Kiehl's

氨基酸洗髮水

前排轉季，個頭皮又痕又出油，但髮尾就乾到爆，真係好矛盾。試過唔少洗頭水，一係洗完個頭清爽但髮尾炸開，一係就滋潤到成個頭塌晒，好似幾日冇洗頭咁。後來朋友推介我試Kiehl's隻氨基酸洗髮水，話溫和得嚟又洗得乾淨，咁我就的起心肝買咗支嚟試。 支洗頭水樽身係Kiehl's一貫嘅簡約藥房風格，透明樽身睇到入面係透明啫喱狀嘅質地。唧出嚟嗰陣有陣好淡淡嘅椰子香味，唔會話好假好人工，聞落都幾舒服。加水搓幾下就起泡，啲泡唔算話好綿密澎湃，但都算細緻，搽上頭皮度按摩嗰陣覺得好溫和，完全冇嗰種拮拮哋或者涼浸浸嘅刺激感。 洗完第一次已經覺得個頭皮好爽，係嗰種乾淨得嚟又唔會話繃緊嘅感覺。我以前用某啲控油洗頭水，洗完個頭皮會乾到痕，但呢隻完全冇呢個問題。最正係髮尾唔會話洗完就變鐵絲，仲有少少自然嘅柔軟感。吹乾之後，成把頭髮係蓬鬆嘅，但唔係嗰種毛躁嘅蓬，而係有空氣感嗰隻。 我用咗大約三個禮拜，覺得個頭皮真係穩定咗好多。以前一到下午個頭頂就開始泛油光，而家可以捱到收工都仲算清爽。同埋我發現啲頭皮屑都少咗，以前撥下頭髮會有一兩粒白色嘢，而家幾乎冇再出現。不過要講缺點嘅話，就係佢嘅清潔力對於我嚟講算係中等，如果嗰日

Kiehl's 氨基酸洗髮水用過小樣後一試愛上，個人已多次回購👍🏻 佢係透明啫喱狀，好易起泡，搓兩下就有好多泡泡，洗起上嚟好溫和，完全唔刺激頭皮，感覺好舒服🥰 帶有椰子香味，聞落好自然唔會假，洗完頭之後都有淡淡香味留住，心情都好啲 用完覺得頭皮好乾淨，油膩感即刻冇晒，不過髮尾有少少乾，要用返護髮素保濕 我自己頭皮偏油，感覺清潔力啱啱好，洗完頭髮摸落去幾滑，唔會打結，吹乾之後都幾順

呢枝洗頭水係贈品常客，每年生日禮物都有佢，唔好以為咁樣代表佢唔好用，相反佢潔淨力好夠，泡沫又細緻；游完水用呢枝洗頭可以好容易洗乾淨泳池水嘅殘流物質，而且有淡淡椰子味，非常討好。油頭皮如我用完會覺得好清爽，唔好處係洗完啲頭髮會有乾澀嘅感覺，要用番比較滋潤嘅護髮素去平衡番！

專門店附送的試用產品。 使用時溫和不刺激，氣味自然舒服。對油性頭皮來說清潔力算中等，一次洗髮即可去除油膩感，但髮尾會偏乾。不算特別，未必會回購。

呢個係我之前買護膚品送嘅，有淡淡的椰子油味，聞落去好放鬆，洗完之後啲頭髮亦都冇咁容易出油同埋好蓬鬆，但真係買洗頭水就未必考慮佢啦，始終呢個效果比佢更加平嘅洗頭水都做到

用完呢款洗頭水，瀏海位置都冇咁易出油，keep成日都好乾爽，洗頭水有陣淡淡椰子味，聞落好舒服，用咗一排，頭皮清爽，但又唔會覺得乾同埋痕，同埋唔用護髮素，髮尾都唔會乾同打結。

呢款洗頭水泡沫豐富幼滑，徹底潔淨頭髮及頭皮，有好香嘅椰子味，好特別，洗頭水通常都冇椰子味，所以其實有啲甜，但係又好清爽，用完之後頭髮增加蓬鬆感，唔會黐喺頭皮度，用咗效果幾好。

買kiehls送的，好香椰子味嘅洗頭水，多泡，洗得乾淨，幾好用，但冇諗住入手貨裝，哈😛

試用過佢試用裝之後就自己回購咗一支大支嘅 因為我覺得佢個成份都唔錯係用氨基酸做base 而唔係sulfate 用嘅時候係好香椰子味 洗完感覺亦都舒服

洗髮水是椰子味道，本人大愛🥥泡沫豐富幼滑。 本身髮質夏天屬於出油相對快，2天就要洗一次那種。用完這個給我的感受就是洗完頭皮不緊綳，吹乾後頭髮會比較蓬鬆和清爽。

這款洗髮水之前有使用一段時間，用後感覺非常清爽，必須要配合適當的護髮素使用

帶有椰子油香味的洗頭水，氣味幾好聞，洗頭水算多泡，亦洗得乾淨，但保濕力有待改善，洗完好似有點乾

小枝贈品空瓶系列，椰子香氨基酸洗髮露🥥 這款 shampoo 起泡容易，對我長頭髮而言，易起泡超重要啊！使用後感覺乾淨＋超級清爽❗但我是乾頭皮的，後續必須使用護髮素，還有頭皮精華啊～

買嘢送試用裝，用過幾樽感覺唔錯。佢有淡淡天然椰子🥥香味，易起泡，清潔頭髮造型產品都幾好。洗完後唔塌唔笠，可能有椰子油成份，仲幾滑幾柔順。唯一可惜係價錢有啲貴。

椰子味，味道唔錯，清潔效果幾好，但係用完之後頭髮會變得好乾，用咗幾次之後就冇再用

椰子味洗頭水，屬於洗完好清爽既類型 易起泡，唔敏感，適合油性/偏油性髮質用 對毛燥頭無咩滋潤效果，skip🤫

頭髮超打戟同摸落好嚡，難分開，梳頭都步步驚心，好彩無衝動買支大既，買左支細既sample試咗先，真係不幸中之大幸

注入左保濕成分既洗髮水～ 特別適合乾性頭髮使用 👍🏻 洗完頭皮唔會干

洗得都幾乾淨 不過洗完都要用番滋潤力強少少既護髮素 咁先balance 得番

氨基酸洗髮露，氣味不錯，易起泡，洗後頭髮挺蓬鬆，不過頭髮摸着會有點澀澀的，一定要配合護髮素或髮膜使用。因為我髮質易打結，這款洗髮水會加大我護髮素的用量，用完不會回購了。