DR.WU

杏仁酸亮白煥膚精華18%

雖然踏入❄️冬天，但係煥膚一定唔可以偷懶！ 冬季天氣乾燥、肌膚相對敏感，好多人都會忽略咗去除角質嘅重要性，只係着重保濕。 呢枝含有18%杏仁酸嘅產品，不但一年四季都可以用，喺冬天更加能夠進一步協助已經乾死咗嘅皮膚、以及角質層加快去除，加速新陳代謝，令皮膚重新變得嫩滑！👆🏼產品相當流質，用完唔會覺得好油膩，完全冇負擔感 一開始使用嘅時候會感覺到輕微刺痛，我嘅偏油性皮膚大約用咗兩星期適應，雖然產品說明教一星期用兩至三次就已經可以，不過基於我皮膚已經適應產品，現在一星期七日使用都冇問題~ 大約一星期後，就會明顯見到角質層開始脫落，大約兩至三星期，新一層皮膚就會浮面，變得乾淨嫩滑~ 👆🏼剛剛開始脫皮嘅時候，就會出現呢種情況，見到白色嘅皮屑 相比一般磨砂膏，利用酸性去除角質，自己覺得效果更顯著！不過產品特別之處係需要喺爽膚水之前使用，否則的話，保濕產品同杏仁酸結合，就未能夠發揮最好嘅作用。 冬季要有好皮膚，不能只靠保濕，去除角質都好重要~ 呢個系列另外有較溫和嘅版本，含有8%嘅杏仁酸，適合乾性肌膚，如果較易敏感或者皮膚比較乾嘅朋友可以考慮~

DR.WU杏仁酸精華用後感｜溫和刷酸！暗粒閉口拜拜！ 忍唔住要同大家分享呢支寶藏精華——DR.WU 18%杏仁酸亮白煥膚精華！對於成生暗粒、閉口嘅我嚟講，真係相見恨晚！ 簡約專業嘅樽身，滴管設計好容易控制分量，衛生又方便。 點解揀佢？ 聽講杏仁酸相比其他酸類溫和好多，而且呢支專為亞洲肌膚設計。我係混合敏感肌，用咗之後覺得真係唔會點刺激，好安心！ 質地係透明水狀，非常清爽，搽上臉好快吸收，唔會黏膩，油皮用都零負擔。 效果點樣？ 最驚喜係用咗大概兩星期，額頭同下巴啲「磨砂感」暗粒平伏咗好多！皮膚摸落去滑溜咗，冇咁易阻塞出暗瘡。而且膚色睇落均勻咗、有光澤感！ 用之前皮膚有啲暗啞同細細粒嘅閉口，用咗一段時間後，皮膚平滑咗同光亮咗！ 使用心得同注意事項： · 頻率好緊要！ 新手建議由隔晚開始，等皮膚建立耐受性。 · 一定要加強保濕！ 用完之後我會搽保濕力強嘅面霜。 · 日頭必須防曬！ 刷酸後唔做防曬好易反黑，切記！ 總括來講： ✅ 優點： 溫和去角質、有效對付閉口暗粒、膚色更亮白 ❌ 缺點： 要建立耐受性、必須配合保濕防曬 咩人最啱用？ ➡️ 成日有暗粒、閉口煩惱嘅

我嘅皮膚角質層較厚好容易出粒粒，dr wu杏仁酸由讀書開始用👩🏻‍🎓依支係新包裝18%杏仁酸，質地比較水劑，輕微發酵味道，泵頭型都好衛生，晚上瞓覺前先會用。 如果有傷口會搽上去一下會有刺激感🤣杏仁酸對於你啲皮膚有好多暗粒嘅情況下，你用佢會慢慢退，但係要時間，around 2-3日，呢個係最見效嘅功能👍🏻 如果有暗瘡，係有催熟功能，其實佢單用效果冇咁大，如果將佢用完之後再用其他祛痘產品會更加強效（eg阿達帕林），粒粒第二朝就真係會變熟、傷口變乾。如果想直接用酸去暗瘡，建議用水棉酸最快，不過較刺激🫶🏻 如果想純粹收毛孔、光滑皮膚，我就唔係好覺得有感覺，同係酸類精華既ysl夜皇后有效果好好多。另外想去暗瘡印痘印的話，杏仁酸對美白方面冇效果，要額外再用美白精華💭 即使18%都好溫和，同埋我覺得單用係冇乜效果，佢要配搭其他產品嘅效果先會發揮得最大🫢

回購足五六年、從來唔會換嘅常備單品，DR.WU呢支18%杏仁酸精華，絕對係我心中刷酸界永遠嘅神，用過咁多同類型產品，始終都係佢最對我皮膚，一直無限回購唔捨得換！ 先講質地，完全係清清爽爽嘅水狀質地，流動性超強，完全唔係黏笠厚重嘅精華質感，上臉塗開之後超級清爽，一啲都唔笠、唔悶膚、唔會有黏糊糊嘅負擔感，油皮混油皮夏天用都完全無壓力，膚感真係無得彈！ 平時使用頻率我都控制得好好，每星期用2-3次就足夠，夏天出油多嘅時候，專門用係T區位置，輕輕滴幾滴拍上臉，推開之後秒速吸收，滲透得超快，完全唔會積係皮膚表面，堅持用落來，收細粗大毛孔、整理粗糙老廢角質嘅效果超明顯，T區出油都會變少，皮膚摸起上來滑溜又細緻。 到冬天或者生理期前後，皮膚好容易爆姨媽痘、閉口粉刺，我每次都係局部點塗，只係滴1-2滴，精准塗係爆紅腫痘、長閉口嘅位置，唔需要厚敷，輕輕塗勻吸收就得。用落來超溫和唔刺激，紅腫發炎嘅痘痘，消腫退紅速度快超多，唔會越變越腫痛，關鍵係痘痘消退之後，幾乎唔會留深色痘印、色素沉澱，呢點真係完勝其他刷酸產品！ 佢對付老廢角質、閉口粉刺、頑固痘痘嘅清潔力、調理力真係超在線，溫和又有效，唔會過度剝脫

Dr Wu 18%杏仁酸精華 —— 用後感（真人實測，冇濾鏡） 膚質背景： 混合肌，T字位長期油到反光，下巴粒粒此起彼落，鼻翼兩側粗糙到上粉必裂。 頭三日： 第一晚搽上臉，「那」到想爆粗，尤其鼻翼同下巴位，好似搽火酒咁，但等兩分鐘左右就消退。跟住跟足指示——化妝水後、全面乾透先上酸，等兩分鐘再搽B5 cream收尾。 第二朝起身，塊面滑咗一個級數，鼻頭啲黑頭好似浮咗出嚟，用棉花棒輕輕一推就甩。但代價係——鼻翼輕微脫皮，上防曬有少少「擦紙膠碎」。 第一週： 額頭開始爆幾粒細暗瘡，唔係大膿包嗰種，似係底層粉刺被推上嚟。呢個時候好關鍵——忍住手唔好唧，繼續隔晚用，大概第5日嗰幾粒就平返，仲快過平時自己謝。 出油量明顯減少，以前朝早吸油紙要用兩張，而家一張都只係半透明。 第二週： 最明顯係下巴粒粒幾乎清零，摸落平滑到有啲唔慣。毛孔睇落細咗，但唔係「收毛孔」嗰種，似係入面舊角質清走咗，視覺上縮細。 但代價嚟喇——面頰輕微泛紅，尤其如果當日搽過防曬又出汗，會有少少㷫。解決方法：只搽T字位同下巴，面頰避開，用剩低嘅精華液輕帶過就算。 總結： · 效果： 真係Work

DR.WU呢支18%杏仁酸真係暗瘡粉刺肌嘅救星！我本身鼻頭同下巴好多閉口粉刺，摸落去一粒粒好唔平滑。用咗呢支杏仁酸大概一個星期，粉刺明顯少咗，毛孔都乾淨晒，塊面滑捋捋。佢質地係水狀，搽上去好快吸收，唔會油膩。雖然濃度有18%，但杏仁酸本身比較溫和，我敏感肌用都冇話刺痛或者脫皮，當然第一次用要建立耐受。最鍾意佢用完之後，暗瘡印都淡得快啲，整體膚色均勻咗。用完記得要做好保濕同防曬。價錢以醫學品牌嚟講算合理，一枝都用得兩三個月。總括嚟講，想溫和煥膚、解決粉刺暗粒，呢支杏仁酸真心推介！

精華質地水潤易推，吸收快冇黏膩，夜晚用完朝早皮膚滑溜咗少少。粉刺同閉口代謝加快，毛孔細緻咗啲，膚色提亮有光澤。 雖然濃度高，但冇大刺痛或紅腫，保濕都夠，但乾紋位要加強後續保濕。效果穩陣唔爆快，適合想溫和煥膚嘅人，記住要防曬！

台灣品牌DR.WU 一直出名杏仁酸，呢個18%嘅杏仁酸濃度，親膚性好勁，專門可以針對角質層，幫你有效去除表面嘅老舊角質，而同時都可以幫你疏通毛孔。 佢主要成份包括高濃度杏仁酸、B-聚葡萄醣體、大分子玻尿酸，以及一啲亮白修護精華Biophytex。用途上，呢支精華都係用嚟代謝角質同緊緻毛孔。 我習慣夜晚喺化妝水後，先塗喺有痘印嘅位置同皮膚凹凹凸凸嘅位置，等佢10分鐘之後，先至再搽其他精華、面霜。感覺痘印真係有變淡，同埋皮膚變平滑。 其實我一開始都有啲擔心18%會唔會好似個果酸咁有刺痛感，但點知完全冇！用落去真係好似普通嘅精華咁，質地偏稀，滲透力非常高，吸收晒後完全唔黏，作為護膚打底非常好！ 18%濃度記得要隔日用，如果每日用係會甩皮。我用咗幾日之後額頭同下巴啲凹凹凸凸暗粒已經好好多，皮膚摸落去滑滑地，皮膚乾滑晒。

早排唔知因為咩原因我皮膚突然一次過起幾粒瘡， 仲要幾粒都係石頭瘡！！世界級崩潰！！ 少出暗瘡又無做開Facial嘅我真係零個辦法，唔知點解決。 有日同朋友食飯，佢見我膚況咁樣佢都嚇親， 然後就介紹左我用依隻精華。 依個品牌係台灣好出名我知道嘅， 但因為我用日韓品牌比較多，所以無點研究依個品牌， 所以今次就膽粗粗聽朋友介紹去入手試下， 點知又真係有驚喜！！ 用左三日，啲石頭瘡就姐哂，完全無再痛！！！ 真係十萬個謝天謝地，如果等佢浮腫應該有排痛！！ 其實上臉前都有啲擔心佢會有刺痛感， 點知又無，就真係好似普通精華咁， 而質地偏稀，滲透力高，無黏漉，非常舒服！！ 因為佢都算高濃度酸性精華， 所以我朋友叫我唔好貪快日日用， 一定一定一定要隔日用， 而且每次用完都一定一定一定要做翻好保濕， 所以我就聽話入手埋DR.WU嘅另一枝玻尿酸保濕精華～ 多得我依個朋友，我先可以咁快脫離石頭瘡嘅魔掌 希望依篇使用心得可以幫到有同樣問題嘅朋友～～**質地偏稀，滲透力高，唔黏漉，非常舒服！！

使用 DR WU 杏仁酸後，出油量明顯減少，粉刺與毛孔問題也有所改善。肌膚變得平滑細緻，質地清爽不黏膩。建議新手一開始試用8%，18%會太刺激，而且一星期用兩至三次，建議晚上使用。 一開始用會有脫皮情況，上妝都會一撻撻，及後皮膚適應後變得嫩滑緊致，推薦大家使用。

用錯防曬搞到下巴位一粒粒😵‍💫😵‍💫 呢支精華對付粒粒好有用🫰🏻 佢質地係水狀，但有d油油地.. 由於本人好抗拒油膩感覺既護膚品，所以只會用在有粒粒既位置上 出粒粒既當晚卸好妝 點幾下上面，第二朝摸上面已經小左一半粒粒🫶🏻 第二朝早搽完日常用精華，又點幾點，當晚沖涼已經淨番2-3粒，效果好好！

一直受到黑頭同毛孔粗大嘅問題困擾，士多啤梨鼻真係上primer係遮唔到😣，睇咗好多網上分享之後入手了呢枝serum，並按官網指引「做2休1」，在晚上使用爽膚水前使用，用了半枝發現黑頭真係少咗啲，希望繼續用可以改善埋毛孔粗大嘅問題💕

皮膚狀態：混合偏乾(T字位出油） 呢一支已經係我第三支dr wu嘅杏仁酸 最近轉季我又多咗d痘痘 ［之前打算試下新牌子就係屈x氏買咗dxxma lxb嘅杏仁酸5%試 但係完全冇效果 連續搽幾日d 痘痘同角質都係冇乜變化 只有少少脫皮 真係好心up］ 可能係我皮膚建立咗耐受 所以5%可能太溫和 要用多

我混油敏感肌 用Dr wu 杏仁酸沒有過敏 用8 ％嗰款無乜效果 18 ％依款特別愛用 因為我吾喜歡全臉都係油嘅感覺 所以我只會係有暗粒嘅位置同有黑頭嘅位置搽 剛開始用 會長痘 但好快謝 會有少少甩皮 之後會發現暗粒少左 皮膚變得乾滑左👍酸類黎講杏仁酸係比較溫和 同無咁快見效 不過用耐左效果真係

呢一隻精華液游出幾隻版本，其中之一呢一款18%含量嘅版本，適合偏油性嘅人用。佢仲有15%限量嘅版本適合乾性嘅人用。我已經用咗幾枝。佢可以解決暗瘡色素沉澱毛孔問題，但係用去嘅話之後一定要做好保濕，如果唔係嘅話就會好乾。  （官網提供）7天擊退肌膚瑕疵、煥然一新！首度將刷酸概念帶入居家煥膚保養

杏仁酸18%可以令石頭暗瘡或初生暗瘡可以快速排走膿頭，令暗瘡快速痊愈，買枝放係屋企以防不時之需

- 18%黃金濃度杏仁酸，以優越的親膚特性，精準針對角質層全面作用，有效去除表面老廢角質堆積，同時深入疏通堵塞毛孔，有效終結粉刺、緊緻毛孔， - 主要成分：高濃度杏仁酸、B-聚葡萄醣體、大分子玻尿酸、亮白修護精萃Biophytex。 - 用途：代謝角質、緊緻毛孔。 - 我係夜間係化妝水前先塗係痘印位

我本身皮膚狀況：中性肌，T字位易出油多黑頭 我用18%杏仁酸基本上無任何敏感刺痛 大概一星期用2次 每次夜晚用，搽過夜 冬天會額外搽少量面霜 第二朝洗完面明顯見到smooth左同明亮左 已經用緊第3支 會再回購🤓

全靠dr wu由油皮敏感痘痘肌變油皮， 定期用18對角質做下代謝，建立番健康屏障。 但佢對痘痘粉刺肌有最明顯嘅功效，但毛孔同埋痘印問題就冇太大作用。 利申 爛臉時期用8%開始刷酸，到後期先用到18%

本人係痘敏肌，下巴尤其愛生痘痘(｡ ˇ‸ˇ ｡)由於皮膚敏感，唔係好敢用酸，但呢枝Dr.Wu嘅杏仁酸亮白煥膚精華就唔同，係專為乾燥及敏感肌量身打造↖(^ω^)↗可以溫和調理老廢角質，疏通毛孔內嘅廢物，搽完第二日，粉刺暗粒就會馬上走曬出黎，堅持用多一兩日就會消除㗎啦(*^_^*)