純素美妝 推薦好用產品

Wuxx好用推薦：好辛苦咁用完佢枝精華之後終於要再次回歸翻底霜嘅懷抱～ 我諗皇牌就係皇牌，真係唔係亂出新嘢就可以取代到佢嘅地位～ 好多人話feel唔到佢有咩特別， 如果你問我佢勁嘅位， 我會話佢可以令所有難用嘅粉底都變得好用左。 好多時買新粉底翻黎， 頭幾日都覺得買到神器好開心， 之後個幾日就會覺得粉底好似變左質， 甚至乎會怪氧化左。 其實就算晚晚訓得好/差唔多， 皮膚都會有好多因素令到訓醒有變化。 偶爾訓醒會臉乾，毛孔粗大左，容易卡粉， 都可以用佢黎助攻一下～ 擦上臉用手摸雖然會有輕微嘅黏膩感， 但同唔透氣/皮膚悶住感覺唔一樣。 係個種皮膚灌滿保濕之後上左陣保護膜嘅感覺。 正係依個質地嘅關係， 可以同底妝好好咁融合埋一齊， 上完嘅底妝會更貼膚。 無搽嘅時候肌膚紋理相對明顯，比較有顆粒感 搽完面霜皮膚會有種澎彈感，毛孔都隱形哂！ 當然無可能100％無毛孔，但成個妝感真係會好好多～ 個人覺得因為好保濕，所以會更適合乾肌同混合肌。

Sakura醬好用推薦： 大乾皮即刻變臉！！水潤細緻零毛孔！！ 芭比波朗妝前橘子霜‼️ 真係拯救咗我塊沙漠大乾皮！ 我願意稱佢為乾皮底妝嘅夢中情霜！ 我每次上底妝前，就用 一粒黃豆咁大嘅份量 喺塊面推開之後，粗糙感即刻消失！ 成塊面摸落去都 特別平滑透亮🆘 各種小細紋同毛孔！全部被填平！ 底妝雙面膠科技令到化完妝都 特別貼妝 牛油樹果脂成分 🉑以將水分子牢牢鎖喺皮膚裡面 鎖住滋潤＋瞬間撫平，全日帶妝都唔會繃緊！ 上完底妝直接係嗰種 無瑕千金妝感！！！ 真係驚艷咗我好耐好耐！！ 😍 超好睇！！！靚到起飛！！ 再講多句！乾皮用呢支面霜！ 一定要學識點搽！然後慢慢拍開！ 無論日常護膚定係妝前用， 都可以輕鬆擁有 天生好皮膚！ 純素配方用落好安心， ✅真係做到 妝前＋養膚二合一！

Fng好用推薦：NARS 源生光亮肌Cushion，擁高防曬系數 (SPF 50/PA++++)，喺香港 #夏天 紫外線超強，呢個氣墊自帶高防曬，慳返防曬步驟👏，戶外補妝更方便。 我覺它抗汗能力不俗❣️，出汗後唔會輕易溶妝，只係T位會少少出油，用紙巾印走油光後，妝容依然貼服。 光澤感自然，水光妝效睇落似 偽素顏😚，質地透薄，就算疊加兩層都唔會面具感。 保濕得嚟唔笠，質地清爽，混合肌用都唔會黐笠🤩。 遮瑕度唔算超高😨，深色暗瘡印或大塊泛紅可能要額外遮瑕膏，但普通毛孔、暗沉夠用。 ✅ 推薦俾👉鍾意水光妝感、需要快速上妝+補妝、常出入冷氣房+短時間戶外。 ❌ 唔建議： - 要求 極高遮瑕 或 霧面啞緻妝感。 - 成日暴曬/戶外工作（建議用專用防曬+持久粉底液）。 #夏天

popocarcar好用推薦：趁有優惠，買咗一個嚟試，第一次用cushion 產品。 有光澤感，唔卡粉，無起乾紋，唔錯。 #火熱新品

mandy好用推薦：Caudalie Vinoperfect 葡萄蔓極緻亮白系列 葡萄蔓極緻淡斑亮白精華 Vinoperfect Brightening Dark Spot Serum $710/ 50ml 在整個Vinoperfect系列中，我最喜歡極緻亮白去角質泡沫、極緻亮白精華露及葡萄蔓極緻淡斑亮白精華。由於我在夏季也常走路，所以曬黑了好多，於是我在秋冬季的早上都會用葡萄蔓極緻淡斑亮白精華，努力用了1個月左右，肌膚開始變白淨。因此，我很推薦大家用Caudalie家的葡萄蔓極緻淡斑亮白精華。 葡萄蔓極緻淡斑亮白精華的質地柔滑好推，延展性很好。不過由於已踏入極乾燥的冬季，我會覺得葡萄蔓極緻淡斑亮白精華的質地太水感清爽了，所以混合保濕精華一起使用，令肌膚可以美白保濕並存。 成分方面添加了少量美肌成分，以保濕成分、抗衰老成分及抗氧化等成分為主，美白方面則以專利成份Viniferine葡萄藤萃取液為主。 葡萄蔓極緻淡斑亮白精華的價位是設定在中高價，大家可以留意Sogo Thankful Week 期間的特價套裝及打折優惠，會比平日抵買(有時facial也有特價的～)。 注：部分Cauda

YYeman好用推薦：Caudalie亮白精華：皮膚真係會透光？ 講到Caudalie嘅亮白精華，好多人都話佢係「平民版小燈泡」。今次就同大家簡單講下用後感！ ✨ 質地同氣味： · 質地係乳白色乳液狀，推開好水潤，吸收得快，唔黐立立。 · 有陣好天然嘅淡淡葡萄藤味，唔係人工香味，聞落好舒服。 💡 用後效果： · 保濕度不錯，就算係混合肌，用完都唔會覺得油膩或者乾。 · 用咗大約兩三個星期，會覺得塊面冇咁暗沉，尤其係嘴角、鼻翼呢啲位，膚色均勻咗少少。 · 淡斑效果唔算好明顯，但整體提亮同去黃氣就真係有料到，皮膚望落去會「透光」啲。 ⚠️ 注意位： · 如果你係極敏感肌，最好耳背試咗先，雖然成份天然，但都有少少酸類成份。 · 想效果明顯，一定要夠量同持之以恆，同埋日頭一定要搽防曬！ ✅ 總結： 性價比高，溫和提亮效果唔錯，適合想均勻膚色、去黃氣嘅人。如果想要強效淡斑，就可能要疊加其他產品。整體來講，係一支穩陣唔伏嘅入門亮白精華！

Emily Leung好用推薦：【皮膚救星！✔️一按搞掂泛紅敏感！】 有冇人明每次生理期塊面就紅敏嘅痛苦！！！ M期荷爾蒙搞到個人超敏感 唔生性塊面一捽落去粗過砂紙 搞到個人勁焦慮啊啊啊😭 之前一直用開佢支靈芝水 敷面退紅滅痘真係無得輸 今次入手靈芝精華更加冇令我失望 ✔️抗紅敏鐵三角 赤靈芝+白樺茸+甘草根 組成抗紅敏鐵三角戰隊 3大路線打殘紅敏因子 由根源撲滅泛紅 抑制紅敏出現👍 ✔️獨家仿生屏障科技 又修到屏障又減低敏感 先幫皮膚補窿補罅 再起返座城堡幫塊面擋走外來刺激💪 佢係液體繃帶精華乳質地，真係好特別！ 搽上塊面好似貼多層皮 無形中形成咗層隱形修護膜 雖然成膜但係完全冇黏笠悶熱感✨ 而家經期皮膚敏感泛紅終於有解！ 平時夜晚護膚我都用佢 塊面只要稍微唔聽話好快就鎮壓返 第二朝起身塊面水嫩嫩💦 用多排之後發現 皮膚狀態定過枱腳！！

Catherine 好用推薦：朋友介紹購買，用過之後，自己都覺得幾好用，皮膚有改善，有變白滑，沒有過敏

YYeman好用推薦：講下我賣到斷貨嘅超好用冷門品牌！ Sabon呢個牌子我買咗兩年幾， 真係個個用過都必定比好評！ 係冷門得嚟又賣到爆煲🔥！ 呢支面部磨砂膏而家冇盒特價先百零蚊人仔 原價要300+，用完塊面滑溜到呢～治癒到爆！ 仲要個樽真係靚到不得了！ 磨砂玻璃樽加淡紫色膏體， 完全擊中少女心啊！ 支磨砂膏係二合一面部清潔， 即係磨砂+洗面奶二合一， 裡面乳白色膏體就係洗面奶， 質地似足雪糕咁滑溜。 我嘅用法：整濕塊面後均勻搽上臉， 加少少水輕輕按摩， 唔使似其他清潔面膜要等十分鐘， 按摩得七七八八就可以直接沖水。 海鹽磨砂粒子大部分都好細， 間中會有幾粒大嘅參雜裡面。 洗面奶都好溫和唔起泡， 乾性敏感肌都可以放心用。 官方冇寫一星期用幾多次， 我自己覺得當清潔面膜一星期一次就差唔多。 真心推介俾大家！！

Fish Tse好用推薦：我好中意薰衣草陣味，可以令人安定心神，改善焦慮同放鬆等功效而且味道仲好好聞添，所以見到哩款磨砂面霜就心郁郁想試 為肌膚磨砂清潔係每個星期都要做既事，普通磨砂建議每星期用一至兩次可以清除角質令皮膚更加乾淨同埋吸收後續既保養產品會更加好 哩款磨砂潔面二合一性質溫和，唔會對皮膚做成負擔或者使用過度會傷害肌膚，可以每日都使用 當中天然荷荷巴磨砂粒可以為肌膚去除角質、淨化毛孔，亦含有死海礦物質同復活草精萃可以為肌膚作平衡同補水 磨砂洗面係呈薰衣草紫好夢幻，取量唔需要好多都夠洗全面，我會取大概$5銀份量既磨砂加少少水溝埋之後就開始上面打磨，係重點位置T字位、下巴位打圈，沖洗之後就會覺得好滑捋捋既感覺

Poyobb好用推薦：柚子面膜的主要功能係保濕同提亮膚色。佢嘅紙質好柔軟，而呢款面膜嘅精華係乳液質地，柚子味道淡淡地唔會太刺激，第一次敷上面都完全冇刺激或者刺痛感覺，成個感覺好舒服☺️ 面膜入邊嘅精華係乳液質地，所以我認為瞓覺前用較適合，並不作為急救面膜化妝前用。敷完之後成塊面係好柔軟，而呢種質地感覺皮膚會係滋潤咗滲透咗水份入皮膚，膚色變得平滑了。另外佢嘅美白效果就係一般，但如果一個星期敷一次你嘅皮膚會keep住好水潤🥰 對於我混合肌膚嚟講，夏天鍾意用水份較重嘅面膜，而依款柚子面膜我會比較鍾意喺而家秋天轉季至到冬天都啱用。

Kura好用推薦：被我稱為世一嘅精華，真係保濕效果一流嘅精華，秋冬季節嘅必備單品，精華嘅質地係超級水潤，搽上臉兩秒都唔洗就已經完全吸收曬，無香味，我堅持用咗一段時間都覺得自己嘅皮膚有改善，整體嘅水潤度有所提升，膚質方面都有好大嘅改善，價錢方面都非常實惠，我絕對會繼續回購嘅一款精華，推薦俾同我一樣都係乾性肌膚嘅朋友仔，呢款精華一試包你都會即刻愛上，同埋產地係台灣，大家都快d去試下啦 @cosme #火熱新品 #火熱新品

Chan好用推薦：Innisfree 巴西莓面膜是一款受歡迎的護膚產品，主要以巴西莓（也稱為亞馬遜莓）為主要成分， 連續使用6天後的使用感受 質地，面膜的質地通常較為輕盈，塗抹時感覺順滑，不會造成厚重感。 吸收性，大多數用戶反映該面膜容易被肌膚吸收，使用後不會有黏膩感。 效果， 許多用戶在使用後表示肌膚變得更加水潤、有光澤，使用幾次後，膚色的均勻度也有所提升。 總的來說，Innisfree 巴西莓面膜在滋潤、修復和提亮方面表現出色，適合各種肌膚類型，尤其是乾燥和暗沉的肌膚。

YolandaAuYeung好用推薦：產品介紹： - 適合所有肌膚 - 97%天然成分 ，天然的薰衣草和香根草精油、蘊含乳木果、巴西果仁油及橄欖油 - 毫不黏膩、質感輕盈，肌膚可迅速吸收 質地／易推度：4.2分 初時質地較挺身，不太親膚，待用指尖熱力慢慢推開後就與肌膚緊貼融合，像牛油般塗抹後溶化了變成奶油 氣味：4.8分 氣味自然柔和，不刺鼻，滲出淡淡的薰衣草和香根草的幽香，令人慢慢舒緩情緒，立即放鬆下來 吸收度：4.8分 來回塗抹後，潤膚乳慢慢與肌膚融合，打圈按摩後，繼而再慢慢被手背肌膚完全吸收。 吸收度相當高，肌膚清爽不油膩，面油紙並沒有黏附在手背上 滋潤保濕度： 4.9分 用後繃緊的肌膚即時感到滋潤柔軟，充滿光澤感。經水份測試機測試後，肌膚水分大幅提升了27% #火熱新品 #專櫃抵買好物

iliya 好用推薦：呢款潤膚乳係含有乳木果、巴西果仁油及橄欖油等成分，搽上皮膚後卻迅速吸收，一啲都唔黏膩，格外滋潤😍

HaloPrettyPig好用推薦：乾手乾面用，不停打圈會有碎碎的走出來。用後皮膚很滑溜，但有時要用很多水才可以徹底沖走，如果沒有徹底沖走，會有黏黏的感覺殘留在面上。可能對某些人有刺激性，我老公用後鼻頭變得又紅又痛，足足3天才感好轉，所以要改用另一個去角質產品。

kameari好用推薦：平時一直有用開body shop，見呢一枝係溫和嘅去角質啫喱，就買咗黎試。一吱出黎覺得有一陣唔識形容嘅味，不過唔係難聞，係接受到的冇咩問題，見佢有雪絨花、海濱刺芹、海茴香同辣木籽油嘅成份應該就係其中嘅味嚟。 感覺成份都天然，用落去幾溫和，係啫喱狀會捽出擦膠碎，唔知係真係去到老化角質，定係本身嘅成份。 不過洗走後感覺係有乾淨到少少，皮膚係滑咗，唔會覺得乾或扯。職員有建議可以每星期用兩至三次。 之後用埋補濕覺得有幫助到吸收落肌膚咁，整體用咗一小段時間都冇敏感，皮膚有滑到同乾淨到，感覺唔錯。

橘子貓好用推薦：Aloe 90% Fresh Mask 面膜紙偏薄，易拉扯變形。面膜的精華液有厚度，標示有20g，量不多不少，包裝袋沒有太多精華液有餘。敷上臉很伏貼，基本上不會變皺或起泡，面膜很掛臉，精華就算偏厚也會不滴落。面膜效果偏向舒緩、保濕，成份𥚃沒有添加香料、酒精。主要是一個快速補水降溫的效果。可能沒有添加太多增稠劑或滋潤成份，敷了15後，鼻頭、眉毛位置的面膜紙明顯收乾變白，不宜久敷。

呆呆的槑好用推薦：在韓國見到有又便宜買來試試，現在香港也買得到🥰 這個面膜紙真的要大讚，是我用過最貼服和薄的面膜，我貼完遠看好像沒貼一樣🤣🤣 敷完也不會黏膩，反而面明顯降溫和有補水感，摸上去像jelly😍 推薦平常不喜歡太潤和會黏的面膜的人用下，乾肌的話就推薦夏天試試！

hellolulu好用推薦：BA極力推介有助抗污染、促進皮膚更生修復，但見有酒精、水楊酸和香料等敏感肌不友善的成分，安全為見先試用了幾包試用裝，確認沒有導致敏感和使用感不錯後，才自購了貨size (此為30ml，另有50ml裝會較抵)。 包裝簡潔，滴管能準確擠出所需份量。精華液呈透明，質地水潤，潔面後使用兩至三滴，按摩全面後再塗上面霜，暫時夏天初秋使用都夠保濕力。用了幾個月只用了約半瓶，都頗襟用。 使用數月以來感覺皮膚較穩定，即使日日戴口罩焗住皮膚亦比之前少了冒暗粒暗瘡，亦有朋友讚膚色望落較通透明亮，有動力繼續用😂

Kura好用推薦：有一段時間係瘋狂用呢款精華，質地好快吸收，好水潤，用完皮膚飽滿咗

mandy好用推薦：Caudalie  Vinoperfect Glycolic Peel Mask 葡萄蔓極緻亮白更新面膜 $240/ 75ml 質地滋潤的霜狀美白面膜, 也是只需敷10分鐘的速效面膜， 而且可以一面敷mask,一面玩手機之類。 保濕力不錯，帶非常淡的香味, 使用感舒適。 使用後，觸感有少許黏笠，肌膚水潤飽滿, 膚色更均勻明亮，而且不會引起乾燥。 含有眾多優質護膚成分, 如保濕、抗衰老 及 美白/均勻膚色成分。 Caudalie 除了很有名氣的美白精華液,  美白系列中我最愛這款美白面膜。 一款面膜可以多功能護膚(兼顧保濕、抗衰老 及 美白),  而且每次只需敷10分鐘, 再忙也可敷,  [哈~]好適合懶惰的我使用, 實在對Caudalie的研發十分感謝! 含保濕成分: 甘油, 角鯊烷, 葡萄籽油, 甘醇酸(Glycolic Acid), 辛乙二醇, 乳酸, 精氨酸, 聚甘油-6, 葵花籽油, 葡萄糖 及 藻膠 抗衰老成分: 甘油, 角鯊烷, 葡萄籽油, 甘醇酸(Glycolic Acid), 甜沒藥, 乳酸, 精氨酸, 酒石酸, 葵花籽油, 維他命E 及

bearbear246好用推薦：呢款算係好溫和既化學性去角質產品 用完塊面會感覺即刻滑左同有少少明亮效果 算係近期最喜歡既去角質產品

takemyokane好用推薦：買 medicube 美容儀附送的贈品，質地是透明啫喱狀，很清爽適合夏天用，面膜片也很貼面，精華足夠後面配合美容儀深層吸收，敷完感覺皮膚十分保濕水潤。 其實沒有什麼大問題，但約 $30 一塊也不是沒有其他性價比更高的産品代替，所以找不到回購的理由 🤔

Angie好用推薦：包裝顏值100分 💯 一拎上手已經覺得好有質感✨✨✨ 精華偏啫喱狀，敷上面嘅時候比一般面膜舒服，用完皮膚好水潤，值得回購👍🏻

Ruby好用推薦：這款氣墊真的很強！ 妝感輕簿不黏笠，油肌使用10小時後0補妝也不脫妝！出油後是很好看的奶油肌！大推！

Blooming好用推薦：Caudalie 葡萄蔓極緻凝白晚霜，質地我覺得算是比較笠，我秋冬天才會用。但吸收都算快，唔會話焗住啲皮膚，亦不會令我起粒粒。保濕效果是幾好的。淡化色斑效果不太看到。但提升肌膚亮澤度是有感的。

lingbb好用推薦：- 採用日本清酒發酵技術，純素、無酒精，配方包含3大益生菌＋2大益生元，透過改善肌膚微生物菌運作提升肌底屏障口，敷完皮膚水嫩彈滑 ，瞬間提亮膚色 - 面膜採用100%無漂染有機棉，親膚性極高，敏感肌啱哂 - 覺得鎮定效果非常好，薄荷清涼感好強。 - 使用感不錯，適合曬後修復，或者皮膚狀態不太穩定的時候使用。

AK好用推薦：我推介SNOW FOX日本清酒益生菌面膜嘅原因係敷完後，即時感到肌膚很保濕、很滋潤、而且即時提亮。另外，面膜採用100%無漂染有機棉，親膚性極高，適合敏感、泛紅肌膚人士使用。

Verna好用推薦：我一向對成份天然的護膚品很有好感，這是一個天然純素品牌，也是我第一次接觸 這個面膜的成份有人蔘根、橄欖葉和小球藻，都是比較少見的成份，面膜紙是棉質無漂染，十分親膚，就算敏感肌也可安心用，不過我覺得面膜紙的尺寸有點大，不太貼面，有點扣分 精華液的質地不是水稀稀，而是有點黏稠，不過敷上面都是舒服的，我大約敷15至20分鐘，就會撕去面膜，面膜紙仍然濕潤，不會很乾，而面上仍然有點精華液，我會再按摩一下令皮膚再吸收一下 敷完面膜後，發現皮膚好似飲飽水，毛孔變得很細緻，真的不錯👍

lingbb好用推薦：- 呢款面膜功能性好多，唔知敷咩就敷佢 - 主要功效有保濕、緊緻、修復、抗氧化及增加肌膚彈性，源源不絕補充膠原蛋白及醣脂質！ - 最適合以下問題用： 現鬆弛、缺乏彈性、乾燥及激光療程後嘅肌膚。 - 面膜紙都係100% 天然成份， 有淡淡草本香，用完飲飽水，皮膚漲卜卜，感覺到精華能迅速滲透肌底，好高鎖水能力 - 推薦

lingbb好用推薦：- 我係被佢嘅自熱式提亮吸引，含銅肽、煙酰胺和 PAD，有助於最大限度地縮小毛孔。 - 用刮痧板一齊用可激活熱力，熱力可幫助打開毛孔，從而更好地吸收精華， -PAD 可鎮靜痘痘和發紅，增加膠原蛋白的生成：包含煙酖胺，可最大限度地縮小收緊粗大毛孔。 - 覺得有啲啲作用，皮膚真係透亮有光澤，膚色均勻咗

Lauren好用推薦：呢隻產品 我由佢出咗冇耐，已經開始不斷用佢 我本身係油性肌膚 好容易出暗瘡粉刺問題 塊面都會有少少嘅凹凸洞 其實用咗好多產品皮膚狀況都反覆會出現唔穩定嘅狀況 再加上香港天氣容易潮濕 我自己又比較容易出油 皮膚狀況會比較粗大 自從用咗呢一隻面霜之後 我覺得成個皮膚好似重生一樣 皮膚狀況好咗 冇咁容易出暗瘡 粉刺都減少咗好多 凹凸洞亦都有改善 最重要係佢嘅質地比較水潤 而家我出街，亦都會戴口罩 有時查好多精華面霜皮膚會好立次次 但係就算用完面霜，我再戴口罩出街 都唔會再有黐立立嘅情況 我有推介俾好多身邊嘅朋友用 用完都覺得好好再返叫我幫佢地買 所以真心推介 用過咁多隻體驗最好嘅一隻🫶🏻