CeraVe

全效保濕修護精華水

感謝 @cosme x CeraVe 全效保濕修護系列 的試用邀請。 CeraVe全效保濕修護精華水質地如水一樣清澈又清爽，無香味，只有剛剛開封上臉時才聞到很淡的護膚品味，之後再用已經感覺不到，溫和又不刺激。 前後從相到可以睇到我皮膚質素一般，暗淡無光。用後皮膚馬上很滋潤有光澤，變得飽滿立體，細紋和毛孔都變得不顯眼。 精華水質地如水一樣清爽又滋潤，所以我會用量多一點的拍打上臉上，不怕又黏又笠，不過量多的話，吸收得比較慢，雖然面沒有感覺到黏立不適，但如果用手摸就有殘餘黏笠手感，要花時間吸收吹乾，但用後滋潤又有光澤，效果很好。（其實它只需要幾滴，輕輕拍打上面就足夠） 如果要化妝，我會輕敷再抹乾才化妝，粉底很貼服，也不會起膠。 （ps 收到包裹時，精華水有輕微滲漏，設計上可以改善）

CeraVe 全效保濕精華水💦 質地似稀釋咗嘅精華液，推開後秒吸收唔黏膩，兩頰即刻有飲飽水感！香港夏天冷氣房測試8小時，完全冇繃緊，T區亦唔會泛油光，保濕力拍得住部分貴價產品。添加嘅三重神經酰胺確有修復效果，試過刷酸後泛紅，連續用3日明顯退紅，毛孔都睇落細緻咗～ ⚠️ 局限性 雖然保濕同修復效果出色，但功能較單一，冇抗老或美白成分，需要疊加其他功能性精華。瓶口設計較大，倒出時容易浪費🤫🤨，建議分裝到噴霧瓶使用～ 🆚 同價位產品比較 · VS Hadalabo白潤精華水：Hadalabo質地更濃稠，保濕極強但較黏膩，適合乾肌；CeraVe則清爽得多，混合肌夏天用更舒服～ · VS La Roche-Posay溫泉水：LRP溫泉水主打舒敏降紅，保濕力中等，更適合油性敏感肌；CeraVe修復屏障更全面，保濕力也更持久～ · VS Neutrogena玻尿酸精華水：Neutrogena較側重即時保濕，但持久度一般；CeraVe勝在長效修復，適合日常維穩～ 💡 使用心得 混合乾肌夏日可以當妝前打底，濕敷3分鐘再上粉底，貼服度大增！百零蚊超大支，頸部同手肘一樣用得，性價比超高～ 推薦度

CERAVE 全效保濕修護精華水, 呢隻牌子嘅產品好適合敏感肌朋友使用，產品由皮膚科醫生研發 呢支保濕精華水冇酒精，冇香料， pH值 balance, 可以放心使用 佢嘅質地非常輕盈，入面有三重保濕因子，面部皮膚即時可以吸收晒爽膚水嘅成份，幫助保護肌膚屏障，用完之後皮膚會變得柔軟，睇落去更加健康 個人覺得都幾唔錯，價錢$160 ，有200毫升， OK啦 

多謝@cosme 比我試用CeraVe嘅全效保濕修護精華水 ❤️🙏🏻 我係敏感偏乾肌😭，之前已經聽過CeraVe 好適合敏感肌膚用，但一直未有機會！今次終於試到喇😍！原來真係好正👍🏼！我用左完全無敏感！因為我用好多護膚品都會有敏感情況出現！ 好鐘意呢支精華水嘅質地，佢係水質但比水杰小小，一搽上面即刻無左乾嘅感覺！我鐘意佢有透明質酸，你會feel 到塊面好補濕，但有唔會太立，就係好滋潤又清爽嘅感覺！ 我用左一星期已經見到乾紋明顯減少左，同埋化妝係貼左，無咁容易出現卡粉，你feel 到皮膚底層係夠滋潤，你會感覺到呢支精華水可以入到皮膚底層啲嘅地方， 比係搽面霜佢再進一步幫你肌膚底層嘅地方再多一層滋潤！ 我對呢支精華水好滿意呀！ 呢個價錢，可以媲美尊櫃品牌嘅質素！ 👍🏼

好多謝cosme送出嘅試用，因為呢個品牌我都期待咗好耐！係美國皮膚科醫生推薦護膚品品牌，我面有濕疹，所以揀嘅護膚品都唔會亂咁嚟。洗完面後，拍上CeraVe精華水質地好清爽舒服，唔會好黏笠，即刻鎖入皮膚入面，好快吸收咗。同埋我最鍾意佢係冇味道，唔會加啲額外化學嘢，所以我感覺都好安心唔怕有刺激。第二朝起身，洗面嗰陣仲feel到有一層薄薄的保護屏障咁添～真係好鍾意呀！多謝晒，用晒之後我都會自費買！

很推薦這個產品！ 首先，質地很清爽！！一放上手，感覺像水一樣，清爽不黏手！ 清爽之餘，可以穩定皮膚狀況！！可以浸濕化妝棉敷面用～～ 在冷氣房長留過後，如果皮膚乾到痕癢，特別推薦濕敷完後，與CeraVe精華一起使用！ 大大支，可以使用一段時間～～ 如果價錢適合的話，我會自行購買！ 皮膚狀況： 混合乾肌、敏感肌

本身一直都知CeraVe係個敏感肌都適用嘅護膚品牌，對呢個牌子都幾有好感，不過就一直冇用過。今次好多謝 @cosme 今次邀請我試用CeraVe全新保濕修護系列三件套。 全效保濕修護精華水就如產品description 所講一樣，係個比較lightweight嘅liquid，流動性好高，冇乜味，輕輕拍上臉好快就吸收晒，清爽唔黏膩。好記得用咗佢一兩次之後鼻翼嘅甩皮即刻冇晒! 好神奇🥹 我平時鍾意每朝起身洗完面之後，同埋夜晚沖涼洗面之後用佢。化妝之前用佢嘅話，就算我係比較乾嘅皮膚，用比較控油嘅底妝，都唔會乾到甩晒妝。喺咁熱嘅天氣之下用呢啲夠保濕又唔黏笠嘅精華水就最啱!!

唔知有冇人同我一樣，一到30歲，皮膚開始變得敏感，換季面就好容易泛紅敏感😭 😭 所以最近開始左用CeraVe 開始用左1個月 簡直係敏感肌救星！！！ 📍全效保濕修護精華水🧴 **使用感** ✨輕盈快吸收 質地係微稠透明水狀，但吸收速度意外地快！好輕盈！ 我平時用化妝棉輕拍兩次，瞬間補水的「膨膨感」明顯，後續亦唔會覺得黏膩。 ✨成分勁clean 佢主打3種神經醯胺（1/3/6-II）＋透明質酸＋維他命B5，無酒精香料。成分相對單純，孕婦用都可以，安全性🆙 ‼️特別推介俾敏感肌同外油內乾肌，它可以平衡油水又不刺激，夏天單用都可以。不過追求極致清爽感的人可能會覺得稍微存在感。 用左一個月皮膚穩定左好多，少左泛紅，感謝佢拯救左我既肌膚🥺🥺多謝@cosme 揀咗我試用，雖然係試用但真心正，大推！！！🤍

感謝邀請Cosme抽中我體驗CeraVe 試用活動，今次有幸試用3件產品，包括全效保濕修護精華、全效保濕修護精華水、全效保濕修護眼霜。我從不同角度感受肌膚水潤保濕的效果。 首先，我先講一下我對全效保濕修護精華今次的體驗。全效保濕修護精華質地清爽, 不黏膩，又容易吸收。我感覺到能長效保濕鎖水, 修護滋潤我的臉部肌膚。用後感：大家可以安心,因為用後肌膚不會感到刺激,或者生粉刺。而全效保濕修護精華水也一樣，質地清爽, 不黏膩。能舒緩肌膚乾燥感,令肌膚變得水潤。另外，全效保濕修護眼霜在質地方面輕盈,不油膩，而且非常容易吸收。最重要是能改善可見到的黑眼圈及眼部浮腫。今次體驗以上三件產品，非常之適合臉部乾燥的我和能改善我黑眼圈及嚴重的眼部浮腫。用完這3枝，我必定會再回購。

又步入咗香港人最討厭嘅天氣 又熱又焗又濕立立 入到冷氣房又太乾 搽乜護膚品都好似唔啱咁 今次試咗CeraVe嘅幾款產品 為夏天做好準備 呢枝全效保濕修護精華水 主打蘊含三重ceramides同埋透明質酸 可以做好第一層保濕 方便後續護膚程序 仲有舒緩同修護肌膚屏障嘅功效 法國製造好放心 就咁睇佢質地好似一支普通水咁 用落我覺得質地比想像中滋潤 比起一般爽膚水 佢嘅滋潤感會last得比較耐 但係又唔會好難吸收淨係留喺皮膚表面 我夜晚會少量多次咁搽上面 有效舒緩吹咗成日冷氣嘅乾燥皮膚

多謝 @cosme 今次邀請我參加CeraVe全新保濕修護系列三件套 一直都有用開佢哋嘅產品 佢哋嘅產品冇添加香料酒精 敏感肌可以放心使用👍🏻👍🏻 今次試用全效保濕修護精華水 佢蘊含三重親膚Ceramides同埋透明質酸 洗完面之後幫皮膚保濕，提高水份⬆️⬆️ 佢質地非常之清爽 唔會好黏立 倒出嚟，完全聞唔到香味同酒精嘅味道 非常放心使用👍🏻👍🏻 基本上我都係當佢爽膚水咁用 洗完面後倒落化妝棉抹面 就咁都已經足夠保濕

混合敏感肌夏季的感受：高保濕度，而質地有小小黏膩感，但如配合全效保濕修護精華使用，待吸收後可以大大降低黏膩既感覺。 圖為洗澡後（Before)，只使用全效保濕修護精華水，隔10分鐘後再拍照（After)。 可以睇到精華水保濕度真係好好！迅速吸收效果都好好！只隔10 分鐘，大部分毛孔都得到保濕而睇落有柔焦效果。真係好保濕，所以夏天使用可能會有小小黏感。但十分適合在冷氣房使用，令自身皮膚不會太乾燥。冬天使用更不用擔心啦～如果配合全效保濕修護精華或其他清爽型面霜使用，待吸收後可以大大降低黏膩既感覺。 加上完全沒有香精味，無酒精，低敏配方，連續使用幾日都冇泛紅過敏！十分適合乾敏肌使用～

CeraVe 全效保濕修護精華水 講返我嘅皮膚先啦，我嘅皮膚係超級乾，有時仲會乾到搽面嘅時候覺得痛。 咁呢我就試咗呢個全效保濕修護精華水啦，朝早嘅時候我洗完面，就倒喺隻手嗰度然後拍落塊面，而夜晚呢我就會當佢好似爽膚水咁用，洗完面之後倒落棉花嗰度抹一抹塊面然之後先至再搽精華同埋面霜。 佢係水狀啦，所以其實都唔會太笠或者油。 我同時仲用咗佢哋嘅全效保濕修護精華，我覺得我嘅皮膚係有變得嫩滑咗，同埋有光澤。當然佢嘅補水能力好好，用左一排之後我嘅皮膚冇咁乾，同埋冇咁容易泛紅。

🩵全效保濕精華水：一拍驚艷！像會呼吸的隱形水膜，3秒吸收卻能持續深層補水。清爽到以為沒擦東西，指尖卻摸得到澎潤觸感！在辦公室冷氣房裡整天，都被溫柔呵護著，肌膚沒脫皮、不緊繃！ ✔️實驗室級溫和配方：通過皮膚專科敏感測試，無Paraben/香料/酒精的極簡主義，重視自然無添加的我的福音！

CeraVe 全效保濕修護精華水質地清爽，使用後唔會覺得黏立。它可以迅速舒緩肌膚乾燥感，令肌膚保持水潤，特別適合敏感肌。總的來說，這款精華水非常實用，值得一試。 BeforeAfter