找產品
泛紅 推薦好用產品
103 件
莓莓好用推薦：最有效修護嘅面霜，皮膚屏障受損泛紅急救❗️❗️ 百零蚊一大罐，竟然可以拯救我嘅敏感爛面？今次同你實測呢罐被喻為『平民救星』嘅CeraVe面霜，睇下佢係咪真係咁萬能！」 佢質地好似雪糕咁，潤得嚟又唔黐立立，上臉唔會好厚重，而且吸收得超快。主打強效修護 + 高度保濕！用咗一段時間，塊面真係嫩到癲！仲好Q彈！！泛紅敏感位都慢慢淡咗落去。平日用未必好覺，但塊面一『發脾氣』敏感，用佢實鎮壓得住！ 今晚我刷酸刷過咗龍，刷咗兩個幾鐘，結果搞到屏障受損。一開始塊面刺刺痛，跟住開始變紅兼火辣辣咁疼。屋企又冇修復急救面膜，唔知點算好，求其拎咗適樂膚嚟厚敷。點知效果咁誇張，半個鐘唔到就退紅，塊面都唔痛啦！ 使用前：使用後： 如果你灼傷得唔係好嚴重，好似我咁泛紅同刺痛，可以試下用呢個方法急救。 就快冬天，如果妳塊面容易『高原紅』同爆拆，真係要早啲入定貨。而且成分簡單，冇香精、酒精呢啲嘢，爛臉期都可以放心用！！
<看全文>Lydia好用推薦：CeraVe Moisturising Cream 長效滋潤修復霜 — 乾肌救星，但油痘肌要留心✨ 質地： 呢款面霜嘅質地偏厚身，好似雪糕咁， 雖然望落好濃稠，但推開之後其實比想像中順滑。 擦完之後皮膚會有一層薄薄嘅保護膜感， 保濕力好持久，對於容易乾燥、甩皮嘅位置， 即時滋潤效果好顯著。 效果： 如果係天氣凍或者轉季，皮膚乾到發紅、甚至有啲痕嘅時候，用佢嚟厚敷或者當晚霜真係幾舒服， 可以好快令皮膚穩定返，唔再覺得繃繃緊。 而且佢無乜香味，成分感覺幾簡單直接， 用喺身體乾裂嘅地方（例如腳踭、手肘）效果都好理想。 缺點： 不過對我呢類間中會生暗瘡嘅皮膚嚟講， 呢款 Cream 嘅密封感可能強咗少少。 如果喺濕熱天氣或者爆瘡期間用， 會覺得透氣度一般，有時甚至覺得稍微塞毛孔， 令暗瘡好似謝得慢咗。 所以我覺得佢比較適合純粹乾性、或者受損緊嘅皮膚，油痘肌建議局部用喺乾位就好。 總結：乾燥天必備嘅穩定型面霜，性價比高 CeraVe 呢款修復霜係平價大碗之選， 針對乾癢同補水真係好稱職， 只要避開爆瘡位置或者揀啱天氣用， 算係屋企常備嘅一支「安心霜」✨
<看全文>
Chloeincosme好用推薦：呢枝Kiehl’s Facial Cream 係前排Sogx 特價果時買😂 呢款經典保濕霜網上評價好壞參半，今次親身用落，終於明白點解咁多人中意！ 🤍 保濕力：3.5/5 質地柔潤但唔厚重，推開後好快吸收，形成輕薄保濕膜，但我全晚開冷氣嘅話會有少少唔夠保濕🥲🥲 🤍 質地吸收：4/5 延展性好高，少少份量就夠搽全面，按摩兩下已經食入皮膚～ 🤍 溫和度：4/5 冇香料酒精，敏感肌用落零刺激，轉季期間皮膚穩定咗，冇再無故泛紅～ 🤍 適用性：4/5 混合偏乾肌同混合肌用啱啱好，但極乾燥天氣可能要疊加精華油先夠力；油肌夏天用可能覺得有少少潤～ PS.有人話用佢用到爆痘，但我又冇！介意既記得去睇佢個成份表/ 拎sample先！ 總結： Kiehl’s呢支面霜係穩陣嘅日常保濕之選，尤其適合混合偏乾至混合肌，或者身處冷氣環境嘅人～ 不過岩我既面霜太多，佢我就未必回購！
<看全文>Tszki好用推薦：Kiehl's 第三代面霜即為其皇牌產品 Kiehl's 特效保濕乳霜 (Ultra Facial Cream) 的全新升級版本。 輕盈不黏膩質地，吸收速度快，適合早晚使用。改善乾燥脫皮的效果顯著，令肌膚柔嫩。但在極端乾燥環境下，可能需要疊加精華液；而油性肌膚在夏季可能會感到稍顯滋。 新配方能滲透肌膚表層達 15 層，提供更深層的補水。此面霜能在 1 小時內 開始修復肌膚屏障，並在 2 小時內重建屏障功能。保濕力由原先的 24 小時延長至 72 小時，能有效防止水分流失並舒緩泛紅乾癢。堅持無添加酒精、香料、色素、礦物油及 Parabens 防腐劑，適合包括敏感肌在內的所有膚質。
<看全文>
chasiutung好用推薦：Origins靈芝菇菌精華水 水狀質地 質地吾油好清爽 容易吸收 有淡淡的中藥味 (味道可以接受)我係混油敏感性皮膚 當我長閉口 長痘同皮膚過敏嘅時候就會用佢 我會用靈芝菇菌精華水倒落化妝棉到濕敷5到10分鐘左右 第二日 痘痘就會消腫  敏感第二日都退得7788 真係萬試萬靈 💓同埋日曬後皮膚又紅又熱嘅時候 用佢濕敷降紅效果都非常不錯的 依支係我回購最多次嘅化妝水 真心推介比油性肌混油肌同痘痘肌使用💕
<看全文>Kaze13579好用推薦：從舊版到新版已經起碼用咗兩三支，每逢轉季都會皮膚敏感，偶爾發濕疹嘅我，見到皮膚開始起紅點，發紅甚至開始甩皮，我就一定會用佢，甚至用佢濕敷。效果真係好好舒緩到敏感，又唔會好揦更加刺激到敏感嘅皮膚！最重要係性價比非常好！屋企長期都會有貨，以備不時之需！推介俾皮膚容易敏感嘅朋友！
<看全文>
Kitty 好用推薦：我係混合性肌膚，T字位出油，但面頰有時會好乾，尤其係轉天氣或者開冷氣瞓覺之後，塊面會黐立立但又覺得繃緊，好麻煩。 質地同氣味： 個包裝已經贏咗，有質感又方便攜帶。入面嘅cream質地超柔潤，搽完好軟滑舒服，有滋潤感。因為小朋友都可以搽，應該冇加咩香精，氣味方面冇乜特別。 用後感覺同效果： 1. 即刻飲飽水感： 搽上面嗰一下，第一個感覺就係好潤澤，但完全唔會立！佢好似一秒鐘就俾塊面吸收咗，皮膚即刻變得軟熟咗，摸落去滑捋捋。之前面頰乾到有啲甩皮，用咗佢之後，啲乾紋即刻冇咁顯眼，好似飲飽水咁。 2. 持久保濕，唔再外油內乾： 最驚喜係佢嘅持久度！以前用啲cream，朝早起身個T字位成面油，但而家呢種情況改善咗好多。佢好似幫我平衡返啲油水，令到皮膚狀態穩定咗，唔會再亂出油或者異常繃緊。開成晚冷氣，第二朝起身塊面都依然keep到水潤，冇摷住嘅感覺。 3. 膚色提亮，有光澤： 用咗一段時間，發現塊面冇之前咁暗啞，有種健康嘅光澤感，唔係油光嚟㗎！上粉底都貼服咗，冇再因為皮膚乾而起擦膠碎。 4. 係咪真係萬用？ 老實講，佢唔係一支神奇藥膏，唔會話用完乜嘢紋都冇晒。但係作為一支高級嘅日常
<看全文>🌸好用推薦：我係乾敏肌膚，最近見到呢一款討論度好高嘅全效修護萬用霜，就忍唔住入手。 其實就咁睇個包裝已經贏咗，外觀設計符合人體工學，單手都可以拎嚟用。包裝上面嘅灰色Dior logo 斜紋設計同佢哋嘅手袋如出一轍，加上有BLACKPINK 嘅JISOO加持，當然相當加分🥰🥰🥰 非常容易擠出，膏體嘅質地係白色，係清淡自然嘅味道，冇額外添加香料，對敏感肌非常友好。質地柔軟唔黏立，相當容易推開，搽咗之後好似有一層薄薄嘅保護膜包裹住乾燥嘅肌膚。我睇返個成份表，原來佢含有幫助舒緩同埋修復肌膚嘅積雪草提取物，幫助修復肌膚屏障。乳木果油、荷荷巴油成份做到深層補水、滋養肌膚。 最近個指甲邊緣有啲位，因為經常洗手嘅關係而爆開咗，正好用嚟試下新產品 使用前：用咗一星期後： 乾燥爆裂嘅指甲邊緣已經好返，膚質明顯滋潤細緻返好多。而且質感柔軟唔黏笠，迅速融化，查完之後可以即刻做其他嘢，唔影響生活。因為佢清爽嘅關係，所以一年四季都可以使用。
<看全文>
Lindabb好用推薦：CT粉底液 最近勁想買支高遮瑕粉底液，就入咗呢支！呢款係我咁多粉底入面最遮瑕、最有妝感嘅 ⭐️優點： -勁遮瑕，上完妝之後塊面望落好無瑕 -而且因為高遮瑕，特別出到彩妝嘅顏色，令到啲妝唔會因為同皮膚嘅油脂融合，而搞到顏色冇喺盤入面咁鮮艷透亮 -好適合化濃妝，或者突出大五官嘅妝（好出到五官嘅立體感同濃眉大眼個效果） -又或者係化種好搶眼、有攻擊性嘅妝（適合玩妝） ⭐️缺點： -對皮膚狀態比較揀擇，粉感會比較明顯 -因為高遮瑕，會好有粉感，鼻翼兩邊會見到好明顯嘅粉粒，呢個位嘅問題由上妝嗰刻就會出現 -對乾皮嚟講好易卡粉，搽唔勻 -半個鐘左右就會氧化變暗，但之後會 keep 住呢個色，不過唔使專登買白一個色號，佢本身色調已經偏白 -對油皮嚟講，出油量大同樣會脫妝，而且底妝暗沉會仲明顯 ⭐️小貼士 -如果有影相需要，可以喺上妝後半個鐘到一個鐘內影，嗰陣個妝最白淨最實淨 -出街嘅話可以考慮化完妝之後食個晏、瞇一陣，等塊面微微出少少油，嗰陣底妝同皮膚融合得最靚
<看全文>YYeman好用推薦：喺度同大家分享下我用Charlotte Tilbury粉底液嘅心得啦！✨ 我用嘅係佢哋出名嘅 Airbrush Flawless Longwear Foundation，以下係我個人用後感同小貼士： ⭐️質地同妝感 · 質地：偏向奶油狀，推開後好順滑，唔會太厚或太黏。 · 妝感：上臉係半霧面柔焦效果，好似自帶濾鏡咁，遮毛孔能力一流！唔會好似戴咗面具，有少少自然光澤。 ⭐️遮瑕度 · 中至高遮瑕：普通泛紅、暗瘡印基本上一層就遮到8成，如果瑕疵多可以局部疊加，唔會覺得厚重。 · 適合膚質：特別推薦俾混合肌至油肌，因為控油力唔錯；乾肌用之前要做好保濕，或者混合精華一齊用。 ⭐️持久度 · 長時間帶妝：我自己係混合肌（T字位出油），冬天用可以撐到8-10個鐘，只有鼻翼同額頭少少溶妝，用紙巾印一印就OK。 · 氧化問題：暫時未覺明顯變深色，就算出油後都keep到原本色號。 ⭐️優點 · ✅ 遮瑕力強但唔厚重 · ✅ 霧面柔焦效果高級 · ✅ 控油同持久度好 · ✅ 適合影相或重要場合 ⭐️缺點 · ⚠️ 乾肌可能覺得少少緊，一定要做好妝前保濕。 · ⚠️ 色號選擇要小心
<看全文>
Kitty 好用推薦：【實試分享】理膚泉 B5 精華 - 冷氣房救星！保濕力爆燈💦 夏天必備！ 最近天氣熱到爆炸🔥，成日要長駐冷氣房，塊面乾到好似沙漠咁，仲有啲位會繃緊甩皮... 真係好炆！聽人講La Roche-Posay 隻B5修復精華好勁，話保濕修復一流，專對付乾燥敏感。忍唔住手入咗支，用咗一排，真係要同大家講：嘩！真係得喎！冷氣房保濕救星非佢莫屬！ 💙 ✨ 重點感受：保濕效果真係超！級！掂！ 1. 即刻飲飽水嘅感覺💧： 支精華質地係帶少少杰身嘅半透明gel狀，推開係超！級！水！潤！。一搽上塊面，嘩，好似乾咗嘅海綿遇到水咁，咻一聲即刻吸晒落去！吸收得勁快，皮膚即刻有種飲飽水嘅滿足感，摸落去係軟熟咗、潤咗，但個表面係有種滋潤嘅清爽感！呢點對夏天嚟講真係超重要！ 2. 冷氣房長效鎖水💨❄️： 重點嚟啦！以前喺office/屋企長開冷氣，未到中午塊面已經乾到攝住，甚至會出少少乾紋。用咗呢支B5精華之後，情況真係大大改善！佢嘅保濕力唔係得個“即”字，而係好持久。就算對住部冷氣機直吹幾個鐘，塊面都keep住係潤澤有彈性，冇咗嗰種扯住扯住嘅乾燥感同繃緊感。佢入面有維他命原B5 (Panthenol) 同
<看全文>Yeonjung好用推薦：理膚泉B5精華💧 最近用晒理膚泉嘅B5精華，真心想推介俾有需要嘅姊妹們！💙 ✨ 主要功效 呢款精華嘅核心成分係泛醇（B5）同透明質酸，主打修復同保濕。泛醇有強效嘅修復同舒緩功效，可以快速紓緩皮膚乾燥同泛紅問題。而透明質酸就提供深層補水，令肌膚更柔軟有彈性。 🌸 使用體驗 質地有少少似精華乳，上面有少少黏稠感。 💧 使用方法 每日早晚洗面後，拎適量B5精華搽喺塊面同頸度，輕輕按摩到吸收。可以喺用之前噴一層水，會吸收得更快。 🎈 適合人群 乾皮同需要修復肌膚屏障嘅人都好啱用！就算你係油皮，都可以喺轉季嗰陣拎嚟急救用。 ✅ 總結 總括嚟講，理膚泉B5精華真係令人好安心。希望所有追求健康水潤肌嘅姊妹們都用得到佢～
<看全文>
Eun H好用推薦：使用了 Helena Rubinstein 黑繃帶面霜 一段時間，質地偏滋潤但延展性很好。皮膚乾燥或狀態不穩定時用，修護和舒緩感覺不錯，第二天皮膚會比較柔軟穩定。不過對我來說稍微有點厚重，建議少量使用或晚上用會更合適。整體是一款修護力不錯的面霜。
<看全文>Kmggigi好用推薦：HR Replasty 修復晚霜 — 高效修復，減淡泛紅細紋✨ 效果: 呢款晚霜嘅修復效果非常顯著， 使用後可以有效抑制泛紅同減淡細紋， 尤其適合需要修護嘅脆弱肌膚，幫助重建健康膚質。 雖然晚霜本身滋潤度唔錯， 但對於乾肌用家，如果皮膚屏障唔算好強， 建議搭配保濕精華一齊使用， 可以進一步改善乾燥問題，令修復效果更加全面。 總結：修復力一流，脆弱肌膚的完美選擇 HR Replasty 修復晚霜以強效修復力見稱， 能有效舒緩泛紅同減淡紋路， 對於需要修護嘅肌膚非常適合。 如果你係乾肌，用前搭配精華使用， 就可以更好發揮晚霜嘅修復力量，絕對值得一試！
<看全文>
Poyobb好用推薦：首先有陣好淡難聞嘅味道，藥水味？消毒藥水味？醫院嘅味道😅 透明流質狀，比一啲煥膚酸精華冇咁黏立咩，亦都無暗瘡膏咁厚身。已經冇再買暗瘡膏好幾年，我當暗瘡膏用，於化妝前薄薄地喺暗粒位置搽一層，都吸收得幾快，覺得冇咁容易化完妝令到暗瘡/暗粒位置變嚴重。 但如果要快速去暗粒，會建議用返佢隻水楊酸洗面，洗2-3日已經有效果，超級work。感覺要一齊配搭使用效果會最快。另外去印效果又唔算太明顯，唔係好見到個定位🤔 #火熱新品
<看全文>Fng好用推薦：CeraVe Blemish Control Gel：混合偏乾肌的化學煥膚雙面刃 這支以水楊酸（BHA）為主軸的暗瘡凝膠，在開架護膚中展現出罕見的配方精準度，但對熟齡混合偏乾肌而言，卻是極需技巧的。 配方解構：科學與風險並存 ➡️AHA (甘醇酸+乳酸); BHA (2%高濃度水楊酸)：溫和代謝角質，精準打擊黑頭閉口 ➡️3種神經酰胺+煙酰胺：修復屏障同時抗炎，緩解酸類刺激 ➡️無酒精香料：減低額外致敏風險 ▶️相比同價位The Ordinary水楊酸精華的單一粗暴，CeraVe以屏障修護成分實現 先破壞後建設 的智慧配方。 實測體驗： 在濕熱夏日，其清爽凝膠質地確實零負擔，T區毛孔視覺收細效果驚人。但兩頰偏乾處即使用保濕霜打底，連續使用3天仍出現輕微肉眼可見的脫屑——證明其「控油力」對熟齡肌實為過度剝脫。 同價位 比較： •勝La Roche-Posay Effaclar：溫和度更高，但爆發性大痘無能為力 •敗Paula's Choice 2% BHA：後者分層滲透技術明顯更適合熟齡肌 💥注意點： 1. 勿與A醇/維C疊加，否則必爛面 2. 日間必須使用防曬係數SPF50+
<看全文>
jhope0725好用推薦：❄️冬季護膚，必定要做好打底！ 呢支係我嘅冬天恩物，因為我本身皮膚相對油性，雖然話冬天天氣乾燥，但如果冬季疊加太多層護膚品，仍然容易出現油脂粒，所以底層護膚一定要做好，就可以確保之後唔需要用過多護膚品，鎖住水份。 我自問用過唔少保濕精華液，但AHC呢枝做到長效保濕，晚上使用，起碼到第二日早上都唔會見到乾紋出現，保濕效果維持8-10小時，問題不大。☝🏻冬天洗完面真係會乾到脫皮☝🏻用完產品2分鐘後，會見到皮膚明顯出現光澤 產品質地相對厚身，上面後要留待2分鐘左右，待完全吸收之後再疊加其他薄身嘅油性護膚品，就能夠基本做好冬季護膚~
<看全文>布吶吶好用推薦：AHC B5保濕精華－冬季護膚必備！❄️ 最近天氣真係凍到呢～皮膚乾到繃緊，仲有少少甩皮！即刻開咗支AHC嘅B5智慧保濕精華嚟急救，用咗兩星期，真心要同大家分享下呢支「冬季保濕神器」！ ✨ 質地同吸收度： 透明啫喱狀，推開好水潤，冬天用唔會黏立立！我通常按兩泵就夠搽全面，輕輕按摩10秒已經吸收晒，後續再搽面霜都唔會搓泥。對於怕厚重嘅我嚟講，呢個質地喺冬季護膚步驟入面簡直係完美打底！ 💦 保濕效果實測： · 即時效果：搽上面嗰刻已經覺得皮膚「飲緊水」，乾燥繃緊感即刻舒緩咗好多！ · 長效保濕：開住暖氣瞓覺第二朝起身，面頰竟然冇「乾到實」嘅感覺，摸落去依然軟滑。冬天咁乾燥嘅環境下，佢個鎖水能力真係交到功課！ · 妝前打底：而家冬季化妝前我一定會用佢，底妝貼服好多，冇再出現爆皮卡粉嘅尷尬情況～ 🌿 成份同溫和度： 主打維他命B5同透明質酸，冇酒精冇香料，我敏感肌用咗都完全冇刺激。冬季護膚最驚就係用啲刺激產品令皮膚更乾更紅，呢支精華溫和得嚟又有效，抵讚！ 📌 使用心得總結： · 適合時機：乾燥冬天必備！尤其係朝早同夜晚嘅基礎護膚步驟 · 推薦用法：潔面後先用化妝水，再上呢支精華（可
<看全文>
橘子貓好用推薦：UltraSensitive Repair Intensive Source Mask 為敏感肌專門研發的面膜，面膜的精華液含有SymSitive、積雪草提取物、維他命B5和透明質酸。 面膜有一定的保濕功效，舒緩絳紅功效則見仁見智了。每次我過敏時用，感覺這款面膜的降紅效果不太明顯。 另外面膜紙使用了可生降解棉，環保理念上是不錯的。但使用感真的十分一般，面膜太過柔軟，容易拉扯變形，對精華液的承載量也不太高，我在敷面膜時，下巴位置已經有精華液會滴落。 在眾多為敏感膚況而設的舒緩面膜中，有其他更好的選擇，這款不會回購了。
<看全文>Kitty 好用推薦：話說前排轉天氣，塊面又開始敏感泛紅，搞到妝都唔貼服😭 好多人推薦Eucerin呢款修復面膜，專登買嚟試下水！用咗幾次之後同大家分享下真實感受～ ✨質地同香味： 面膜精華液係清爽乳液質地，推開好水潤唔黏膩！無香料味，聞落有淡淡護膚品原料味（唔刺鼻），適合唔鍾意香精嘅朋友～ ✨使用過程： 敷上臉嗰陣有微微涼感，幾舒服～說明話敷10分鐘，但我試過敷15分鐘都無刺痛感（敏感肌表示感動！）沖水後無假滑感，摸落去軟軟嫩嫩～ ✨效果評價： 👉即時補水：⭐️⭐️⭐️⭐️（用完毛孔睇落細咗） 👉鎮靜泛紅：⭐️⭐️⭐️⭐️✨（退紅效果真嘅驚艷！） 👉持久修護：⭐️⭐️⭐️（要保持連續使用先明顯） 💡個人小Tips： 1️⃣ 如果爆痘期間建議局部試先 2️⃣ 放入雪櫃凍敷鎮靜效果加倍！ 3️⃣ 一週用2-3次就夠，唔需要日日敷 總結：性價比高（屈臣氏經常做優惠！），尤其適合換季/激光後護理～會回購❤️
<看全文>
Emily Leung好用推薦：【皮膚救星！✔️一按搞掂泛紅敏感！】 有冇人明每次生理期塊面就紅敏嘅痛苦！！！ M期荷爾蒙搞到個人超敏感 唔生性塊面一捽落去粗過砂紙 搞到個人勁焦慮啊啊啊😭 之前一直用開佢支靈芝水 敷面退紅滅痘真係無得輸 今次入手靈芝精華更加冇令我失望 ✔️抗紅敏鐵三角 赤靈芝+白樺茸+甘草根 組成抗紅敏鐵三角戰隊 3大路線打殘紅敏因子 由根源撲滅泛紅 抑制紅敏出現👍 ✔️獨家仿生屏障科技 又修到屏障又減低敏感 先幫皮膚補窿補罅 再起返座城堡幫塊面擋走外來刺激💪 佢係液體繃帶精華乳質地，真係好特別！ 搽上塊面好似貼多層皮 無形中形成咗層隱形修護膜 雖然成膜但係完全冇黏笠悶熱感✨ 而家經期皮膚敏感泛紅終於有解！ 平時夜晚護膚我都用佢 塊面只要稍微唔聽話好快就鎮壓返 第二朝起身塊面水嫩嫩💦 用多排之後發現 皮膚狀態定過枱腳！！
<看全文>Catherine 好用推薦：朋友介紹購買，用過之後，自己都覺得幾好用，皮膚有改善，有變白滑，沒有過敏
<看全文>
Kmggigi好用推薦：皮膚狀況: 冬天乾敏肌，夏天混合偏乾+少敏感 炎炎夏日，混合偏乾肌嘅我有時都會感到T字位有少少出油 同時太過熾熱嘅陽光都會令到兩頰有泛紅嘅情況 呢個時候我就會使用 SkinCeutical 色修精華穩定我夏日肌膚😆 色修精華質地清爽不含油份，流動性十分強 成份蘊含消炎嘅青瓜同埋抗菌嘅百里香， 具有消炎抗菌嘅效果，所以特別適合夏天暴曬之後引起嘅泛紅及出油嘅肌膚 另外佢有提亮膚色，減淡痘印嘅效果 我通常夏天出酒米或者有敏感就會使用佢舒緩面部敏感嘅情況， 持續搽兩至三日就更加會見到酒米消退嘅神奇效果！ 產品效果: 使用前見到膚況不太穩定，面頰有泛紅，出酒米嘅情況 持續早晚使用兩日後，面頰膚色明顯均勻翻，減少泛紅問題，同時酒米亦消退了七成！
<看全文>Fng好用推薦：Skin Ceuticals 舒緩修護精華液 Skin Ceuticals呢支同其他舒緩精華（如Kiehl's金盞花、Aesop香芹籽）相比，佢贏在配方針對性強——含百里香、黃瓜提取物，質地似清爽綠水，一塗瞬間降溫，即時鎮靜曬後泛紅同敏感✨ 熟齡混合偏乾肌實測：冷氣房內保濕力可維持6小時，面珠墩舒緩咗繃緊感，T位亦無出油加重。相比Kiehl's純保濕、Aesop較黏膩，呢支平衡水油同退紅效果更明顯，尤其夏天皮膚唔穩定時用，粒粒同泛紅兩三日就退晒～ 唯一缺點係價錢偏高，如用量省，一支用到三個月。持久修護力贏晒開架產品！ 推薦給：✔️ 易泛紅敏感嘅熟齡肌 ✔️ 曬後急需降溫鎮靜 ✔️ 追求長效維穩唔怕投資！
<看全文>
Poyobb好用推薦：冬季護膚❄️ 精粹水treatment lotion 質地水潤，因為我係混合性皮膚我好少用啲偏厚身嘅，呢支差唔多係唯一一兩支會用，重要厚得嚟唔會起暗粒。保濕好又吸收得快。用落會發現，除咗維持皮膚穩定之外，皮膚有變得更加光澤同水潤，仲有助減少乾紋同細紋🥰 好乾燥嘅日子，用少少Treatment lotion就足夠，在搽返少少La cream，上妝就已經好貼服。無論係日常或者急救用，個效果都好好。 用落真係會有感覺唔同，不過就偏貴啲，但值得投資。
<看全文>Yuki好用推薦：玻璃樽身 瓶口剛好 容易倒出適當份量活性水凝啫喱質感 流動延展性高 每次用4滴倒係手 輕按上面好快吸收 但對於乾肌泥講 修護液有d雞肋 不論春夏秋冬用 都唔係太保濕 只係感覺有d野搽左係面 近排去開專門店同BA講起 佢有教個方法可以加強保濕 就係4滴修護液加2泵保濕乳液 撈勻搽上面吸收後再加面霜 哩個方法係有改善到加強左保濕 但要額外買多一件產品去輔助 咁可能直接買支保濕精華仲好 或者揀另一款肌底液可能更加直接仲有2支30ml未用 已經轉送屋企人 產地：日本/美國/英國/德國 *每個批次都唔同 購入日期：2024-08-12 購入方式：La Mer website 原價：HKD1040/100ml (HKD10.4/ml) 回購：0/10
<看全文>
Fng好用推薦：Estée Lauder 微精華原生液 ✨ 優點： · 酵母修護力強：高濃度發酵精華，持續用毛孔更細緻，熟齡肌膚飽滿度提升，效果媲美SK-II神仙水但保濕更勝一籌 · 水潤膚感：雖是精華水但流動性高，拍上臉瞬間吸收，香港夏天用唔黏膩，後續精華更易導入 · 多功能打底：可當爽膚水、濕敷或打底精華，一瓶多用性價比高 ⚠️ 缺點： · 價錢偏貴 ($920/200ml)，同價位可選擇其他專櫃精華水 · 含酸類成分：極敏感肌可能出現刺痛，建議先試用 · 酒精促滲：部分人可能嫌酒精味明顯，但揮發快唔停留 🌞 香港夏天表現： 濕熱天單用已足夠保濕，冷氣房下可濕敷加強。用後皮膚柔軟有光澤，妝前打底令底妝更貼服持久。 💡 同級比較： vs SK-II神仙水：EL保濕度更佳，SK-II控油力較強 vs Lancôme極光水：EL溫和度更高，極光水去角質力較強 總結：專櫃精華水中的「全能選手」！適合香港夏天追求修護兼保濕的熟齡混合肌，但預算有限或極敏感肌可考慮其他選擇～💦 #EsteeLauder原生液 #微精華水 #熟齡肌保濕
<看全文>Suki好用推薦：這款微精華活膚原生液真的非常值得推薦！使用後肌膚的水潤感無敵棒，不僅輕盈好吸收，還能讓膚質變得細膩柔滑，完全是乾燥肌的福音～ 我每天早晚都會搭配化妝棉使用，輕輕擦拭臉部，能感覺到肌膚瞬間喝飽水，後續的保養品也更容易吸收。即使在換季或熬夜後，肌膚狀態不佳時，它也能快速補水並穩定膚況，讓肌膚恢復彈性和光澤。 最讓我驚喜的是，它不僅補水效果超級好，還有修復和增強屏障的功能，長期使用下來真的能感覺到膚質的提升！對於追求水潤透亮肌膚的人，這款活膚原生液絕對是首選！❤️
<看全文>
Tobimak好用推薦：呢隻Snow Fox出既mask我已回購了最少十次❤️ 我平時習慣將d mask放在雪櫃，敷上面時能做到收毛孔效果。呢隻mask敷上面會feel到有微微薄荷感，但並不會刺激到皮膚，而係有一種清涼既感覺。我有時皮膚會泛紅及過敏，甚至係打完laser，一有呢啲情況出現時我就會敷呢個mask，能即時feel到有舒敏、急救皮膚的效果。
<看全文>lingbb好用推薦：- 專係修護曬後肌膚，亦適合急救疲倦、泛紅、痘痘、曬後及激光療程後嘅肌膚。 - 網上話佢仲有「Hangover Mask」之稱， - 我自己就會係皮膚敏感太乾燥或者有痘痘時急救敷一敷，使用後肌膚因薄荷成份天然降溫、抗菌及預防痘痘和粉刺；皮膚都變得亮白，白咗一度，好精神嘅感覺
<看全文>
Izeliv好用推薦：尚未流行調色就擁有的老員工, 質地較厚, 需要時間推開，調色效果好，有遮蓋毛孔的效果, 令後續粉底可以選相對輕薄的。唯獨防曬係數不夠高。
<看全文>Kitty 好用推薦：Laneige紫色隔離霜，從舊包裝用到新包裝，差唔多用咗近十年啦～舊版質地比較厚身，新版就係乳液質地，對於乾性皮膚來講，滋潤度已經夠晒。我本身皮膚係混合偏乾，秋冬好多產品上妝會乾燥起皮屑，呢支真係一生極力推薦！👍 呢款隔離自帶防曬值，紫外線唔強嘅時候，搽完直接出街完全冇問題。夏天就要加多層防曬。我算係黃二白，平日出街防曬加Laneige紫隔離，再撲層碎粉，已經好足夠。唔知揀邊款調色隔離霜嘅姐妹們，可以試吓呢支～
<看全文>
楊壯碩好用推薦：#夏季必備保養 #夏季必備保養 #夏季必備保養 Laneige water bank blue hyaluronic cream 是我愛用的夏季面霜之一，我so far已經用了2樽，全部自費購入使用，自費回購。我的具體評價如下： 優點： 1、質感水潤輕盈，介乎cream與gel之間的質地，即便在潮濕悶熱的夏季使用也完全不會覺得油膩厚重，油性皮膚也不用擔心會「悶痘」； 2、補水保濕能力夠高，雖然是輕薄水感的gel cream質地，但足以抵抗冷氣房的抽濕功能，同時又不會令皮膚感到黏膩不透氣； 3、擦上面後很快吸收，吸收後膚質看上去很好很飽滿，有些許水光感，很又不會像disco ball一樣泛著油光，而是令面部皮膚持續性地看上去帶有透亮的自然光澤； 4、sits well under makeup，不會與底妝「打架」起「擦膠碎」。 缺點： 1、它的氣味很特殊，不是香的，不知道怎樣形容比較貼切，反正那不是一種宜人的氣味，但這種氣味並不濃烈，而是很淡的，擦上面後很快就聞不到了，所以也不算太bother我，有興趣買它的用家可以先聞一聞它的tester，確定自己可以接受它的氣味再買； 2、包
<看全文>Kelvin好用推薦：Laneige有三款保濕cream，呢款望落好似gel咁，搽咗上面之後其實質地係有啲厚身，但又唔會好似其他cream咁油膩，搽完上面冇咩油份，所以而家冬天用其實係幾啱，好似我啲男士皮膚又唔鍾意太笠嘅就好適合。 如果夏天就要用另外嗰兩款水啲嘅。佢嘅功效就係好單純嘅純補保濕，用完冇特別大驚喜，但皮膚又幾保濕，用完幾舒服😌
<看全文>