美白防曬 推薦好用產品

Paris merci 好用推薦：呢排天氣有成35度，即係超級怕曬黑，熱到飛起。 日常唔想搽啲游水先用嘅防曬，Nivea 呢支質地幾啱夏天用，乳液質地，較為清爽，唔會好似普通嘅防曬黐粒粒。佢哋味道比較清新，似柚子味，即使好唔鍾意搽防曬都容易接受。除此以外，乳液防曬50x維他命C成分，雖然唔覺得有美白效果，但防曬效果就一定有，起碼手腳冇黑到，沒有出現兩截色的情況。 比較鍾意嘅地方就係好大支，方便搽勻頸部、膊頭、手腳。因為份量多，所以用量可以唔怕用得太多💕 #火熱新品

格仔餅公主好用推薦：#火熱新品 夏天本身已經好熱，唔想搽啲笠嘅嘢，但防曬冇得懶，呢支質地就好啱夏天用，偏水潤唔會笠，仲容易推，推開之後都幾爽，防曬系數高，平時出門口用甚至去做運動都冇問題

Yeonjung好用推薦：嘩！呢支杏桃色底霜係咪偷咗打燈佬返屋企？用後感：成塊面飽滿晒！ 喂，我真係要同大家懺悔！我以前成日覺得「妝前底霜啫，是但啦」，求其搽防曬就算。點知前排路過專櫃，試咗呢支 ELIXIR 杏桃色，一試……中咗！即刻乖乖磅水！ 首先講下我塊面嘅狀況： 我呢啲殘廢打工仔，朝早趕時間，最憎層層疊咁搽嘢。好彩呢支嘢集合咗 防曬（SPF50+ PA++++）+ 提亮 + 保濕 三大功能，真係懶人恩物！而且我面頰偏乾，T字位又少少黃，啱晒呢支杏桃色嚟執一執。 質地：輕過棉花糖，滑過豆腐花！ 唧出嚟係好柔和嘅杏桃色，帶有非常非常幼細嘅珠光（唔係閃粉嗰隻，係好似皮膚入面透出嚟嗰種光）。一推開……咦？好似融咗入皮膚咁！質地好水潤，但又唔會油淋淋，感覺似搽緊保濕精華多過防曬。 最正係佢有 膠原蛋白成份，搽完嗰下，塊面即刻脹卜卜，好似啱啱敷完面膜咁軟腍腍。之前我鼻翼兩邊成日暗沉，搽完佢即刻 自然提亮咗成個色階，唔係死白嗰隻，而係粉粉嫩嫩嘅好氣色，直頭好似瞓足10個鐘咁（騙人的，我明明只瞓咗5個鐘）。 上粉底嗰下先係戲肉！ 平時我上粉底，冬天成日卡粉卡到喊。但用完呢支打底，粉底係 「跣」 住去，貼到呢

Viannie好用推薦：日本一開賣即刻買黎試，因本身屬小麥色皮膚，之前粉紅色果支一路驚太白都唔敢買。ELIXIR tone up beige 妝前防曬底霜 一粒珍珠size就夠搽全面，好貼心產品背面有參考size，可跟住黎拎分量。質地都幾厚身，非常容易推開，好容易就搽得均勻唔會一撻撻，提亮效果自然，仲做到少少修飾效果。可以睇到面上斑點明顯淡色咗，利用亮白黃金折射光線，皮膚望落去即時好咗咁，勁鍾意呢個效果！！推開後會有少少黏笠感，可以加少少碎粉或晚安粉做定妝測試埋12小時持妝效果 返完一日工，返到屋企影，呢幾日30度嘅高溫天氣，喺冇中間補妝嘅情況下，用咗tone up beige打底果日嘅妝係明顯keep得好少少。總結呢支新出嘅防曬base如果你係乾肌就啱晒，上妝後都唔會乾，加埋小麥肌嘅話更加要試！ 不過質地偏潤，油肌要慎選！！ 另外本身膚色好白都唔太啱，搽完會黃咗，建議可以揀返粉紅色果支。 #火熱新品

chewyfruit好用推薦：【真心不呃Like】ELIXIR 櫻花色妝前防曬底霜用後感 🌸 黃皮素人實測 老實講，當初買呢支都係比個「櫻花」兩個字跣咗入坑，加上夏天又就嚟到，諗住搵支夠防曬又唔想成面油光嘅底霜。用咗兩個禮拜，同大家拆解下係咪真係咁神。 📦 質地：流質但唔水，似足保濕乳液 唧出嚟係淡淡粉紅色，好香好清幽嘅花味（唔係人工嗰種）。一推開好驚喜，好滑身，完全冇防曬嗰種「kick粉」嘅感覺。佢介乎於lotion同gel之間，夏天用零負擔。 🌸 重點：櫻花調色效果係點？ 我本身面黃帶暗啞，佢呢個粉紅色上到塊面 唔係死白，而係好似由入面透出嚟嗰種 自然粉嫩感。均勻膚色一流，鼻翼兩邊泛紅都修飾到七八成。如果你唔鍾意厚粉，單搽佢再加碎粉已經可以出街，直頭有種「天生好氣色」嘅偽素顏感覺。 ☀️ 防曬力：SPF50+ PA++++ 好有安全感 香港呢排又曬又焗，呢個度數啱啱好。最緊要係 唔焗痘！我搽足全日，下午鼻頭先開始出少少油，但唔會話溶到一撻撻，反而變咗光澤肌嗰種靚油，印一印就還原。 💧 保濕 vs 控油：平衡得幾好 佢有護膚成份，乾肌用夠保濕；我混合肌T字位就建議用控油碎粉定一定妝。唯一小缺點係如果爆瘡時

Fng好用推薦：Elixir 防曬妝前霜 春夏・熟齡混合偏乾肌 🌸✨ 我係熟齡混合偏乾肌，春夏最怕防曬又立又焗，搞到塊面黐笠笠。見到Elixir呢支櫻花色妝前防曬（約HK$255 / 35g，SPF50+ PA++++）好多人推，用咗一個月，分享真實感受～ 🧴 質地：輕薄易推，有少少滋潤感 · 淡粉色乳霜狀，唔會流動，但延展性極好，一推就開 · 上面後有輕微滋潤感，但唔立唔焗，春夏用都舒服 · 成膜速度算快，唔會黐頭髮 · 有淡淡嘅爽身粉香味，幾舒服 🌸 透明感實測 · 即時提升透明感：一搽上去，塊面即刻「亮咗一階」，唔係死白，係自然粉嫩光澤，望落有透明感 · 均勻膚色：可以遮蓋局部暗沉，望落塊面好乾淨、有「透光好皮膚」嘅感覺 · 膚色冇咁蠟黃：如果妳有面黃困擾，呢支可以幫手調整，令皮膚更顯透明 · ⚠️ 白皙肌限定：有評測話「本身皮膚好白淨先啱」，如果膚色偏深，搽完可能會太白唔自然 🌸 熟齡混合偏乾肌用後感 · 滋潤度夠：偏乾肌用唔會乾，仲可以即時撫平乾紋/細紋，上妝貼服好多 · 唔打架：試過配多款粉底/cushion，都冇起擦膠碎 · 懶人恩物：趕時間就咁搽佢直接出街，唔上粉底都見得人

Paris merci 好用推薦：Ahc依款9重全護撫紋淡斑防曬好薄，添加咗淡斑效果多層護膚作用。我通常全面踩一陣再喺顴骨位搽多少少，一支40 mL一兩個月就要用晒，要搽足夠份量。 夏天實在太熱，唔想搽咁多層喺面上。白色乳液質地，搽上面唔會泛白，透明冇顏色，毫無厚重黏膩感。鍾意當佢做底霜去用，提一提冇焗控油功效。不過如果中性至乾性皮膚應該冇問題，用今季新出嘅Suqqu粉底液都可以夾到，不會起擦膠碎。呢啲夏天嘅天氣可能過五個鐘頭到就會得返七成，但我覺得都可以接受。 我買3支75折完再有得減20，萬寧網上首購我買埋其他野仲有得再減45，幾抵用💕 #火熱新品

Tszki好用推薦：呈白色乳霜狀，容易推開，質地略帶厚重，用後肌膚帶有滋潤感。保濕力強肌膚水分大提升，能即時保濕，皮膚用後充滿光澤感，不顯死皮，朝早塗抹後，滋潤感可維持一整天。 塗抹抗曬修護日乳後，上底妝亦不會起擦膠粒，on top 加上粉底亦沒有影響粉底的貼服程度，沒有岀現嚴重脫妝問題。防曬度數算高有Spf50，沒有泛白。沒有產生過敏反應能舒緩泛紅位置！沒有香料推薦使用

Fng好用推薦：NIVEA Luminous630 抗曬修護日乳 ☀️ 優點： · 淡斑技術加持：專利Luminous630成分，連續用4週雀斑同痘印明顯減淡，開架中少見有效美白抗曬二合一 · 保濕貼妝：乳霜質地潤而不膩，熟齡偏乾肌用後底妝更貼服，冷氣房下唔會繃緊 · 高防曬系數：SPF50/PA++++ 足夠香港夏天通勤使用，抗紫外線同時預防色斑 ⚠️ 缺點： · 膚感偏潤：油肌夏天用可能嫌膩，建議壓碎粉定妝 · 酒精味明顯：敏感肌要先試用，有輕微熏眼感 · 抗氧化力弱：到下午膚色會微暗沉，要補塗或搭配抗氧化精華 🌞 香港夏天實戰力： 混合偏乾肌用後T位微出油需壓粉，但兩頰潤澤度完美平衡！流汗後無溶白痕，防曬力穩陣度媲美專櫃。同價位中唯一做到「淡斑+高防曬+貼妝」三效合一。 💡 總結： ⚠️⚠️⚠️百元級淡斑防曬日乳之王！適合追求性價比同淡斑功能的熟齡肌，但極油肌同敏感肌要試清楚～💡

Jasmanya好用推薦：一向都未用過防曬棒 其實都會好奇會唔會比一般防曬乳好用，好唔好有所不同 感謝@cosme ，今次抽中左試用 9重全護撫紋淡斑防曬棒 體型方面，其實都唔算太厚，放入手袋都算ok 打開蓋，有塊膠片甩左出黎 原本我仲以為係我粗魯，一開就整爛左包裝 原來係有塊膠片放喺防曬棒嘅頂端 可以好好保護住防曬棒之餘 in case 防曬棒愈用愈短都好， 有左呢個膠片都可以好secure 咁"cup"返好個蓋 🤣我真係大鄉里😅 而輕輕扭出防曬棒，係呈淡黃色嘅 今次AHC 嘅9重全護撫紋淡斑防曬系列 原來標榜係配合BlockFit 防曬突破科技，於肌膚表面形成超緻密保護膜，緊密貼合肌膚，舒適不悶黏，提供強力阻隔，全面抵禦9大外在刺激。除AHC超強的防曬科技外，更加入高效護膚成分。 睇完產品嘅描述，感覺係一件 除左防曬之外，都好注重護膚嘅產品 呢支9重全護撫紋淡斑防曬棒原來喺韓國9年防曬棒銷量No.1 而且喺香港係萬寧獨賣 添加咗極效舒緩複合植萃，迅速降熱修護肌膚 而且有藍色洋甘菊、積雪草、蘆薈、榆樹根萃取物: 可以立即舒緩熱刺激 又可以鎖水及修護肌膚，Plump Up水潤肌 含有仙人掌

syrupthingy好用推薦：感謝 @Cosme 同AHC 抽中使用今次AHC「 9重全護撫紋淡斑防曬系列」產品✨ 老實說，我對高系數防曬又愛又恨，怕曬黑，但更怕黏膩悶痘及泛白卡紋🥵。 直到遇見AHC這套「9重全護撫紋淡斑防曬系列」，才發現原來防曬可以同時做到降溫舒緩、淡斑撫紋、清爽如水。😳 防曬乳與防曬棒一套解決居家與外出補擦的所有需求。💖 防曬棒補防曬神器，清涼＋鎖水＋去黃一次滿足😌 質地與使用感： ⭐⭐⭐⭐⭐ 棒身滑過肌膚時極度順滑，輕柔保濕卻完全不油膩，重複塗抹依然清爽。最棒的是補防曬瞬間再次感受到冰涼舒緩，熱刺激立即被鎮定，戶外活動用過就回不去方便性： ⭐⭐⭐⭐⭐ 不沾手、不弄髒、不破壞妝容，隨時隨地優雅補搽 使用後： 🔹鎖水保濕： 仙人掌爆水精華讓肌膚補擦後依然水嫩，鎖水度明顯提升💦 🔹提亮去黃： 連續使用後膚色不再暗沉泛黃，變得乾淨透亮✨ 🔹防曬力： 與防曬乳同等紮實，補擦後安心感滿分 AHC這套防曬系列徹底改寫我對高係數防曬的定義～防曬乳適合晨間保養，水感降溫、淡斑撫紋、舒緩修護一次到位🙌🏻 防曬棒則是補防曬的王者，清涼鎖水、提亮去黃、不沾手不悶黏。 好的防曬應該讓肌膚在抵禦紫外線的過程中，變

Poyobb好用推薦：雪肌精防曬有gel同milk版本，呢支係milk防曬乳嘅細支版本，添加咗植物性提取物作護膚，同時有日本最高級防曬度，SPA50/PA++++，夏天戶外非常足夠。質地流動性幾好，順滑容易推勻，冇黏笠感及冇泛白情況。 對我混合性皮膚嚟講，上面嘅時候一開始有點油，吸收晒之後就冇油感，但係用完都有機會起暗粒。始終呢種質地嘅防曬乳比較適合戶外使用，防水性好強，我會留返戶外活動日子先用。但用返防曬乳做比較，已經算係好清爽，質地非常接近乳液😉

Fng好用推薦：Kose 亮白水感防曬精華乳係開架中價位（約$150-$180)，表現中上。同類似價位嘅Biore、Allie等品牌比較下，佢又有冇優勢🧐🧐🧐~？ 質地與膚感：👍👍👍👍 (水感之冠) 一按出嚟係偏稀嘅乳液狀，流動性極高，推開瞬間真係有爆水感覺，極速吸收，完全零泛白。完成後皮膚係啞緻乾爽嘅，冇任何黏膩或油膜感，膚感絕對係同價位中數一數二嘅清爽，甚至比Biore嘅Aqua Rich系列更冇負擔感，對混合肌來講非常討好。 亮白與保濕度：🤔 (僅屬基本) 標榜亮白，但主要係靠二氧化鈦帶來即時輕微提亮感，並非真正美白效果。保濕力方面，佢唔會抽乾兩頰水分，但也唔算滋潤，冷氣房下偏乾位可能要加強保濕打底。相比Allie的保濕系列，Kose呢支在滋潤度上明顯較弱。 持久與抗汗力：👍👍 (中規中矩) 以通勤為主嘅防曬力足夠，但由於質地非常水感，抗汗抗油能力相對較弱。長時間戶外活動或大汗嘅時候，需要更頻密補塗。相比之下，Allie在持久耐磨擦方面會更出色。 總結： 一支專攻極致水感、零存在感膚感的優秀通勤防曬。如果你最怕防曬嘅黏膩和厚重，佢絕對能給你驚喜，性價比高。⚠️但若追求極致抗汗、防水功能，或

Fng好用推薦：Sunplay Skin Aqua彩虹防曬 (紫色)用後感 ——平價版「美顏濾鏡」，黃皮救星！ 🌈✨ 我係熟齡混合偏乾肌，香港又濕又熱，最怕防曬「立」同「假白」。見樂敦呢支2026年新版紫色防曬（約HK$60-80 / 80g，SPF50+ PA++++）好評多～ 🧴 質地：水感輕薄，秒速吸收 · 質地係輕盈水潤嘅乳液狀，延展性極高，好易推開 · 上面後成膜速度快，清爽唔立，油肌都輕鬆駕馭 · 唔會厚重或者搓泥 · 帶淡淡花香，唔會太濃俗 💜 調色效果：黃皮「即時美顏」神器 · 擠出嚟係淡淡薰衣草紫色，用補色原理中和亞洲人嘅蠟黃暗沉 · 上臉即時提亮均勻膚色，望落有透明感同好氣色，唔會死白 · 含極細珍珠粉，有細緻珠光，望落皮膚飽滿有光澤 💧 護膚成分：防曬同時養膚 · 透明質酸、角鯊烷及水解膠原蛋白：提升保水力，用完唔乾 · VC美白導入成分：預防紫外線同時亮白肌膚 · 無防腐劑、無礦物油、弱酸性，已通過敏感肌測試 🌊 防水持妝：夏天流汗都頂得住 · 速乾耐汗配方，優秀嘅耐水耐汗能力 · 可作妝前打底使用，後續上粉底貼服 · 臉部同身體都用得；潔面產品可直接清洗 🌸

Kayyan22好用推薦：呢支防曬喺日本買，嗰陣諗住貪佢大枝就買嚟試吓，本身以為會唔好用，但比想像中好用！ 我買嘅呢支佢係會有去紅嘅調色成份，因為我皮膚本身比較容易泛紅，而第一次用嘅時候都比較驚喜，因為佢幫我去紅之後仲令到皮膚睇落比較淨白，所以我基本上日常都會就咁用，佢就可以出到門！ 而佢質地會比較透薄少少，保濕咁就一般啦，但就十分之適合喺夏天使用或者唔想塊面咁厚重嘅時候用，咁個人都幾鍾意呢個質地。 而佢係喺化妝前打底都可以做到一個好好嘅作用，因為我之前用tir tir氣墊嘅時候都會十分之浮粉，轉過好多保濕度好高嘅打底都唔得(自己本身混合偏乾）。但今次使用咗呢隻打底之後估唔到令到呢隻粉底可以好貼到我塊面！完全係救咗我呢個氣墊，仲帶點水光感！所以如果想打底薄啲嘅可以試吓用呢隻，可能會有驚喜！

Kmggigi好用推薦：全效濾光護膚 UV 乳液 — 輕盈快成膜、防曬同打底一次過搞掂✨ 質地: 呢款 UV 乳液質地好似清爽乳液咁，完全唔厚重， 一開始推開非常容易，延展性好高。 不過佢成膜速度都算快， 上面時記得要快手啲推勻，咁效果會最靚。 效果: 上臉之後完全唔會泛白，反而會有少少霧面效果， 但同時塊面會變得亮白有光澤， 係果種乾淨、自然嘅好皮膚質感🤩 🔽下面係搽完推開後嘅效果，一啲都唔厚重🔽 用完之後唔會覺得黏笠，黏立感好低， 直接當妝前打底用都 OK。 之後上粉底都好貼服，唔會好易起擦子膠碎， 妝面乾淨又穩定😎 🔽搽上面嘅效果，好有光澤、🔽總結：清爽、防曬、妝前打底三合一的實用之選 想搵一支唔厚重、唔泛白、 又可以直接接住上底妝嘅防曬？ 呢支全效濾光護膚 UV 乳液真係幾方便又好用， 日常必備！✨

Kelvin好用推薦：Anessa 全效濾光活膚UV乳液係早前cosme 送嘅禮物🙏🏻 依款叫day serum 睇返包裝加咗傳明酸、紅桑子精華、透明質酸和膠原蛋白，又是護膚品，又是防曬護膚品，所以先叫做Serum。成份喺皮膚表層可以反射紫外線，皮膚底層可以吸收護膚品成份。買嘅話佢比其他Anessa 防曬同貴少少。 防曬是SPF 50，質地係淡粉紅色乳液，水狀上面之後唔油膩，用起上嚟皮膚會白淨咗，即使男士用都唔會過白，用後好乾爽。日常上班使用OK，全日喺室內都唔需要再補防曬，就好似打底一樣少許調色。

Fng好用推薦：Sofina Jenne 水油平衡美白防曬乳液▶️質地似輕爽乳液，推開後瞬間啞緻，仲有微微潤色效果，黃調肌用無泛白，後續直接撲碎粉就可以出門，懶人恩物✨ 控油力對混合偏乾肌來講剛剛好——T位keep到3-4小時乾爽，面珠墩又唔會抽乾繃緊。防曬系數SPF50+ PA+++足夠日常通勤，試過30℃戶外活動2小時無曬黑，但流汗後需要補搽（輕微有白痕）。 持久度中上，冷氣房內可維持半日，出油後無斑駁但光澤感會增加。百幾蚊有提亮+防曬+控油三合一，性價比超高！ 推薦給：✔️ 混合偏乾肌找平價多功能防曬 ✔️ 黃肌怕泛白 ✔️ 短時間戶活動需求！

dor.r好用推薦：Sofina防曬係我嘅必備妝品之一，一定要有一兩支存貨先安心😂用咗好多年空瓶過無數次，不過近來買咗好多新嘢所以有時都會離棄下佢😜呢支係化學性防曬，質地係液體狀，好容易推，我自己用大概5毫子的份量就夠搽全面，好薄好清爽，唔會泛白，又唔會焗住毛孔出粉刺，油性同混合性皮膚多數都會鍾意呢種冇負擔感覺，不過壞處係佢有陣化學味，呢度扣少少分🤏至於防曬功效都唔錯，試過搽咗佢去行山都冇曬黑，整體而言都做到預期嘅功效👍🏻不過美白功效就唔係好見到😝

lingbb好用推薦： - 我買過專櫃最貴嘅防曬。係數一數二好貴但成份好好嘅防曬 - 質地係白色乳液狀，延展性高，好易推開，極快滲透皮膚唔會泛白，透薄輕盈，往後上妝都無影響。 - 價格高在一枝防曬有埋護膚成分包括保濕同抗衰老成分，一路防曬一路美白減斑 - 使用一段時間後，皮膚整體有亮白到，非常驚喜亦覺得值回票價，白返就暫時唔用住，等黑咗先再用返一段時間🫣 - 為咗美白同靚必須不停發掘更多好選擇俾自己，呢枝冇令我失望 - 推薦俾所有美女👍🏻

綺羅香好用推薦：自上次用過Pola 美白精華之後，對同系列其他產品都好有興趣，就試入呢款美白防曬，質地水潤，好推唔笠，又唔會泛白，但一睇成份表，入面有危害珊瑚嘅成份，為咗想對海洋生態出一份力，唯有忍痛放棄入正裝，希望日後會出海洋友善嘅版本

Fng好用推薦：Sofina Beauty 美白高保濕防曬乳液 (清爽型)，聲稱集美白、保濕、防曬於一身，喺香港夏天對抗酷熱天氣， 我嘅用後感👇👇👇 質地與膚感：👍👍👍👍 (近乎滿分) 一擠出嚟係輕盈嘅淡粉色乳液狀，質地水感，極易推開。上臉後有微微嘅冰涼降溫感，瞬間舒緩夏日悶熱！最驚喜係，佢完全唔泛白、唔厚重，吸收後皮膚係啞緻乾爽嘅狀態，零黏膩、零油光，毛孔都好似有啲柔焦效果。後續上底妝極貼服，完全唔會搓泥。呢種極致清爽嘅膚感，絕對係香港夏天嘅一大救贖❤️‍🔥❤️‍🔥❤️‍🔥。 保濕度與潤色：🤔 (巧妙平衡) 雖然係「清爽型」🩵，但佢加入咗保濕成分，對混合偏乾肌來講，在冷氣房下大半日都唔會覺得繃緊或乾燥，恰到好處。淡粉色乳液有輕微修正膚色效果，能中和黃氣，提亮膚色，唔會死白，後續唔搽粉底都顯得精神同均勻。 防曬與控油力：👍👍👍 (持久穩定) 防曬力SPF50+PA++++足夠日常通勤甚至戶外活動。控油力對於T位出油有幫助，但唔算極強效，大油皮可能午後仍需補粉。但對混合肌來講，佢能做到持久唔溶妝、唔轉印，已經非常出色。 總結： 一支幾乎挑唔出毛病嘅all-in-one日用乳液！完美結合咗高係數防曬

Ning好用推薦：和同系列嘅保濕型防曬感覺一樣，而美白功能唔多覺。貪平一次過買左好多支，依家要逼住用埋佢。

kkayinn好用推薦：夏天響日本嘅藥妝店買入呢支美白防曬霜，冬天終於可以用啦！如果平日唔需要化妝只係想提亮肌膚同埋做到防曬，淨係搽呢個都已經足夠，佢係紫色因此有提亮膚色嘅功能，而且效果比較滋潤，會有輕微量肌效果。但係如果油性肌膚嘅話可能需要用蜜粉定妝。總體嚟講特價嘅時候值得買入，最鍾意佢有一陣淡淡嘅香味，有少少似柚子味，我覺得好清新。☺️

Viannie好用推薦：淡紫色防曬霜，質地清爽容易推開，有即時提亮去黃效果，唔會好黏笠，適合夏天使用。

Tszki好用推薦：地輕盈易推、不黏膩，且具有不致粉刺配方，適合日常妝前或單擦使用。具備 SPF15 防曬系數，能築起防禦層減少紫外線傷害，同時提供即時且持久的保濕效果，預防水份被陽光抽乾。不含酒精、香料、Paraben 防腐劑，且不含會引起光敏感或刺激屏障的美白成份，臨床實證不會引起刺激。使用約四星期後可感受到膚色變透亮，痘印和色斑有淡化跡象。

Kala好用推薦： 舒特膚透亮抗敏日霜抹起來輕盈好吸收，像牛奶般滑順，超保濕不黏膩！含神經醯胺和維生素C衍生物，修護肌膚同時提亮，敏感肌用起來溫和不刺激。SPF15防曬力適合室內或短時間戶外，持效8小時，肌膚看起來水嫩透亮。缺點是防曬力稍弱，戶外需補擦。整體超親膚，性價比高，日常保養好搭檔！敏感肌救星！

Jane好用推薦：超級適合夏天用既防曬，混油混乾冬天用保濕度都可以，大乾皮冬天要考慮用其他/加強妝前保濕，不泛白，好水好易推開，無香精味，新舊版都用過，重點係平！會一直回購！

Fng好用推薦：防曬度夠高，不泛白，容易推勻， 保濕又透明 ，缺點不防水不防汗，其他一切都好。

choichoi好用推薦：終於找到一款高防曬度但又同時擁有美白效果的防曬乳液，50度跟PA 4+絕對適合通勤又要往外走動的，就算平常需要出遠門也可以使用它完全沒有乾燥的感覺又不怕曬黑

twl22好用推薦：攞黎化妝前當化妝乳用，有防曬和tone up功效，質地易推開。

Kelvin好用推薦：質地有少少厚身，偏向乳霜狀，要用多少少時間先至可以推勻全面。SPF50/PA++++已經有足夠防曬度，一支方便使用👍🏻 佢有四隻顏色揀，因為我皮膚偏白，所以我揀咗2號皮膚色，希望睇落塊面紅潤少少。上面調色效果輕微，較為注重提亮效果，散發自然既皮膚光澤感。 因為支底霜係偏厚身，唔建議再加粉底液，輕輕上返層碎粉定妝就出得門口。持久度一般，比較適合乾性皮膚使用/混乾肌冬天使用，或者乾燥嘅天氣適合用。 #火熱新品

Mo Wong好用推薦：Fasio新出呢款妝前底霜，防曬度有SPF50+ PA++++，而且防汗防水抗皮脂，啱晒勁曬勁熱嘅夏天用，佢係又D杰身嘅乳霜狀，不過唔難推開，微香，佢係調色底霜，有4隻色，我揀左1號色透亮白色，佢搽上後提亮效果明顯有光澤感，令皮膚有輕微顯白，而且皮膚有潤澤感，好啱我呢D乾肌用，不過佢就無遮毛孔或細紋效果，所以我要上粉底去遮瑕先得，但佢價錢唔過$80，我覺得都ok，佢都算係開架好物。 #火熱新品

Fng好用推薦：DECORTÉ 美白防曬護膚霜｜ ✨ 質地與使用感 呢支CC防曬霜質地係絲滑奶油慕絲，推開瞬間化水，完全唔會黏笠！ 最加分係佢鼻翼位唔會卡粉，呢點好多防曬都做唔到。質地夠輕薄，真係有磨皮效果但係一啲都唔乾，On top再上粉底都好貼，唔會同粉底打交。 🌟 防曬力：SPF50+/PA++++，最高級別防禦，足夠應付香港夏天猛烈陽光。 💧 保濕與持久度 出街8小時都仲保持光澤感，唔會變黃同埋溶妝，鼻翼位置都冇浮粉嘅情況。 💔 注意事項 1. 需要卸妝：記得要用卸妝產品卸除 2. 油肌夏天要留意， 質地保濕，不控油 💡 混合乾肌夏日使用攻略 1. 懶人出街法：搽完防曬直接出門，薄薄一層已經有偽素顏效果 2. 妝前打底法：等1分鐘成膜再上粉底，完全唔會同粉底打交 3. 重點遮瑕法：有瑕疵嘅位可以on top加少少遮瑕膏，快手完成底妝 4. 用量控制：一粒珍珠大小就夠全面，唔使貪心 推薦度：★★★★☆（4.5/5，懶人必備！） 適合：趕時間返工返學、追求自然透亮妝感、混合肌/乾肌用家～ #DECORTÉ防曬 #水潤提亮CC #防曬底妝二合一 #火熱新品

Anna好用推薦：一上面會有油潤感，等一陣就成膜，感覺輕薄，唔覺有泛白，都唔黏立。但係補塗幾次後，發現鼻翼兩側甩皮，可能太乾喇，乾性皮膚一定要做好保濕。防曬效果唔錯，行山、去水上樂園，面部都冇曬黑。另外，佢都唔太致粉刺，就算補塗2次，加戴口罩，都只生左少少粉刺。

Yannesyan好用推薦：質地清爽，透薄，有SPF 50+ PA++++高防曬度，戶外活動時用有好好防禦能力！當我只搽防曬冇再化妝時，戴完口罩會見到有白色點點係臉上，但當我再on top化妝加碎粉就冇呢個問題！所以我用佢一定要加上碎粉了

Karen好用推薦：使用方便，可日當埋日霜用，當make up base用時同粉底都好配合