Visée

真我裸色眼影

Visee BE3，我同佢嘅半年 舊年秋天買嘅。嗰排想搵返啲「睇落似冇化」嘅嘢，行過藥妝店見到BE3，裸米棕，唔紅唔橙，隨手試咗上手就買咗。 第一次用有啲失望，點解咁淡？掃咗三層都覺得「吓，有分別咩？」。但過咗幾個禮拜先明——佢唔係要你一眼睇出畫咗眼影，係要對眼睇落精神啲，但講唔出點解。有次同事問我「你最近係咪瞓得好咗？對眼好似亮咗」，我嗰刻先知，哦，原來就係呢種感覺。 四格色，左上角嗰格膏狀打底唔好懶，用手指捽少少上眼窩，之後啲粉貼好多，我呢種下晝眼皮會出油嘅人，有冇用打底分別好明顯。第二格掃雙眼皮位，第三格疊眼尾，最淺嗰格點眼頭，五分鐘搞掂，唔使諗。最深嗰格反而少用，唔夠深，畫眼線色唔夠力。 粉質係日系開架應有水準，幼滑、唔算飛粉、顯色度淡淡哋，啱晒朝早未瞓醒嘅我。但最淺嗰格同第二格有啲接近，用到最後可能淨低一兩格冇人吼。個盤身要彈一句：黑色鋼琴面，指模磁石，用兩日就花晒。 持妝力方面，我混合肌、眼皮唔算極油，唔用打底都頂到收工。大油眼嘅話，下晝眼尾會淡少少，帶返個盤補一補啦。 值唔值？正價百幾蚊，開架嚟講唔算平，我等減價先入手。返工黨、化妝新手、鍾意日系清淡妝嘅話，BE

Visee呢款「真我裸色眼影」係日本開架人氣王，專攻自然放大眼妝。 一句總結 自然系裸色之王，粉質幼滑貼膚，適合返工返學，但顯色度偏弱，濃妝控會嫌唔夠喉。 三大優點 · 粉質極貼：唔飛粉，用手指上都暈得靚 · 配色實用：全盤都係大地色系，日日用唔會錯 · 細緻珠光：唔顯眼腫，單眼皮都啱用 三大缺點 · 顯色度低：要疊2-3層先見到色，深膚色會好似冇化 · 持妝一般：香港夏天5個鐘左右開始溶，唔夠防水 · 刷具廢：跟盒眼影棒太短，難控制，建議自備掃 買唔買？ ✅ 新手/日常淡妝/學生黨 → 買，唔會失手 ❌ 濃妝/玩色控/油眼人 → 慳返，有其他更好選擇 一句終極 自然系入門恩物，但只適合「真·裸妝」愛好者，想要存在感嘅請移步。

令你用到鐵皮嘅平價好用眼影Visee😍 之前睇cosme大賞推薦，買咗Visee嘅蕾絲眼影盤，真係好用到爆。之後每次去日本、台灣、香港都會去藥妝店掃Visee，又平又正！而家Visee開咗旗艦店，我仲入埋Visee羽毛四色眼影BE-1，一樣係cosme大賞推薦，一樣咁好使～ Visee嘅眼影粉質都幾幼細，唔會飛粉，好易上妝，呢盤都唔例外，而且跟埋眼影棒，帶出街補妝都好方便。另外，Visee嘅眼影都會加透明質酸呢類美容成分，所以用落會覺得好貼服，持久度都唔錯。 呢4隻色配搭都好實用，最淺色可以大範圍打底，淺啡色就用嚟暈染，大地色可以用嚟調整眼形，例如眼距闊嘅人可以將深色擺前面（前移畫法）；相反眼距窄嘅人就將深色擺後面。最深嘅啡色可以用嚟畫眼線，咁樣畫出嚟嘅眼線會自然啲，好適合日常返工用。

羽毛眼影系列都係偏大地色 我用既係BE-3 質地好順滑上眼持久又唔會飛粉 而且配色點搽都好靚🥰

呢盤眼影做得相對唔錯 顯色唔飛粉 基本上由頂開始做打底 一個style 閃粉暈染 眼line 搞掂晒 新手日常番工好方便 但想多少少變化 就… ..買多盤啦

眼影的包裝很型格，很獨特非常喜歡。性價比很高，一盒有齊不同顏色，能夠締造不同的眼妝。

顏色配搭都好適合大部份嘅日常妝容使用，品質都算幾幼細，唔會好容易飛粉

相當自然既裸色眼影 唔會顯得上眼浮誇 日常妝合用 不太有飛粉既問題

大地色系眼影配搭容易，粉質黎講都算細緻，好貼服亦唔太飛粉，上色自然，輕易就打造裸妝感，日常淡妝ok，不過日系眼影呢個價錢既話有更多其他選擇。

今次購入的是Visee 眼影BE-3，可惜有啲買錯顏色，粉質幼細，但它珠光感幾重，對於腫眼皮/單眼皮人士要小心，控制要好啲，新手可避免，要選其他顏色了。建議選擇其他顏色 。

全系列行自然啡色~ 我嘅色號係BE-3~ 羽毛盒呢個眼影質地比較滑，會較貼唔易飛粉～ BE-3嘅啡偏奶茶啡，會較淺色～ 鐘意自然但又想有一定顯色可以考慮～ 但唔建議膚色較黃嘅使用呢個顏色，會顯得膚色更黃～

一盒好靚既裸色眼影 粉質真係好細滑，好貼服 我買既係最淺色既BE1,雖然官方同大家都係推薦BE3（最安全，但通常已經有好多呢啲色）,但係我覺得BE1係最能達致我想要既效果 Be1比皮膚顏色淺，只有眼線色係深啲嘅 加上明顯珠光，可以brightening 隻眼，對比平時用深色過皮膚嘅眼影色去加深輪廓

配色超級實用，細細盒都好適合擺係手袋度攞出街，平時番工用嘅話都唔會出錯～

祼色配搭得天衣無縫，與膚色融為一體，不會唔自然果種白，又展現輕盈自然嘎妝容。又有保濕效果的眼影粉體，緊貼眼瞼，唔易脫粉，持妝度高，又有美容液成分，眼部肌膚保持水嫩滋潤唔乾燥，仲要無香料，天然唔傷皮膚又有保濕功效！

這款眼影超夢幻的✨🧡！ 第一次看見就忍不住入手了 自然米色+大地色簡直絕妙搭配 而且有一點點自然的珍珠粉 可以好輕鬆打造閃爍裸色柔和眼影👁！ 而且漸層色可以令眼睛放大 官網有教學，可以上去看看！

顏色百搭顯色，日系開架品牌有很多顯色度一般，但這次visee 的這款眼影卻驚豔到我。 第一，粉質細膩，壓得得實，不易掉粉或卡粉結塊 第二，顯色度中上，新手易駕馭，日常百搭，十分日系的色彩 第三，任何膚色也很適合🥰

屬自然色系，眼影質地不錯，以開架彩妝來說是新手入門的好選擇。

係大自然色系，個人很喜歡，配搭容易，細膩上色自然裸妝很美，整體推薦

最大路，一定唔會輸嘅顏色，粉質幼細，眼妝自然明亮，更可以令眼窩更深邃，大堆！

營造裸妝感要揀佢，貼服妝效持久，適合每日返工妝容，皮膚白嘅女仔用效果較好，價錢平，整體來講算唔錯