SUNPLAY

美肌亮膚防曬隔離霜

呢支防曬喺日本買，嗰陣諗住貪佢大枝就買嚟試吓，本身以為會唔好用，但比想像中好用！ 我買嘅呢支佢係會有去紅嘅調色成份，因為我皮膚本身比較容易泛紅，而第一次用嘅時候都比較驚喜，因為佢幫我去紅之後仲令到皮膚睇落比較淨白，所以我基本上日常都會就咁用，佢就可以出到門！ 而佢質地會比較透薄少少，保濕咁就一般啦，但就十分之適合喺夏天使用或者唔想塊面咁厚重嘅時候用，咁個人都幾鍾意呢個質地。 而佢係喺化妝前打底都可以做到一個好好嘅作用，因為我之前用tir tir氣墊嘅時候都會十分之浮粉，轉過好多保濕度好高嘅打底都唔得(自己本身混合偏乾）。但今次使用咗呢隻打底之後估唔到令到呢隻粉底可以好貼到我塊面！完全係救咗我呢個氣墊，仲帶點水光感！所以如果想打底薄啲嘅可以試吓用呢隻，可能會有驚喜！

妝前打底：美肌亮膚防曬隔離霜（薰衣草紫） 💜 產品介紹： - 名稱：美肌亮膚防曬隔離霜（紫色） - SPF：高防曬值 - 顏色：薰衣草，紫色 用後感：❤️❤️❤️❤️❤️ ✅ 質地輕盈：呢款隔離霜質地輕薄，推開後非常容易吸收，唔會有厚重感。 ✅ 顏色效果：紫色能有效修正膚色，令肌膚看起來更加明亮，改善暗沉。 ✅ 妝前打底：適合作為妝前打底，能令後續底妝更加服貼，妝感更加自然。 ✅ 保濕效果：使用後肌膚感覺水潤，能保持妝容持久，適合乾性及混合性肌膚使用。 ### 上裝次序： 1. 清潔肌膚 2. 使用爽膚水 3. 塗上精華液 4. 使用保濕乳液 5. 塗上美肌亮膚防曬隔離霜（紫色） 6. 最後進行底妝 總結：❤️ ⭕️ 無限回購：如果你想要一款能提亮膚色並有效防曬的妝前產品，呢款美肌亮膚防曬隔離霜真係唔可以錯過！

☀️夏天好物介紹☀️防曬篇 主打防曬最高系數SPF50+PA++++及超強大修飾膚色功能的它，無論在日、港、台也有超高人氣！ 最多人談論的薰衣草紫色，確實是有出色的美肌及即時亮白膚色效果，已回購過2次。 但今次要講的是新色之一的薄荷綠，簡直驚艷到我！(　ﾟдﾟ) 它除了肌膚塗抹後變得透亮之外，還

係我夏天必不可少嘅防曬，我係每日都會用50度嘅防曬，呢款係有色防曬，顏色係帶小小淡粉色，搽上臉可以幫我均勻膚色，仲帶少少閃粉，令到我可以快速達到日常好氣息嘅狀態，質地易推開，用完我嘅皮膚有自然提亮嘅效果，用完一個夏天皮膚都冇變黑，容易卸妝清潔乾淨，我幾鍾意用嘅防曬 @cosme #防曬

聖誕就黎到啦，想化返個透薄既妝感玩全日都唔脫妝，除左可以靠妝前底霜之外都可以用調色既防曬 哩款防曬用黎做禮物送比sis我覺得都好適合，因為性價比真係非常之高 哩款防曬係紫色既，可以將皮膚暗沉、黃既部分進行提亮，我通常攞手指第一節既份量係面中、額頭同下巴搽上，延展性非常好，如果想肌膚每一個位都搽到就向外搽咁就唔會漏左冇搽到同埋咁樣會比較均勻 上完之後除左提亮之外再後續上底妝都唔會打架，用好少既粉底液上一層好似媽上好皮膚咁，好適合就黎聖誕出去party玩既時候用

見有特價所以買來試吓，質地cream狀易推，紫色可以修正膚色，上面令肌膚變白有光澤但唔係死白果種。SPF50夠曬平時用，價錢唔貴岩曬日日用。

質地好透薄，就算厚搽都唔會令到塊面有好奇怪嘅白，有提亮膚色 夏天用可能有少少笠，加少少水粉就解決到呢個問題

有綠色同紫色包裝購自donki ( *ᴗˬᴗ)⁾⁾ 本身皮膚膚色偏黃，個人認為用綠色膚色會比較自然啲；紫色個款係我身上會睇落過份白，會有唔自然嘅效果，不過無可否認真係會睇落白好多，可能要配合番粉底液唔可以單用(|||O⌓O;) 另外本身呢款防曬搽完會睇落有閃令令嘅效果，建議接受到先好買( ꒦ິ꒳꒦ີ )

日日都要搽防曬，見到依款新推出嘅唔係Tone up 而係 Light up 亮肌即刻買黎試下咩效果。 質地: 白色珠光乳霜狀，較厚重難推開 效果: 提亮光澤，增加透明感，偽素顏 用後感: 質地較杰身，有少少閃粉的確睇落皮膚好有光澤同白一度，好似用緊素顏霜咁，唔會泛白，全身同臉都用得。依個 Tone up系列除左以往嘅紫色/綠色/桃色仲有新出黃色，可以當底霜用岩晒我啲泛紅皮膚。

兩隻質感搽落去差唔多，同埋香氣同埋顏色都有啲分別，我會視乎返嗰日皮膚嘅狀態去揀搽邊隻防曬，感覺綠色嗰隻搽落去皮膚會自帶透明感，同埋塊面睇落去冇咁紅，紫色嗰隻就修正膚色，皮膚又偏黃搽完之後會變得白好多，兩隻都係好容易吸收，自帶光澤感嘅防曬，取代妝前底霜都冇問題 但當素顏霜嘅話，就要留意返佢嘅持久問題，最好查完之後用隻勁啲嘅散粉

防曬能力唔錯，唔黐湆湆亦都容易推開，防水效果唔錯。但係提亮效果有點太死白，如果係偏黃皮膚搽會有點過白嘅情況。呢款防曬亦都只係適合搽身體，搽係面上會有點兒刺激引起泛紅

前後回購咗幾支，其實萬寧經常特價，特價嘅時候真係好平，CP值好高。搽上面嘅時候容易推開，亦都唔會黏立，而且佢會令到塊面膚色白啲，但係唔知點解我試咗好多唔同嘅護膚品，同佢一齊用都係會出擦子膠碎，如果乜都唔搽，淨係搽佢嘅話又冇事喎😵‍💫 對於我嚟講用唔用佢都係有啲苦惱，但係查完之後面色係真係靚咗，唔使化妝都覺得氣息好咗

啲款防曬隔離霜，裏面有少少嘅珍珠閃粉，可以搽面可以擦身，搽咗之後皮膚亮度光咗，防曬度很高，都幾保濕，唔會難推開，不過防水防油一般般，適合唔會太出汗嘅日子。

好奢侈咁呢支防曬我係用黎搽身體的🤣 搽完有啲痴笠笠，要等佢吸收下 但吸收都快，有少少香味，好似有少少閃粉咁 Tone up就少少少少啦，唔太明顯嘅 防曬效果一般啦，唔特別出眾 買係因為佢個包裝好靚🤩 紫藍色好夢幻

包裝好夢幻，顏色係淡紫色，唧出嚟要盡快推開，唔係會有啲起膠，有淡香味，幫助氣息更好，調色效果不錯，有珠光感同立體感，但防晒雖然50+PA，但使用時又無感覺變白，出汗時會浮面，一抺好似就少左一半，唔好太期待防晒效果，用後會黏立，建議用碎粉按一按