈抓愈癢 • #冷氣房必備 ：每晚開冷氣瞓，朝早起身皮膚都依然保持水潤，冇乾燥緊繃感覺 💡 進階用法： ▸ 沖涼後趁皮膚仲有微濕，厚敷一層喺手肘、腳踭，5分鐘後輕輕按摩，粗糙位置會變柔軟 ▸ 如果化妝發現粉底唔貼服，可以混少少乳液入粉底，即刻提升貼服度，打造自然水光肌 ▸ 每晚用兩泵分量由下至上按摩雙腿，連續一星期，皮膚摸落去會明顯滑溜咗 真心推介俾成日覺得身體乳「又黏又立」、「唔吸收」同埋「皮膚敏感唔知用咩好」嘅朋友
<看全文>Kathy Wai好用推薦：前排天氣開始乾，對手腳好似有啲「蛇皮」咁，睇見都嚇親人。本身我皮膚幾敏感，唔敢亂用嘢，見好多人都讚Cruel隻保濕身體乳液，就走咗去買支試下。 一用真係好似搵到寶！首先，佢完全冇香味呢點已經大加分，唔會好似其他嘢咁，一陣化學味焗住好難頂。其次，佢個質地真係好得意，睇落好似係好「水」嘅乳液，一推開就變到好輕薄，好似瞬間俾皮膚吸咗入去咁，完全冇平時用身體乳嗰種黐立立、唔舒服嘅感覺。估唔到咁輕盈嘅質地，保濕力可以咁持久，第二朝起身摸落對腳都仲係滑捋捋，冇再因為乾而痕。 最緊要係，用咗佢之後，我手臂因為敏感而泛紅同痕嘅情況真係少咗。果然係專為敏感肌而設，溫和得嚟又真正做到保濕，以後轉季都唔使驚啦！一定會再回購！ #身體保養
<看全文>
kayla.me.me好用推薦：你有冇覺得肌膚新陳代謝變慢左!? 臉上缺水乾燥時仲會出現一條條細紋或乾紋? 其實當你臉上出現一條細紋時,肌膚底層已埋藏了數十條細紋， 所以要趁早開始抗老護膚,仲要從根源入手，選擇有科學根據皮 膚科醫生都推薦嘅產品。 OLAY呢款科研級 Retinol Pro 抗皺精華， 蘊含Retinol 成分不但有皮膚科醫生推薦,仲系BBC認可唯一真正可 對抗衰老嘅黃金護膚成分。 而呢款升級版Retinol Pro 嘅功效系高過傳統Retinol 1.4倍， 可以減淡表層細紋,抑制根源細紋形成。 臨床實證,連續使用 28 天便可减紋 20%。 試用一星期,覺得肌膚變得更水潤同嫩滑細緻。 臉上嘅細紋減淡左,系一支性價比高嘅精華。
<看全文>AmyAmy好用推薦：當初買佢係因為見到佢有一個套裝咁樣連埋個導入儀，想試吓效果係點樣🫣 整體上嚟講我覺得配合導入儀用嘅話好似感覺上真係吸收得好啲，滋潤度係OK嘅，但係未見到有其他嘅效果出現，例如皺紋或者係美白。 
<看全文>
Noel好用推薦：@cosme 出品的鮮蔬奇肌面膜，小小包十片裝，方便易用。因為這款面膜主打沒有香料，成份安全，加上 “佐賀白石蓮藕“ 有效保濕，所以就入手試試❗ 面膜的摺疊設計很用心，提取時沒有散開，又容易取出，值得一讚 👍 面膜精華液足夠，用第9、10片時，不會覺得精華液已抽乾，但如果可以再多點就更好！保濕度也不錯，能夠令皮膚水潤，更上妝。個人試用完十片，比較喜歡用於早上護膚，快快敷面5至10分鐘左右，為皮膚打底！晚上敷的話，會覺得不夠 nourishing🤔 而缺點就係我這個面大姑娘的煩惱，面膜紙眼位太近及鼻位開得有點小，敷面時難貼服呢😅
<看全文>LenaC好用推薦：面膜質地：日本國產 😍 非常透薄 精華液完全滲透面膜紙 亦好貼面👩🏻適合皮膚：敏感肌（無添加任何香料，色素，酒精及油分等致敏成分 ）/ 隱性乾燥肌 滋潤度: ❤️❤️❤️❤️(非常濃潤) 用後感：只需敷臉五分鐘 感覺立即補水 好滋潤 我平時一般洗面沖涼後 一邊吹頭 一邊敷臉 五至十分鐘左右已經可以 留咗喺塊面度既精華就輕輕按摩當美容液👧🏻👧🏻🫶
<看全文>
Kelvin好用推薦：Ettusais提亮保濕妝前防曬底霜SPF50+ PA++++ 防曬到最高，水潤易推開，有少少珠光粒子喺入面，有潤色效果及保濕功能，各方面都顧及到👍🏻👍🏻👍🏻 用咗一段時間，坐冷氣房全日底無乜甩。我試過配搭YSL恆持，cpb 鑽光粉底液，都融合得好靚，冇起碎碎。 而家嘅天氣，混合肌至乾肌都岩用。$155/35g 咁嘅價錢有依種質素好surprise，我會比滿分💮可以話係平替版cpb 長管（cpb 再保濕多少少） #火熱新品
<看全文>Julianna好用推薦：一開始買呢支都係抱住試下心態，因為我皮膚比較容易泛紅，搵一款有tone up功能嘅妝前其實幾難。點知第一次用已經有驚喜，佢帶淡淡粉紫色，推開之後會中和到啲泛紅位，令膚色睇落勻淨咗之餘又唔會死白。重點係佢夠輕薄，質地偏水感，保濕度中等，適合春夏用～搽完個底乾淨晒，之後上粉底或者碎粉都好貼服。有時出街快快手唔化妝，淨係搽呢支都夠見人。不過就唔係太控油，T-zone好易出油嘅人可能要補啲定妝。好鍾意佢係物理+化學混合防曬，保護力高但用落唔刺激，敏感肌都應該ok。係我近期妝前愛用品之一！
<看全文>
Wuxx好用推薦：早排唔知因為咩原因我皮膚突然一次過起幾粒瘡， 仲要幾粒都係石頭瘡！！世界級崩潰！！ 少出暗瘡又無做開Facial嘅我真係零個辦法，唔知點解決。 有日同朋友食飯，佢見我膚況咁樣佢都嚇親， 然後就介紹左我用DR WU嘅杏仁酸同玻尿酸精華。 依個品牌係台灣好出名我知道嘅， 但因為我用日韓品牌比較多，所以無點研究依個品牌， 所以今次就膽粗粗聽朋友介紹去入手試下， 點知又真係有驚喜！！ 用左杏仁酸三日，啲石頭瘡就姐哂，完全無再痛！！！ 真係十萬個謝天謝地，如果等佢浮腫應該有排痛！！ 由於我用完高濃度酸性精華， 所以我朋友叫我用完一定一定一定要做翻好保濕， 當然我都聽話，後續上翻層玻尿酸保濕精華。 依枝精華嘅質地偏濃稠，但滲透力高，唔黏漉， 亦都即時感受到皮膚有飲到水嘅感覺， 而且每次用完第二日皮膚都會有種自然光澤感～ 依兩枝精華配搭真係非常完美！！ 多得我依個朋友，我先可以咁快脫離石頭瘡嘅魔掌 希望依篇使用心得可以幫到有同樣問題嘅朋友～～** 質地偏濃稠，但滲透力高，唔黏漉！！
<看全文>Kpl6be6好用推薦：喺韓國入手～保濕之餘唔黏膩～感覺易吸收～為皮膚補水嘅效果好好～
<看全文>
LenaC好用推薦：這是我第一次使用日本”senka 專科“的”保濕化妝水 吸引我試既 係“Senka專科“全系列無酒精、無香料、無色素 啱晒我（敏感肌） 講講佢嘅保濕化妝水 質地水潤偏稠 特別適合乾性皮膚 做到持久長效保濕亦可以沾濕海綿當敷面膜使用 敷完覺得超水嫩 用後感：個人皮膚本身唔算特乾 佢呢隻超級水潤 輕輕多按摩幾下皮膚都好吸收 唔會好黐立立而且佢各種無添加 啱晒敏感皮膚使用 我自己用完呢隻爽膚水會省略之後既乳霜 因為已經夠晒潤 通常係平時week-end - 無街去 - 呆在家中 - 懶洋洋 - 乜都唔想做嘅懶人護膚 “routine“😅😂😂🤣
<看全文>Noel好用推薦：由於個人屬於大乾肌，但凡日系保養品中分了清爽／滋潤型，我都會毫不猶豫選購滋潤型，這枝專科保濕化妝水亦不例外😉 專科這個品牌值得信賴，使用過旗下多款產品，也沒有敏感或不適，加上價格實惠，超級推薦啊～ Senka Deep Moisture Lotion II (Rich) 呈透明無色，沒有香料，液狀質感，有點像啫喱水／精華水，比較濃郁＋稠。 這款保濕化妝水含： 💧天然絲繭精華 💧雙重透明質酸 整體的保濕力很好，我這個大乾肌 approved ♥ 而且保濕效果幾持久，第二天早上都仍然感覺滋潤👍 Moisture Lotion ll 塗到皮膚上會快快被吸收，使用感良好。就個人護膚習慣而言，我喜歡塗兩至三次化妝水，才上精華素。奇怪的是，多塗這個化妝水的話，吸收速度會變得比較慢，感覺膩了點。 所以使用這枝化妝水時，我會有不同 routine： 1️⃣ 潔面後快快為皮膚補水（拍1次） 2️⃣ 用紙纖化妝棉濕敷全面當作面膜（大量） 以冬日護膚＋補水而言，方法2️⃣非常值得推介，就算濕敷用量大也心痛✔ #冬季保養
<看全文>