NYX Professional Makeup 好用推薦產品

Viannie好用推薦：性價比極高，百幾蚊就有16色，好適合初學者/學生/想試多種顏色嘅人入手。我選擇咗呢盒USP09 phoenix 入手，顏色偏向紅橙黃tone, 貪佢多色玩。顯色度唔錯，係粉質唔夠細緻，一次過拎太多會上色唔均勻，不過勝在多元化，一盒有齊啞色，柔和珠光同較粗粒閃粉嘅色都有，可以做多種變化係幾好嘅。

Rin好用推薦：呢盒大名鼎鼎嘅NYX 16格眼影，我覺得基本上係會化妝嘅人人手一盒 眼影呢係用得非常之慢嘅其中一樣產品咁但佢嘅配搭又非常之多，所以呢有陣時就會買到成屋都係眼影 我覺得佢幾好用，係因為佢可以慢慢疊色，就唔會驚一下帶咗上去，然後就一達喺度 都有啲人話佢顯色度好高嘅，但係我覺得佢顯色度未算話好高，因為有一啲真係一上去你就救唔返 而且佢嘅飽和度較低，唔會突然之間好sharp 適合大部份嘅皮膚 可以做到好多唔同嘅妝效到適合一年四季用嘅

Chloeincosme好用推薦：呢枝NYX嘅Makeup Setting Spray其實買左好耐，但最初用嘅時候，我發現佢嘅噴頭噴出嚟嘅噴霧唔夠幼細，一嚇落塊面會搞到個底妝一撻撻😂感覺有啲唔夠均勻，所以放左佢入冷宮好耐。後來，我試咗一個新方法，用佢噴喺化妝粉撲上面，嚇到微濕，效果真係出乎意料！ 用呢個方法之後，我發現底妝變得更加服帖，妝感自然有光澤。粉撲吸收咗噴霧後，輕輕按壓喺面上，令肌膚有水光感。妝容持久度明顯提升，即使經過一整天，底妝都冇咁容易脫妝

Noel好用推薦：開架美國品牌 NYX 以性價比搶佔了年輕人的市場，這款 Makeup spray 就剛好代表了品牌的特性：價格佛心，定妝效果佳❗黑色這款 Setting spray 係 matte finish，對於追求霧面肌的我而言，真的很吸引😝 NYX 定妝噴霧包裝簡約，噴咀達中度至細緻，沒有噴水柱／面部出水珠的 fail 情況，讚👍產品味道一般，但不算難聞，加上容易消散，個人認為可以接受。 使用習慣：化妝過程中使用 2次 1️⃣ 防曬後噴一次，當作 makeup 打底 2️⃣ 粉底後加噴一次(輕手) 再上定妝粉 基本上全年使用都 ok 沒有問題，CP值滿滿 👍（只是，再好的 setting spray 對著囗罩都係冇反抗力，粉底還是會沾囗罩的，所以沾不沾囗罩這個問題，不會影響我的評分。） #派對完美底妝

Sanna Cher好用推薦：產品質地比乳霜更紮實，不太容易延伸，但具有高遮瑕力，是適合作為粉底步驟前的眼底遮瑕。使用妝前乳霜後，直接使用遮瑕掃在眼底及其他泛紅與毛孔粗大位置抹塗，在這個步驟上並不追求完成，而是基礎遮瑕及調色。使用半扇形的遮瑕掃，將遮瑕膏輕拍於臉上的效果，是有比沒有使用產品更好。在塗上粉底及其他產品的完妝照片，見不同瑕疵有因為使用產品而減少。總括來說，是具遮瑕標準而性價比高的產品，調色上亦滿意。

Kura好用推薦：呢款遮瑕膏我用咗好耐，四季都好啱用，遮瑕效果唔錯，佢嘅質地係偏厚實嘅膏狀，容易推開，價錢合理

killkew.b好用推薦：雖然NYX已經離開左香港，不過都仲有用緊佢既產品～ 呢款唇妝產品當初係職員介紹比我用既， 效果好出色同持久，但又唔會好乾，質地似cream狀， 又有超多顏色選擇，決定買左黎試👍 搽佢同搽韓式唇軸個種手法有啲唔同， 韓式個種顏色好鮮艷，所以搽既時候通常會點係中央位置， 然後慢慢用唇掃或者棉花棒掃開，等效果自然啲～ 但係呢種因為質地好似cream狀， 其實好隨意左右搽上唇上面，個效果已經好自然好貼合， 完全唔需要思考，所以買左好幾支係屋企🤗 佢都算幾long lasting，飲水唔會甩得好勁， 不過如果唇太乾就比較容易顯露唇紋。

格仔餅公主好用推薦：質地柔滑唔會難搽勻旬，上咗嘴有好啞緻MATT嘅感覺，last得都好耐唔係好需要點樣補搽

Sanna Cher好用推薦：產品的質地屬濃稠的乳霜狀，每次用化妝掃沾取小量，便能夠得到所需。由於肌膚狀況是最近多痘痘，因此在塗上妝前乳後，會先用綠色沾在泛紅的位置，然後使用深啡色，沾在眼底的黑眼圈和淚袋殘影。使用過後，臉頰上的顏色差距有稍為拉近。塗上粉底後，繼續使用遮瑕，就是用三文魚色沾在眼底作為提亮，淺橙色沾在泛紅位置均勻膚色，然後黃色可以沾在臉頰呈現微絲血管的位置。 完成遮瑕後，可先用碎粉在眼底下定妝，其他位置可以待完成整個程序後才完成。完妝的照片，突出的部份有被和諧，使用比較多樣性的化妝盤後，會在完成後，對自己的妝容感到很滿意。

Rin好用推薦：我分別係買過兩盒NYX 遮瑕膏 其實呢啲有色嘅遮瑕膏呢普遍都係比一啲有化妝經驗啦，會自己調色嘅人用嘅 因為佢呢隻遮瑕膏嘅色係非常深，好容易就過咗龍搞到塊面一達達顏色 一開始我拎第一盒嘅時候呢我係覺得佢嘅質感有啲有啲難溶化，會感覺係黐實喺塊面度，咁我冇特別去再用佢啦，都係用喺一啲應該要修飾嘅地方或者黑眼圈 然後去到第二盒嘅時候呢我就發現咦，其實會唔會係我第一盒買咗翻版呢？ 畢竟佢都幾多翻版嘅，因為第二盒嘅質感的明顯就比第一盒好啦佢係比較滑小小嘅，而且容易溶化

Tiffany好用推薦：眉筆顯色易畫，筆頭唔粗，可以畫出利落、眉峰突出嘅歐美風格眉毛。

choichoi好用推薦：筆尖設計優勢容易描畫，輕易畫出分明眉毛線條又不突兀；耐水性優這次整個炎夏大部分時間也用上它；回購了數次的眉產品

Hazel好用推薦：價錢平，一黑－白，其實感覺兩枝都差唔多，定妝效果都唔錯，不過尼支有光澤啲．

lingbb好用推薦：- 噴頭所噴出來嘅水好細緻 冇怪味，臉上噴霧乾咗後，可以感覺肌膚有補水帶微微光澤感，令妝效水潤又持久 - cp值高，值得大家試試

lingbb好用推薦：質地唔算杰，推開後延展性好，滑順服貼輕易推 我用上都做到輕盈妝感，冇咩味道，皮膚如果冇乜問題個妝感其幾好，遮瑕屬中度，可修飾淺色斑點、暗沉、眼圈未必遮哂。 持久度唔係好好，出油嘅地方出油，乾嘅地方都有啲乾。

choichoi好用推薦：果凍狀清爽水潤，很快幫助肌膚完全補水，有助妝容更貼服亦沒那麼卡粉～

Circlecyy20好用推薦：平價嘅眼線筆顯色度高多使用在眼尾，因為要卸妝會比較難，所以不建議整條眼線畫出來

natalieprincess好用推薦：夠黑，上眼又快乾，唔會越畫越粗，易控制 又持久 不過唔防水，一濕咗就甩，好彩冇變熊貓眼😹

lingbb好用推薦：為湊免運而買 #sheer色 ，雖然係粉紅但冇乜顏色，有甜香味類似香草櫻花香，滋潤不黏笠，佢某啲唇膏偏乾，之前塗一層就打底就好啲，勁快就用哂，不過不失

yhsyhsyhs好用推薦：本身我嘴唇嘅狀態係十分乾燥同經常甩皮，如果就咁搽唇膏上去會好唔靚，顯得一塊塊同顏色唔平均，所以一直搵緊好嘅護唇產品。今次試咗nyx既this is everything lip oil，搽左上咀之後個嘴會好令好水潤咁樣，但我就頂唔順佢lip oil個種味，好快就抹咗。始終係用上嘴嘅產品，有機會食落肚，所以要小心選擇。