抗老精華 推薦好用產品

Flora好用推薦：呢款精華算係我用咁多精華產品中覺得最好用嘅！ 易推！快吸收！ 好啱初熟肌用～ 減淡幼紋、提升緊緻度效都幾顯著～ 會回購！ 另外呢個brand嘅洗頭水都好好用，大推！

lingbb好用推薦： - 精華黎講價位真係好高🤑 - 但我覺得呢款精華係追上潮流嘅神級精華，一款抗衰老、緊緻、抗藍光三合一精華 - 以純淨玫瑰花水為基底，顯著減褪皺紋，即時潤澤提升，重拾緊緻輪廓。亦針對因經常接觸電子屏幕及藍光所導致的衰老問題。 - 被多一項「抗藍光」所吸引，感覺更抵 - 質地偏厚身，比起一般精華更保濕，又做到好快吸收，皮膚係摸得到嘅潤澤感，能夠做到長時間補水、鎖水。 - 持續用，係感覺到皮膚有生氣、脹卜卜咗，呢樣係好多品牌未必做到 - 另外官網特別提到可改善老化造成嘅凹陷臉頰同失守的輪廓線，如果皮膚有呢啲問題都可以試試！

greenk好用推薦：已經成為我日常一定必備嘅精華！ 佢收毛孔同去暗粒嘅效果超級明顯，用咗一排之後皮膚真係會變得平滑。質地比較稠，但完全唔會笠，一年四季都用得。 配合埋呢個牌子嘅B13一齊用，簡直係無敵，塊面會變得又滑。

lingbb好用推薦：- 呢款精華香味算係咁多枝入面最易接受， - 質地黃色黏黏地上面推開就快吸收 - 配搭其他精華一齊使用，皮膚明顯亮白，毛孔更細緻 - 會回購

Kmggigi好用推薦：又係我skinceutical vip share下新品 依支精華主打減少表情紋，包括額頭紋，法令紋，眼周乾紋等 皮膚狀況: 冬天乾敏肌，夏天混合偏乾+少敏感 Skincare morning routine: Curel 化妝水 ➡️; skin ceutical CE (早) ➡️skin ceutical 全能眼部精華 ➡️ skin ceutical Ptox -➡️ skin ceutical b5 (如果乾) 產品使用情況: 產品質地透明，偏水 (夏天都啱用)，冇香味 sales話成份有好少嘅酸，所以做完醫美要隔一個星期先可以用 對我嘅皮膚零刺激性，亦都唔會同之後嘅護膚品打交 效果: 產品持續使用後真係會有減少啲紋路 我本身法令紋比較深，同埋有少少乾紋 搽完會覺得啲紋路冇咁明顯，但要keep住搽 做perface個美容師話佢哋覺得呢個產品都好有用🤣 #火熱新品

Yuli♥️好用推薦：突然之間有一日照鏡見到個額頭仔有一兩條細紋,想打針又怕痛😮‍💨行開銅鑼灣見到呢個牌子出咗一支塗抹式嘅肉毒桿菌即刻心思思買返屋企試,九月買完返屋企搽咗大概一個月左右發現額頭嗰條紋好似淺咗少少,但係最明顯嘅一件事就係成塊面嘅光澤咁重咗,非常值得回購再回購♥️♥️

Nora好用推薦：其實我係禮盒set 一次過買， 係連埋snow fox 小魔球一齊買。 自己本身敏感，好易發紅， 咁我有試過淨係單用依支精華。 單用佢塊臉狀態都好左好多， 起碼係水油平衡左，冇咁易出油， 同埋白左冇咁易紅。

lingbb好用推薦：- 主打終極對抗光老化，刺激膠原自生，啟動8大護膚功效，全方位抗氧活肌！ - 極貴嘅精華，暫時未用哂，質地唔黏笠，上面非常易吸收，感覺皮膚毛孔更細緻，使用效果同其他精華相比更加睇到皮膚細緻度。 - 希望用哂成枝可由內到外對抗老化問題，散發年輕透亮肌感！

JuneL好用推薦：它質地呈珍珠白乳液狀, 質感易推柔滑, 由於護膚以早C晚A程序使用, 這支晚上用性質較溫和, 用後肌膚明顯變得保濕光澤, 細紋方面也有所改善, 效果唔錯!

Nicole 好用推薦：白色乳液質地，有一點點厚度，流動性強，很好推開，油皮上臉都算清爽，吸收也快。 個人感覺用到半瓶左右才慢慢出效果，感覺法令紋有變淡一點，眼下乾細紋有一點淡化效果，整體來說都滿意，應該會再回購。

Carcar好用推薦：買正貨之前用過試用裝幾日，已經俾佢深深咁吸引住😻 呢支精華係洗面後第一個step用，平時洗完面乾爭爭，一用呢個精華就好似救命神仙水咁，塊面嘅肌膚即刻變到好嫩滑。呢支精華質地好水潤，好快吸收。而且用咗咁耐都冇敏感，冇生暗瘡，敏感肌都好啱用！用咗大概兩個禮拜之後，塊面明顯有光澤咗，連朋友都睇得出分別😻推介！

Fng好用推薦：cle de peau the serum 第四代質地更清爽輕盈，容易吸收，一啲都唔黏笠，用後皮膚明顯光亮，就算熬夜後第二天皮膚亦冇疲態， 膚況會keep得穩定，不會爆瘡，有光澤飽滿水潤感， 不存在暗沉。 我用了幾樽後，發現自己皮膚明顯細緻咗，毛孔慢慢收細，有彈嫩緊緻功效，抗老必選，泵裝設計使用上更方便衛生，唔怕產品氧化。

Jeniel好用推薦：係Cosme買既Sofina IP精華。 第一次用呢隻質地（油油地？）既精華，一開頭覺得有少少怪，點知用落感覺非常好！質地水潤，滋潤度足夠，推開後吸收得快，完全唔會黐立立。 保濕效果真係冇得輸，就算香港冬天咁乾，搽佢一支再用薄薄既cream都夠做！過左成晚皮膚keep住水潤飽滿！ 但我最最最鍾意既使用方法係化妝前用佢打底，之後個粉底貼服到不得了，唔會浮粉同起擦膠碎，個妝容持久度大增！建議大家試下！ 用咗大約10日，最驚喜係膚色明顯均勻咗同亮白咗，鼻翼同嘴角嘅暗沉改善好多，連淡色斑都有變淡跡象。雖然一支好快用完，但效果真係睇得到，一定會回購！ 保濕度： ★★★★★ 貼妝度： ★★★★★ 亮白淡斑： ★★★★☆ 性價比： ★★★★☆ #水潤

A&R好用推薦：萬寧大減價買嚟試吓用，呢個牌子一直都係用潤膚露比較多啲，第一次用抗皺面霜精華，質地似lotion多啲，味道好香，但係一啲都唔會敏感，保濕都唔錯，皮膚好容易吸收，用咗一段時間，皺紋沒有加深，要長期使用先得。

Desse好用推薦：#火熱新品 Nivea妮維雅Q10全方位抗糖抗皺精華 最近忽然發現木偶紋又深咗…. 梗係要快啲處理🙅🏻‍♀️ 家姐介紹用nivea嘅抗糖精華🧏🏻‍♀️ 成份有Q10 x 狙糖因GLYCOSTOP💡 官方話2週有效淡化頑固皺紋並預防新紋🧏🏻‍♀️ 實測咗兩星期.. 係有啲用💆🏻‍♀️ Test tub嘅設計令到成件事感覺好衛生.. 而且可以好好控制份量💡 一開始expect隻精華可能係偏透薄一啲.. 但用落好似lotion.. 一樣輕薄易推💡 份量上比平時精華用量多咗.. 大約要4-5滴先可以搽勻全面+頸⚖️ 吸收度正常.. 大約要2-3分鐘 保濕度唔錯.. 日本開晒heater訓都唔會覺得乾💡 ⚖️無廣告描述咁誇張… 話5分鐘淡化皺紋😅 但一星期左右會睇到效果💡 一支30ml 大約用到一個月左右 值得一試💡

Desse好用推薦：用過小黑瓶，小棕瓶，又試吓小紅瓶🤭 資生堂Ultimune小紅瓶精華 主打免疫細胞激活，專攻細紋、暗沉同疲勞肌，適合25+歲所有膚質 成分方面：專利山茶花活酵萃取（3.4倍再生力）+酵母精華抗氧化修復、深層滲透激活膠原，減少水份流失+33%、彈性提升+25%，冇酒精刺激 質地輕薄，一整包推開即化吸收超快，冇黏膩感（正裝大約用兩泵） 早晚潔面後用，配合乳霜鎖水 用後即時水潤有光澤，2週內細紋淺咗、膚色均勻亮咗，熬夜或轉季用唔錯🙂 🥸留意位 冬天用唔夠力，轉季用就好😎

lonia好用推薦：到咗三十幾歲，一啲初老嘅肌膚問題開始慢慢浮現。乾紋、細紋、皮膚彈性變差……之前品牌活動試用過ULTIMUNE皇牌全盛精華，覺得效果幾理想，所以就入手咗一支。 佢一支精華就已經做到多重效果，將精華擠落手心，精華比較杰身，但其實好容易推開，皮膚亦好快吸收。佢有一陣感覺舒服，令人放鬆嘅微香，搽上面就即時感受到佢嘅保濕功效，有水潤嘅感覺，第二朝起身發現皮膚多咗一份光澤感。 而令我覺得最驚喜嘅，就係肌膚免疫力得到改善。以前皮膚有時會泛紅，出現敏感痕癢。用咗呢支精華一排，皮膚狀況穩定咗，冇咁容易出現敏感泛紅，而且皮膚狀態都細緻咗、彈潤咗。每日keep住用呢支Shiseido皇牌精華，細紋、乾紋呢啲難搞嘅問題都慢慢得到改善，值得推介～

TsuenMa好用推薦：#ELIZABETH ARDEN NEW YORK RETINOL CERAMIDE CAPSULES Line erasing night serum 細細嘅粉紅蓋，透明樽身，充滿少女心。細細一粒獨立包裝，好方便攜帶，成個合身都好輕，我覺得好適合帶去旅行用。佢呢隻精華一啲都唔笠，好容易被皮膚吸收，唯一覺得佢一粒嘅容量有啲細，份量未必夠搽晒成塊面，我都係會揀，毛孔最粗大、最想重點改善嘅位去搽。但我諗佢呢隻好大嘅阻礙就係個價錢太貴，真係唔捨一次用到一粒。可能因為都係慳住用嘅關係，唔係連續每日使用，所以都唔太能夠肯定佢嘅效用。 

Connor好用推薦：獨立包裝粒粒精華，衛生又方便攜帶，去旅行就最啱啦👍🏻 質地潤而不膩，本人乾皮大愛呢種膚感，用完後面上會有一層薄薄地既油膜包裹皮膚，好有安全感，第朝起身皮膚真係細緻嫩咗！

羅小白好用推薦：用咗一段時間明顯皮膚係有光澤咗，同埋毛孔都收細咗，而且冇咁刺激，其他同類型嘅產品要建立咗耐受性先會有效果，呢隻有效果得來，而且都幾溫和 

Hazel好用推薦：早C晚A ，所以買咗佢呢支A醇精華，又買咗 C24精華，A醇好用唔算刺激（晚上用）有去黃效果，再加埋佢支C 24精華（早上用），感覺皮膚淨白左一度。

natanatalie好用推薦：年紀漸大，肌膚出現一啲初衰老嘅問題，例如鬆弛同暗黃，開始會想用一啲貴婦級護膚品，加強功效。今次就試左呢款新出嘅活肌蜜！🥰 首先講一講價錢，價錢一啲都唔親民，不過功效又真係幾顯著，所謂一分錢一分貨，用左好嘅相信大家都願意負出多少少買佢！🤪 質地嚟講，佢比我想像中流質，你見我擠喺手都流動性好強，感覺佢係一半油一半水嘅狀態，搽上面感覺好舒服，唔會有香料味，亦感覺到好快吸收，唔會黐立立。❤️ 用完第二朝其實就會見到即時效果都幾明顯，肌膚明顯變得飽滿同更有光澤，正正啱我呢種出現初衰老問題嘅人。而用完佢再上妝係真係會貼好多，就算化左妝都無咁易脫妝，證明佢嘅保濕同滋潤功效係好好，但又唔會令肌膚負擔好重，呢一點令我幾surprised！😎 總括來說，我覺得呢一款係一隻輕盈但又可以幫助對抗初衰老嘅護膚品，係物有所值，值得入手！😍

Kelvin好用推薦：復原蜜新版，味道唔同咗，水感變得輕盈，流動性強💧入面加咗啲黃色微珠粒粒，應該係有精華成份既粒粒 上面好容易吸收，唔會有油膩感，融入皮膚會好保濕🧴作為肌底液保濕打底作用，好容易吸收，會令到皮膚好軟熟🍎 四月頭好乾燥個幾日，皮膚好乾又甩皮，復原蜜係真係有修復功效，即時舒緩效果好好，用完皮膚好快變返正常 任何肌膚都可以使用 #火熱新品

Hoilly好用推薦：貴既一定有佢既好處！當我皮膚好差好敏感到咩都用唔到既時候，好在遇到佢，本身爆曬粒粒，皮膚質素暗沉，用左佢大約2星期到，皮膚開始冇咁暗，皮膚有番光澤～用既份量好少2pump 就好足夠成塊面，唔好貪心用得太多，反而會狂出油！

Kmggigi好用推薦：由於價錢較貴 (HK$3200/30ml)，主打抗衰老(i.e. 柔滑膚質，收緊毛孔， 減褪皺紋，均勻膚色，亮澤肌膚，重拾緊緻)，相信比較少大學生用過。我都係因為屋企人買就一齊share用，感覺幾好🫶🏻 質地比Estee Lauder嘅Advanced Night Repair輕盈，快吸收，但冇ANR咁補水🤣 搽左一段時間覺得膚質穩定咗同平滑咗，額頭本身啲暗粒都慢慢冇咗🤣 可惜比朋友話過太早(25歲)用抗衰老嘅精華未必好，所以宜家都少用咗，屋企人就好中意用，用緊第二支~

lingbb好用推薦：- 對所有膠囊護膚品都好有好感🥹，乾淨衛生唔使諗份量，而且膠囊有點像心💜嘅形狀，仲要係我鐘意嘅紫色，好靚💖 - 吱出黎係淡黃色油份，推開有種滋潤感，初頭上面有黏笠感，但過十分鐘就會完全吸收哂，乾肌會喜歡嘅質地 - 通常晚上使用，皮膚狀態唔好會用哂成粒用哂厚塗都唔覺黏笠，皮膚狀態ok會用少許份量混合面霜用，皮膚會變得好細緻有種被油份保護膜包圍住嘅感覺。 妝前用就太厚身唔太適合（除非超乾肌或超乾天氣） - 厚敷係額頭有紋嘅位置，使用兩個星期有明顯淡咗 - 非常推薦懶人又係乾肌嘅你 #火熱新品

Linda yan好用推薦：呢個精華質地較濃稠 擦完都會有種黏住的感覺 係比較需要時間吸收 用左兩星期覺得有feel到皮膚年輕左🤣最有感覺係洗完面繃緊時 用完佢係會變得平滑左 但相於係淡紋或者緊緻方面都有改善。細心查看返產品裡成分都比較溫和，真係用既時候都絕對放心。 ⭐️⭐️⭐️⭐️⭐️⭐️值得推介⭐️⭐️⭐️⭐️⭐️⭐️

李溢鎬好用推薦：麗珠蘭 Moisture Treatment Ampoule係我夏天新試嘅保濕安瓶，專為乾燥敏感肌設計，含PDRX舒緩保濕成分、神經醯胺同c-PDRN再生成分，好啱當晚間打底用。 ​ 質地同吸收 質地透明水潤，好易推開同吸收，冇厚重感，夏天用完皮膚即刻感覺補濕滋潤，摸落去柔軟彈手，好似飲飽咗水咁。 ​ 但夏天早上用，喺香港潮濕天氣下會有少少黏膩殘留，建議轉晚間用，配爽膚水後拍勻，等完全乾身先上面霜。 ​ 保濕效果 夏天開始用頭幾個星期超正，保濕可以維持一整日，皮膚屏障感覺穩咗，適合日常保養。 ​ 但冬天轉涼，補濕力就變弱咗，對乾冷空氣冇乜抵抗力，要疊加厚cream先夠力，否則感覺可有可無。 ​ 修復表現 最失望係皮膚出狀況嗰陣，例如紅腫或者冒少少暗瘡，完全冇鎮靜修復作用，只做好濕潤，冇幫到改善敏感或受損屏障。 ​ 雖然有PDRN成分理論上能修復，但對我嚟講只係基本保濕，唔夠力處理問題肌，油性或混合肌可能更啱。 ​ 總結CP值 30ml裝價錢親民，CP值高，如果你皮膚穩定、想搵個夏天晚間補水安瓶，絕對推薦！但有敏感或冬天乾肌，建議試其他修復強嘅款。

Fng好用推薦：韓國麗珠蘭PDRx 7% 超水光肌膚再生安瓶精華 ✨ 質地與吸收度 呢支安瓶精華擁有凝露狀質地，推開瞬間化水，滲透速度極快，唔會黏膩。香港夏天使用，T區零負擔，兩頰即刻有種飲飽水嘅感覺，後續疊加護膚品都唔會搓泥，清爽度滿分！ 🌟 修復與光澤效果 主打7% PDRn專利成分同多種胜肽複合物，試過熬夜後連續使用3晚，皮膚嘅暗沉同疲態明顯改善，毛孔睇落細緻咗，仲帶有自然透光感！相比一般保濕精華，佢嘅修復同抗老效果更全面，特別適合輕熟肌對抗初老問題。 ⚠️ 注意事項 · 初次使用建議先試耳背，雖然成分溫和，但高濃度配方可能對極敏感肌有刺激 · 避免與酸類產品同時使用，以免成分打架引起敏感 · 開封後盡快用完，保持成分活性 🆚 產品比較 · VS AHC玻尿酸安瓶：AHC純保濕為主，麗珠蘭修復抗老更全面 · VS CNP蝸牛安瓶：CNP針對舒緩同褪紅，麗珠蘭光澤感同飽滿度更勝一籌 · VS Mediheal胜肽精華：兩者都主打胜肽，但麗珠蘭PDRn專利成分修復力更明顯 💡 推薦護膚Steps 1. 溫和潔面：用低刺激洗面乳清理肌膚 2. 爽膚水打底：輕拍保濕化妝水軟化角質 3.

YY好用推薦：秋冬嘅護膚品有好多我比較鍾意嘅就係呢一支Clarins Double serum！ 買返嚟個時以為好油膩，但係其實係冇呢個問題。精華入面水油分隔，官方用法放喺手心乳化混合，用熱力喺皮膚上面按摩，而唔係直接將精華油塗上面。我比較鐘意喺功能精華之後疊加上/當面霜用於精華後。 混合性皮膚到乾性皮膚都適用，廿尾三十開始使就差唔多。clarins Double serum平和咁樣令到皮膚keep住穩定嘅狀態，唔會出現甩皮泛紅嘅問題。皮膚好咗，毛孔細咗，乾紋都少咗。真心正！ 遲啲用曬就試下clains 全新第9代 賦活雙精華! #秋冬護膚神隊友

msthea好用推薦：Clarins嘅賦活雙精華係我呢兩年冬天必用嘅精華 保濕度非常好，好適合秋冬使用 因為我皮膚係屬於缺水偏乾，好多時秋冬塊面都會抆抆緊咁，覺得有啲痛，試過好多唔同嘅精華加面霜，都減輕唔到呢個感覺 自從早兩年試用過呢個精華，發現真係好好，夜晚用完，第二日淨係用爽膚水同面霜，都仲keep到個保濕度，唔會覺得乾燥  呢個係有兩個質地嘅精華混合而成，唧出嚟嘅時候會明顯見到有透明嘅顏色，同埋啡啡地嘅顏色，混合完之後搽上面就可以 而個樽蓋上面見到有兩個唔同嘅公仔，代表「大滴」同埋「細滴」，咁可以根據返自己嘅需要而調校一泵嘅份量，我覺得係一個幾好嘅設計以5⭐️為我嘅滿分 保濕度 ⭐️⭐️⭐️⭐️⭐️ 感覺持久度 ⭐️⭐️⭐️⭐️⭐️ 減紋 ⭐️⭐️⭐️⭐️ 推薦度⭐️⭐️⭐️⭐️⭐️

mandy好用推薦：Laneige Perfect Renew 3X Signature Serum 緊緻塑顏3X 再生精華 $650/ 40ml $1300/ 130ml (Laneige 推廣套裝) (40ml x 2; 20ml x 1; 2ml*5 x 3) 功效：淡紋+提亮+緊緻 緊緻塑顏3X再生精華是由抗皺精華、緊緻精華及光彩精華3合1混合出來的多功能護膚精華。 抗皺精華的質地是精華油狀，緊緻精華為乳液狀，而光彩精華則為水狀。3款精華混合後，質地是很水潤、流動性高的精華液，非常易於推開，而且稍加按摩已很快被肌膚吸收，也不太有黏笠感，使用感很舒適。 通常日系的抗衰老/抗皺護膚品都會偏向較滋潤的質地，但不是所有膚質都是適合滋潤型的抗衰老護膚品，緊緻塑顏3X再生精華給予大家多一個選擇，就是抗衰老護膚品也可以是潤而不笠，而且有效的。 成分方面，3款精華加起來蘊含不少優質護膚成分，包括保濕、抗衰老、抗氧化、鎮靜消炎及美白等成分。 使用後，肌膚水潤亮白，配合由下而上按摩，面部變得更緊緻拉提，法令紋也變得不明顯。 光彩精華 含保濕成分: 甘油, 丁二醇, 雙丙甘醇, 木醣醇, 乳酸桿菌發酵

GinGin好用推薦：講到三款精華一齊用好似好勁咁，就試下，用左係會幾有光澤，但要加保濕精華先得，否則會好乾，同埋$650一支好貴

Sssue317好用推薦： - 質地：輕盈水潤 - 味道：帶有香料味道 - 包裝：硬身塑料 因為工作關係經常捱夜，捱夜後的皮膚也會較為蠟黃。同時一直也很在意淚溝和法令紋，尤其過了25歲之後，感覺皮膚比以前變得更乾燥，皺紋又會更加明顯，所以也開始注重抗老。 這次使用了LUMINOUS 630 雙效淡斑抗皺精華，也有記錄下使用的前後對比（如圖）。最明顯的分別是皮膚變得更均勻透亮，本身我下巴的位置膚色較為暗沉，用後整張臉的膚色更平均。 另外，看到自己的一些細紋有減淡了，當然也沒有完全去除，但是以短時間來講的效果我也很滿意。 而且很喜歡他一抹化水的質地，塗上後很快吸收，不會有黏笠的感覺。 不過它也有一點香料的味道，所以敏感肌的朋友也要在塗上臉上之前，建議還是要在耳背測試一下是否會敏感。不過我不是比較敏感的皮膚，所以用起上來也沒有任何的問題。 也有一點是我覺得瓶蓋很難開，冇辦法單手開瓶

Sccan好用推薦：首先感謝@cosme 的邀請試用， 第三次抽中依款新推出嘅NIVEA LUMINOUS 630 雙效淡斑精華正裝30ml。 我屬於混合敏感肌，膚色不均勻易泛紅，有雀斑及痘印因缺水毛孔粗大易出油。 質地：比較稠身乳霜狀，唔算易推開，但不油膩有水感。 效果：輕微淡斑，平撫毛孔及細紋，非常保濕滋潤，減輕泛紅令皮膚更有彈性更緊緻。 缺點： 化學香味較濃，雖然唔刺鼻但唔係個個接受到。 用後感：比以往嘅Nivea 嘅廉價感，今次依個包裝較高級感精緻，拎上手比較重但手感十足，啲唧頭好細好方便控制想要嘅份量，用量唔大，建議少少咁撳出黎。雖然建議話試20天，但收到通知提示截止要交，由我收到試用裝開始試用左10天都先報告下情況。無濾鏡同一光度下影相，見到眼下雀斑淡左少少，膚色均勻左少左泛紅，毛孔都細左啲，虎紋位都提升左，整體感覺平滑緊緻左。 總結：很推薦！ 雖然依款其實似面霜多過精華，以為會無感，但估唔到效果會咁好！