Visée

3D幻彩閃爍眼影液

我有兩支，WT-1閃白及GD-2閃金，眼影液係透明，只係閃粉顏色不同，因此唔會影響本身嘅眼影底色，可以用嚟疊加上眼皮。佢嘅閃粉大細啱啱好，最大粒閃閃都唔會過分誇張，係嗰種好清澈嘅日系閃粉眼妝。持久到都好好，全日都hold到。 個人而言，如果用閃粉嘅話，係鍾意用眼影液多過眼影粉，粉狀好多時會溶同令到隻眼睇落好污糟。 小tips 液體設計非常方便，佢有一個面頭海綿頭，點上皮膚都舒適嘅。習慣先用海綿頭沾取眼影液，放於手背上，然後再用手指印上眼周。除咗比較衛生之外，冇咁容易弄污眼影。

Visee 3D Glitter Eye Liquid係一款簡單易用、效果絕美嘅液體眼影，無論新手定化妝達人都可以輕鬆駕馭！✨ 液體眼影設計非常方便，質地柔滑、易於推開， 用手指或者眼影掃都可以輕鬆操作， 完全唔需要高技巧，特別適合化妝新手使用！ 我嘅常用方法係：單搽或者先搽其他顯色眼影打底，再喺眼皮中間點綴少量液體眼影，提升整個眼妝嘅層次感🤣 呢款液體眼影帶有極致閃亮效果， 細緻嘅閃粉喺唔同角度下會反射出多層次光澤， 效果自然又吸睛，無論係日常妝容定派對妝都非常適合👏

賣點：明顯閃片、搶眼、晚妝/Party必備 呢支眼影液色號係OR-4，顏色係偏橙橘色向，有明顯大片閃片，搽上眼勁閃勁eye-catching！ 佢嘅掃頭係斜切面，每次取用量適中。由於佢都乾得幾快，搽完好快就成膜，所以要盡快推開。佢嘅持妝度非常好，唔需要擔心脫妝問題。 日常嘅話我會點喺眼頭位置，打造開眼頭效果，令雙眼望上去大啲同有神啲。如果係一啲隆重啲嘅場合或者去Party，就會拎嚟畫埋下眼線，然後再on top點少少喺眼妝度，增加成個眼妝嘅層次同閃亮感！絕對係晚妝、Party必備！

我很喜歡bling bling的小物和美妝品，所以當我見到這款眼影液時，立即😍😍😍 急不及待要試試 這款眼影液用法很簡單，只需點在想highlight的地方，我通常會點在眼瞼中間，然後掃均勻就可以，但我總覺得我用手指稍為印開少少的效果比較好😝 所以操作上真的很容易，就算是新手也容易上手 這款眼影液有閃粉，也有閃片，我覺得它閃爍的程度剛剛好，也很美，是屬於不經意的閃，而且當它乾了就不容易掉甩 #火熱新品

我會用佢係眼底，臥蠶位置啱啱好。掃頭都細細幼幼方便使用，唔會督到隻眼好痕👍🏻而且都keep到全日，唔算好易甩 佢既閃粉又大粒又細粒，我呢支係Pk-3色。閃粉眼影液帶淡淡既粉紅色，唔同嘅方向會折射到唔同嘅銀色閃粉🤩好可愛既產品🩷點綴返眼頭位置眼睛放大1/3👀 #火熱新品

Visée 3D Glitter Eye Liquid的PK-3色，閃粉都挺大顆的，粉紅底色配少少藍紫色细細閃粉，斜切軟刷頭設計，質地係水狀液體，為了方便控制用量，建議先放在手背上，用刷或手指點上眼皮或者臥蠶。大粒閃粉真係好搶眼，細粒珠光則增加透明光澤，令雙眼即時有Bling Bling效果。 它乾得很快，防水度高，持妝力好滿意。日常可以加一點點提亮，整體用落好舒服，絕對係閃粉控會鍾意嘅產品！

VISEE 3D Glitter Eye Liquid 3D幻彩閃爍眼影液 #GD-2 $80 香檳金色的3D幻彩閃爍眼影液不是十分顯色，接近眼皮的顏色，比較低調，初學者也不用擔心眼妝太閃爍太誇張。3D幻彩閃爍眼影液可以分別在眼窩作眼影打底使用及在下眼線位置描繪卧蠶。 3D幻彩閃爍眼影液附上的眼影液化妝掃設計得十分好用，可以很容易掌握及均勻地完成眼妝。眼妝的持妝度很好，眼妝可以維持一整天也沒有脫妝溶妝。 以此開架價位來說實在不貴，不但性價比高，品質中上，值得推介。

VISEE 3D幻彩閃爍眼影液 🌙 優點： · 閃耀度爆燈：細膩七彩偏光碎片，一抹即現透明感水光，閃耀效果媲美專櫃Stila液態眼影 · 持久貼服：液態配方乾燥後緊貼眼皮，香港夏天出汗出油都不積線不脫妝 · 多用途玩法：可單擦、疊加或畫眼線，一支打造層次眼妝 ⚠️ 缺點： · 乾燥速度極快：需分區快速拍開，新手容易手忙腳亂結塊 · 卸除難度高：亮片附著力強，需用眼唇卸妝液濕敷才能徹底清潔 · 色號選擇障礙：全系列多帶強烈偏光，日常淡妝使用者難駕馭 💡 使用技巧： 1. 先搖勻再取量，筆尖點在指腹再按壓上眼 2. 想要日系清透感：先塗霧面打底色再局部點綴 3. 補救結塊：用乾淨指尖輕拍邊界模糊線條 總結：開架中的「派對眼妝神器」！適合追求耀眼妝效的玩妝族，但新手與日常淡妝者建議選擇粉狀眼影～ ✨ #VISEE眼影液 #日系開架 #閃耀眼妝

我揀左WT-1色即銀白色，因佢比粉紅色更突出，而我主要想用佢係眼頭、眼尾或眼底臥蠶位。 呢款好持久，又顯色，D閃粉幾細緻幾靚，而且佢個刷頭都易劃上眼，細細支方便帶出去，我覺得好用。 #火熱新品

這是一款方便使用的一色完妝產品，只要一款產品就可以完色基本的眼影。因為閃粉效果，所以會有自然的立體感。 有大小不同的閃粉，可以因應妝感把大一點的閃片在樽口去掉，用作眼頭的光影。 我通常會將它塗在整個眼皮，加上眼線，就完成了一快速眼妝。 不算容易脫妝，但春夏使用還是加上眼部打底比較好。

🩷戀愛感妝容GET!! 完成粉嫩平滑底妝之後～想要畫龍點睛加强夢幻妝感～只需加上呢支3D幻彩閃爍眼影液就搞得掂！粉色色系惹人憐愛😘仲有幻彩碎閃低調地吸引眼球(笑)～雙眸即時烔烔有神👀而且防水功能非常超卓！即使易出汗嘅妹子想打造粉嫩輕透妝容都話咁易👌🏻👌🏻 #火熱新品

Visee 3D幻彩閃爍眼影液，筆頭劃臥蠶位置啱啱好，閃亮顏色好靚，閃粉幼細。 #火熱新品

好多之前@comse送俾我試依枝眼影液，非常閃。 如果想特顯眼妝的話，可以用佢。

#火熱新品 佢啲閃粉都係勁大粒，一上眼即刻變Bing Bing勁有神，用嚟打喺眼頭好靚，又唔會易甩，呢隻粉色又夠晒溫柔夾哂化D日系妝

Visee 係我最喜歡嘅日本開架品牌，價錢相宜，產品實用，而且經常出新款，好有驚喜。 今次推出嘅Eye Liquid 顏色好靚，閃粉有粗有幼，而且唔容易甩，用嚟做眼highlight，影相好突出，十分推薦 #火熱新品