洗卸合一 推薦好用產品

Emily Leung好用推薦：CeraVe 二合一洗面奶用後感：平價抵用嘅「萬金油」？ 見好多外國皮膚科醫生都推薦，話佢溫和、唔貴，又話適合敏感肌。咁啱自己又想搵支平平哋、朝早用嘅簡單洗面奶，就買嚟試下。 🌟質地： 係嗰種唔稀唔稠嘅乳液狀，有少少似平時用嘅保湿乳液。推開唔會好多泡泡，係好輕微嘅泡沫，或者可以話近乎冇泡。如果你係鍾意「泡泡浴」感覺嘅人，可能會覺得唔夠爽。 🌟氣味： 基本上係冇味嘅！冇加香料，聞落好安心，適合唔鍾意香味或者容易受刺激嘅皮膚。 🌟日常用： 對於朝早起身，或者唔化妝嘅日子，佢嘅清潔力絕對夠晒。可以洗走面油同塵，洗完塊面係乾淨嘅，但又唔會「咕咕聲」咁繃緊。 🌟卸妝力： 講到「二合一」，你唔好期望佢可以獨力卸除防曬同化妝品。如果只係搽咗好薄嘅防曬或者淡妝，佢或者可以應付到。但係如果係防水防曬或者完整妝容，一定要用專門卸妝產品先！ 唔好偷懶，否則好易生暗粒。 用後感覺： 呢支嘢最大嘅賣點就係佢入面有神經酰胺同透明質酸呢類保湿成分。所以就算係冬天用，洗完臉都真係唔會乾，塊面係保持住一種軟熟、濕潤嘅狀態。對於乾性皮膚或者混合肌偏乾嘅位置（例如面頰）非常友好。

Sana好用推薦：CeraVe溫和二合一洗面奶用後感 講起洗面奶，我之前一直用開啲起泡力強嘅，覺得洗到「唧唧聲」先叫乾淨。後來轉咗用CeraVe呢支溫和二合一洗面奶，先發現原來洗面都可以咁溫和。用咗差不多一個月，同大家分享下。 質地同起泡情況 擠出嚟係透明啫喱狀，有少少流質。加水搓嘅時候，泡泡唔算多，係嗰種細細綿綿嘅泡，唔會話起一大Pat泡。如果你慣咗用起泡網，可能會覺得泡泡唔夠澎湃，但其實咁樣反而冇咁刺激皮膚。 洗面感覺 搽上臉嘅時候好溫和，完全冇乜刺激感，就算唔小心整到眼都唔會話好拮。佢標榜「二合一」，即係可以卸埋防曬同淡妝。我試過用嚟卸日常防曬同碎粉，洗完塊面都算乾淨，唔會話有殘留感。但如果係濃妝或者防水睫毛液，就真係要先用卸妝產品，唔好靠佢。 洗完之後嘅感覺 呢個係我最滿意嘅地方。用完之後塊面唔會繃緊，亦都唔會話好乾，仲有少少潤潤哋嘅感覺。以前用啲清潔力強嘅洗面奶，洗完塊面會「掹掹緊」，要即刻搽嘢。但呢支洗完之後，就算隔一陣先搽護膚品都冇問題。 溫和度 佢冇香料、冇酒精，仲有Cerave招牌嘅神經醯胺同玻尿酸，對敏感肌真係幾友善。我塊面有時轉季會泛紅，用呢支都冇話加劇，反而覺得穩

Kelvin好用推薦：早前試用了hydrating cleanser ，所以買了Cetaphil gentle skin cleanser，一樣都係牌子適用，添加了溫和成份，敏感皮膚啱用。 可以有兩種使用方法，第一 先弄濕面部，直接用潔膚露露在面上按摩，然後沖洗。 第二 乾手乾面使用潔膚露露在面上按摩，幫助乳化淡妝及防曬，最後已化妝棉抹走。 其實這支潔膚露，可以用來洗澡，一支可以多重使用，洗澡嘅時候可以直接洗面、洗身，大枝方便。因為是敏感肌適用的，所以洗面嘅時候感覺唔會太乾淨，對於卸妝卸防曬有保留。而且用後始終保留返一啲保濕感覺，小小洗完之後都有滑溜嘅狀態。夏天嚟講唔算太乾淨，純粹就方便洗澡時使用。

Verna好用推薦：幾年前，可能我的工作壓力大，又或者賀爾蒙問題，我的皮膚突然變得極度敏感和脆弱，我的下腮位出了很多細小的瘡瘡，我初時以為是暗瘡，不停用暗瘡膏、茶樹油去處理，但都沒有效果 後來我唯有還原基本步，用最溫和的潔面產品洗面，就是這品牌的潔膚露，它是半透明的潔膚露，就算搓也不會起泡，洗完面面上好像還有一些油脂，所以最初用的時候有點不習慣，總覺得用它洗面不夠乾淨，但用了一星期左右，那些瘡瘡開始受控制 所以之後每逢我的皮膚開始不穩定，我就會轉用這支潔膚露，它總可以令我的皮膚回復正常

Candy Mak好用推薦：今日想同大家分享Fresh 大豆卸妝潔面乳用後感。 1️⃣首先講講品牌方對產品的特色描述： - 低泡的豐盈泡沫，輕鬆卸除妝容和防曬霜而不令肌膚乾燥 - 維持肌膚的 pH 值及築起肌膚保濕屏障，即時鎮靜明顯泛紅 2️⃣再同大家分享本人用後感 (油肌，毛孔粗大)潔面乳質地呈透明微黃色gel狀，因為較流質Gel狀嘅關係，每次洗面都要唧出較平日洗面膏多少少嘅份量洗面，唧出如車厘子大小嘅潔面乳就可以。每次洗面都先洗濕塊面，再唧出上圖份量嘅潔面乳喺手，加少少水就可以打出泡泡，其泡泡會較其他洗面膏嘅泡泡稀，稍為按摩泡泡就會消散😅最後把臉部洗乾淨就可以。 跟著再同大家分享用後感：第一次用確實唔慣，因為見到Gel狀、稀嘅泡泡，就會質疑洗得乾唔乾淨；而且味道有d 青瓜味，第一次用有d嚇親；但其實用後皮膚唔乾，感覺柔軟；可以當潔面產品用，但用來卸妝就不太建議，因為太溫和。

布吶吶好用推薦：呢排轉咗用 Fresh 大豆卸妝潔面乳，真係要同大家分享下用後感。本身我係混合偏乾肌，T字位有時會出油，但兩頰偏乾，揀潔面產品好鬼麻煩——清潔力太強會掹掹緊，太溫和又怕洗唔乾淨。呢支嘢就啱啱好喺中間。 質地同用法： 擠出嚟係白色乳液狀，唔算好杰，有陣淡淡嘅青瓜同大豆味，好清新，唔會假香。乾手乾面上面推開，好似搽緊卸妝乳咁，按摩一陣啲妝同防曬會溶溶地。跟住加少少水乳化，會變到有少少泡，但唔係那種好綿密嘅泡，而係好滑溜嘅奶泡感。過水之後，塊面好乾淨，但完全冇繃緊感覺，仲有種好輕微嘅滋潤感，唔使即刻搽嘢都OK。 清潔力： 日常防曬、碎粉、眉筆、唇膏，一take過搞掂。如果係防水眼線或者mascara，就要重點捽多幾下，或者先用眼唇卸妝。但對於我呢啲唔算化濃妝嘅人嚟講，一支過已經好夠。用完之後，化妝棉抹面都冇黃色殘留，證明真係乾淨。 優點： · 溫和得嚟又夠力，唔會過度清潔，敏感肌都啱。 · 用完皮膚軟熟，唔會乾爭爭。 · 一支搞掂卸妝+潔面，慳時間，朝早用都得。 · 味道天然，唔會攻鼻。 缺點： · 如果化全妝（尤其防水眼妝），要另配眼唇卸妝。 · 價錢偏貴，回購要諗諗。 · 唧出

Emily Leung好用推薦：敏感肌洗面奶First Aid Beauty✨ 擠出來的是乳白色膏狀，沒有流動性，無添加香料。加水在掌心搓揉後，因為不是皂基，所以起泡能力一般，但是打圈按摩後洗的非常乾淨。 洗面乳是弱酸性，因為裡面有蘆薈成分，成分天然，特別溫和。我打完水光之後用來潔面，都不會覺得刺激，洗完臉白白嫩嗯，也不會覺得乾和緊繃。 官網說這款洗面乳是可以卸除隔離霜和BB霜的，我一般用了防曬或者遮瑕的話，還是會先用卸妝乳卸一下再用這個清潔。 我個人感覺哦，和香奈兒的山茶花有的一拼，但是更溫和，對敏感肌非常友好，而且性價比太高了。

agnessstang好用推薦：同FAB其他產品一樣 所有膚質都可以用 濕疹/敏感肌都ok 有蘆薈成分 係比較溫和嘅cleanser 唔算係起好多泡🫧 但潔淨力不錯 洗完塊臉都唔會覺得乾💧 官方係話可以卸妝 不過我都係會卸咗妝先再用洗面奶🤣

老公主好用推薦：混乾大愛呢支洗面！ 用緊第二支，準備購入第三支❤️ 三十幾年人生從未試過可以對一支洗面咁忠心！ 呢支係難得一支12月冬天開黎用洗完完全唔繃緊；6月開第二支黎用，洗完膚感清爽唔乾，無論係冷氣房定超爆濕熱日都岩用既全天候潔面。 *一粒珍珠大小可以搓出成手綿密既泡泡 *泡泡軟糯、容易沖洗、洗後唔乾 *經典AQ香氣，有時會令鼻打乞嗤 *有效洗掉皮膚油脂、化妝品殘留 *一支至少可用半年，性價比極高 *會令人入坑Decorte AQ 系列 因為呢支洗面，從此入坑Decorte。 2026成年都用緊品牌洗髮水、護髮素、沐浴露、身體乳、髮香、香水、髮油、AQ水乳、youth essence 、liposome serum 、 liposome eye serum 、 liposome cream ，仲有品牌既化妝品。 大癲。😂

melissayang好用推薦：空瓶了三支了吧，非常nice的潔面，洗得不會拔乾也不會有殘留，就是一整個愛住。

Yty好用推薦：The Ordinary 角鯊烯潔面乳Squalane Cleanser🤍 用後感： 獨特嘅膏狀轉油質地非常特別，擠出嚟係白色乳膏狀，喺手心揉搓加熱後會秒速融化成順滑嘅油脂，喺面上按摩完全零摩擦感。 針對日常防曬、輕薄底妝同埋淡妝嘅溶解力好優秀，輕柔按摩就可以將彩妝同毛孔污垢浮起，溫和清潔同時唔會破壞肌膚屏障。 主打高濃度嘅角鯊烯成分，極之親膚且滋潤度十足，沖水後肌膚完全唔會繃緊或者乾澀，反而摸落去極之柔嫩滑溜。 無香精配方非常安全溫和，就算肌膚狀態不穩定或者容易敏感嘅日子用都完全唔會引起泛紅，係安心嘅日常潔面卸妝選擇 #卸妝部門

Lilamia好用推薦：平價洗面奶❤清潔力足夠 清完吾乾 但有啲天然feel冇乜香味 都吾錯 用都用到幾耐

Kitty 好用推薦：Fresh經典大豆系列最近推出咗全新成員——大豆卸妝啫喱凝霜（Soy Cleansing Jelly Balm）！見佢話歷時三年研發，仲加入咗防霧膜護眼科技，成日化妝嘅我梗係即刻入手試試啦～🙈 佢質地係好特別嘅啫喱凝霜，一抹由啫喱轉化為油狀，按摩後再加水乳化變乳霜，過程幾治愈。味道其實好淡，清新天然🥒。日常淡妝，防水睫毛膏同防曬都卸得乾淨。但坦白講，乳化時間真係偏慢，要畀啲耐性慢慢捽⏳。過完水後塊面仲係有層薄薄嘅油膜感，後續一定要跟潔面乳再洗多次先覺得爽🧴。我覺得整體嚟講佢卸除防水彩妝同保濕效果出色，洗完唔乾唔繃，敏感肌啱用👍。但如果你追求清爽速效，呢款就未必係你杯茶啦～回購等週年慶有優惠先算啦😆~ #火熱新品

Kelvin好用推薦：Fresh 新出用水包油配方製成嘅大豆卸妝啫喱凝霜，綠色嘅gel狀，一啲係唔厚，非常適合容易起暗粒或者油性皮膚，一罐可以卸除全面眼妝。味道有少少似Fresh黑糖磨砂面膜。 凝霜方便打圈按摩溶化底妝，比卸妝油好用嘅，直接加水乳化速度快，卸妝後沒有起暗粒嘅狀況。試過坊間唔同嘅卸妝啫喱，fresh 大豆卸妝啫喱凝霜質地薄身輕盈，卸妝之後不繃緊、不會過乾，非常舒適。 #火熱新品

MaggieWong好用推薦：正正常常無特別的感覺，很普通的洗面，冇任何出眾位，油皮膚可以洗乾淨，但以呢個價錢可以有更好的選擇。

Heychauchau 好用推薦：有使用過同系列的精華和乳液，補濕效果還可以。這款號稱也是保濕系列的洗面乳，乳化效果不錯，洗完臉後會有清爽感，感覺有把皮膚的污垢帶走，但不會覺得皮膚很緊繃，只是略嫌有點乾，後續使用保濕類產品加強保濕就可以了。

TsuenMa好用推薦：🌹 Dior 玫瑰花蜜潔面乳真實試用體驗 💧 平時自己有毛孔粗大嘅困擾，揀洗面產品最著重清潔力夠唔夠洗走毛孔髒污，同時又唔會過度刺激或抽乾水分 🙈。最近試咗 Dior 玫瑰花蜜系列嘅潔面乳，洗感同質地真係好享受！✨ 【質地與產品亮點 💡】 滿滿少女心： 擠出來嘅洗面乳質地係粉紅色，很有少女心！看著療癒嘅粉紅膏體，少量閃令令的，令洗面過程心情都變好 💗。 微營養修護： 這款潔面乳注入咗岡維拉玫瑰嘅微營養素，主打溫和且深層淨化肌膚，能深入毛孔帶走污垢，同時維護肌膚屏障 🌿。 【使用體驗與香氣 💆‍♀️】 療癒香氣： 一擠出來就聞到招牌嘅花香味好舒服！天然高級嘅玫瑰香氣完全唔刺鼻，每次洗面都好似做緊高級 Spa 咁享受 🌹。 泡沫細緻： 加水好容易起出綿密豐盈嘅泡泡，上臉按摩時感覺好輕柔，能自然平滑帶過兩頰毛孔 👏。 【實測效果 🌟】 清潔力優秀： 清潔度唔錯！洗完之後會覺得整張臉同毛孔都洗得好乾淨、好透氣，油脂髒污通通帶走。 洗後水潤不緊繃： 最讚係洗完完全唔會覺乾或緊繃，肌膚摸起來好柔嫩平滑 💧。 【總結 📝】 粉紅少女心質地加埋洗得乾淨嘅實力，如果你重視潔面嘅儀式感同埋毛

Poyobb好用推薦：呢個係Prestige花蜜洗面膏，聽過名就知道係高級。花蜜依條好似係Dior skincare最高級系列🌺 味道係好香，同時好真實嘅花味。佢係氨基酸洗面膏，比皂基温和，但温和得黎都洗得乾淨。洗面高膏體比較軟身，皮膚好柔軟，泡泡唔濃蜜但輕盈舒服，用完皮膚保濕唔乾。 雖然八百蚊一枝洗面好貴，但用佢就會有一個好高級嘅洗面過程同感受💕

Catzy好用推薦：用晒貨裝，用緊送嗰支sample,真係好鍾意用Bioderma呢個洗面啫喱，尤其夏天，易出油嘅天氣，用咗呢個嚟洗面暗瘡真係出少好多，用嘅時候好清爽，最鍾意夜晚沖涼嘅時候用，洗走晒出街時痴咗上面嘅灰塵，正！

shadow影子好用推薦：呢款潔面啫喱，起泡能力非常低，其實好啊敏感人士用，不過洗感就麻麻哋，所以用完之後冇繼續賣。

natanatalie好用推薦：淡淡冰涼感覺洗出清爽柔嫩肌！❤️ 我份工要長期返夜人地訓緊美容覺時我就努力拼搏...作息唔定時搞到臉色很差，而且工作環境悶熱潮濕，仲要帶口罩，感覺皮膚好多污糟野積聚進住！肌膚水油失衡， 肌齡同年齡不符，皮膚老化得好嚴重，毛孔仲好大，令我好困擾！😔 呢支成份天然嘅Burt’s Bees洋甘菊deep cleansing cream質地好舒服，能夠温和去除老角質，輕易幫我去除毛孔內嘅頑固污垢，令肌膚光滑潔淨，即時回復柔嫩，唔會油光滿面之餘，仲吸收其他護膚品吸收得好啲，打通左肌膚管道，令護膚品能直達肌膚底層！✨

Noel好用推薦：這枝潔面乳令我對“天然”產品完全改觀，Burt's Bees 的 deep cleansing cream 表現超出期望呢！白色的潔面乳帶有淡淡草本香氣，稠稠的乳霜，沒有流動性。 塗到面上會慢慢感覺都清涼，夏天使用格外爽快啊～ 不用加水，直接在面上按摩，可以清除防曬及一些簡單化妝 👍 沖水後皮膚清爽不崩緊，涼快感覺可以維持多一會💙 不過，使用這個潔面乳，要留心眼部周圍，太近眼晴的話，冰涼感會帶來不適啊！

Verna好用推薦：我以前每逢皮膚出現不穩定的狀況，就會用這品牌的潔膚露，但我真的不習慣不起泡的潔面產品，總覺得會洗面洗得不乾淨 有次在藥妝店見到這支潔面泡沫，當然要試試，始終我對潔面泡沫都是零抗拒的 它同樣是不含香料、不含防腐劑、不含皂，很溫和，對敏感肌友好，我通常是早上用它的，一按就有泡泡，真的很方便，用它洗完面不會覺得繃緊，但感覺比這品牌的潔面露清爽，少了滋潤感，但對於我這個混合偏油肌來說，就很喜歡了

劉肥貓好用推薦：呢隻潔面泡沫非常之好用，用完唔怕敏感，一般潔面泡沫係比較清爽，但呢隻潔面泡沫比我想像中滋潤 價錢平 潔淨度不錯

Angie好用推薦：清潔力比較強嘅洗面乳，通常隔幾日先會用一次，如果唔係就會太乾，都算好用

Tiffany好用推薦：講明深層清潔嘅，所以都預左會比較乾，乾肌用黎洗T位ok，唔會日日都用。

son son好用推薦：賣點：價錢平、使用後皮膚不繃緊、改善皮膚透亮度 呢款卸妝潔面膏，幾十蚊有一大支（190g），非常抵用！佢用少少水就輕易搓起綿密潔面泡，濕面後使用，清潔力幾好，而且用後皮膚冇繃緊感覺！產品同時有美白功效，長期keep住早晚用，的確覺得皮膚透亮度有改善。想平平哋而又想有美白功效嘅潔面產品，可以一試。

Emma W好用推薦：早晚使用。洗面膏放於手心內，不使用其他工具，加水都能搓成厚厚同好多的泡沫。 據講，其泡沫功用能徹底去除毛孔中難以卸載的彩妝和污垢，用後感覺上整塊面好乾淨，能清潔同時，再進行一次卸妝，一舉兩得。 另外，有白珍珠成分，每一次洗面可以順便美白；而蘋果提取物，能去除角質，预防或抑制黑色素的形成。

PorscheB好用推薦：去旅行嘅時候喺台灣屈臣氏買 因為發現唔記得咗帶卸妝油 行過見到呢一支卸妝乳本身有得揀 茶樹或者蘆薈嘅 抱住試一試嘅心態都冇好大期望 反而覺得幾好用 覺得佢卸妝都好乾淨， 眼線 眼影都可以一次過卸走 同埋唔會刺激到皮膚。 首先支出嚟嘅質地係似乳液咁樣 淡淡嘅蘆薈味道。 搽上面 打圈捽 見到啲化妝品漸漸溶出嚟之後就可以沖洗。 唔需要用化妝棉去抹。 佢保濕效果，當然唔會好強， 不過自己都習慣之後在洗一次面。 呢個唔係太大問題。 性價比嚟講，真係好滿意

A&R好用推薦：當洗面奶係ok，如果卸妝就真係唔得，厚妝卸唔到，淡妝都卸唔乾淨。。。。呢款洗面奶建議卸妝後再用，或者平時潔面用。只勝在價錢夠平。

Hazel好用推薦：其實佢尼系列嘅卸妝洗面膏感覺都差唔多，勁平勁大支，可以用好耐，清潔還可以，不過我只會用佢黎卸防曬，有化妝就當double deanse用。

Noel好用推薦：Softymo 潔面膏係去日本必買既產品~ 價格親民，符合基本需要👌 同類產品分別有3枝：透明質酸(粉紅色)，膠原蛋白(淺藍色)，嫩白(深藍色)。個人感覺這枝“膠原蛋白特淨卸妝洗面膏”，表現最理想~ 卸妝程序：卸妝油/ 卸妝水▶️ 潔面膏 雖然這枝可以卸妝，但我還是會先用專門卸妝的產品😝 潔淨 🌟🌟🌟🌟⭐ 清爽 🌟🌟🌟🌟 滋潤 🌟🌟🌟🌟 起泡 🌟🌟🌟🌟🌟 價格 🌟🌟🌟🌟🌟🌟🌟

maylam好用推薦：新出嘅卸妝油產品試用 質地好水 乳化好快 卸妝力度都算幾強 不過用完會有少少油油地 但又唔係保濕嘅感覺 整體用後感不及其他系列