fresh

大豆卸妝啫喱凝霜

Fresh經典大豆系列最近推出咗全新成員——大豆卸妝啫喱凝霜（Soy Cleansing Jelly Balm）！見佢話歷時三年研發，仲加入咗防霧膜護眼科技，成日化妝嘅我梗係即刻入手試試啦～🙈 佢質地係好特別嘅啫喱凝霜，一抹由啫喱轉化為油狀，按摩後再加水乳化變乳霜，過程幾治愈。味道其實好淡，清新天然🥒。日常淡妝，防水睫毛膏同防曬都卸得乾淨。但坦白講，乳化時間真係偏慢，要畀啲耐性慢慢捽⏳。過完水後塊面仲係有層薄薄嘅油膜感，後續一定要跟潔面乳再洗多次先覺得爽🧴。我覺得整體嚟講佢卸除防水彩妝同保濕效果出色，洗完唔乾唔繃，敏感肌啱用👍。但如果你追求清爽速效，呢款就未必係你杯茶啦～回購等週年慶有優惠先算啦😆~ #火熱新品

Fresh 新出用水包油配方製成嘅大豆卸妝啫喱凝霜，綠色嘅gel狀，一啲係唔厚，非常適合容易起暗粒或者油性皮膚，一罐可以卸除全面眼妝。味道有少少似Fresh黑糖磨砂面膜。 凝霜方便打圈按摩溶化底妝，比卸妝油好用嘅，直接加水乳化速度快，卸妝後沒有起暗粒嘅狀況。試過坊間唔同嘅卸妝啫喱，fresh 大豆卸妝啫喱凝霜質地薄身輕盈，卸妝之後不繃緊、不會過乾，非常舒適。 #火熱新品

#火熱新品 呢排轉咗用 Fresh 隻大豆卸妝啫喱凝霜，真係有驚喜，忍唔住要寫篇用後感。 首先講個質地，佢係嗰種透明啫喱凝霜狀，唔似卸妝油咁立黐黐，亦唔似卸妝水咁稀。拎上手涼浸浸，推開嗰陣好滑溜，有少少似搽緊清爽嘅保濕 gel。聞落有陣淡淡嘅青瓜同大豆味，好天然，唔會香到頭暈。 我平時返工只係搽防曬、碎粉同畫條眼線，算係淡妝。乾手乾面捽兩捽，底妝同防曬好快就溶咗，連眼線都捽得甩，唔使大力擦。加水乳化嗰下好快變白，過水之後塊面唔會話油淋淋，亦冇繃緊感，摸落仲有少少滑，幾舒服。 不過要彈嘅係，如果你畫全妝、用防水睫毛液或者厚身粉底，呢隻就未必夠力，可能要另配眼唇卸妝。同埋佢個樽口設計有少少闊，有時手快會唧多咗。 整體嚟講，呢隻嘢啱晒我呢啲鍾意清爽、唔想卸完妝塊面乾爭爭嘅人。尤其係朝早趕住出門口，或者夜晚攰到死唔想慢慢乳化，佢真係快靚正。回購指數：高，但會睇吓有冇套裝抵啲先。 #火熱新品

＃火熱新品 呢支「大豆卸妝啫哩凝霜」質地gel狀，用上面非常溫和，不「 醃眼」，用法是乾手乾面上，然後慢慢按摩全面連唇眼，之後加水乳化，最後清水沖洗乾淨。它能輕鬆卸去底妝、防曬，但對於一些抗油的化妝產品，如 睫毛液和眼線筆等，可能需要時間慢慢等產品滲透其中，在乳化過程再輕柔搓耐少少，才能卸得乾淨。 總括而已，對於我這些每天防曬+底妝+眉筆人士來說，它是一個非常友好的卸妝用品，能完全卸去面上的妝容，過水後皮膚也保持水潤，不乾不繃緊，也不致敏，推薦給大家使用！

Fresh 大豆卸妝啫喱凝霜，質地好似啫喱，加水乳化慢慢帶走彩妝，覺得清潔力中等，適合用黎卸淡妝，太濃妝佢會唔夠力，卸得唔太乾淨。 淡淡青瓜天然香味，都幾舒服。 #火熱新品