SNIDEL BEAUTY 好用推薦產品

EC好用推薦：今次入手咗SNIDEL BEAUTY 眼影盤嘅 02 號色，個包裝外殼顏色真係好有少女心，而且唔易顯污糟又唔怕刮花。個盒攞上手有少少份量、幾有質感，完全有專櫃大牌嗰種高級感。雖然 SNIDEL Beauty 啲嘢一向唔算平，但鍾意佢哋嘅人，真係每次都會被佢哋個包裝同配色神仙級吸引到！ 一開盒睇見啲顏色，真係即刻「心心眼」！當初我都掙扎過買唔買最多人推介嘅 1 號啡色盤，但最後見到 02 號呢個酒紅同溫柔甜粉配色，真係完全抗拒唔到。佢有齊深淺唔同嘅粉紅色，攞嚟做眼皮暈染或者畫臥蠶層次都超靚。最正嘅係，最深嗰格酒紅色搽出嚟唔會太死實，可以直接拿嚟當埋胭脂；淺粉閃閃格又可以拿嚟做 highlight，一盒化哂全面，令個妝整體感更一致！ 手感方面，粉質摸落去好細好滑，上眼蓋完全唔覺有飛粉問題。之前聽人講話中間嗰兩格大閃粉上眼容易掉，但可能因為我眼皮會出油，啲閃粉反而黐得超實，連卸完妝都仲有少少殘留，品質真係冇得挑剔。 講到顏色，呢盒眼影搽出嚟真係有一種超特別嘅「仙氣感」，成個感覺好乾淨、好優雅，好似仙女咁，拿嚟化約會妝簡直一流！佢係冷色調眼影盤，不過用喺我呢個皮膚唔算特別白，有少許偏黃嘅人

Fng好用推薦：SNIDEL BEAUTY 嘅 05 Purely Sweet 係 2026 春季新色，官方形容佢係「帶有淡淡藍調、提升透明感嘅粉紅盤」。呢盤喺日本美妝界口碑相當強~ 🎨 六色結構（一盤有齊冷暖調） 呢盤最特別係 6 色中有 5 色都係珠光/閃片，只有 1 色係霧面，質感層次好豐富： · a 玫瑰粉：帶藍綠偏光珍珠，用嚟打底或疊加都得 · b 裸米色：薰衣草珍珠，提升透明感 · c 貝殼粉：含細碎碧璽同銀色閃片，係盤入面最閃嘅一格 · d 霧面灰紫：唯一霧面，用嚟收眼尾、畫眉都得 · e 玫瑰棕：黃紅珍珠，加光澤同深度 · f 深棕：黑棕珍珠，用嚟畫眼線或加深輪廓 💬 評價 · 唔顯腫：黃皮薄塗融入肌膚，好易用。 · 閃片高質：上排右邊嗰格閃片真係好靚，用咗 8 個鐘珍珠光澤冇減退，唔使用眼影底霜都冇問題。 · 大人感平衡：粉紅色盤好易either太可愛or太淡，但呢盤因為有 灰紫同深棕色 做收尾，甜度同大人感平衡得啱啱好，情人節妝又得、日常返工都得。 ⚠️ 要留意嘅位 · 限定包裝 vs 定番色：初回限定係絲絨布面刺繡包裝，之後會轉做普通透明膠盒。但顏色本身係定番，唔使驚

Fng好用推薦：SNIDEL 五色綜合盤 01 フェイス スタイリスト n（Face Stylist n）01 Iconic Beige 呢個係五色綜合盤，官方定位係「面部綜合盤」，一盤有齊眼影同胭脂。01 色號叫「經典米色」，淡淡溫暖感嘅米色漸變，唔挑膚色。容量 9.3g，主打自然百搭、返工見得人嘅妝效。 💬 呢盤發色柔，佢粉質濕潤貼服，珠光同閃片質感可以按當日心情揀。 值得讚嘆嘅係佢嘅highlight勁細緻，又唔顯毛孔。 📌 總結 如果你想要一盤搞掂眼影＋胭脂、走自然米色路線，揀 Face Stylist n 01 Iconic Beige。 #SNIDELBEAUTY #スナイデルビューティ #FaceStylistn #IconicBeige #EyeDesignern #CoralCharm #日系眼影 #五色綜合盤 #@cosme香港

Jasmine L好用推薦：Snidel多用途眼影十分方便，我眼皮偏油都好啱用！ 眼影質地細滑易上色，顏色自然帶有光澤，多用途設計可以做眼影、眼線同打亮，甚至我會用埋嚟做胭脂。 日常/出街都啱用嘅色眼，而且持久度高，唔易脫妝或卡紋，無刺激、無粉塵飛，顏色飽和度高，強烈推介！

LilyC好用推薦：我用嘅係#12 Endless Sky，真係好用到空晒見到埋鐵片！最鍾意佢嘅紫色珠光，掃上臉好自然有好氣息，唔會太浮誇或者過閃，粉質亦好柔滑貼服，有種好似天生紅暈嘅紅潤光澤感。已回購！