CeraVe

活肌再生A醇抗皺精華

✨ CeraVe Skin Renewing Retinol Serum 煥膚A醇精華 溫和 但未必好大感覺 真實用後感・唔吹捧 「溫和，但未必好大感覺。」 ✅ 溫和 呢個係呢支精華最大嘅優點。 傳統A醇嘅問題： ❌ 會刺痛 ❌ 會脫皮 ❌ 會泛紅 ❌ 敏感肌用唔到 但CeraVe呢支： ✅ 用完唔會刺痛 ✅ 用完唔會脫皮 ✅ 用完唔會泛紅 ✅ 敏感肌都用得 因為佢加咗神經醯胺同透明質酸， 舒緩咗A醇嘅刺激性。 ✅ 質地清爽 精華質地，好輕盈， 上臉好快吸收，唔笠。 ✅ 無香料 對香味敏感嘅人友好。 ⚠️ 但未必好大感覺 呢個要老實講。 用完之後： ▸ 唔會一夜之間皮膚變滑 ▸ 唔會明顯見到細紋消失 ▸ 唔會覺得「哇，好勁」 唔係話冇效果， 但係效果唔會好明顯、好快。 要用一段時間， 先會覺得「好似有少少改善」。 💡 總結： 呢支精華係「溫和型A醇」， 適合新手入門、敏感肌想試A醇。 但如果你追求「快見效、好大感覺」， 呢支可能會令你覺得「唔夠力」。 🌟 我嘅總結 CeraVe Skin Renewing Retinol Serum 溫和 👍 唔刺痛、唔脫皮

非常幸運獲@cosme 選中，可以試用Cerave 活肌再生系列，一次過用齊三款產品： 活肌再生胜肽緊緻修復面霜 活肌再生A醇抗皺精華 活肌再生維他命C提亮精華 CeraVe的紫色再生系列，好受歡迎，一方面因為佢係由皮膚科醫生研發，另一方面係因為價格道民嘅同時，佢嘅成分可以媲美貴價護膚品！ 一直都想嘗試「早C晚A」嘅護膚程序，但又好擔心用retinol 會令皮膚泛紅同甩皮，於是遲遲唔敢實行。但今次係Cerave，又放心啲喎！ Cerave 活肌再生A醇抗皺精華非常適合我呢啲retinol護膚新手，佢採用包覆式技術，將A醇緩慢釋放，大幅減低脫皮泛紅嘅風險。 佢嘅質地清爽水潤，呈淡黃色，易推吸收快，用後並無泛紅或脫皮問題，好溫和，每晚使用，之後再搽Cerave活肌再生胜肽緊緻修復面霜，訓醒會明顯感受到皮膚有彈性同潤澤，額頭紋、頸紋都有淡化，皮膚好似有一層薄膜覆蓋住，觸感細滑左！ （使用前）（使用後）晚上用完retinol，記得要注意日間防曬呀！ 大家可以睇埋活肌再生胜肽緊緻修復面霜同埋活肌再生維他命C提亮精華嘅評語，全面了解Cerave 紫色抗老系列嘅用後感。 再次多謝@co

早C晚A嘅概念你有聽過嗎？ 「結合了維他命C的亮白抗氧與維他命A的抗老煥膚，是目前公認高效率的抗老組合。 」 - Google 皮膚容易敏感嘅我一直都想試呢個高效抗老美白護膚法，但就好驚過敏🤧 見到醫學品牌CeraVe出左一系列產品，忍品住要試晒💗 【活肌再生A醇抗皺精華】 * 蘊含三重親膚Ceramides、A醇、透明質酸，有助提高皮膚水分，舒緩並修護肌膚表皮屏障功能，同時淡化細紋和皺紋，顯著撫平粗糙肌膚。 * 質感清爽保濕不黏膩，迅速吸收，肌膚感覺柔軟清爽。 * 用家使用4週後，同意細紋減少12%；使用8週後，粗糙度降低 38%和緊緻度增加17%，93% 的人同意皮膚感覺更光滑。維A精華係淡淡黃色，用落去清爽易推但皮膚又唔會覺得乾，感覺非常之溫和，又無泛紅同甩皮 入面既Ceramides仲可以修復皮膚屏障 重點係用完皮膚望落去好有光澤，朝早起身化妝更加貼服，粗糙感明顯減少左，早A晚C呢個概念我好愛呀💗 期待堅持繼續用既效果🤭

首先要多謝Cosme抽中我試用CeraVe 敏感肌抗老系列嘅「活肌再生胜肽緊致修復面霜」、「活肌再生A醇抗皺精華」，同埋「活肌再生維他命C提亮精華」🩷 呢個品牌係美國皮膚科醫生Number one推薦，第一下嘅感覺係好信得過咁喎。同埋其實都有好多文章講過早A晚C，對皮膚抗老同埋美白係好有幫助嘅，所以今次抽中試用呢個系列真係好興奮🥰 「活肌再生A醇抗皺精華」蘊含三種親膚成份，包括Ceramides，A醇，同埋透明質酸，有助提高皮膚水份，舒緩同修護肌膚表面屏障，亦同時淡化細紋同皺紋，撫平粗糙肌膚！ 其實我之前都用過其他品牌嘅A醇產品，但皮膚都會接受唔到，會變得唔穩定，有時會出痘痘，所以好多人都話用A醇係要有一個過渡期等皮膚慢慢適應，慢慢增加用A醇嘅頻密程度。但CeraVe 「活肌再生A醇抗皺精華」呢款產品對我嚟講真係好有驚喜佢個質地好流質，好易推開，皮膚吸收得超快！如果淨係單一用呢個產品，我會覺得皮膚有啲乾，但用埋佢嘅「活肌再生胜肽緊致修復面霜」，就可以好有效咁平衡返保濕嘅功效，所以兩款產品一齊用係有加乘嘅效果！同埋用呢款產品係令到啲皮膚好穩定，我係冇經歷過A醇過渡期，可以直接每日都用

CeraVe我都有試埋佢哋支A醇精華（Skin Renewing Retinol Serum），不過對呢支嘅感覺就一半半，算係不過不失。 我本身對A醇（Retinol）產品比較敏感，之前用過其他牌子好容易會出現泛紅或者刺痛嘅過敏反應，所以一直都唔太敢亂用。見呢支主打溫和，又有神經酰胺成份，多謝@cosme送俾我試下。好彩嘅係，用咗呢支之後的確冇出現過敏或者嚴重甩皮嘅情況，以A醇產品嚟講，佢真係算係幾溫和，對敏感肌算係友好。 不過，雖然冇敏感，但用完之後皮膚明顯覺得乾。就算我已經盡量控制用量，第二朝起身塊面都會有種繃緊嘅感覺。 佢質地係淡黃色嘅乳霜狀，推開算滑，但用完之後一定要補搽一隻非常夠潤嘅面霜去鎖水，如果唔係真係會覺得乾到唔舒服。至於撫平細紋或者收毛孔嘅效果，可能因為A醇濃度唔算高，暫時未見到有太大驚喜，只係覺得皮膚摸落去平滑咗少少。 總括嚟講，如果你同我一樣對A醇容易敏感，但又想試下加入護膚程序，呢支可以算係一個安全嘅起步點，因為佢起碼唔會搞到你敏感爛面。但一定要有心理準備佢會令皮膚變乾，後續嘅保濕功夫絕對唔可以懶。對我嚟講，呢支精華算係合格，但未至於會極力推介。

感謝@cosme 邀請試用CeraVe 活肌再生A醇抗皺精華，以下分享一下使用心得～ 質地：稀杰度適中的精華，不會有黏笠感覺，上臉容易推開，均勻塗抹。 顏色氣味：淡黃色，沒甚麼香料氣味👍🏻 效果：上臉後完全沒有刺痛感，很好吸收不刺激，連續使用後鼻翼兩邊細紋有淡化效果，但暫時未見更明顯的緊緻功效。 總評：本身皮膚容易過敏泛紅，對使用A醇會有擔心。這款精華感覺較溫和，用後不會起紅、刺痛或起粒粒，令我十分放心。對細紋淡紋效果不錯，緊緻方面可能要再用長時間才見到效果，拭目以待。推薦給想試A醇保養但又屬敏感肌膚的sis 🩷

今次試用CeraVe活肌再生A醇抗皺精華，睇吓效果好唔好先☺️ 我會跟早C晚A嘅方法使用，朝早用CeraVe嘅活肌再生維他命C提亮精華加活肌再生胜肽緊致修復面霜，而夜晚會用呢支活肌再生A醇抗皺精華。要留意返，因為A醇有光敏性，使用期間皮膚對紫外線更加敏感，所以建議夜晚使用，或者確確實實做好防曬，如果唔係有機會曬黑。 呢枝A醇抗皺精華質地水潤清爽，易推易吸收，完全冇黐笠笠感覺，用落亦唔會有任何刺痛發熱感。CeraVe嘅產品岀名係温和不致敏，即使係敏感肌都適合用，所以A醇有機會引致嘅泛紅敏感甩皮乾燥問題，喺CeraVe產品身上通通未驚過。我嘅膚質屬於混合性偏乾，膚色又暗啞又黃。用咗2個星期，覺得有幫助提亮膚色改善暗沉，光澤感up，皮膚摸落滑溜咗，細紋毛孔同皮膚嘅彈性緊致度都有改善，化妝時減少左卡粉問題。雖然見到有sis話效果稍慢，但係CeraVe抗老系列溫和安全，能夠令我完全放心嘅產品我一定會繼續keep住用💪🏼我相信各位俾d時間一定會見到效果😘

多謝 @cosme 抽中我試用CeraVe活肌再生系列 3 件組嘅活肌再生A醇抗皺精華。呢支野係歐美圈好Hit！估唔到有機會比我試到佢！ 我試用左差唔多2個星期，夜晚沖完涼會用爽膚水潔面，然後再用呢支精華，再使用同系列嘅面霜。 精華吱出黎係黃色嘅，有少少呈乳狀，輕薄好吸收，吸收後都非常清爽，冇怪味/香味，使用感非常舒適！ 推開後： 我皮膚好易敏感，會因天氣/飲食/用錯野而敏感，而呢個系列都冇令到我敏感，非常溫和。 我係A醇新手，第一次使用標榜Retinol Serum嘅含A醇產品，好意外地佢冇令我甩皮/泛紅等等，因為一路都知A醇係會令人甩皮，需要時間建立耐受嘅，但係試用期間我日日用都冇甩皮/任何過敏唔舒服，呢個系列非常溫和，但又有一定嘅效果。 用後即時感覺到皮膚變得柔軟，變嫩，觸感都細緻左，個效果持續到第二朝都感受到，直至今日，虎紋、細紋都有減少。而且試用期間都有因轉天氣而有輕微過敏，爆瘡，呢支野唔會令我爆得更勁，但又可以舒緩過敏症狀。 用後推薦！亦都理解到點解外國咁Hit~

質地清爽似乳液，水水地好易推，吸收超快，搽完唔黏膩，肌膚即刻感覺光滑細緻，完全冇刺痛、泛紅或脫皮。晚上搽完，第二朝起身皮膚平滑咗好多，粗糙位摸落去細膩晒，虎紋同眼尾細紋淡化咗，觸感更緊緻彈手。用落去過程零不適，肌膚水潤不黏，粗糙度明顯減低，上妝都貼服好多！持續用幾週，細紋位置改善有感，皮膚光滑到自己都驚，晚間用完第二天早上膚況超穩，唔乾燥唔甩皮，敏感肌新手抗老神器嚟架啦，搽完覺得皮膚更有活力，細紋同粗糙都收細咗，超滿意！

CeraVe呢支A醇精華同普遍A醇一樣都係偏黃色，質地係較稀嘅乳液狀，容易推開，一泵已經足夠搽哂全面。成日聽人講早C晚A，所以呢支精華我都會喺夜晚用爽膚水後用，唔會黏立，亦好快吸收，之後再搽CeraVe胜肽緊緻修復面霜，都唔會有起泥嘅情況出現。 試用後主要感覺係，皮膚觸感變滑，特別係面頰，明顯冇之前咁粗糙，整體膚質更加細緻。額頭同眼下細紋未至於即刻消失。 鐘意呢支精華因為入面有 ceramide 同保濕成分，減少左傳統A醇精華會出現嘅甩皮、泛紅等等情況，會一路配合維他命C提亮精華使用，期待有更加好嘅效果！

原本整體膚況/眼周膚況 乾 & 敏感肌， 眼底更乾，試過好多唔同eye cream都解決唔到啲乾紋，帶妝耐咗眼底會積線。長期捱夜唔夠瞓，加上有捽眼習慣，所以有個又大又深嘅黑眼圈同好多細紋，好彩嘅係冇眼袋。 使用期間 2026年3月7日 - 2026年3月16日 使用體驗 整體嚟講皮膚緊緻度同柔軟度方面未見提升，但額頭同眼底細紋有明顯減淡，但個人感覺用完之後多咗啲粒粒。 1. 面霜 本身屬於對質地不太在意嘅乾肌，平時隨手塗抹都吸收得快，但呢款cream質地略嫌黏笠，如果唔留意手法會捽到成面擦膠碎，後續搽防曬同上妝都幾災難，好似長期甩皮咁。 2. A醇抗皺精華 一開始用嘅時候塊面有發熱同紅紅地，用多一兩日就冇事，覺得吸收都快而且唔笠，算係三款入面我覺得使用體驗最好嘅。 3. 維C提亮精華 本身皮膚偏暗啞同黃，對呢款最大期望，但實際用完唔覺得有減淡到色斑或者均勻膚色，更加唔好話提亮膚色，不過質地都算清爽。 今次係抽中試用，綜合以上表現，未必會考慮回購。

今次試用 CeraVe 活肌再生胜肽緊緻修復面霜、CeraVe 活肌再生A醇抗皺精華同埋 CeraVe 活肌再生維他命C提亮精華，整體感覺幾唔錯 (˶˃ ᵕ ˂˶) 我本身係混合肌，最近開始留意到有少少細紋，見到塊面有啲位開始唔再係「青春無敵」，就知道真係要認真保養下了 本身我都有用開藍色 CeraVe Moisturiser，所以今次試呢個系列都幾有好感 ♡ 朝早我會用 CeraVe 活肌再生維他命C提亮精華，夜晚就隔晚用 CeraVe 活肌再生A醇抗皺精華，再配合 CeraVe 活肌再生胜肽緊緻修復面霜。維他命C精華質地幾清爽，推開容易，我幾鍾意佢真空牙膏式包裝，感覺可以減少氧化，用落安心啲。朝早用完再搽防曬都OK，塊面望落都精神啲。 A醇精華我本身都有啲驚會太刺激，不過隔晚用落又比想像中溫和，暫時冇乜明顯不適，皮膚摸落都滑咗少少。至於面霜就幾適合夜晚用，夠保濕但又唔會太焗，第二朝起身皮膚都唔會覺得乾。三款一齊用，感覺保濕、修護同提亮都幾平衡。雖然價錢比藍色 CeraVe Moisturiser 貴，但成分更有針對性，所以我覺得都值得試 ᵔᴥᵔ

天氣一轉，由凍變熱，又由熱變翻凍，我塊面就處於喺潮濕同乾爭爭之間嘅鬥爭，敏感到不得了。對於敏感肌，揀選護膚品，真係一大學問！太薄嘅話就唔夠潤，太潤嘅話，又會封死皮膚，唞唔到氣，谷粒粒。 好彩多得cosme喺最適合嘅時候打救我！可以俾我試用CeraVe同皮膚科醫生共同研發嘅「活肌再生系列」！佢有三重親膚Ceramides同專利MVE技術，可以修復肌膚屏障同時溫和抗老，仲有效淡紋、緊緻同提亮添！ 【活肌再生A醇抗皺精華】  大家都知道A醇已成為網絡大熱！CeraVe呢支精華有齊三重親膚Ceramides、A醇、透明質酸，可以補水、舒緩同時修護肌膚，仲可以淡化細紋和皺紋。 我嘅習慣係，做完基本清潔之後我就會用呢支精華，覺得佢質地清爽不黏膩，可以被迅速吸收，肌膚感覺光滑咗，柔軟左，冇平時咁粗糙。尤其影相笑嘅時候，眼周嘅乾紋都好似減少咗！重點係，即使係敏感肌，我都覺得佢性質溫和。第二朝起身，覺得皮膚滑咗，上妝更加貼服。 溫馨提示：精華液每日搽一次，之後可以搽返保濕霜。記得一定一定要搽防曬啊~

感謝@cosme 今次有得試用CeraVe 活肌再生A醇抗皺精華 ✨好期待 包裝很簡潔，有列出曬d成分 用得好安心 入面嘅精華好清爽 好易推開 一搽開瞬速吸收左 用嘅時候有少少緊緊地嘅感覺 比起其他A醇產品算好溫和 用左一陣 額頭同眼周細紋都有見到改善 期待用耐d嘅效果

好開心俾cosme 抽中可以試用cerave 既面霜。呢個牌子我不嬲都有長期用開，因為我屬於敏感肌，唔可以用太刺激既護膚品，所以要揀一啲適合敏感肌而且溫和既護膚品，而cerave就係其中一隻心水選擇。 我平時係用開佢藍色補水嗰隻系列，lotion 同cream 都有開。今次收到既係紫色系列，活肌再生A醇抗皺精華。呢個系列係「活肌再生系列」。佢既精華係呈黃色乳液，感覺上質地比較傑身少少，起初搽上面嗰陣我自己覺得有少少黏笠，要少少時間去等佢吸收一下，吸收左之後就好好多，再摸上去就無左笠既感覺。 同樣地，用完之後細紋都有明顯改善，皮膚亦滑左提亮左。 第一次試用A醇類產品，感覺比想像中溫和，都無覺得有刺痛、泛紅既情況。我覺得比較適合新手去試，如果從未用過A醇產品。

CeraVe 為開架護膚品牌，有皮膚科醫生測試和實證，一直印象良好，係務實嘅品牌。今次感謝@cosme獲得試用新產品 「活肌再生系列」，有兩種精華同一罐面霜。 踏入30歲有多，明顯感受到就算奢侈、勤力地地護膚，效果都只係平平；目的只是想減慢衰老。 我觀察過成份非常單純，有效促進皮膚修復的再生「胜肽」，今年度某貴婦品牌新出嘅護膚品都有強調呢種成份。我明白成份有分高低級之分，而高低級之胜肽又未必親膚易吸收。持續每天使用CeraVe 兩星期晚間護膚後，我認為我的肌膚有不錯的改善，例如明顯的法令紋平滑了，法令紋使人顯老，但只要能夠改善這雙肌膚紋，顏值就有救了～A醇精華要持續使用先有更明顯效果… 所以我會一直使用，直到空瓶為止。

💧 CeraVe Skin Renewing Retinol Serum 活肌再生A醇抗皺精華質地清爽，無香料，推開後迅速吸收，沒有殘留感。 雖然是含有 A 醇的抗老精華，但使用起來溫和，不易造成乾燥或刺激。 保濕力與抗皺效果並行，能在維持肌膚水潤的同時，針對細紋與初老現象提供改善。 長期使用下，肌膚的平滑度與緊緻感會逐漸提升。適合熟齡肌或希望提前預防老化的人群。 搭配 CeraVe 的神經醯胺保濕基底，能降低 A 醇常見的不適感。 整體心得是：這款精華在抗皺表現上相當出色，屬於溫和且有效的抗老選擇。

連續兩星期使用 CeraVe 活肌再生A醇抗皺精華，我的整體感受是「溫和、有感但不急進」。精華質地偏輕盈乳液狀，推開時很順滑，延展度高，薄搽一層很快就被肌膚吸收，不會殘留黏膩或厚重感，對怕焗促的乾敏肌來說相當友善。 一開始我隔晚使用並在之後加上較滋潤的面霜，過程中沒有出現明顯泛紅或大範圍脫皮，只在鼻翼及下巴略感乾緊，約一星期後皮膚已大致適應，證明配方的確偏溫和。 兩星期後，摸上去的膚質變得更平滑，粗糙感和小顆粒感減少，特別是鼻翼、下巴位置看起來乾淨細緻了，整體膚況較以前均勻、帶少許光澤。 虎紋和眼周乾紋暫未到「大逆轉」，但視覺上柔和了一點，粉底不再明顯卡在紋裡，妝感比以前貼服。 由於配方含三重Ceramides、A醇及透明質酸，用起來不會愈用愈乾，反而覺得屏障被慢慢修復，洗完臉也沒那麼繃緊，對乾敏肌來說這種「慢慢變滑、變穩定」的節奏，是可以安心長期使用的那一種。

多得cosme同CeraVe比我試用呢支抗皺精華，我終於的起心肝體驗A醇！😚向來聽人講A醇容易引起敏感，本身有啲擔心，但用咗幾次又覺得幾好，冇出現紅腫痕癢，比我預期中溫和好多。 精華嘅質地係水感乳液狀，流動性好強，唧一兩下已經可以推勻全面，吸收速度勁快，用後皮膚零負擔，摸落滑溜咗。塗抹時會feel到微微收緊，不過好快消散，完全接受到。 用咗大概兩星期，額頭嘅表情紋好似冇咁深，眼周都平滑咗，雖然深紋冇咩改善，但只係用左兩星期，仲要開架價錢！超級收貨！隔日夜晚用，第二朝起身皮膚仲keep到水潤感，冇乾燥甩皮問題。 刺激度： 低（A醇新手可試） 吸收度： ⭐⭐⭐⭐⭐ 紋理改善： ⭐⭐⭐🌟 面霜保濕： ⭐⭐⭐⭐ 體驗 #A醇溫和之選 #細紋有改善

今次好開心收到@Cosme 邀請而抽中咗「CeraVe Skin Renewing Retinol Serum活肌再生A醇抗皺精華」試用體驗🥳 本人屬於敏感性偏乾皮膚，尤其是轉天氣好容易出現泛紅敏感情況，而知道CeraVe呢個精華能夠效平滑肌膚、細緻毛孔、淡化細紋，且相對不易引起刺激脫皮。適合大多數膚質，尤其是想要抗老但怕敏感嘅我使用。  精華質地輕盈，容易吸收，不會感到黏膩，而且感覺易推保濕，我第一次用A 醇都會有少少擔心敏感嘅情況，但係我用完冇出現敏感，而且膚質變得更平滑。虎紋位置明顯變淡，我一定會堅持繼續用一定會有更好效果。