找產品
美白防曬 推薦好用產品
32 件
Fng好用推薦：NIVEA Luminous630 抗曬修護日乳 ☀️ 優點： · 淡斑技術加持：專利Luminous630成分，連續用4週雀斑同痘印明顯減淡，開架中少見有效美白抗曬二合一 · 保濕貼妝：乳霜質地潤而不膩，熟齡偏乾肌用後底妝更貼服，冷氣房下唔會繃緊 · 高防曬系數：SPF50/PA++++ 足夠香港夏天通勤使用，抗紫外線同時預防色斑 ⚠️ 缺點： · 膚感偏潤：油肌夏天用可能嫌膩，建議壓碎粉定妝 · 酒精味明顯：敏感肌要先試用，有輕微熏眼感 · 抗氧化力弱：到下午膚色會微暗沉，要補塗或搭配抗氧化精華 🌞 香港夏天實戰力： 混合偏乾肌用後T位微出油需壓粉，但兩頰潤澤度完美平衡！流汗後無溶白痕，防曬力穩陣度媲美專櫃。同價位中唯一做到「淡斑+高防曬+貼妝」三效合一。 💡 總結： ⚠️⚠️⚠️百元級淡斑防曬日乳之王！適合追求性價比同淡斑功能的熟齡肌，但極油肌同敏感肌要試清楚～💡
<看全文>Sccan好用推薦：Nivea 臉部保養品愈黎愈進取，我都因為見佢好多新產品而買左依款Luminous630雙效淡斑煥白抗曬修護日乳試吓，防曬系數都有SPF50 PA+++， 非常足夠應付日常使用。 效果：用左一星期，斑有淡到少少，有潤色功效 質地：粉紅乳霜狀，細滑不油膩 香味：淡淡香味唔刺激 用後感：適逢冬天，天氣十分乾燥，但滋潤度都足夠唔會油膩，少少香味聞落好舒服，本身有鼻敏感都無被刺激到打乞嗤。加上佢有淡斑美白效果，容量有40ml，用量一點夠搽全面，延展性好，透薄舒適，依個價錢性格比真係好高。我可以話Nivea依款係2024年The Best ！
<看全文>
Poyobb好用推薦：雪肌精防曬有gel同milk版本，呢支係milk防曬乳嘅細支版本，添加咗植物性提取物作護膚，同時有日本最高級防曬度，SPA50/PA++++，夏天戶外非常足夠。質地流動性幾好，順滑容易推勻，冇黏笠感及冇泛白情況。 對我混合性皮膚嚟講，上面嘅時候一開始有點油，吸收晒之後就冇油感，但係用完都有機會起暗粒。始終呢種質地嘅防曬乳比較適合戶外使用，防水性好強，我會留返戶外活動日子先用。但用返防曬乳做比較，已經算係好清爽，質地非常接近乳液😉
<看全文>Fng好用推薦：Kose 亮白水感防曬精華乳係開架中價位（約$150-$180)，表現中上。同類似價位嘅Biore、Allie等品牌比較下，佢又有冇優勢🧐🧐🧐~？ 質地與膚感：👍👍👍👍 (水感之冠) 一按出嚟係偏稀嘅乳液狀，流動性極高，推開瞬間真係有爆水感覺，極速吸收，完全零泛白。完成後皮膚係啞緻乾爽嘅，冇任何黏膩或油膜感，膚感絕對係同價位中數一數二嘅清爽，甚至比Biore嘅Aqua Rich系列更冇負擔感，對混合肌來講非常討好。 亮白與保濕度：🤔 (僅屬基本) 標榜亮白，但主要係靠二氧化鈦帶來即時輕微提亮感，並非真正美白效果。保濕力方面，佢唔會抽乾兩頰水分，但也唔算滋潤，冷氣房下偏乾位可能要加強保濕打底。相比Allie的保濕系列，Kose呢支在滋潤度上明顯較弱。 持久與抗汗力：👍👍 (中規中矩) 以通勤為主嘅防曬力足夠，但由於質地非常水感，抗汗抗油能力相對較弱。長時間戶外活動或大汗嘅時候，需要更頻密補塗。相比之下，Allie在持久耐磨擦方面會更出色。 總結： 一支專攻極致水感、零存在感膚感的優秀通勤防曬。如果你最怕防曬嘅黏膩和厚重，佢絕對能給你驚喜，性價比高。⚠️但若追求極致抗汗、防水功能，或
<看全文>
Kayyan22好用推薦：呢支防曬喺日本買，嗰陣諗住貪佢大枝就買嚟試吓，本身以為會唔好用，但比想像中好用！ 我買嘅呢支佢係會有去紅嘅調色成份，因為我皮膚本身比較容易泛紅，而第一次用嘅時候都比較驚喜，因為佢幫我去紅之後仲令到皮膚睇落比較淨白，所以我基本上日常都會就咁用，佢就可以出到門！ 而佢質地會比較透薄少少，保濕咁就一般啦，但就十分之適合喺夏天使用或者唔想塊面咁厚重嘅時候用，咁個人都幾鍾意呢個質地。 而佢係喺化妝前打底都可以做到一個好好嘅作用，因為我之前用tir tir氣墊嘅時候都會十分之浮粉，轉過好多保濕度好高嘅打底都唔得(自己本身混合偏乾）。但今次使用咗呢隻打底之後估唔到令到呢隻粉底可以好貼到我塊面！完全係救咗我呢個氣墊，仲帶點水光感！所以如果想打底薄啲嘅可以試吓用呢隻，可能會有驚喜！
<看全文>Emily Leung好用推薦：樂敦skin aqua透明感漸變彩虹紫色防曬霜 在日本藥妝店盲買的這管防曬，用了一段時間，現在幾乎要空管了。 先說優點：平價大碗、顏值高。漸變色外包裝在一眾普通的平價防曬中立馬脫穎而出，膏體也是淺紫色帶珠光，不油膩。 缺點：不好推！假白！容易卡紋！ 但是很多人推它就說明這個防曬還是有它的功效，因為它確實有不油膩、顏值高、便宜，我覺得還是不過不失吧！
<看全文>
橘子貓好用推薦：SUPERIEUR Day Care Revolution Tone Up SPF50+ PA++++ 因為被很多日本KOL燒到，當初這款防曬一上市，我就去日本購入了！！！ 在日本天冷時使用，感覺非常驚豔。我使用了比官方建議的兩倍份量，令其有充足的防曬度，防曬霜提亮皮膚整整亮白了一度，然後整體妝感非常貼服，完全不會死白，恍如媽生好皮。難得試到一枝既可以正經防曬又能作妝前的防曬霜，所以我當日試用完之後，趁着還未離開日本，立馬回購了3條。可惜回到香港，因為香港天氣跟日本非常不同，又濕又熱，而且我是混油皮，這款防曬的使用感和效果大打折扣。因為出油出汗之後，皮膚會感到悶焗，甚至很容易起屑。於是我減少了使用份量至官方建議的大小，妝感和使用感就好了很多，但就沒有了在日本使用時容光煥發的效果。 如果你是偏乾肌，相信這款防曬會很適合你呢！現在，這枝防曬我會留待下次去日本等寒冷氣候的地方使用。
<看全文>Idy Wu好用推薦：我試用了Elixir 的這款調色提亮防曬妝前乳液大概三個月，真的非常驚艷！SPF50+ PA++++ 有足夠防曬性能讓我在日常外出時感覺很安心。 質地與效果 非常輕薄，潤色效果更佳，讓肌膚看起來更加明亮自然。使用後，我發現肌膚的暗沉瞬間被遮蓋，整體膚色變得均勻，彈性也有明顯改善，使用感覺亦都相當貼服。 卸妝方便 值得一提的是，這款乳液能夠輕鬆卸妝，不會造成暗粒粉刺！ 總結來說，這款乳液非常優秀，性價比高，值得推薦給朋友！
<看全文>
Fng好用推薦：Anessa Sun Daul Care Day Serum 防曬精華二合一 ✨ 質地與使用感 呢支防曬精華質地似輕薄乳液，推開後有微微水感，吸收速度快，唔會留低黏膩感。香港夏天用，兩頰保濕度足夠，T區亦無泛油光，後續直接上粉底好貼服，唔會搓泥。添加咗透明質酸同植物精華，當日常保濕精華用都得～ 🌟 防曬與護膚效果 SPF50+/PA++++防曬力足夠應付通勤同戶外活動，試過周末行山2小時無曬紅曬黑。最大驚喜係護膚功能，帶妝8小時後卸妝，皮膚無暗沉繃緊，反而摸落滑溜咗。適合懶人想一支搞掂防曬同基本護理～ ⚠️ 局限性 控油力普通，大油肌夏天可能要加控油妝前。價錢中上（約$250/30ml），同開架防曬比稍貴。潤色效果近乎零，追求修飾膚色要疊加底妝～ 🆚 同類似產品比較 · VS Anessa金瓶防曬：金瓶防水抗汗更強，適合暴曬玩水；呢支Day Serum保濕同護膚成分更多，適合日常通勤～ · VS Sofina iP防曬：Sofina主打抗老同潤色；Anessa呢支側重保濕同輕盈感，皮膚負擔更細～ · VS Allie礦物防曬：Allie潤色同光澤感較強；Anessa呢支追
<看全文>Suki好用推薦：這款防曬精華結合防曬與護膚功能，質地輕盈不厚重，延展性佳，能迅速吸收且無泛白問題。具備高效防曬力，適合日常及戶外使用，同時蘊含護膚成分，在防曬的同時滋潤肌膚。使用後肌膚清爽不黏膩，妝後也不影響底妝持久度。
<看全文>
Fng好用推薦：Sofina Jenne 水油平衡美白防曬乳液▶️質地似輕爽乳液，推開後瞬間啞緻，仲有微微潤色效果，黃調肌用無泛白，後續直接撲碎粉就可以出門，懶人恩物✨ 控油力對混合偏乾肌來講剛剛好——T位keep到3-4小時乾爽，面珠墩又唔會抽乾繃緊。防曬系數SPF50+ PA+++足夠日常通勤，試過30℃戶外活動2小時無曬黑，但流汗後需要補搽（輕微有白痕）。 持久度中上，冷氣房內可維持半日，出油後無斑駁但光澤感會增加。百幾蚊有提亮+防曬+控油三合一，性價比超高！ 推薦給：✔️ 混合偏乾肌找平價多功能防曬 ✔️ 黃肌怕泛白 ✔️ 短時間戶活動需求！
<看全文>dor.r好用推薦：Sofina防曬係我嘅必備妝品之一，一定要有一兩支存貨先安心😂用咗好多年空瓶過無數次，不過近來買咗好多新嘢所以有時都會離棄下佢😜呢支係化學性防曬，質地係液體狀，好容易推，我自己用大概5毫子的份量就夠搽全面，好薄好清爽，唔會泛白，又唔會焗住毛孔出粉刺，油性同混合性皮膚多數都會鍾意呢種冇負擔感覺，不過壞處係佢有陣化學味，呢度扣少少分🤏至於防曬功效都唔錯，試過搽咗佢去行山都冇曬黑，整體而言都做到預期嘅功效👍🏻不過美白功效就唔係好見到😝
<看全文>
lingbb好用推薦： - 我買過專櫃最貴嘅防曬。係數一數二好貴但成份好好嘅防曬 - 質地係白色乳液狀，延展性高，好易推開，極快滲透皮膚唔會泛白，透薄輕盈，往後上妝都無影響。 - 價格高在一枝防曬有埋護膚成分包括保濕同抗衰老成分，一路防曬一路美白減斑 - 使用一段時間後，皮膚整體有亮白到，非常驚喜亦覺得值回票價，白返就暫時唔用住，等黑咗先再用返一段時間🫣 - 為咗美白同靚必須不停發掘更多好選擇俾自己，呢枝冇令我失望 - 推薦俾所有美女👍🏻
<看全文>綺羅香好用推薦：自上次用過Pola 美白精華之後，對同系列其他產品都好有興趣，就試入呢款美白防曬，質地水潤，好推唔笠，又唔會泛白，但一睇成份表，入面有危害珊瑚嘅成份，為咗想對海洋生態出一份力，唯有忍痛放棄入正裝，希望日後會出海洋友善嘅版本
<看全文>
Fng好用推薦：Sofina Beauty 美白高保濕防曬乳液 (清爽型)，聲稱集美白、保濕、防曬於一身，喺香港夏天對抗酷熱天氣， 我嘅用後感👇👇👇 質地與膚感：👍👍👍👍 (近乎滿分) 一擠出嚟係輕盈嘅淡粉色乳液狀，質地水感，極易推開。上臉後有微微嘅冰涼降溫感，瞬間舒緩夏日悶熱！最驚喜係，佢完全唔泛白、唔厚重，吸收後皮膚係啞緻乾爽嘅狀態，零黏膩、零油光，毛孔都好似有啲柔焦效果。後續上底妝極貼服，完全唔會搓泥。呢種極致清爽嘅膚感，絕對係香港夏天嘅一大救贖❤️🔥❤️🔥❤️🔥。 保濕度與潤色：🤔 (巧妙平衡) 雖然係「清爽型」🩵，但佢加入咗保濕成分，對混合偏乾肌來講，在冷氣房下大半日都唔會覺得繃緊或乾燥，恰到好處。淡粉色乳液有輕微修正膚色效果，能中和黃氣，提亮膚色，唔會死白，後續唔搽粉底都顯得精神同均勻。 防曬與控油力：👍👍👍 (持久穩定) 防曬力SPF50+PA++++足夠日常通勤甚至戶外活動。控油力對於T位出油有幫助，但唔算極強效，大油皮可能午後仍需補粉。但對混合肌來講，佢能做到持久唔溶妝、唔轉印，已經非常出色。 總結： 一支幾乎挑唔出毛病嘅all-in-one日用乳液！完美結合咗高係數防曬
<看全文>Ning好用推薦：和同系列嘅保濕型防曬感覺一樣，而美白功能唔多覺。貪平一次過買左好多支，依家要逼住用埋佢。
<看全文>
Kelvin好用推薦：質地有少少厚身，偏向乳霜狀，要用多少少時間先至可以推勻全面。SPF50/PA++++已經有足夠防曬度，一支方便使用👍🏻 佢有四隻顏色揀，因為我皮膚偏白，所以我揀咗2號皮膚色，希望睇落塊面紅潤少少。上面調色效果輕微，較為注重提亮效果，散發自然既皮膚光澤感。 因為支底霜係偏厚身，唔建議再加粉底液，輕輕上返層碎粉定妝就出得門口。持久度一般，比較適合乾性皮膚使用/混乾肌冬天使用，或者乾燥嘅天氣適合用。 #火熱新品
<看全文>Mo Wong好用推薦：Fasio新出呢款妝前底霜，防曬度有SPF50+ PA++++，而且防汗防水抗皮脂，啱晒勁曬勁熱嘅夏天用，佢係又D杰身嘅乳霜狀，不過唔難推開，微香，佢係調色底霜，有4隻色，我揀左1號色透亮白色，佢搽上後提亮效果明顯有光澤感，令皮膚有輕微顯白，而且皮膚有潤澤感，好啱我呢D乾肌用，不過佢就無遮毛孔或細紋效果，所以我要上粉底去遮瑕先得，但佢價錢唔過$80，我覺得都ok，佢都算係開架好物。 #火熱新品
<看全文>
royu3好用推薦：我的膚質較乾，即使夏天也會出現乾燥感，所以一向很重視產品的保濕度，防曬產品也不例外。這款Alblanc防曬正好能滿足我的需要。 乳液質感，流動性很高，容易推勻全臉⭕️使用前要先搖勻。這款防曬分4種滋潤度，我買的是2號，質地滋潤而不黏膩，即使夏季使用也不會產生悶焗感⭕️當中更加入了獨有的美白成份洋甘菊ET，可抑制黑色素生成，預防色斑，高度防曬同時美白⭕️ 不過我認為它的耐水性不算出色，所以我慣常於日常淡妝或素顏時使用☝🏻若需於戶外長時間活動時，建議還是用其他較強耐水抗摩擦的防曬產品。 ⚠️要注意使用份量，用量過多會有輕微泛白的情況出現！
<看全文>cyanLeung好用推薦：這款防曬乳有流動性，很好推，不會黏膩 不泛白，也不會敏感，而且防曬力很好
<看全文>
ramy2622好用推薦：我一年365天都會塗防曬，這一步對抗衰老是超重要的❗️ Joseristine 白藜蘆醇極致美白冰肌防曬乳SPF 60 / PA+++ (01) 🌞 防曬．美白．護膚3 in 1 🎉 全新升級配方，超強防曬指數，同時抵禦UVB和UVA ❇️ 特別添加來自意大利的天然植物美白活性因子 - 白藜蘆醇及法國的抗藍光因子blumilight，抵抗電子產品釋放的藍光對肌膚細胞的侵害，同時能有效抑制黑色素，防止因日曬而引致的色斑產生，延緩肌膚衰老 🔆 很容易塗均勻，質地輕盈貼服不厚重，會有提亮膚色的效果，亦不會和護膚品或化妝品打架，不會起屑屑 🫶🏻 吸收快，不泛白
<看全文>Verna好用推薦：我第一次用有白藜蘆醇成份的防曬乳，這支美白防曬乳有SPF60 PA+++，防曬系數超高 它的主要成份有白藜蘆醇、透明質酸、可可3C屏護因子和維他命C，都是美白、提亮膚色和保濕的成份，怪不得它一支可以做到防曬、美白和護膚啦～ 它的質感很容易推開，推勻後明顯見到膚色提亮了，而且質地輕盈清爽不黏笠，不錯👍🏻
<看全文>