NYX Professional Makeup

Soft Matte Lip Cream

雖然NYX已經離開左香港，不過都仲有用緊佢既產品～
呢款唇妝產品當初係職員介紹比我用既，
效果好出色同持久，但又唔會好乾，質地似cream狀，
又有超多顏色選擇，決定買左黎試👍

搽佢同搽韓式唇軸個種手法有啲唔同，
韓式個種顏色好鮮艷，所以搽既時候通常會點係中央位置，
然後慢慢用唇掃或者棉花棒掃開，等效果自然啲～

但係呢種因為質地好似cream狀，
其實好隨意左右搽上唇上面，個效果已經好自然好貼合，
完全唔需要思考，所以買左好幾支係屋企🤗

佢都算幾long lasting，飲水唔會甩得好勁，
不過如果唇太乾就比較容易顯露唇紋。