Bioré

暗瘡護理控油洗面泡沫

之前用過細佬隻Biore 洗面泡泡，感覺唔錯，呢排幾多粒粒，買咗支抗痘款用。 一支出嚟就係泡沫，但泡沫唔係好濃密嗰種，比較稀，用起上嚟早上用泡沫會比較容易整理，唔會整到洗手盆都係，真係幾方便。 對暗瘡作用不大，反而覺得洗完面有啲繃緊嘅感覺，可能暗瘡呢款清潔力較為強，用完皮膚好乾，都要即刻用返保濕護膚品。睇返背後嘅說明只係講到有抗痘成份，但又冇寫明係乜嘢成份，年輕肌膚當普通洗面產品用就OK。對抗暗瘡個人嚟講都係用酸最有效果🤣

呢款洗面奶起泡好多使用都幾方便，但係清潔力就真係比較強，所以如果唔係油性肌膚會可能覺得有啲緊繃

懶人必備一支出嚟就可以洗面嘅泡泡 暗瘡肌用完唔會覺得乾 但係又未至於可以去除暗瘡

一吱出黎就係泡泡，用落好方便，不過對暗瘡好似無咩作用，唔算特別好用

我係混油肌 好多年前用過 唧出黎嘅泡泡吾夠綿密 洗完臉好乾 皮膚有繃緊感 剛洗完臉皮膚係0油光 但過多陣反而更出油量更多 用完一支都感受吾到有去暗瘡功效

可以控制到出油量，不過對控制暗瘡冇乜用處，混合性肌膚都啱用，清潔力都夠嘅

呢款洗面泡沫最大嘅賣點就係一唧出嚟就係滿滿嘅泡泡，方便使用！ 不過同同牌子嘅其他洗面膏一樣，用完之後塊面會有少少乾，同埋唔覺得有咩特別針對暗瘡護理嘅功效。

感覺會洗得比較乾淨 洗走皮膚油脂 但對暗瘡感覺作用不大

呢一款洗面來講幾好 不過佢個名就話可以暗瘡護理同控油 但用咗都一段時間 唔太見到佢有明顯嘅效果 不過就咁當佢潔面乳咁用 其實幾好！

這款潔面泡沫很適合我, 有很好的深層清潔效果, 能徹底幫助清潔黑頭和收細毛孔, 十分乾淨且保濕, 味道芬香, 洗完臉後覺得很清新舒服。

用後可以話乾淨有清潔到感覺。不過痘痘或者控油效果不顯著，就可以當係日常使用沒甚麼問題。

對付暗瘡效果一般，始終暗瘡成因好多，好難因為一支洗面好返。但清潔效果係幾好的，而且泡泡質地好方便

非常有空氣感嘅泡泡，明明係畀暗瘡嘅但係唔知點解暗瘡肌用完之後反而嚴重咗，可能係感覺清潔力唔係好夠

會在早上忙碌及臉部爆瘡時使用，可以舒緩暗瘡之外又不會洗完乾燥緊繃，價格也很理想

唔好expect真係消除暗瘡 當普通洗面泡泡就得😹

方便 擠出來就係綿密的泡泡 暗瘡肌用完唔會太乾 洗得算乾淨 價錢都唔太貴 但唔覺控油 可以回購

一直都會用biore既潔面產品🥰，最近皮膚有痘痘🙈，所以試下暗瘡護理，用哩隻泡泡潔面之後有茶樹精油既味道，感覺清爽🤔， 但係感覺有啲乾乾地，無太大保濕或者控油既效果

擠出好多泡泡，不用自己手起泡很方便。不過它和它的洗面膏版沒有其他分別，聲稱暗瘡護理但沒有任何消暗瘡功效，控油能力一般。

設計使用方便，泡泡也很好玩，但沒感覺有改善暗瘡的情況。

方便使用，一按出來就有很多泡沫， 不過不失的一款洗面。