ORBIS

澄淨卸妝油

好高興被@cosme抽中試用ORBIS THE CLEANSING OIL澄淨卸妝油🤩🤩 先說說我本人皮膚質地： 🤓 我皮膚屬於中性偏乾 🤓 鼻樑旁有雀斑 🤓 嘴唇四週及下巴位容易出現輕微脫皮情況 🤓 額頭及t字位出油情況不嚴重，可全日不印油或最多印一次油 🤓 面頰腮位偶有出現泛紅及刺痛情況 🤓 面頰旁有暗瘡印及不明班印 此款產品優缺點： ✅️ 首創「超微粒子技術」， 將比超細泡沫更微小的專利級微粒子融入卸妝油，做到深層潔淨，打破卸妝油黏膩乾燥的刻板印象。 ✅️ 深層潔淨，迅速溶解濃妝與防水配方，防水睫毛膏亦能徹底卸除，遇溫水即可快速分離並沖淨。 ✅️ 高品質安心配方，無香料，無著色，不含易氧化油脂，無酒精，無防腐劑，通過非粉刺致生測試。 ✅️ 潔淨與保濕美容兼備，加入保濕美容成分，梔子精華，朝鮮薊精華，大馬士革玫瑰花瓣精華。 ✅️ 卸妝油結合美容液成份，質地輕盈好推，按摩時無磨擦拉扯感。 個人使用感： ✅️ 卸妝油質地有點少杰身，近乎沒有味道，但仍然容易推開不黏膩 ✅️ 重要事情說三遍：不澀眼，不澀眼，不澀眼 ✅️ 卸妝能力高，乳化能力高而且速度快，乾手乾面上卸妝油，打圈按摩半分

有時選擇卸妝產品都幾頭痛 用卸妝水又卸唔乾淨啲防水眼妝 又會拉扯皮膚 卸妝油雖然捨得乾淨又唔會拉扯皮膚 但係驚會過度清潔用完非常之乾 但係！呢款ORBIS嘅卸妝油 有晒卸妝油嘅好處 又冇卸妝油嘅壞處！ 我係混合性偏乾嘅皮膚 基本上淨係得個鼻會有油 面頰經常都會好乾 但係我又鍾意化妝 平時用開卸妝膏 但有時候都會覺得有一種過度清潔嘅感覺 面頰會覺得有啲乾 有機會乾到痛 今次我連續九日 日日都有化妝 九日都用咗呢支ORBIS卸妝油 第一日用嗰陣已經覺得使用感覺10分良好 只係用咗兩泵 就可以完全乾淨晒成個妝 連埋眼線同埋好難卸嘅睫毛液都完全卸走晒 我好鍾意佢冇味 啱晒平時接觸香料有機會敏感嘅我 同埋真係完全完全唔乾！！！ 簡直係乾肌嘅福音！我決定俾七粒星佢！ 下面俾大家睇吓我嘅實驗 首先我將眼線筆唇膏同睫毛液搽咗上手 使用嘅係我屋企入邊有嘅最難卸最防水嘅牌子 搽上手before： 用咗半泵卸妝油捽咗5秒： 過水：完全乾淨晒！ 跟住落嚟俾大家睇吓我用喺面上嘅效果 化咗防水眼妝嘅before: 用兩泵捽勻成塊面未過水： 用洗面乳洗埋面：完全乾淨晒！ 總括嚟講我非常之推薦呢支卸妝

好榮幸被 @cosme 抽中試用ORBIS THE CLEANSING OIL 澄淨卸妝油 卸妝油有陣清新橙香味，好fresh!用左kiss me防水眼線筆做測試需要啲時間同力度先卸到7-8成眼線防水眼線係唔能夠完全卸除卸妝油可以卸除底妝，但防水型嘅化妝品卸妝力未如理想，唔能夠徹底卸除！ 用完皮膚唔會乾唔會繃緊！岩曬黎緊秋冬日子！ 卸妝油唔那眼，呢個好重要！ 我會推介比平時化簡單妝油嘅朋友，如果會用防水化妝品，就要額外使用其他卸眼部防水產品啦！

多謝@cosme提供ORBIS The Cleaning Oil嘅試用。 首先介紹下呢支落妝油先，官方話佢主打深層清潔，但配方温和唔刺激，即使濃妝或者防水product都可以落得乾淨，另外因為佢有保濕美容成份，所以用後唔會好乾。 咁我講下用左一星期嘅感受先，清潔力我覺得一般，普通妝容同防水眼線的確容易落到，但有染唇成份嘅唇彩就唔係完全落到，眉筆亦出奇地有少量殘留。我用手模擬左個效果，可以參考下面嘅圖。另外，呢枝落妝油用落無香料味，亦都唔刺激，輕盈易推，兩三泵可以落哂全面。洗面之後並無繃緊嘅感覺，後續都係做番正常護膚步驟，無爆痘嘅問題。個人就應該唔會買番呢隻落妝油用，因為落唔清我用開嘅化妝品。

等我呢個熟齡混合偏乾肌，同大家分享下喺香港秋天試用呢支「ORBIS THE CLEANSING OIL 澄淨卸妝油」嘅用後感！🍂 試用咗7日，日日都有化全妝！😉 💦 潔淨力超班！連頑固派都投降 講真，我對卸妝油嘅要求好簡單：要夠徹底乾淨！🔍平時我用開防水眼線同睫毛液，再加粉底唇膏。呢支ORBIS卸妝油真係冇令我失望，基本上按壓兩泵，乾手乾臉按摩全臉，啲防水妝容真係肉眼可見咁迅速溶解！🧴 連最麻煩嘅防水睫毛膏，輕輕搓多兩下都融化埋，過水後塊面零妝感殘留，唔需要再用眼唇卸妝液，超方便！潔淨力真係要俾滿分！💯 🌟 質地輕盈似美容液，零拉扯感 作為熟齡肌，最怕卸妝時拉扯到皮膚，出多兩條紋！😱佢嘅質地同傳統卸妝油好唔同，冇咁「漿」，反而似稀身啲嘅美容液，非常順滑，推開完全冇摩擦感。按摩個陣好似做緊Facial咁舒服，皮膚感覺好安心。 😌 溫和零刺激！敏感眼都頂得順 我對眼幾敏感，用啲油力太猛嘅卸妝產品會矇矇地同泛紅。但呢支配方真係溫和，冇香料同酒精，過程中完全冇刺痛感，沖水後亦冇留低一層油膜感，好感度即刻提升！👍用咗7日期間，亦冇因為佢而生粒粒或者粉刺，通過咗我嘅皮膚測驗！ 💧 洗後不乾不

很高興選中讓我試驗ORBIS THE CLEANSING OIL 澄淨卸妝油 我本身的皮膚是偏向乾性，很多時使用完卸妝產品都感覺有點乾，而這個卸妝油的質地很像fancel ，很容易推開，不太杰身，是偏向輕盈的，塗上臉上後也要加小小水作乳化，特別適合濃妝時使用，卸妝完成再清洗，感覺也很滋潤不會很乾也不會很油 平時是每一日都會化妝，嘗試了搽眼睫毛後卸妝，不用捽太多下，也沒有拉扯感，很輕易推開，也算很容易卸掉眼睫毛乳化效果也很容易把面上所有的妝容卸下，沒有殘留感，清潔得算乾淨。

首先講佢嘅潔淨力，真係要俾十個like👍👍👍 有時化眼妝，再加埋防水睫毛膏，卸妝真係好麻煩…以前用其他牌子嘅卸妝油時都要特登再用眼唇卸妝液搞一大輪，但係ORBIS呢隻真係一泵搞掂晒，勁方便！ 因為佢有一個獨家超微粒子技術，將微細嘅專利級微粒子融入卸妝油，所以無論係頑固嘅防水妝，定係毛孔入面啲千年污糟嘢，都好似魔術咁迅速溶解，塊面即刻乾淨晒 質地方面，佢好輕盈同有水感。好神奇嘅係d超微粒子雖然肉眼見到，但喺面上推開嘅時候，完全feel唔到, 只係覺得好滑好順，零摩擦感，完全唔會拉扯到肌膚 而用完之後嘅感覺就係洗後不乾不繃！塊面摸落去係超級柔嫩細滑，好似飲飽水咁飽滿，完全唔會抽乾肌膚本身嘅水份，反而仲有種好滋潤嘅感覺, 因為佢加入咗好多保濕美容精華成分, 卸妝同時護膚，為之後嘅護膚步驟打好晒個底 仲有如果大家同我一樣有敏感肌都唔使擔心，佢係無香料、無著色、不含易氧化油脂、無酒精、無防腐劑，仲通過咗非粉刺致生測試！所以我用得好安心，完全冇刺激到皮膚或者搞到我爆瘡 總括嚟講，ORBIS澄淨卸妝油真係我近期嘅卸妝MVP！由潔淨力、質地、使用感，到性價比都係冇得輸💯

## ORBIS THE CLEANSING OIL 試用心得 我最近有機會試用了ORBIS的「ORBIS THE CLEANSING OIL 澄淨卸妝油」，以下是我的詳細感受： ### 使用體驗 - **無香味**：這款卸妝油沒有添加香料，讓我在使用時感到非常舒適，不會有任何刺鼻的味道，這對於敏感肌膚的人來說非常友好。 - **潔淨效果**：整體來說，卸妝效果算是乾淨。它能迅速溶解大多數的妝容，特別是底妝和唇妝都能輕鬆卸除。然而，對於防水眼線筆的卸除，我發現需要花費更多的時間，可能需要重複幾次才能完全清潔，這讓我在使用時稍感不便。 ### 皮膚狀態 我的肌膚狀態為敏感性皮膚，兩頰經常泛紅且偏乾。在使用這款卸妝油後，整體感覺尚算良好，肌膚不會感到過於油膩或黏膩。不過，我注意到使用後皮膚有一點緊繃的感覺，這可能是因為卸妝油中的成分對我這類較乾燥和敏感的肌膚不夠滋潤。 ### 總結 總的來說，ORBIS THE CLEANSING OIL是一款值得一試的卸妝產品。雖然在卸除眼妝方面需要多花時間，但其無香味和良好的卸妝效果使我對它的整體表現感到滿意。我會繼續使用這款產品，希望能

再次多謝@cosme，最近我有機會試用了 ORBIS 的澄淨卸妝油同埋分享一下我試用感 卸妝油的包裝超簡約，透明瓶身可以清楚看到裡面還剩多少。泵頭的設計也很方便，使用起來不會浪費。 卸妝油的質地輕盈，流動性很好。輕輕按幾下泵頭，就能擠出適量的產品。卸妝油倒在乾燥的手上，然後輕輕按摩在臉上，感覺非常順滑！它能快速溶解妝容，包括防水彩妝，真的不需要用力去擦，妝容就能輕鬆卸掉。 卸妝後，我用清水沖洗，發現油質會迅速變成乳液，這樣讓我覺得清潔得特別徹底。沖洗後，肌膚感覺清爽，完全不油膩，還有一種保濕的感覺，肌膚也不會乾燥。 總的來說，ORBIS The Cleansing Oil 澄淨卸妝油表現優秀、無論是卸妝效果、使用感受，還是對肌膚的友好性，都讓我非常滿意。唯一不足係如果用超防水既眼線或眼睫毛液的話可能需要多次試用才能完全缷走彩妝。 Before: After:

卸妝產品之中，一向習慣&鐘意用卸妝水&紙較多。 因為曾經用其他牌子卸妝油，一係太醃眼，太油需要不斷打圈，再用額外洗面膏洗面。 但今次用咗ORBIS THE CLEANSING OIL 澄淨卸妝油 感覺唔錯，好感up🤎 🤎包裝外觀：簡便泵裝膠樽，見到樽內有啲氣泡(如圖)，原來係用咗超微粒子技術 🤎質地：流動性高嘅透明乳液 🤎香味：雖然添加咗三種植物精華，但無咩香味，比較天然&安心 🤎試過分別淡妝 / 濃妝下使用依支卸妝油。有以下心得： 乾手乾面直接上面輕輕全面+眼部打圈，完全唔醃眼/刺激，感覺好溫和。 然後直接沖水，沖洗完毫無繃緊感覺，而且清潔力不錯，唔會感到有殘留的油分在面上！ 我自己淡妝下用完依支卸妝油+沖水已經夠，唔洗再額外用洗面膏。雖然濃妝用完之後都好乾淨，但我習慣都會再用額外用洗面膏洗面。 若有用防水防油睫毛液，都係會建議用強效眼唇卸妝液比較好。 整體感覺，覺得呢一支卸妝油好方便，可以輕鬆快速卸妝，使用感不錯，會想推薦比身邊朋友，尤其敏感肌嘅朋友👍

好開心可以試用ORBIS卸妝油，多謝@cosme同ORBIS🥰 平時用開卸妝液，因為覺得卸妝水卸得唔乾淨同卸完後皮膚好乾，用卸妝油又覺得好油洗唔乾淨會多左暗粒，但呢支ORBIS卸妝油令我對卸妝油改觀。 講下個外觀先，首先要讚嘅系它可以lock住樽口，避免會誤㩒左卸妝油出黎。同埋它包裝好簡潔，有種無印風，令人relax。但有日本產品嘅通病，就系無顯示到期日，希望生產商可以改善。 卸妝油質感好似lotion，無色，無味，系加分位。呢段時期轉天氣，皮膚會有d唔舒服，試用期間天氣都幾乾燥，唔算炎熱，用完呢支卸妝油會有少少油膩感但過水後就覺得蠻保濕，皮膚唔會有繃緊嘅感覺。 我平時都系化淡妝，用黎卸防曬，粉底，遮瑕，眼線，胭脂都無問題，但防水眼睫毛液同會染唇或深色唇膏就卸得唔太乾淨，呢d都要用番卸防水化妝品嘅產品。 卸妝油嘅好處就系唔使用化妝棉摩擦面部，避免面部因過度摩擦而受損或拉扯，重好啱乾燥秋冬天用👍🏻

卸妝油的質地有流動性但較厚，易於推開，2泵已相當足夠全面使用。顏色清澈，沒有聞到香料或酒精味。 乾手按摩過程中沒有不需用力就能清潔大部份化妝品，例如粉底霜、唇膏、防水眼線筆，加水乳化並過水後連眼線液都已清潔得乾淨✅，唯睫毛液仍有殘留。過程沒有令眼睛不適。試用幾日亦沒有引起痘痘或敏感問題。 可能最近天氣轉為乾燥，用後肌膚有些少緊繃感覺，但觸感柔滑，沒有癢癢感覺。 整體而言，ORBIS THE CLEANSING OIL潔淨力佳、質地舒適、溫和不刺激，適合每天卸妝使用。此產品可以一試。

多謝cosme邀請試用！ Orbis呢支卸妝油好清爽，唔會黐立立。同一般卸妝油唔同，佢質地好水感，好似薄身嘅化妝水咁，唔會好似成面油咁焗住，油性皮膚同怕膩嘅人會好鍾意。 乳化快，易沖洗，一濕水就好快變白（乳化），沖完水個感覺好乾淨，冇乜油膜感，唔會「黐烚烚」。 卸妝力夠日常用，防曬、粉底、普通唇膏同眼線都卸得乾淨。如果你係化日常淡妝，絕對夠做。 最緊要佢夠溫和，入到眼都唔會覺得好刺激（當然最好避免啦）。 但係都有缺點，呢支對超強防水妝唔夠力。如果你用緊超防水嘅睫毛液或者好持久嘅唇釉，可能要額外再用眼唇卸妝液，或者卸多一次。 而且保濕度普通，沖完乾淨係乾淨，但對於乾性皮膚來講，可能會覺得有少少「乾」，要即刻護膚。 總體來講，係一支表現平均、性價比高嘅卸妝油。特別適合： · 油性 / 混合性皮膚 · 鍾意清爽感覺嘅人 · 日常化淡妝 / 只搽防曬嘅用家 如果你係大濃妝愛好者，或者皮膚好乾，就可能要揀其他更滋潤或者清潔力更強嘅產品。

一直都喜歡用卸妝水，感覺用卸妝棉抹上寫卸妝水會更乾淨。今次經Cosme獲得參與使用機會，可以試用卸妝油。 卸妝油不太杰身，呈水狀、冇香味，應該適合敏感肌，只需兩泵已經可以塗滿全面，而且非常容易推開，輕輕按摩後再加點水再按，然後用清水洗乾淨，感覺非常舒服，彩妝如眼眉、唇膏、眼影和睫毛膏都輕易卸去，但眼線，尤其內眼線，需要補用眼部專用卸妝水。 總括來說，我滿意卸妝效果，尤其適用化淡妝的日子。 連續用了一個星期，皮膚質素好了，沒有多餘的粉刺和黑頭，效果比卸妝水略好，而且可以不用卸妝棉，為環保出一分力。

多謝試用 我大部份化妝品都會選用防水產品，為左慳時間會一支落妝搞掂哂，呢支卸妝油可以好乾淨落哂眼 臉 咀❤️ 質地易推不油膩 ,不厚重亦不是水汪汪，按壓唔會噴出嚟👍 由於有厚度按摩可以好好停留喺面度，就算大範圍用手掌捽都唔會拉扯到皮膚 落眼妝唔［喇］眼，係好好好！洗完會有少許油膜感，再用洗面乳便沒有，用左一星期亦無敏感或者生粒粒，毛孔內油脂洗後會浮出，二次清潔之後會覺得皮膚乾淨左 如果搵緊成份安心，一支落哂全妝嘅產品，可以考試一下呢支～