DECLARÉ 好用推薦產品

mint好用推薦：我係混合肌，T字位成日出油但面頰又乾到爆，試過好多精華都唔啱用。今次喺官網買咗Declare呢支多元緊緻煥膚精華，真係好驚喜！ 用落超級方便，滴管設計衛生又易控制份量。我通常擠兩滴喺手心，輕輕按壓上臉同頸，吸收得好快，完全唔會黐立立。而且用咗唔夠一星期，毛孔明顯細咗，面頰位冇再甩皮，T區出油情況都好咗！ 秋冬季用真係一流，保濕得嚟又唔笠，仲有陣陣天然植物香味。$760有50ml，計落都幾抵玩，會繼續回購！

Anna好用推薦：一直都有用開 Declare 的多元緊緻煥膚精華液，︀使用非常之方便，用滴管將精華液擠在掌心，塗抹於臉及頸部就可以完成步驟，用完感覺好清爽，效果非常之好，用咗唔夠一個禮拜就已經有好嘅成績，非常之可靠的一款產品。

LB好用推薦：我嘅膚質： 痘痘肌 夏天混合偏油（T字會出油、面頰偏乾） 冬天混合偏乾 輕微敏感肌（個別護膚品使用後會痕） 感謝@cosme邀請參加試用活動，呢款「淨肌潔面啫喱」真心唔錯，用落係一個舒服嘅體驗！ 首先，佢唧出嚟係藍色gel狀、質地輕盈，好易推開。 第一次傻仔咗唔小心加水當左普通洗面奶咁用，結果變咗滑潺潺，洗起嚟怪怪地，要跟返建議使用應該係微濕嘅臉上推開，個人覺得乾手乾面咁洗係最好用搽上臉好易推開，唔會有黏笠笠嘅感覺，佢有一浸BB爽膚油香味，個香味我幾鍾意，洗完臉之後，皮膚完全無嗰種討厭嘅「緊繃感」，感覺清爽又乾淨。潔淨力真係好出色，平時我搽開防曬加碎粉，佢捽捽吓將死皮（？）連油脂同埋防曬好似擦子膠咁捽走，唔需要雙重清潔，慳時間又方便！(Before)(After) 用完之後，皮膚嘅多餘油脂真係少咗好多，由其個鼻頭，好明顯冇咗油光，但同時又唔會過分抽乾水分，肌膚保持到應有嘅水潤感。大部分位置都無乾燥或者繃緊嘅問題，不過喺一啲特別乾嘅部位，例倒如面同頸嘅交界位，會有少少微繃嘅感覺。 喺減少暗瘡方面，我覺得佢淨係可以預防，但係都係要用暗瘡膏先可以代謝暗瘡。 不過，佢可以以減少油

Akassoo好用推薦：我前嗰排皮膚出現咗問題，突然之間皮膚敏感，唔知咩原因搽咩都會敏感，就算係以前用開嘅化妝品或者護膚品都會敏感，所以最近開始已經將所有護膚品同清潔用品都轉做敏感肌適用嘅。 多謝 @cosme，真係推介啲專為敏感肌膚而設嘅護膚品畀我試用！DECLARÉ呢隻瑞士護膚品牌可以為皮膚屏障提高防衛力，穩定肌膚抵抗外來刺激、並深層修護受損細胞，均勻膚色、預防早期皺紋。 DECLARÉ潔面啫喱係水藍色透明啫喱，本身以為比較接近半固體，但呢款比較似半液體，流動性都幾高，質地屬於輕盈易推。用法係輕微整濕咗塊面之後打圈搓出泡沫。 官方講呢款啫喱可以清除面上過多油脂、殘餘妝容、污垢及雜質，個人認為係有效清除面上過多油脂同變得清爽，沖洗後冇乜緊繃感、亦唔好會feel到乾，不過個人覺得如果化咗妝嘅話齋用呢個唔夠卸妝。 另外，官方話呢款啫喱有助改善暗瘡粉刺同維持水油平衡，但我暫時用咗兩個禮拜未覺得可以減少粉刺。 當兩個禮拜keep住用潔面啫喱同保濕面膜，我覺得塊面冇咁易乾同埋出街去到晏晝嘅T字部位出油量少咗啲，希望之後繼續用會可以更加做到「水油平衡」。重點係兩款都真係唔會令我敏感，所以敏感肌嘅大家可以放心使用

Fng好用推薦：DECLARE 水盈保濕塗抹式面膜瑞士溫和保濕 ✨ 質地與觸感 DECLARE呢支塗抹式面膜係乳霜啫喱質地，推開好水潤，唔會厚重黏笠。薄薄塗一層已經夠覆蓋全面，5分鐘快速吸收，適合香港夏天怕悶熱嘅混合肌使用～ 🌟 即時補水與舒緩 主打瑞士冰川水同玻尿酸，敷完皮膚即刻有飲飽水感，兩頰繃緊位置明顯軟化！試過曬後厚敷10分鐘，面頰泛紅同熱感快速降溫，但持久保濕力中等，冷氣房待3小時後要補塗面霜鎖水～ ⚠️ 局限性 價格偏貴（約$400/75ml），功能以基礎保濕為主，性價比唔算高。唔適合追求強效修護嘅人，主要針對簡單補水同舒緩～ 💡 使用心得 混合乾肌可以妝前薄敷3分鐘急救，之後用化妝水抹走多餘面膜，底妝即時貼服！夜晚可以厚敷當睡眠面膜，但T區要避開，免得太潤出粒粒～ 推薦度：★★★☆☆（3.5/5，溫和但性價比一般！） 適合：敏感肌、追求快速補水、怕黏膩嘅混合乾肌～ #DECLARE塗抹面膜 #快速補水 #瑞士護膚

FMC好用推薦：我係經過SaSa門市啲Sales介紹先認識呢個品牌，因為見佢啲野係由瑞士做以呢個價錢黎講都算親民。 入門產品就係試咗呢支保濕面膜，一用就愛上😍聞落好香，Cream狀mask敷耐咗都唔怕，用完之後塊面好保濕好柔軟，上妝都幾貼服，過左大半日鼻同額頭都冇乜出油👍🏻 研究過呢隻主打有包含幾種海洋成分，唔同其他保濕產品淨係得好多種唔同既透明質酸，唯一要挑剔既係cream mask 好快用哂🥹佢75ml算大支但我一個月都已經用哂