煥膚精華 推薦好用產品

MagCat好用推薦：之前用開另一隻牌子嘅維他命A，用用下冇乜效。買開佢嘅防曬，送咗呢支維A sample。乳液狀質地，吸收得好快。可以唔駛再搽其他cream。夜晚用完感覺第二朝皮膚都仲好水潤。用咗兩星期，感覺白淨咗同埋下巴啲瘡爆少咗。呢支Sample用咗兩個星期都仲有剩，好襟用。用完會買貨裝。

Flora好用推薦：呢款精華算係我用咁多精華產品中覺得最好用嘅！ 易推！快吸收！ 好啱初熟肌用～ 減淡幼紋、提升緊緻度效都幾顯著～ 會回購！ 另外呢個brand嘅洗頭水都好好用，大推！

Kura好用推薦：呢款精華嘅修復效果好好，搽上皮膚好快吸收，四季都啱用，特別係冬天滋潤效果好好

Kitty 好用推薦：做各大品牌會員嘅着數就係一出新產品就可以即刻收到試用裝！見到sms話今次會員可以試到最新款貴價精華，即刻衝去counter攞。 今次Fresh升級左古源精華露，最近連續用咗幾晚，只係夜晚用，已經覺得皮膚有質嘅改變，一粒凸起嘅月事痘，用咗一晚之後佢消失咗。天啊，第二日皮膚整體感覺好嫩好彈，仲有提亮效果，而且我夜晚只係用咗精華露冇加其他精華（呢度精華露係用到面部飽和狀態，即係用量多少少）。我願稱佢為fresh年度新品之神哈哈哈！ 講吓成分啦，其實大家都可以上網查到： 1. 白池花籽油（滋養淡紋細嫩肌膚） 2. 亞麻薺籽油（增強皮膚彈性同屏障滲透力） 3. 白松露提取物（輪廓上揚） 4. 歐洲白蠟樹提取物（修護淡紋，細嫩肌膚，強化屏障，我粒痘應該係靠呢樣消退咗） 另外呢支精華露嘅科技係-專利微囊技術，分子細到可以滲透肌底20層，唔含酒精乳化劑，無矽油，依然秉承古源系列嘅完美水油比例，膚感真係相當舒適，水感質地，油嘅滋養，精華功效，話一觸即融都唔誇張。一瓶搞掂所有護膚步驟，效果仲要咁堅！！有興趣的話一定要去專櫃感受吓，真心推薦~ #火熱新品

Emily Leung好用推薦： #火熱新品🔥 乾敏肌有救喇！呢件新嘢真係冇得搵平替！ 要知道我哋打工仔成日喺冷氣房屈到實，我塊乾敏皮長期喺呢個環境下面頰又紅又乾，轉季入秋仲大鑊，塊面狀態浮浮沉沉，輕輕一掂就刺痛敏感。 最近發現fresh新出嘅「古源煥膚精華露」！試完真心覺得係我哋乾敏皮嘅續命靈藥！ 支精華露係水油質地，同時補水補油，但個滋潤同清爽度平衡得啱啱好。滴喺手背係輕盈嘅羊絨觸感，唔需要乳化，一推就化水，比水潤比油清爽，吸收得快到驚人，輕拍兩三下就食曬入皮膚。 感覺每個毛孔都飲飽水，但塊面完全冇油膩感。用緊陣陣洋甘菊清香飄過，護膚即刻變SPA級享受～成塊面好似識得呼吸咁，摸落去彈彈潤潤！ 用咗一排發現皮膚變化真係肉眼睇到：之前塊面動不動就紅敏，而家穩定咗好多，冷氣房屈成日都唔會乾到繃緊，摸落依然軟軟嫩嫩。兩頰泛紅基本上冇再發作，連輪廓線都有微微向上托感覺！成塊面有種脹卜卜嘅緊實感，成個人睇落精神曬！

onionnie好用推薦：因為@cosme 的推介， 去了這個brand 拎試用裝， 跟做了皮膚分析， 我的面原來勁多色素，肌底也很乾。 店員推介了這個早上的肌底， 我一開始買了， 覺得這個細支， 用到幾耐。 後來發現原來用好小， 已經可以推開至全面。 因為食藥的關係， 所以皮膚好乾， 現在春夏季， 已經用了好多精華同潤既cream 都有mount mount 緊既感覺。 用左呢個， 真的好潤和冇了mount mount 緊， 極力推薦。 Pump 出來杰杰的gel, 但超容易推開。

SKY好用推薦：因為有段時間用膩了維他命c，想說換一下維他命B好了，畢竟我也挺需要縮毛孔的，所以入了Paula’s Choice 10%和20%的Niacinamide試試。 10% Niacinamide這罐精華質地很水，很好吸收，有淡淡的膠水味？因為它的成分裏面也含有維他命c，也是會氧化變黃的，所以開封後就盡快用完。我一樣用了大概一個半月就用完一罐。 可能是用過Ordinary那罐印象太差，又黏又不好吸收，讓我對這罐一用傾心！說不出來究竟愛它什麼，可能是輕薄好吸收的質地吧，可能是這一個半月以來皮膚的穩定吧，而且膚感是真的好！就一試成主顧了⋯⋯又回購了兩罐！ 不過它對改善毛孔功效不大，20%的會比較明顯，10%比較像是維持住晚上20%的作用的存在。我現在早上的保養是空瓶完維他命B就換維他命c，這樣交替使用。然後晚上用20% B。幾個月下來皮膚都很穩定，會持續回購。

葉子🍃好用推薦：透明色精華，比較水狀，肌膚快速吸收，日日用都可以，感覺舒緩降紅，用後有美白淡斑效果，很快已清空一瓶

Bchonfrise 好用推薦：好開心Cosme抽中我參加Decorte WHITELOGIST 1.8倍高濃度截黑美白精華既試用活動！😆😆😆我本身有濕疹同玫瑰痤瘡，皮膚比較敏感，所以唔係好夠膽試美白嘅產品！但今次用完Decrote既美白精華都完全冇敏感，而且真係有效果，所以真係好開心呀！我好怕啲skincare好笠，但皮膚又比較缺水，所以想skincare夠保濕，但係質地又唔可以太笠。今次Decorte完全做到！精華嘅質地比較流質，質地輕盈，但係唔黏笠，保濕效果係冬天都夠足夠，只需要喺精華後加面霜，第二日皮膚都依然水嫩！毛孔整體都細咗好多，而且個膚感都好柔軟！除咗保濕之外，美白嘅效果都非常明顯！照片可以見到使用前，肌膚比較黃同暗沉，而且面都會有之前生暗瘡留低嘅豆印，泛紅同埋膚色不均，毛孔都比較粗大🥲 第一次我係晚上使用，提亮同保濕既效果都可以保持到第二日！蠟黃感少咗好多！毛孔細啲膚感都柔軟好多😝 而且持續使用14天後，皮膚黃氣同埋暗沉有明顯改善，更加白淨透亮，光澤感都有更加明顯🥰而痘印同埋泛紅方面都有減淡到，皮膚睇落去因為毛孔細咗，所以感覺更加柔嫩冇咁粗糙，亦都飽滿好多！好似真係飲飽水咁！配合埋WHITELOGI

Georgia好用推薦：首先感謝 @cosme 抽中我試用DECORTÉ WHITELOGIST 1.8倍高濃度截黑美白精華❤️🤗 呢款新產品日本2026年1月16號先發售，好開心可以喺日本推出嘅時候，就已經可以喺香港同步試用！！心情真係十分之興奮🥹💃🏻 平時我唔敢亂試美白產品，因為我本身係乾燥敏感肌，好怕會刺激皮膚，所以一開始用呢支高濃度美白精華都有d擔心，但用落之後，完全無刺激感，反而好溫和！質地清爽得黎但唔油，同時又可以滋潤到肌膚，推開好快就吸收晒，完全無厚重感💧 質地清爽，非常容易推開✨ 用咗大約半個月時間，每日都早晚使用，效果我覺得係幾明顯，蠟黃暗沉減少，膚色均勻咗好多，照鏡時覺得自己皮膚白淨咗一級✨。而皮膚摸落柔滑細緻，整體膚況更健康透亮🌸，而且完全無刺激感，乾敏肌用落都好安心😌😌 我覺得最吸引嘅係佢唔止抑制黑色素，仲可以強化皮膚屏障。對我呢種容易乾燥敏感嘅肌膚真係好有用，特別係最近乾燥低溫嘅天氣情況下，用落皮膚更穩定，比較淺嘅色斑有慢慢淡化，膚色愈嚟愈透亮。呢支美白精華真係好驚豔，效果超出我預期，好鍾意🥰❤️同埋我都想讚吓佢個包裝，係十分之高級，拎上手亦都好有份量感。 呢支美白精

Star好用推薦：多謝@cosme的邀請，讓我有機會試用DECORTÉ的WHITELOGIST 截黑美白精華。 今次試用的WHITELOGIST 截黑美白精華，是注入了天然而具有有效美白成分「麴酸」，有效從根源抑制黑色素生成，預防色斑及雀斑的出現，有30 mL同60 mL兩種大小可供選擇。 美白精華的外表都呈現DECORTÉ一貫給人的印象：精緻與優雅。精華是泵裝設計，而每次使用時只需一泵。這樣的好處就是令使用者不用懊惱份量是否正確。 相片中的份量就是一泵，足夠推開全臉。質地屬偏水狀，伸延性高所以比想像中易推，並帶有淡淡的花香味。搽上面後皮膚瞬間吸收，不帶有任何黏膩的感覺。使用後皮膚望落水嫩飽滿。 今次試用的14天內，天氣橫跨潮濕偏熱和乾燥偏凍。不過可以藉此知道此精華是否適合一年四季使用，而結果卻令我大為驚喜。試用期內，有兩三天天氣突然急降約十二度左右，嚴峻的氣溫會令我的皮膚乾燥脫皮。本人皮膚屬於暖色系較黃、混合性偏油，黑眼圈比較嚴重，顴骨位帶有少少色班。而鼻翼附近的毛孔偏大而顯得粗糙。所以在單一使用此精華下，妝後鼻翼位沒有因為太乾燥出現脫皮和浮粉，證明保濕力不錯。而在潮濕悶熱的日子，T字位出油情

Pinkberry好用推薦：多謝 @cosme 邀請試用「Decorte 第8代新升級 WHITELOGIST 截黑美白精華」。 身為一個混合性肌膚的人，一直面對肌膚的色素沉澱及暗沉問題。非常喜歡她泵頭的設計， 衛生又可以好好保存精華的營養。質地非常輕薄輕透水潤， 似精華水，容易吸收沒有黏貼感， 但係又感受到有滋潤感覺，再疊其他護膚品都沒有擦子膠碎。淡淡清香，延展性高，兩三泵已經可以塗暈全面。平時我喜歡精華後塗面霜， 第二朝起身時你會發現水油平衡，以往鼻頭出油的情況也改善。而她屬於清爽型，所以如果在冬天非常乾燥的日子， 我會再加保濕精華會更滋潤。持續使用14天，最驚喜是提亮肌膚，泛黃及暗沉的問題是有改善，蠟黃減少，肌膚更有光澤及透亮，膚色均勻提升， 也幫助維持了肌膚的水潤狀態，可以感受到皮膚更軟熟及毛孔更細緻。我亦有做醫美療程，這精華能持續修護肌膚，預防新斑再生。WHITELOGIST的新款黑美白精華，在提升肌膚亮度和保濕效果也很好，可温和地令肌膚更健康及有光澤感。

Desse好用推薦：用過小黑瓶，小棕瓶，又試吓小紅瓶🤭 資生堂Ultimune小紅瓶精華 主打免疫細胞激活，專攻細紋、暗沉同疲勞肌，適合25+歲所有膚質 成分方面：專利山茶花活酵萃取（3.4倍再生力）+酵母精華抗氧化修復、深層滲透激活膠原，減少水份流失+33%、彈性提升+25%，冇酒精刺激 質地輕薄，一整包推開即化吸收超快，冇黏膩感（正裝大約用兩泵） 早晚潔面後用，配合乳霜鎖水 用後即時水潤有光澤，2週內細紋淺咗、膚色均勻亮咗，熬夜或轉季用唔錯🙂 🥸留意位 冬天用唔夠力，轉季用就好😎

lonia好用推薦：到咗三十幾歲，一啲初老嘅肌膚問題開始慢慢浮現。乾紋、細紋、皮膚彈性變差……之前品牌活動試用過ULTIMUNE皇牌全盛精華，覺得效果幾理想，所以就入手咗一支。 佢一支精華就已經做到多重效果，將精華擠落手心，精華比較杰身，但其實好容易推開，皮膚亦好快吸收。佢有一陣感覺舒服，令人放鬆嘅微香，搽上面就即時感受到佢嘅保濕功效，有水潤嘅感覺，第二朝起身發現皮膚多咗一份光澤感。 而令我覺得最驚喜嘅，就係肌膚免疫力得到改善。以前皮膚有時會泛紅，出現敏感痕癢。用咗呢支精華一排，皮膚狀況穩定咗，冇咁容易出現敏感泛紅，而且皮膚狀態都細緻咗、彈潤咗。每日keep住用呢支Shiseido皇牌精華，細紋、乾紋呢啲難搞嘅問題都慢慢得到改善，值得推介～

Poyobb好用推薦：先講膚感，質地水油分離，用之前要先搖匀，上面一下皮膚會好油，但好吸收，之後就唔會油膩，感覺皮膚已經被滋潤，被覆蓋包住，係舒服嘅感覺。 夜皇后用左摩洛哥月光仙人掌，褪黑激素讓肌膚於夜間重新啟動肌膚修復系統，如8小時充足睡眠！持續使用的話肌膚會達到平衡狀態，透亮！精華有抗氧化同保濕功能，用完第二日肉眼可見皮膚係會細滑咗，角質冇咁粗糙，化妝都會貼啲，但唔用呢就會還原，依個point係真🤣係光澤唔係白左 如果瞓覺夏天唔開冷氣，我搽完肌底液之後就直接用夜皇后、即使唔搽面霜保濕度都足夠。尤其是我真係好夜瞓嘅，但我會瞓覺瞓足八九個鐘，第二日皮膚都光澤🤗夜皇后有保濕抗氧化，仲可以針對角質問題，佢嘅酸成份應該好低，感覺乾性皮膚都適合用。 最後，佢個樽身好靚，用過時候記得要搖勻。而且仲有得買淨refill，正裝會用，sample都會拎，算係幾環保♻️ 就算屋企有好多支尊貴品牌不同功效嘅精華，我間唔中都會拎出嚟用，夜皇后係有特別之處💕

楊壯碩好用推薦：YSL Pure Shots Night Reboot Serum Review 綜合評分：4.5/5；詳情如下—— 包裝：4/5 ▶️comes in an airtight pump, good for preserving active ingredients👍 ▶️a bit bulky for travelling though✈️有替換裝支持環保是好事，但外面那個大塑料殼真的沒有必要 成分及formulation：4/5 ▶️含有antioxidants、甘醇酸等保養有效成分，但官網描述該產品pH值為4，而甘醇酸在pH值4的環境中只有約40.34%是active的(see source below)，估算下來，包裝標注的3.4%甘醇酸乘以40.34%的活躍度約等於可能只有1.37%的甘醇酸能夠有效滲透角質層，可以說有效濃度並不高。當然，有效成分並不是濃度越高越好，作為每天使用的護膚品，低濃度的甘醇酸已經能夠溫和地達到改善效果 ▶️成分表（圖）中有denatured alcohol和fragrance，這些是用來提升產品使用感，但對護膚沒有顯著好處又同時具有刺激性、風險

natanatalie好用推薦：市面上比較少的開架A醇精華🙌🏻 之前好興A醇，但市面上A醇開架精華唔多，呢款又平又好似幾高效咁，即刻試！🤤 質地一啲都唔笠，我油肌推開吸收得都算快，而且無坊間講咁刺激，起碼我用完無甩皮！🫶🏻 用左一排，痘印真係減淡得算幾快，效果都幾明顯，不過用佢就一定要用保濕精華！🙆🏻‍♀️

HYL好用推薦：比較稀好推開，很清爽。 一開始我用在耳後。用了兩天沒過敏，於是在全臉開始用，臉塗的少，因為怕不耐受。 塗上去也沒有不舒服和刺激的感覺。 結果在隔天晚上用一次，用了3次之後，下巴開始和唇周還有額頭開始脫皮。

Janet SF好用推薦：佢質地輕薄，吸收迅速，peeling效果好明顯，用後明顯皮膚角質軟化，又有美白效果。最好之處係用後沒有皮膚被抽乾既感覺，感覺是可以天天用或隔天用的產品，不會怕皮膚會變乾，尤其適合我呢種膚質較乾，又需要去角質嘅皮膚使用💕 #火熱新品

mint好用推薦：我係混合肌，T字位成日出油但面頰又乾到爆，試過好多精華都唔啱用。今次喺官網買咗Declare呢支多元緊緻煥膚精華，真係好驚喜！ 用落超級方便，滴管設計衛生又易控制份量。我通常擠兩滴喺手心，輕輕按壓上臉同頸，吸收得好快，完全唔會黐立立。而且用咗唔夠一星期，毛孔明顯細咗，面頰位冇再甩皮，T區出油情況都好咗！ 秋冬季用真係一流，保濕得嚟又唔笠，仲有陣陣天然植物香味。$760有50ml，計落都幾抵玩，會繼續回購！

Anna好用推薦：一直都有用開 Declare 的多元緊緻煥膚精華液，︀使用非常之方便，用滴管將精華液擠在掌心，塗抹於臉及頸部就可以完成步驟，用完感覺好清爽，效果非常之好，用咗唔夠一個禮拜就已經有好嘅成績，非常之可靠的一款產品。

Angie好用推薦：平時用美白產品好容易敏感或者起粒粒，呢款用完皮膚都好穩定，美白同時做到保濕效果

Yanice好用推薦：乳液質地，好保濕，用左一樽真係有白到，而且價錢唔係貴，會回購

Poyobb好用推薦：冬季護膚❄️ 我同Estée Lauder 護膚品唔係樣樣夾，小棕瓶只會喺冬天化妝之前用個效果喺我面上最好。 即使冬天，化妝之前我都唔鍾意用過分滋潤嘅面霜，所以好多時候都會用精華水+小棕瓶作為妝前護膚，同時我用嘅base都係保濕類，咁樣成個底妝就俾我最舒服嘅感覺。 喺化妝之前用小棕瓶皮膚冇出錯，亦都唔會因為過分滋潤而出暗粒，小棕瓶大概用半泵份量就可以全面推開，而且佢嘅質地有少少修飾毛孔，半啞光質感質感，用完之後上嘅base同粉底液都好貼服。而且上妝皮膚都唔會好容易乾燥。 小tips，小棕瓶可以加入foundation增加滋潤度，不過就會減低遮瑕度，所以我真係鍾意化妝之前用佢🥰

Emily Leung好用推薦：Estee Lauder小棕瓶｜萬年回購的熬夜救星！ 琥珀質地清爽水潤，上臉輕輕一推就化開了絲毫不粘膩 第二天起床臉蛋像是按了重啓鍵一樣的透亮！完全不像前一晚上熬了大夜的肌膚！ 它的核心成分律波肽成分真的很厉害，就像是會給細胞定上精准鬧鐘！哪怕我晚上幾點睡都能按時開啓夜間抗老模式，把熬夜帶來的泛紅和乾燥都一點點壓下去！ 堅持用一段時間下來，整張臉透出的光是從肌底里滲出來的嫩！毛孔細膩到隱形！就連難搞的頑固紋也肉眼可見的淡化了不少！ 就算是敏敏肌也可以放心使用！有它在真的是只有越熬越年輕的感覺

natanatalie好用推薦：#我的崇光感謝祭必買去角質 Canvas呢支去角質煥膚精華真係我嘅去角質大愛！❤️ 普通去角質產品好多都有磨砂，好易會令肌膚敏感，但呢支去角質產品好溫和，金色質地好高貴，又去到死皮，用完肌膚細緻左。😍 最欣賞係有一陣淡淡香氣，用完心情都好啲！🥰

格仔餅公主好用推薦：金色既質地好貴氣，味道淡淡地唔攻鼻，無磨砂粒子但做到明題去老舊角質既效果，用完皮膚好滑而且keep到一段時間既，唔係一兩日就無，如果之後搽保濕精華效果更good

Verna好用推薦：我是第一次接觸這個品牌，真的感恩有機會試用這皇牌產品 雖然它的中文名是「精華乳」，但包裝說明它的用途是去角質，用於爽膚水之後。官網介紹這支柔膚精華乳有5%果酸和0.05%水楊酸，可以有效去角質、均勻膚色、減少皺紋和色斑 這精華乳的包裝是泵頭，真的很喜歡這包裝設計，因為可以減少精華乳和空氣接觸，感覺比較衛生，值得加分👍 它是是淡黃色，質地比較稠厚，但味道有點難聞，可能因為它不含香料和色素 因為在秋冬天用酸類，我始終有點擔心... 擔心皮膚會敏感、擔心皮膚會太乾，甚至脫皮、擔心對皮膚太刺激，等等，所以我用它時，也特別加強了保濕和防曬保護一下皮膚，所以皮膚也沒有很乾 此外，我一開始用的時候，只是晚上用，希望讓皮膚可以適應一下，用了大約10天後，才早晚都用。用了兩個多星期，我發現膚色真的均勻了，透亮了，感覺沒有那麼暗啞，我之前去做facial時，美容師說我的痘印應該都要一兩個月才可以退去，但我用了這精華乳，痘印就淡了很多

Suetheii好用推薦：之前就聽過Paula’s Choice呢個品牌，不過冇特別去購入🤣點知今次試完都唔錯😛👍🏻利申，中性肌膚，T字位會偏油。 佢一唧岀黎既時候都聞到佢有浸淡淡香氣，個人來講唔太抗拒，而且佢嘅質地都偏滋潤，搽完之後唔會特別乾，但都要等一段時間先吸收得晒。一開頭搽完之後會有少少熱熱地，可能係平時唔係好慣用呢類酸性產品。同埋記得用完之後要出街要搽返防曬✊🏻 用咗一個周期之後覺得塊面係清透咗冇咁暗沉👍🏻亦都無敏感、爆痘或者甩皮嘅問題出現，我諗呢個都比較適合作為新手入門酸類產品嘅選擇😽

Emma W好用推薦：依個係雪肌精最新出的產品。能防止皮膚粗糙，每日進行角質層清潔。另外，有保濕因子，不會因過分去角質，令到皮膚好乾，缺水。可以早晚使用，令肌膚保持細滑，防止凹凸洞，暗瘡出現。 質地偏thick，但用上面後唔會feel到有層layer。我會選擇係秋冬天使用。 #火熱新品

🌸好用推薦：係好用同埋好滋潤嘅 香味都幾自然 不過自從出咗藏金妍活系列之後 佢好似停左產 已經冇再用啦