找產品
平價護唇膏 推薦好用產品
26 件
Fng好用推薦：Opera 柔潤亮澤染色唇膏#05 Coral Pink夏日自然好氣色之選 Opera呢支染色唇膏絕對係偽素顏神器！同其他日系唇膏（如Canmake、Cezanne）相比，佢贏在極致水潤輕薄——質地似有色潤唇膏，一塗即溶入唇紋，唔會卡皮或積色，仲有SPF15防曬，啱曬夏天用✨ 熟齡偏乾唇實測：帶妝8小時依然保持水潤感，無須補搽，持久度驚艷！食飯後顏色會輕微脫落，但底色依然自然（似本身唇色透紅），唔會斑駁尷尬。相比Canmake較黏膩、Cezanne較顯唇紋，Opera平衡度做得最好～ 推薦色號：#01珊瑚紅、#04透明紅（黃肌顯白之選）。唯一要注意係遮蓋力唔強，深唇色要先打底。 推薦給：✔️ 追求自然水光唇妝 ✔️ 怕唇膏乾顯紋 ✔️ 夏天想要輕透防曬唇膏！
<看全文>lonia好用推薦：聽聞OPERA嘅唇膏好用，所以去日本旅行嘅時候就買咗一支返嚟。個人喜好偏橙色調同水光感嘅唇膏，所以就揀咗色號05。呢支唇膏感覺好滋潤，唔會顯唇紋。上色度亦好好，搽兩下已經上到唇膏應有顏色，難怪咁多人力讚。下次可以試吓買其他顏色～
<看全文>
Desse好用推薦：#火熱新品 冬天一到.. 咀唇就會開始各色各樣嘅折騰.. 乾紋.. 爆拆.. 甚至開裂😥 所以每年入秋.. 我就會物色大量潤唇膏.. 今年入咗兩款唔錯嘅護唇產品.. 包括出街用嘅喱一款💓 天然植物精華油潤唇膏 果萃維他命精華 4重蜂蜜精粹 100%食品級成份護唇 植物萃取 不含防腐劑及色素 💡滋潤度高 蜂蜜本身含有好有效嘅滋潤成份.. 可以長效滋潤咀唇.. 就算乾裂.. 厚搽就可以𣊬間紓緩.. 💡持久度高 如果只係飲嘢.. 都唔太需要好密地補搽.. Lunch/dinner後補一補就好夠 💡味道唔錯 基本上就係蜂蜜味.. 我啱啱捱咗一set好難聞嘅護唇膏 先發現味道好重要‼️ 🪻玫瑰果味唔夠 其實3款我都入咗手.. 唯一覺得唔好.. 就係3隻味基乎一樣😂 所謂嘅佛手柑同玫瑰果味淡到不得了.. 反正就都係蜂蜜味🤣 🌟喱款產品久唔會會做第二件半價.. 有興趣可以睇定入手啦🌟
<看全文>Cosmeemee好用推薦：#火熱新品 LipPure潤唇膏 佢嘅舊版已經比我用咗好多支空瓶🤣 今次新版嘅包裝升級咗靚咗 入面個餡一樣係咁好用🥹 好耐之前試過用另一隻D字頭嘅潤唇膏 雖然好多人都話好好用好潤 但我同我朋友一用就爛咀 自此之後唇部嘅皮膚就好敏感 當時就算過咗幾乾都唔夠膽搽潤唇膏 後來淨係得LipPure嘅潤唇膏 唔會令到我個嘴生粒粒🥹 可以係話我嘅救星! 屋企無論係有色定冇色唇膏 都好少俾我用到空瓶🤣 除咗LipPure嘅潤唇膏❤️ 順帶一提， 其實曼秀雷敦好多產品都好低敏好好用 唔少都係我爛面/爛嘴時嘅救星 大推！🌟
<看全文>
Fng好用推薦：曼秀雷敦Lip Pure Oil潤唇膏用後感｜天然系潤唇之選 ✨ 質地同使用感 呢支Lip Pure係透薄油膏質地，搽上嘴唔會黐立立，有種似蜂蜜融化嘅輕盈感！最正係完全冇人造香味，只有淡淡天然油份氣息，怕香料人士可以放心用～ 🌟 滋潤度實測 試過冷氣房吹足8小時，嘴唇都冇爆皮！雖然唔算超級滋潤，但日常保濕絕對夠用，重點係唔會愈搽愈乾，用來做唇膜打底都唔錯～ 💔 美中不足 · 持久度普通，食野飲水後要補搽 · 膏體偏軟，夏天放褲袋容易融化 · 純保濕功能，冇防曬效果唔適合戶外長時間用 🆚 同類產品比較 · VS DHC橄欖潤唇膏：DHC更潤但價錢貴一倍；Lip Pure性價比贏幾條街 · VS 凡士林潤唇膏：凡士林較黏膩；Lip Pure清爽度完勝 · VS Burt's Bees蜂蜜唇膏：兩者都天然，Burt's Bees較清爽；Lip Pure滋潤感更持久 💡 使用小貼士 1. 妝前打底：薄搽一層等吸收再上唇膏，唔會卡紋 2. 夜間修護：厚敷當睡眠唇膜，第二朝死皮自然脫落 3. 隨身必備：放辦公枱頭隨時補搽最方便 抵買度：★★★★★（5/5，$30有找仲想點！）
<看全文>Tobimak好用推薦：冬天一到，嘴唇乾裂問題就特別嚴重，甚至會痛到笑都唔敢笑。最近入手左曼秀雷敦嘅LIP PURE OIL 天然植物精華油潤唇膏效果真係出乎意料地好。 質地方面，唇膏非常柔滑，唔會有厚重或黏笠感，搽上嘴唇即時有滋潤感，而且唔會泛白或起粒。 最驚喜係佢既修復力~我本身嘴唇乾到裂開，用左兩三日已經明顯改善，唇紋變淡，甩皮情況大有改善，連夜晚開冷氣都唔怕乾。 總括來說，我覺得呢支唇膏係冬天護唇救星，值得回購！
<看全文>
jhope0725好用推薦：呢枝係❄️冬季護唇最佳幫手！~ 冬天永遠都會嘴唇脫皮，繼而流血。過往試過好多唔同牌子嘅潤唇膏，即使係曼秀雷敦，當中好多系列都試過，始終未能忘懷就係呢款melty cream 系列！ 先講護唇效果，呢個系列真係冇得輸，就算用完佢之後再化妝搽唇膏，都完全唔顯乾紋，而且保濕效果，如果中途完全唔食飯，可以維持到大約10小時！試過出去做嘢，全日化妝大約10小時左右，用咗呢支潤唇膏打底，面頭嘅唇膏全日都維持亮澤！ 再講使用感覺，呢支潤唇膏唔會太過油膩，會隨着體溫慢慢溶化，唔會好似食完雞髀冇抹嘴嘅油膩感，對於唔喜歡搽潤唇膏嘅我來講相當重要！ 呢個系列好多唔同特別口味，不過我見好多特別口味都係香港先有得賣，日本街頭大部份都只見到蜂蜜同埋原味，有機會要嘗試多啲唔同味道~
<看全文>Fng好用推薦：曼秀雷敦溫感高保濕潤唇膏（無香料）｜熟齡肌的夏日唇部SPA✨ 這支溫感潤唇膏簡直是曼秀雷敦家族的「黑馬選手」🏇！相比同品牌經典薄荷款清涼感，它獨特的微溫觸感就像為雙唇敷上熱毛巾🧖♀️，卻聰明地選用無香料配方，避開夏日最怕的甜膩香精困擾🌞 觸感實測： 旋開樽蓋瞬間已有驚喜——膏體如奶油般柔滑🧈，塗抹時隨體溫融化出薄膜。最妙是那恰到好處的42℃微溫，不會像辣椒款般灼熱，卻能瞬間軟化死皮！對經常塗唇膏的熟齡肌來說，乾紋像被熨斗撫平般順滑👄 同門對決： •vs 水份潤唇膏：雖少了冰涼感，但保濕續航力多3小時⏳ •vs 薄荷膏：避開了過度揮發的「越搽越乾」魔咒🚫 •vs 藥用唇膏：修護力稍遜，但日常使用更溫和💊 夏日巧用： 冷氣房睡前厚塗當唇膜，翌晨死皮自動脫落像做過唇部磨砂✨！化妝前薄擦打底，再擦霧面唇膏也不卡紋。小小缺點是膏體偏軟，戶外使用要避免融化變形🫠 這支絕對是開架界的「溫柔治癒系」💖，特別推薦給討厭黏膩感，卻渴望被溫柔以待的輕熟雙唇～
<看全文>
jhope0725好用推薦：❄️冬季其中一枝我最愛護唇精華產品！ 雖然我曾經推介其他牌子嘅潤唇膏，但係呢支唇部精華，同一般潤唇膏好唔同！☝🏻冬天天氣乾燥，嘴唇旁邊有脫皮情況，我會厚敷呢款唇部精華！  產品質感非常厚身，塗上呢款產品，你會覺得成個嘴非常滋潤，好似比滿滿嘅精華包裹住，但係又不至於過分油膩，講嘢唔會上唇黐下唇，又唔會好似食完雞髀冇抹嘴，成個嘴都係唔舒服嘅油膩感。即使隔咗大約1小時，仍然會感受到上下唇都有豐盈嘅油分。 而且呢支產品性價比好高，40幾蚊，但係帶嚟嘅效果可以媲美尊貴唇油，如果晚上塗上厚厚一層，當lip mask，第二日會感覺到成個嘴唇脹卜卜！唔怪得知產品背面係寫住唇部美容液，而唔係一般嘅護唇膏！佢係名副其實為嘴唇美容嘅產品～ 最喜歡佢同系列有三款產品，一款係冇顏色，一款係淡粉紅色，我今次試用嘅係深紅色，不過上到嘴唇上面，紅色唔算非常顯色，適合平日冇化妝，可以為嘴唇添上淡淡紅潤感，係素顏之選！不過其實我三款都包晒色，因為實在太好用，又可以當潤唇膏，又可以當lip mask，又可以當化妝品，性價比之冠！
<看全文>Poyobb好用推薦：淡淡既蜂蜜味，一啲都唔假，冇化學味道。我呢支係基本冇顏色款，雖然好似細細支，但係都用到一段時間。 平時嘅唇蜜係好黏笠，但係呢支唔會，有滋潤度得黎唔會油膩，全日都用得。佢嘅感覺係純物可以滲透嘴唇滋潤唇部肌膚，而唔係淨係停留於嘴唇表面。唔知會唔會有人好似我咁由細到大個嘴都好容易有死皮，尤其是而家換季瞓醒一覺嘅時候個嘴唇會超乾。依支唇蜜真係好適合夜晚用，第二朝嘴唇好柔軟，比豬油膏木瓜霜更好，我會回購👍🏻
<看全文>
莓莓好用推薦：【DHC潤唇膏使用心得分享👄】 冬天一到，唔止塊面要加強保濕，嘴唇都好容易乾到爆拆！DHC呢支皇牌潤唇膏，絕對係我每個冬季都必囤嘅護膚恩物！ ❄️ 質地輕薄但修護力超強 佢嘅質地好柔軟，搽上嘴係一層好薄好貼嘅油膜感，但完全唔會覺得「漿口」或厚重。冬天就算戴住口罩，都唔會覺得黐立立。最神奇係，佢嘅滋潤係可以持續好幾個鐘，唔使頻頻補搽。 💧 極致對抗冬季乾燥 冬季護膚我最重視保濕，而嘴唇嘅保濕更加唔可以忽視！呢支唇膏含有豐富嘅橄欖精華油，修護力真係一流。每晚瞓前我都會厚厚搽一層當唇膜，第二朝起身，嘴唇會變得好柔軟，甩皮同乾紋情況會明顯改善。就算日間吹風、喺冷氣房，嘴唇都可以keep住水潤，唔會「乾爭爭」。 🌸 使用小貼士 我會將佢納入日常護膚步驟： 1. 日間：化妝前會薄搽一層打底，等吸收一陣再上唇膏，咁樣妝效會更順滑，冇唇紋。 2. 夜間：必定會厚敷過夜，做深層修護。 3. 緊急急救：如果嘴唇已經爆拆，我會每兩小時補搽一次，通常一日就好返好多！ ✨ 總結 DHC呢支潤唇膏，絕對係我冬季不可或缺嘅隨身物品！佢嘅冬季潤唇保濕效果真係無可取代，溫和又有效，價格仲好親民。如果你都係每到
<看全文>Fng好用推薦：DHC 橄欖護唇膏👄 ✨ 第一印象：經典國民潤唇膏 近幾日香港冬天寒冷又勁乾燥，第一時間諗起嘅一定係呢支橄欖護唇膏！佢可以話係潤唇膏界嘅「長青樹」，幾乎每個用開日系開架嘅朋友都用過。包裝係好易認嘅鮮黃色管身，細細支好輕便，放喺手袋、衫袋都唔阻定， 唔見咗都唔心痛。🟡 🌟 質地與觸感：油潤豐厚，瞬間軟化死皮 一扭出嚟係淡黃色、偏實身嘅蠟狀膏體。搽上嘴個刻，感覺好油潤、豐厚，有種好實在嘅包覆感。💋 唔似啲水感潤唇膏咁「咻」一聲吸收咗，佢嘅滋潤感係停留喺表面，形成一層保護膜。對於爆拆、有死皮嘅嘴唇來講，呢種質地好有用，可以即時軟化死皮，撫平乾紋，令嘴唇睇落飽滿啲、健康啲。 🌿 成分與溫和度：純粹橄欖精華，令人安心 成分好簡單，主要就係橄欖精華油同維他命E，冇香料同人造色素，用落好安心。就算唔小心食到少少都唔怕，係淡淡嘅油脂味。👌 對於唇部敏感、或者唔鍾意香味嘅人，呢支係絕佳選擇。不過要注意，有少數人對羊毛脂（常見於潤唇膏）敏感，就要睇清楚成分表先。 ⏳ 持久度與效果：長效鎖水，適合夜間修護 由於質地油潤，佢嘅鎖水同持久度好出色！夜晚臨睡前厚厚搽一層，第二朝起身嘴唇都仲係潤潤哋，死皮會變
<看全文>
SammyN好用推薦：此乃乾燥大爆擦嘴唇拯救者！好快見效、如果嘴唇損咗都唔乸。有時個手指爆擦都會搽少少。實乃居家必備良品。
<看全文>Hchan好用推薦：由於踏入秋季及經常待在冷氣房，唇部開始乾燥脫皮，本身得過唇炎，所以一直選用成份簡單的護唇膏，試過各種款式及品牌後還是覺得這款藥用的最好用。 這罐是新包裝，容量多但因不方便沾取的設計，平時會放家中使用，另外同款的條狀則會隨身攜帶用。 護唇霜的質地是如凡士林般的膏狀，沒有味道，塗開後會有輕微的薄荷涼感，初用時會有點不習慣，但我的敏感唇用後並無不適；塗後會變霧感，不會有常見的油亮感，男士也適合；滋潤度屬中等，約兩三小時需要補塗，日常晚上也會厚塗當唇膜用。 一直在回購使用，不知是否跟藥用的成份有關，唇炎並未有復發，價格相宜又大罐，推薦有敏感唇的人可以試試。
<看全文>
Fng好用推薦：Burt's Bees呢支經典蜜蠟潤唇膏（原味）喺網上一直好多人推，親試後覺得性價比確實高～ ✨質地與滋潤度： 偏硬身嘅蠟質膏體，塗上嘴有少少「實感」，唔會過軟易斷。滋潤度屬於中等偏輕爽，唔會好似搽咗層厚油咁黐立立，夏天用完全冇負擔！對於怕悶嘅人來講，佢提供到基本滋潤但又保持透氣感，特別適合日間使用。 ✨成分與溫和度： 主打天然蜜蠟、薄荷醇同維他命E，成分簡單溫和。塗上後有微微薄荷涼感，好舒緩～但如果你對薄荷敏感就要避開！網上好多用家都讚佢唔會引起唇炎或敏感，係穩陣之選。 ✨持久與修護力： 滋潤度大約維持1-2小時就要補搽，始終唔算超長效型。對於極乾爆拆唇，可能唔夠力急救；但日常保濕同妝前打底就足夠。晚間使用的話，建議疊加更滋潤嘅唇膜。 ✨CP 值: 原味版本清爽得來有基本修護力，而且價錢平實（約$40-50），粗用唔肉痛。但極乾唇或冬天就可能要揀更潤嘅款式（如椰子味）。 缺點： 持久度一般，要經常補搽；薄荷涼感唔係個個接受到。 總括：平、靚、正嘅入門潤唇膏！ 夏天放喺手袋日常用，清爽又方便！
<看全文>Emma W好用推薦：來到2024年年末，又要想交換禮物的環節。Burt's Bees Beeswax Lip Balm 係消委會都推薦的潤唇膏，絕對係首選之一。而依支潤唇膏，又實用，又係其下的皇牌。能有效滋潤雙唇，長時間保持水潤感，不易乾裂。 成分為100%純天然蜜蠟，蘊含抗氧化劑維他命E、椰子油。其天然成分，就算食左落肚，都唔駛太擔心。 其質地較為厚重，能在唇部形成一層保護膜。但不黏，頭髮也不會經時黐住嘴脣。也可當作唇膜之用。另外，搽時有輕微的薄荷味，讓人感到清新。就算夏天搽時都唔會唔舒服。絕對係送禮首選。 適合肌膚：任何 成效度：4/5 保濕度：4/5 光澤度：3/5
<看全文>
Kelvin好用推薦：開架牌子潤唇膏嚟講，質地幾厚身。佢係一支有色潤唇膏，仲有SPF20 PA++嘅防曬效果。 我嘴唇薄，顏色唔深。所以揀French pink色，淡粉紅色，男士都用到可以睇落個嘴唇滋潤啲。隻顏色自然得來幾好睇，唔會誇張。 冬天出街之前會搽一次，好少甩皮👍🏻Nivea啲野幾好用
<看全文>Akassoo好用推薦：之前去日本旅行買咗NIVEA Rich Care & Color嘅豐盈水潤顯色潤唇膏，佢係一支有色嘅潤唇膏，仲有SPF20 PA++嘅防曬效果。 呢款潤唇膏有好多隻顏色揀，當初都有選擇困難症，個人建議揀深色啲嘅顏色，因為之前試過買較為淺色嘅顏色上到嘴睇落好似冇色一樣，但係如果揀鮮艷啲嘅顏色個顯色度就會差得遠。 我自己今次推介嘅呢支顏色係French Pink，就係潤潤哋嘅深粉紅色，個人覺得顏色都幾靚同自然。不過大家就預咗潤唇膏唔會好持久，基本上過一段時間（特別係食完嘢之後）都要再補搽。 嚟緊聖誕節約埋一班朋友party交換 聖誕禮物嘅話，如果我收到呢款潤唇膏做禮物都會覺得窩心，重點係呢支潤唇膏性價比高，仲可以即刻當面拆開呢份聖誕禮物搽上嘴俾朋友睇！
<看全文>
Fng好用推薦：有日忘記帶潤唇膏出街，臨時喺萬0買咗枝 凡士林潤唇啫哩（加強版） ✨質地與滋潤度： 透明啫哩質地，比傳統凡士林膏更輕盈！推開有少少黏膩感，但吸收後會形成一層薄薄保護膜。滋潤度高得來唔算過份厚重，對於死皮多嘅爆拆唇，厚敷一晚第二朝明顯軟化～ ✨成分與溫和度： 主打凡士林微凝晶凍同維他命E，成分簡單温和，冇香料冇色素，敏感唇都適用！網上好多用家都讚佢修護力強，尤其適合經常搽唇膏或脫皮嘅人。 ✨持久與修護力： 持久度超強！薄搽一層已經可以維持2-3小時滋潤，厚敷過夜更係「急救神器」～試過曬傷後唇部脫皮，連續用兩晚已經回復柔軟。不過日間出街使用可能覺得有少少黏，建議輕輕印一層就夠。 ✨適合邊類人？ 極乾唇／爆拆唇必試！平價大支（約$30左右），用得多都唔心痛。混合肌夏天用可能覺得稍黏，但晚間冷氣房用就剛剛好～ ⛔️缺點： 質地有少少黏，日間使用可能影響唇妝效果；如果喜歡清爽感可能唔太適合。 ⚠️總括：$30貨仔有咁強修護力，真係沒得輸！ 晚間厚敷急救效果一流，會長期回購！
<看全文>Beanbean好用推薦：呢支新版唇部啫喱可以持久保濕 令到唇部可以持續一日唔乾 好處係佢唔會因為補妝而令到支潤唇膏染色 超方便 用後都有令唇紋減淡嘅感覺 而且佢無色無味 唔會對唇部有負擔 🏵️🏵️
<看全文>
YYeman好用推薦：曼秀雷敦薄荷潤唇膏真係我每個冬天都唔可以冇嘅唇部救星！一到冬季，雙唇乾到繃緊、甩皮甚至爆拆，唔搽潤唇膏真係唔掂。而呢支薄荷潤唇膏就成為咗我冬季護膚 routine 裡面，隨身必帶嘅神器！ 保濕同修復效果相當唔錯： · 膏體軟硬適中，一搽上嘴就有陣清涼薄荷味，好醒神！而且涼涼哋嘅感覺，可以即時舒緩乾燥帶來嘅不適。 · 佢嘅保濕力好持久，唔係假潤嗰種。冬天出街前厚搽一層，可以維持幾個鐘唔覺唇部繃緊，就算戴口罩都唔會覺得黐立立或者好悶。 · 對於輕微爆拆同甩皮，佢嘅修復效果都幾明顯。我試過臨睡前厚敷，第二朝起身死皮會軟化，輕輕一抹就甩，唇部變得柔軟好多，冇再扯住痛。 冬季護唇心得： · 我會習慣喺搽唇膏或者唇釉前，薄薄打底一層，等幾分鐘吸收咗先上妝，咁樣可以減少唇紋，又唔會影響妝效。 · 如果唇部狀態特別差（例如嚴重爆拆），我會先濕敷再用佢厚敷，當作唇膜咁用，急救效果會更加好！ · 不過要注意，如果唇部有傷口，薄荷成份可能會帶來少少刺痛感，建議等傷口好返少少先用。 總括來講，曼秀雷敦薄荷潤唇膏係我冬季性價比極高嘅選擇！清涼感喺凍冰冰嘅天氣用特別舒服，而且保濕同修復能力都交足功課，細細
<看全文>Kmggigi好用推薦：嘴唇皮膚狀況: 嘴唇偏乾，比較易甩皮，上唇色偏暗沉 講到潤唇膏，稱這支曼秀雷敦為經典始祖也不為過！ 春夏季雖然濕度較高，但日常唇部護理仍不可忽視 平時我就習慣用曼秀雷敦潤唇膏維持夏季唇部健康狀態🥳 潤唇膏質地輕盈水潤，無色透明但使用後會帶有自然透明感， 同時散發淡淡薄荷香氣，會有清涼嘅感覺 上唇後有即時保濕效果，同時亦不會過度滋潤或黏膩， 非常適合春夏季節使用。 另外因為質地透明，能有效撫平唇紋，作為妝前打底效果一流👏🏻 產品效果: 唇部明顯乾燥，唇紋較為明顯 上唇後，肉眼可見唇部狀態有明顯改善，唇紋顯著減淡
<看全文>
Emily Leung好用推薦：一到轉季個嘴唇又乾到「鞋颯颯」？等我同你快速測下呢支 Laneige 水漾亮澤潤唇膏啦！ 💦 質地： 輕薄！好似將保濕精華搽上嘴，一推化水，零黏立，怕「黐脷韌」嘅你會愛上！ 👄 效果： · 即時：淡淡光澤，唔會「豬油唇」，睽落精神晒！ · 保濕：對付轉季「微微哋」乾燥夠晒力！但如果爆坼到裂，就要出動唇膜先搞得掂。 👍 優點： · 日常用超方便，朝早趕出門「撻」一下就搞掂！ · 帶住出街補搽唔會肉酸，光澤感自然。 👎 缺點： · 滋潤度唔算好強悍，極乾唇可能要補搽密少少。 🎯 總結： 換季期間，如果你隻唇係「少少乾」多過「爆到開花」，呢支就係你嘅 「隨身補水小法寶」 ！夠輕薄，夠自然，日常Keep住水嘟嘟就靠佢！ #換季#轉季#乾燥
<看全文>lingbb好用推薦： 係外國一路都有得賣，香港終於有得買啦！粉紅色原味應該係普遍最受歡迎，呢款lip gloss出街好方便，開蓋就用得，唔會整污糟隻手，個人覺得持久度一般，但好夠保濕，上咀會微黏但可接受，咀唇會有啲豐盈感，有時晚上都會塗一層當sleeping lip mask用，我覺得每個味都討好，紫色果款係糖果味，兩款我都鐘意 #火熱新品
<看全文>
mandy好用推薦：Burt's Bees Pomegranate Lip Balm 紅石榴皇牌潤唇膏 $45.90 (百佳網店) 紅石榴皇牌潤唇膏蘊含不少護膚成分，而這些成分大都取之於大自然， 像是葵花籽油, 蜂蠟, 椰子油, 蓖麻籽油, 石榴籽油, 大豆油 及 芥花油 這些都是很優質的保濕/抗衰老成分，可以好好地滋潤容易乾燥的雙唇。 紅石榴皇牌潤唇膏很好塗在唇上，質地有少少潤，但絕不黏笠。 紅石榴皇牌潤唇膏帶少許紅石榴的唇色， 光是塗潤唇膏已可展現出美麗、健康及滋潤的雙唇。 再加上價位是大家都可以輕鬆負擔的開架價，性價比也是挺高的。 含保濕成分: 葵花籽油, 蜂蠟, 椰子油, 蓖麻籽油, 石榴籽油, 大豆油 及 芥花油 抗氧化成分: 葵花籽油, 椰子油, 石榴籽油, 維他命E, 迷迭香葉萃取 及 大豆油 抗衰老成分: 葵花籽油, 石榴籽油, 維他命E, 迷迭香葉萃取, 大豆油 及 芥花油 油性滋潤成分: 椰子油, 蓖麻籽油, 大豆油 鎮靜消炎成分: 石榴籽油, 維他命E, 迷迭香葉萃取 及 芥花油 美白成分: 維他命E
<看全文>Emma W好用推薦：紅石榴柔潤保濕潤唇膏雖然個芯係紅色，但搽上嘴上帶點非常淡淡的紅色。 一直都知Burt’s Bees係個天然成分的品牌、出名好用，果真是。一搽上嘴上，陣陣的紅石榴香氣附帶。另外搽上不油膩，好似冇搽野咁，感覺舒適，不會輕易黏住頭髮。加上，搽後夠潤，在乾燥的氣候下能有效保持雙唇的潤澤，仲能last overnight，特別適合冬季使用。極度推薦大家使用。 適合肌膚：任何 成效度：5/5 保濕度：5/5 質地：膏狀 光澤度：4.5/5 值得推薦度：5/5
<看全文>
bibubibu好用推薦：mentholatum潤唇膏真係由細用到大 什果冰系列都用過好多款唔同味道 佢搽上嘴有少少油潤嘅感覺 搽完之後好似有一陣油係嘴上 唔算係好水感滋潤 但當嘴唇好乾裂嘅時候 搽完佢都會有立即舒緩 不過用完之後都唔太滴合再搽其他唇膏
<看全文>Giselle 好用推薦：曼秀雷敦 什果冰潤唇膏 （草莓味） *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 好耐之前見佢有同迪士尼合作嘅造型所以入手咗(ㆁᴗㆁ✿︎)因為算係平價嘅潤唇膏所以以前都有入手過呢款潤唇膏( ˙༥˙ )我自己覺得呢隻潤唇膏嘅滋潤度算係比較中規中矩，唔會令我有驚豔or覺得伏₍ᵔ·͈༝·͈ᵔ₎如果追求滋潤度嘅話，呢款就唔太適合lu (꒦ິ⌑︎꒦ີ)佢嘅香味就係一陣人工味嘅草莓味(◍︎•ᴗ•◍︎)所以對香料敏感嘅小夥伴唔適合入手哦₍˄·͈༝·͈˄₎◞︎ ̑̑ෆ⃛呢款比較適合對滋潤度同可以接受到比較人工香精味嘅小夥伴入手哦*ˊᵕˋ)੭
<看全文>
natanatalie好用推薦：我的咀唇屬於一年四季都咁乾嘅咀唇。。。🥺 最近香港濕度得返3x%，咀唇就更加乾到甩皮！呢款潤唇膏係唧狀，唔係筒狀，對於我呢啲夜晚需要厚敷嘅人嚟講更方便更好用！🙆🏻♀️ 溫和而無香料嘅潤唇膏可以深層滋潤到咀唇，用完第二日咀唇會無曬死皮，亦唔會甩皮，仲會好嫩！推薦🥰
<看全文>mysecretgarden好用推薦：包裝係用唧裝，非常衛生方便，完全唔會浪費亦唔會污染到支唇膏，帶出街用都好方便。 質地方面，佢係一種好柔滑嘅膏體，搽上嘴唔會過厚或黏膩，用後有滋潤感。沒有味道，用落好安心，唔會因為香料而引起敏感，能夠有效舒緩同修復乾燥嘅唇部，作為日常護理同妝前打底都非常適合。不過打底嘅話要預留多少少時間俾佢吸收先上唇膏，如果唔係望落去就會好油同埋唔上色。
<看全文>