SENKA 專科

皇牌保濕洗顏泡泡

SENKA專科呢支保濕洗面奶（藍色），可以話係香港開架護膚界嘅「老朋友」啦。由資生堂出嘅，主打平靚正，相信唔少人浴室都會有佢一席之地！ ⭐️質地 擠出嚟係好似乳酪嘅質地，加少少水就可以搓到超多幼細泡沫。我用咗起泡網，泡沫好豐盈！ ⭐️泡沫 啲泡好實淨，唔會搓兩下就冇晒。喺塊面度打圈按摩，完全冇摩擦感，好柔軟、好舒服，洗得仲好乾淨。 ⭐️清潔力 鼻翼同下巴呢啲容易有黑頭、暗粒嘅地方，洗完之後又滑又嫩，乾淨得嚟又有水潤感，完全唔會繃緊！平時出街返工嘅面油、汗水同少少防曬，佢都搞得掂，洗完塊面係會有「啜」一聲嗰種乾淨感覺。不過如果你化緊妝，就一定要落妝先好洗。 ⭐️保濕力 都做到基本保濕嘅，洗完唔會即刻覺得好「掹」。但係天氣好乾，或者你本身係乾性皮膚嘅話，沖完涼記住快啲搽返爽膚水同面霜鎖水，咁就穩陣啲。 邊個啱用？ 最啱中性、混合性、油性皮膚嘅人日常用。乾皮朋友可以夏天用，或者夜晚用。超級敏感肌就自己睇路啦。 ✨【溫和潔淨】+【水油平衡】✨ 呢支洗面奶真係打破咗我對平價潔面嘅想像——清潔力夠晒，但係洗完一啲都唔「掹」面！真係唔輸嗰啲幾百蚊嘅大牌子潔面，洗落個感覺甚至更加舒服！

SENKA 專科皇牌保濕洗顏泡泡，泡沫細膩，潔淨力強，但洗後稍乾，建議搭配保濕產品，蠶絲蛋白及玻尿酸成分，肌膚柔滑，CP值高，值得一試！

Senka 皇牌保濕洗面泡作為一支開架熱賣產品，我覺得清爽潔淨力：👍👍👍👍 一按就出超綿密泡泡，省時方便。清潔力確實唔錯，夏天嘅輕量防曬同薄汗油脂都能輕鬆洗走，T位嘅油光掃得清，摸落乾淨唔「鞋」。 保濕唔繃緊就🎃合格半🎃，標榜保濕，用後確實冇部份潔力強產品嘅扯住感，但係！對於兩頰偏乾位，喺冷氣房瞓醒第二朝用，如果唔即刻拍爽膚水，依然會有點微微繃緊，未算100%保濕。💥建議潔面後立即護膚💥。 性價比 & 總結： $60幾蚊有找，抵用💯！適合香港夏天追求清爽乾淨嘅混合肌，但極乾兩頰可能覺得未夠潤。整體係一支平穩可靠、清潔力足又不至於過乾的泡泡潔面。

呢支洗面膏既系列我已經用過好幾款，但始終都係最愛原始藍色呢支。佢只要用少少已經可以徒手起到濃密的泡泡，如果用埋起泡網既話d泡泡更加多，所以會超級治療🥰而且潔淨力一百分，用後唔會覺得乾燥 而只係會覺得乾淨。 性價比超高，十分推薦budget唔多的小資女購買。

已經用左好多支，同屋企人都好愛用。 呢支只要用少少，已經可以起好多泡泡。同埋清潔力一流，通常我化濃妝之後，落完妝會再用呢支洗面，以免有殘留。 不過太乾既人可能會覺得呢支既清潔去油力太強，會乾，我油肌就無呢個問題，岩岩好。不過冬天乾燥既日子我就會同另一支比較保濕既洗面隔住黎用。 同埋我好鐘意拎呢支洗面黎洗化妝掃同粉撲，非常非常乾淨。 價錢又好實惠，會再回購。

已回購多次❤️ CP值極高，易起泡沫，清潔能力高，但用後又冇忟緊或好乾嘅感覺，我四季都用佢👍🏻

呢款洗面膏性價比好高，非常容易起到綿密嘅泡泡，洗完面之後都唔會覺得好繃緊，乾性或者中性嘅皮膚就會覺得好足夠，但油性皮膚就需要其他產品洗淨油脂

Senka Perfect Whip 超微米潔顏乳120g *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 呢款主打係綿密泡泡，所以佢嘅起泡能力係俾大部分嘅洗面產品都好❤︎ 使用時加少量水就已經可以搓到好綿密嘅泡泡ପ(⑅︎ˊᵕˋ⑅︎)ଓ ❤︎ ❤︎ 可能因為泡泡好多所以呢款產品清潔力非常強，

價錢很厲害的清潔產品！清潔效果不錯，皮膚感覺更光亮平滑，但乾肌小心，可能會過份洗走臉上油脂。很適合買在家當後備產品e.g.帶去露營不怕忘記帶走超貴產品

已回購多次～因為價格夠平～實在性價比非常高～加水就可以輕易起到綿密泡沫～清潔能力非常好～用後又冇忟緊感覺～

Perfect Whip 洗面奶泡沫好細膩又豐富，用完肌膚清爽唔繃緊，溫和去污同控油。呢個日本人氣產品價錢合理，好適合每日用嚟保持肌膚清潔。不過有啲人會覺得有啲乾，有Youtube網友甚至推薦用嚟洗鞋

開架護膚品來說，十分好用，價錢相宜，清潔力強，有豐富的泡沫，洗完乾淨不繃緊，夏天用不錯，冬天可能不夠滋潤

起泡綿密，清潔力非常強，適合油脂分泌強的人士。如果皮膚本身乾燥唔夠水，洗完可能會有d 崩緊。

性價比好高嘅一支洗面奶，已經keep住每日早晚用咗好多年，起到好多泡。洗完之後塊面可能會有啲繃緊，所以洗完都會用化妝水同埋精華再保返濕。

以前去台灣會買即既item 個陣好出名 但係用落清潔太強 皮膚會好乾

價格非常親民既一支潔面泡泡🫢 用手搓兩搓就好易起到泡，清潔效果都唔錯 日常普通卸下防曬可以既 夏天用可以，轉季天氣用會有小小乾

一支可以用很久的洗面，佢都算洗得乾淨，對洗面嘅要求一定要保濕，乾淨，洗完皮膚不會繃緊，最好有清透，亮白嘅功效，呢一支不過不失啦 

少少就可以起到好多泡沫，有少少香味又唔會太假，保濕力都幾好，用完之後唔會覺得繃緊。

我混油肌皮膚容易過敏 怕清潔力大強 好怕潔面產品太刺激會過敏 依款潔面乳要用起泡網起泡 搓出黎嘅泡泡豐盈綿密 潔面不刺激沒有過敏 清爽無繃緊感 毛孔都清潔得乾淨 👍

呢款洗面膏之前回購過好多次，夏天好岩用，泡沫豐富又綿密，又夠滑，洗完清爽乾淨，價錢又抵買！