光澤遮瑕 推薦好用產品

Kirby好用推薦： 睇都相見到我用到Hit晒pan，我覺得非常好用！ 呢盒雖然係膏狀既4色遮瑕膏，但係好容易推開，亦唔會顯乾紋。我最常用係左邊上下用嚟遮黑眼圈，遮瑕力足效果亦自然。右下用嚟遮暗瘡，暗瘡印等等瑕疵。右上用嚟打亮鼻同眼角位。一盒有多種配搭使用，細細盒帶去旅行都非常方便。

Fng好用推薦：Addiction Skin reflect fresh concealer palette 四色遮瑕盤 # 001 比較啱皮膚偏白嘅人用🤍，左上係遮黑眼圈嘅 右上係highlight ，左下係提亮色， 右下可以用只遮啲小斑點/痘印，基本上一盒已經可以處理哂全部皮膚嘅瑕疵， 質地水潤，不會卡粉。

Catcmc好用推薦：係用過最好嘅遮瑕膏，之前已經試咗N咁多其他款，有啲遮唔到太深嘅黑眼圈，有啲又太乾，有啲又浮；最後發現呢個係最最最最最好，潤得來又唔會厚，但係又遮到！唔怪得知咁多人介紹

KDing好用推薦：呢款遮瑕都幾貼面，唔會喺眼底造成顯乾紋，黑眼圈調色嘅function都幾好

Fng好用推薦：ysl 明彩筆 ✍️ 質地與設計： 筆狀設計超精準，扭出嚟係水潤奶油質地，帶微微珠光。本來用開#2自然色遮黑眼圈，今次特意揀#1亮白色嚟做提亮。 💡 眼周提亮實測： · 遮黑眼圈：水潤唔卡紋，但遮深色黑眼圈要疊加 · 提亮法令紋：效果超自然，係真正「明彩」效果 · 唇峰打亮：即刻有嘟嘟唇感 總結： 一支創意與功能並重嘅多功能筆！依然係化妝袋必備嘅提亮神器。

Simona好用推薦：YSL明彩筆真係外表吸引，金管拎出街一拎即刻加分✨！ 遮瑕力一般，但用嚟提亮眼底同補妝一流，保濕度都幾好。 有時真係趕時間，上唔切遮瑕，用YSL明彩筆隨手一掃都即刻有精神啲！👍 提亮眼底氣色好咗，夠晒方便快捷。

Minnie Tse好用推薦：10年前都已經用梗 而家都keep 住2個色號，一深一淺 1號色用作highlight (例如淚溝，法令紋） 1.5號色用黎遮黑眼圈 金色包裝真的很靚

Noel好用推薦：YSL 明彩筆，當時超火紅，無人不曉！這個遮瑕膏版本可以用來遮下眼了，不只用作作提亮！遮瑕膏質感 creamy 又很保濕，又容易控制份量，自帶掃子，超方便👍

bibikiu好用推薦：含有養膚成份的遮瑕液。近期因為興水光肌，粉底液都係「光澤」finish。配呢支追光遮液就啱晒。遮瑕度十分高，用少少已經可以遮得很徹底，但又會好「實」色。輕輕推開會少少光澤。 如果你再將佢推薄少少光澤會消失變成啞色，但仍然不減遮瑕度。呢支遮瑕液全年四季都啱用。 十分推介！ #火熱新品

Fng好用推薦：我買N12，超級遮瑕又滋潤，同埋blend得好均勻，疊搽都唔會卡粉，水光肌妝效，遮掩了痘痘印， 自然地與底妝融合。#火熱新品

Circlecyy20好用推薦：質地比較乾身 一上眼底既時候都算唔錯 遮到大部分 但係時間長左就好易乾裂

Hamiii好用推薦：第一款用既遮瑕產品.. 專櫃小姐推介既 但我應該買左唔岩自己既質地同顏色 遮眼袋太乾啦.. 加上專櫃小姐用手同我試色，明顯買深左色 用左兩次就放棄左😮‍💨

natanatalie好用推薦：高持久度的平價遮瑕🫶🏻 我用的是03號色，第一個感覺就是色調非常貼合自然偏黃的膚色。它帶有輕微的橘調，能夠有效中和黑眼圈的暗沉，讓眼周看起來更精神。相比一些過白或偏灰的遮瑕產品，這個色號顯得更自然，不會突兀。😜 遮瑕力方面，它的表現相當出色。無論是痘印、鼻翼泛紅，還是眼下的暗沉，都能得到明顯修飾。成膜速度快，妝效乾淨俐落，即使不定妝也能維持數小時不脫落。如果搭配蜜粉或定妝噴霧，持久度更佳，幾乎能維持一整天。👍🏻 在保濕度上，它含有透明質酸、角鯊烷和膠原蛋白等成分，對混合肌或中性肌來說相當友好，不會卡粉或浮粉。不過，如果眼下特別乾燥，還是需要妝前加強滋潤，否則可能會顯紋。❣️ 值得一提的是它的刷頭設計。直徑極細的刷頭能精準點在痘印或細紋位置；而平面刷頭則適合大範圍使用，例如眼下或鼻翼。這種靈活的設計讓遮瑕更方便，既能細緻修飾，也能快速完成大面積遮蓋。🤤

Poyobb好用推薦：Visee產品間唔中有少驚喜，新出纖細持久遮瑕膏筆頭極細，3.2mm，綿頭比較集中，可做到細微遮瑕，好仔細👍🏻 我依枝係2號偏粉，適合冷白皮💕 遮瑕膏添加透明質酸，角鯊烷，膠原蛋白，有保濕度，無Maybelline fit me咁乾。 遮瑕力唔錯，我試上手遮痣都得。即使我是喺手上冇搽保濕base，遮瑕膏均勻冇cake ，從遮瑕膏中心向四圍blend開，乾透變matte身，再上返薄薄地碎粉定妝。我用黎點痘印幾方便🤣 #火熱新品

格仔餅公主好用推薦：平價版本嘅YSL明彩筆，質地真係同佢差唔多濕同埋潤身，唔會好乾所以懶懶地唔打底眼霜再直接用佢都okay

choichoi好用推薦：同類產品令我立即想起Etude House的出品，但相對E家，Excel 的質地更水潤不會容易造成卡粉感，海綿筆頭輕柔不會刺激皮膚，只是擠出分量時要好好控制及留意，否則會很難塗均勻；至於遮瑕度因為我用02自然膚色主要用以修飾膚色不均的地方，顏色不過於死實且帶點柔焦感，整體不錯，黑眼圈的話我能蓋過一點點，但眼袋當然就不能了

Lilyscl好用推薦：好處係夠水潤，遮眼底唔會乾。但遮瑕力唔算太強，要多少少技巧先遮到，或者要黑眼圈唔深先ok.

DorDor好用推薦：Cle de peau 的遮瑕筆很幼滑，遮瑕度也很好，遮黑眼圈遮得很好，會再回購。

Sanna Cher好用推薦：圖上為塗抹粉底前的遮瑕步驟。 選用產品melon色號，作為粉底前的遮瑕，若當日使用中性及暖色系粉底液，亦會使用產品作全面遮瑕。 比起一般眼底遮瑕，產品明顯偏向乳霜質地，無論使用延伸或輕壓的塗抹方式，都能快速融入於整體妝容。塗抹粉底後再次使用產品遮瑕局部地方，尤其是眼底黑眼圈，使用前後真的有效果之分。完妝照片，整體膚色狀態及膚色能夠提昇。

TsuenMa好用推薦：#遮黑眼圈 #undereyeconcealer Benefit undereye concealer #Bright On 💟色號選擇很豐富，由最淺色調嘅Lychee 到最深色嘅Clove，cover晒白皮至黑皮。 💝我呢隻揀左Cantaloupe，偏深小小嘅三文魚色，可以好好甘cover到黑眼圈嘅瘀黑色素🐼 💟包裝有趣：橙紅色嘅Cap，再加上淺膚色嘅body，兩個夾埋好有一種鉛筆✏️嘅感覺🤣個Cap好似上面個擦子膠。 💟成分：蘊含紅海藻萃取及維他命C衍生物，可以有效修正眼下黑眼圈； 💟質感：因為有精華配方可為肌膚補濕鎖水，可以提亮雙眼，增添光澤。輕滑絲盈容易按壓印開，重覆加塗都吾會容易搞到一撻撻。 💕用後感：修正、覆蓋黑眼圈嘅效果很吾錯，上妝後整體嚟講都係嘅妝感都係好自然。 💌正常concealer嘅大細，一次用嘅分量吾洗多，所以都好襟用。 💌用遮瑕小手法：可放一筆係手背上到推開，取小量係想遮嘅位置上以印壓手法遮瑕，用呢個手法先可以做到輕薄自然。

lonia好用推薦：有時覺得REVLON係一個被低估嘅開架品牌，價錢好經濟，但產品質素都唔錯。 見到呢款遮瑕液有刷頭設計，諗住可以方便上妝，直接搽上面。點知原來直接上面，遮瑕液份量就會太多，妝感會好厚。所以都係要先搽上手推薄，再點上面，再慢慢推開推薄，黑眼圈都遮得唔錯，妝感會較為自然。只要用啱方法，呢款遮瑕液嘅效果都幾滿意。

格仔餅公主好用推薦：比佢一擠出手個質地嚇左嚇因為望落幾厚下，捽暈左之後變得好透薄，痘印唔太紅單用ok，但黑眼圈要溝色遮瑕度會高d，開架$88如果手邊用哂遮瑕想試新野可以試下

KDing好用推薦：遮瑕力都有中度 一D痘印都遮得到 不過佢明顯有妝感 所以最好夾粉底用

jojoma123好用推薦：遮瑕液質地尚算易推,薄薄一層已能修飾臉上紅印,效果亦夠自然,如果要遮黑眼圈,則要塗厚一點

Rachelcos好用推薦：膏狀質地比較杰身 不過唔算難推開 用咗會可以提亮返眼附近嘅皮膚 不過要小心要慢慢 少少咁上 唔係好易搽厚咗 加上我眼底偏乾 搽厚咗會容易卡住一舊舊

Jasmine Yuen好用推薦：當年呢個牌子好出名，眼影， 指甲油，粉底都有好多，剛出黎工作唔多budget 呢個牌子啲product 性價比高，入門必備。 ✅️使用後,肌膚水嫩亮澤。 ✅️質地透明不粘膩,遮瑕效果自然。 ✅️持久度好一整天依然自然無瑕。唔會氧化變灰變暗

choichoi好用推薦：我既第一支遮瑕產品🤘🏻 當時品牌嘅遮瑕膏同埋胭脂都好出名 佢係吱吱頭 分量對於新手既我來講相當易控制 我主要用嚟遮黑眼圈 因為唔算重度熊貓眼所以輕易就遮蓋到 連本身有啲帶紅嘅痘痘都可以遮到 所以遮瑕度唔成問題 質地偏水潤，唔易有厚粉感覺 上眼之後亦唔會易乾同顯眼紋 持久同貼服度亦唔錯 顏色選擇亦唔少 就算而家都會願意再回購

scoco0515好用推薦：因为之前一直很在意，所以就买了。正如日本的口碑所说，橙色的遮瑕膏非常出色。把黑眼圈擦干净， 另外，因为可以混合使用，所以最适合斑点、痤疮痕迹、暗沉。本来以为和价格相比是少量的，但是因为伸展性非常好，所以一次使用的量非常少。 前から気になっていたので購入しました。日本での口コミのとおりオレンジ色のコンシーラーが秀逸です。クマを綺麗に消してくれます。 また混ぜても使えるので、シミやニキビ跡、くすみにも最適です。値段の割に少量だなと思いましたが、伸びがとてもいいので一度に使う量はとても少なくて済みます。

LorraineTsung好用推薦：細細支非常好用，拎出去補妝亦都好方便，而且掃頭舒服夠滑唔甩毛～ 掃散粉胭脂都得！好方便

choichoi好用推薦：質感看似很柔滑，但必須要在上粉底之前使用要不然會極容易卡粉卡紋

Tsyyy好用推薦：棒狀的設計就攜帶上比較方便 痘疤或者泛紅的地方都可以被修掉 不會過乾

Yoyo Sin好用推薦：用後感一般，在網上買了sample size試用，有少少乾，遮瑕度還可以，易推開但不太持久，出完街一日已經甩得七七八八🫣 #火熱新品

choichoi好用推薦：發揮中規中矩的遮瑕液，畢竟價格也不便宜當然會有點期望，感覺它比較乾身，我都變了打亮用算了

maylam好用推薦：一位朋友送比我嘅sample 對油皮黎講好持久 但係都真係幾乾 唔係油皮建議唔好試 有機會想試正裝

Gladys好用推薦：當時買佢嘅精華粉底液順便買埋支遮瑕膏，買左61號色，係佢最淺嘅色嚟。本身打算用嚟遮瑕眼圈，但係佢超級乾，搽完落去之後成個眼底浮晒粉。 我係乾肌，我諗油肌嘅人會啱用啲。