韓國彩妝 推薦好用產品

莓莓好用推薦： 「Innisfree 薄荷礦物碎粉」實測：平價貨定係真心正？ 呢個Innisfree 薄荷礦物控油碎粉（嗰盒綠色細細盒嘅）已經火咗好多年！佢真係平靚正！今次同大家講下用後感！ 1. 包裝同質地： 盒仔真係好細盒，方便帶出街補妝。個粉撲都算軟熟，但唔算好厚身。啲粉係白色碎粉，好幼細，好似煙霧咁。聞落有陣好淡嘅薄荷味，唔會好濃好刺鼻。 2. 上臉感覺： 掃上塊面嗰陣，即刻有陣涼浸浸嘅感覺，夏天用真係好爽！好似俾塊面開冷氣咁。啲粉好薄，冇咩負擔，唔會覺得焗住塊面。 3. 控油效果（重點！）： 我係混合肌，T字位好易出油。試過喺防曬之後撲上呢隻碎粉： · 即時效果： 啞面咗，冇晒啲油光，塊面摸落去「滑捋捋」。 · 持久度： 平日大概頂到 3-4個鐘 左右，個鼻頭先開始有少少油光翻嚟。對比佢個價錢（幾十蚊盒），已經交足功課！但要同啲貴價專櫃粉比，就當然冇得比啦。 · 補妝： 出油之後補多層，都唔會結塊或者覺得好厚粉，呢點幾好！ 4. 提亮同遮瑕： 因為係白色粉，有少少提亮效果，但唔會好白或者「假面」。至於遮毛孔，都有少少柔焦效果，睇落皮膚滑啲，但唔好期望可以完全遮到好大嘅毛孔或者瑕疵

Sakura醬好用推薦：Innisfree 礦物控油碎粉 真實測評 📦 開箱第一感覺 包裝：淺藍色小圓盒，少女感十足～ 粉撲：跟盒附送嘅 薄身小粉撲，軟熟但偏細，比較啱用嚟 局部補妝。 粉質：倒出嚟係 白色幼滑粉末，有淡淡薄荷涼感（唔刺鼻嗰種）。 👩🏻 上臉實測（混合肌/T字油/兩頰乾） 1. 控油力：★★★★☆ · 即時效果：撲上臉嗰刻，油光即時 「啞咗」！尤其鼻翼同額頭，即刻變霧面。 · 持久度：夏天出汗天，大概 3-4個鐘 開始泛少少油光（但唔會溶到一撻撻）。 · 小貼士：如果係 大油皮，建議午飯後補一次，效果更持久。 2. 柔焦毛孔：★★★☆☆ · 薄薄撲一層，毛孔會睇落 細滑咗，但唔好期望完全隱形（始終係碎粉唔係妝前乳）。 · 注意：如果皮膚好乾或者有皮屑，可能會 少少卡粉。 3. 定妝效果：★★★★☆ · 化完底妝後輕撲一層，真係可以 延長持妝時間，尤其係口罩摩擦位，甩妝情況有改善。 4. 其他用途（隱藏功能！） ✅ 急救劉海：頭髮油立立嗰陣，撲少少喺髮根，即刻變乾爽！ ✅ 身體止汗：夏天頸背出汗，撲少少可減少黏膩感（但唔好撲太多，會白）。 ✅ 優點總結 1. 平價之王

Tszki好用推薦：TOO COOL FOR SCHOOL 藝術課堂三色修容粉 9.5G #NO.1 一個立體修容盒，包含三種色調，可以完美無瑕、提亮和修容臉部。  ⭐️ 由超輕的顏料製成，輕鬆融合，增強膚色，讓你擁有完美、自然的膚色。  ⭐️ 專為亞洲膚色而設計的三色暖黃色調修容盤 ⭐️ 輕鬆自然地塑造深邃陰影輪廓，而且仲有高光，妝容看起來天生美麗 ⭐️ 多功能使用，可修容、深化眼窩、塑造鼻影、修飾髮際線、打造鎖骨陰影

Rainbow好用推薦：新手友好，不易出錯，顯色度適中，粉質細膩且壓盤緊實。即便重複疊加，妝感依舊自然，不會出現顯髒、結塊。大推，已經hit pan幾盒!!!

Luna好用推薦：韓國品牌 The Saem 嘅「Tip Concealer」（完美遮瑕液）測評 呢款遮瑕膏喺韓國同香港都好受歡迎，尤其係性價比超高，被稱為「開架之王」。 1. 色號特點（適合膚色） · 1.5 Natural Beige 係一個帶黃調嘅自然色，唔會太粉亦唔會太橙。 · 適合亞洲人普遍嘅自然膚色，或者係追求自然妝感、唔想遮瑕部位過白嘅用家。 · 如果係黃二白至黃三白（即係自然偏少少深嘅膚色），用呢個色號嚟遮黑眼圈、痘印會非常貼合膚色，唔會出現灰白或過白嘅情況。 · 如果用嚟做面部提亮（例如額頭、鼻樑、淚溝），對於自然膚色嘅人嚟講可能會唔夠亮白，效果會係「修正」多過「提亮」。如果你膚色較白（黃一白），可能會覺得1.5號太深。 2. 遮瑕度 · 極高！ 呢款遮瑕嘅最大賣點就係其高遮蓋力。 · 能夠輕鬆遮蓋深色痘印、紅血絲、雀斑。 · 用嚟遮黑眼圈效果亦非常好，但如果係好深色嘅黑眼圈，建議先上少量橙色或桃色校正色打底，再薄薄疊加1.5號，效果會更自然持久。 3. 質地與妝效 · 質地：偏濃稠，無咁流動，似乳霜狀。因為遮瑕度高，少少用量就夠。 · 妝效：啞光。上臉後會快速乾爽，唔會油

莓莓好用推薦： 「The Saem 遮瑕液」實測：平價遮瑕王係咪真係咁神？ 係咪成日聽人講韓國嗰支「The Saem遮瑕」好用到癲，又平又遮得？我專登買咗支返嚟試足一排，同大家「拆局」睇下係咪真係咁誇張！ 1. 包裝同質地： 支裝好細支，方便帶出街。個掃頭係绒毛掃咀，可以直接點上臉，算係衛生。質地係偏濃稠嘅奶霜狀，唔係好流質嗰種，推開係啞緻妝效。 2. 遮瑕力（最强賣點！）： 呢樣真係要俾個Like！遮瑕力真係好強悍，絕對係「高覆蓋」級別。 · 黑眼圈： 如果係普通瘀瘀青青嘅黑眼圈，一層已經遮到七八成。好深色或者好凸起嘅眼袋就可能要仔細疊加。 · 痘印、暗瘡： 呢個係佢主場！紅色、啡色嘅痘印，基本上點一吓，輕輕印開，已經唔見咗九成，好似「擦膠」咁擦走啲瑕疵。新嘅紅印尤其有效。 · 毛孔/凹凸： 對毛孔冇咩修飾作用，如果遮凹凸位（例如痘疤），要小心用量，唔係會「卡」喺凹位。 3. 滋潤度同貼服度： 呢度係重點爭議位！要睇你本身咩皮膚： · 油性/混合肌： 你會好愛！因為佢乾得快，之後係全啞光，好貼服，唔易移位。 · 乾性/眼下偏乾肌： 要打醒十二分精神！ 如果你唔做好保濕打底，佢好容易顯乾紋

Chloeincosme好用推薦：Etude house大部分彩妝都鍾意，唯獨呢枝眉筆麻麻地。 呢枝04色，睇圖係啡灰色，實際係純灰色。 另外，佢既筆頭都可以改進一下🥲 如圖可見，佢個頭偏粗，無辦法畫到好精細既線條。（但佢叫柔滑精細眉筆😂🥲）上色尚算順滑，軟硬度適中唔會好易斷，但如果流一流汗眉尾就冇晒🥲😂 或者 #轉季 會岩用少少？ 總結： 唔會回購🥲🥲

Zc好用推薦：Etude House呢枝眉筆性價比極高 只係十幾蚊就有齊眉筆眉掃，而且有好多色號 可以襯返唔同髮色

Cosmeemee好用推薦：已經用了Etude House很多產品 這款眼影適合四季～ 🤭 🌟平時嘅日常妝容都可以使用 🌟自然又方便，不易飛粉 🌟性價比高，適合新手🙌🙌

羅小白好用推薦：佢嗰六個配色好實用，全部都係大地色，基本上大部份嘅膚色都啱用，但係有樣嘢唔好就係，去到比較濕熱嘅天氣就好容易溶，眼皮上面嘅顏色會變成一舊，同埋啲眼影會攝晒落去條眼皮入面，所以一定要用定裝噴霧。 但有樣嘢最值得一讚嘅係，個包裝真係好靚

　peg好用推薦：佢嘅遮瑕力幾高，基本上輕輕印一層，面上面啲暗瘡印、毛孔同埋膚色不均已經遮得七七八八，連遮瑕膏都慳返。最驚艷嘅係佢雖然遮瑕高，但粉質好細膩，上完面係一種柔霧妝效，唔會覺得好厚粉。 講到持妝力，佢真係好適合夏天或者容易出油嘅皮膚。佢嘅控油效果好好，就算出咗成日街、戴埋口罩，個妝都仲係好完整，冇乜點溶妝或者斑駁。而且佢出咗少少油之後，會同皮膚融合得更好，變咗做一種好靚嘅奶油霧面感。 唯一要留意嘅係，因為佢係主打持久同霧面，如果你嗰排皮膚特別乾，上妝之前一定要做足保濕，如果唔係鼻翼位可能會有一兩點卡粉。同埋佢嘅粉體乾得比較快，建議上妝嗰陣「少量多次」，慢慢印開個妝感會最靚。

Meoww好用推薦： Clio粉盒質地輕薄，遮瑕度冇黑盒咁高，網面 。不過佢自然水光感我鐘意😍吾會太誇張， 秋冬天用都冇卡粉👍🏼不易脫妝

Myonlyone好用推薦：Cilo呢盒十色眼影盤 #12，喺眼影界都幾常見到。呢盤叫「Automatic Toaster」（自動多士爐），成盤係暖調大地色、楓葉色、古銅色為主，適合日常返工返學，粉質對得住價錢，但如果你已經有類似色盤，就未必需要買。 優點： · 配色實用：冇廢色。由打底色到眼線色、閃片色都有。嗰幾格「壓實閃片」用手指上眼好靚，似眼皮有濕潤光澤。 · 粉質進步：Cilo舊版眼影粉質一般，但呢盤啲霧面色好滑，易blend開，唔會一pat嘢。閃片色黏附力好，唔會跌到成面都係。 · 顯色度適中：唔係歐美盤一嘢上到盡，適合亞洲人逐下疊加，新手都唔易失手。 · 細格設計：每格細細格，唔驚用極用唔完，仲可以將幾盤合埋一齊（Cilo特色）。 缺點： · 顏色太保守：成盤出嚟嘅妝感都係橙啡、紅啡。如果你想要粉嫩、冷調或玩色盤，呢盤唔啱你。 · 有幾格似樣：尤其係中間幾格啡色，上眼分別唔大，感覺似有幾隻重複色。 · 最深色唔夠深：最深嗰格咖啡色做眼線偏灰，要來回上幾次先夠黑。 邊個適合買？ · 缺一盤「帶紅調嘅大地色眼影」嘅化妝新手或中階用家。 · 鍾意韓系水光感、自然漸層眼妝。 · 膚色偏黃偏

Tszki好用推薦：新手友好,顯色度適中，發色自然，即使反覆疊加也不容易失手造成妝感過重。 配色實用,一盤內包含啞光、珠光與閃粉等多種質地，色系由淺至深層次分明，基本上一盤即可完成打底、暈染與點綴。 粉質滑順,啞光色粉質細膩且好暈染，上眼後貼合度高，不易結塊。 飛粉問題,部分色號（特別是閃片格）存在飛粉現象，亮片顆粒較粗，使用時粉末可能會掉落到眼周。 持久度一般,在偏油皮膚上，出門數小時後妝感可能會稍顯模糊，建議搭配眼部底膏使用以增加持妝力。 顯色度偏淡,部分淺色號需要多次疊加才能顯現明顯色彩，對於追求高飽和度妝感的用家來說可能稍顯不足。 

Sanna Cher好用推薦：麵包盤的眼影調色極度新手友善，而色調方面主要以中性為主，冷色暖色及閃粉部分佔少數，而10個色調可以配搭至少2個妝容，每次使用4色。利用左2顏色，掃在眼窩中後部分，重覆動作3次，已見效果明顯。使用左8，為眼線補上顏色。然後利用閃粉，加在眼頭及眼窩中間，見橘色效果因棕色而減少。完妝照片，是非常適合使用在日常妝容的產品。

Sakura醬好用推薦：Etude House眼影盤bake house秋冬實測！🍂 轉秋冬季終於可以同溶妝講bye bye！但係呢排天氣乾燥，啲眼影成日飛粉又唔顯色... 又拎出珍藏嘅Etude House「麵包盤」，真係可愛到唔捨得用啊！ 🍞 柔軟粉質似真麵包！ 一打開盤真係「嘩」一聲！啲粉質摸落去軟綿綿，好似按緊真嘅麵包咁～ 轉季天氣乾燥用佢都完全唔飛粉，上眼超貼服，冇掉粉落塊面度搞到污糟邋遢！ 🎨 秋冬色系超百搭 成個配色都係暖洋洋嘅大地色+奶茶色，仲有隻好靚嘅楓葉紅色～ 無論係想化日常妝，定係去event化濃啲都得！最正係啞光同珠光比例啱啱好，唔會太閃令眼腫腫哋～ ❄️ 持久度令人驚喜 試過戴住口罩行街成日，眼頭出油位都冇積線！個妝keep到放工都依然靚靚～ 而且佢顯色度適中，新手點亂化都唔會變「熊貓眼」啊！ 💡 轉季小貼士 天氣凍咗可以先用指腹上珠光色，再用化妝掃暈染啞光色～ 咁樣個眼妝會更加持久同有層次感！ 總結： 如果你轉季想搵盒平靚正、粉質又唔會太乾嘅眼影，Etude House麵包盤真係好抵玩！細細盒帶出街又方便，仲要成個包裝可愛到犯規～ 今個秋冬就等佢陪你打造暖暖哋嘅溫柔眼妝啦

Wongwong好用推薦：呢隻蜜粉對大油肌黎講好好用，出街上少少已經全日無出油，多數係T字位會上多少少，已回購多次。

Mei_pk好用推薦：這款碎粉很控油，用了它妝容一整天都不會脫妝，就是有點乾。底妝需要加強保濕

Chloeincosme好用推薦：Etude House嘅Curl Fix Mascara，好多人話佢係“時代嘅眼淚”，但我覺得佢真係開架眼妝既滄海遺珠，超好用！佢持久度勁高，試過帶妝超過12個鐘，完全唔會溶到變熊貓眼，睇戲喊都冇問題。用左佢既眼妝靚勁多🥹 唯一嘅缺點就係個刷頭有啲大，新手用嘅時候要小心啲。（仲有個唔好處係好難買😂🤣） 小tips: 用任何Mascara之前用紙巾印一印，等佢冇咁濕，出黎既效果會好好多！

zetalhc好用推薦：可以做到睫毛根根分明嘅效果，上色同持久功效都唔錯唔會覺得有就膠咁，唯一係比較容易結粒粒，用上睫毛嘅時候要快手。

jhope0725好用推薦：呢枝真係#此生摯愛唇彩！ 呢支唇彩一如其名，質感好似棉花一樣輕薄，唔會抽乾嘴唇水份，唔顯唇紋，疫情之下戴住口罩，查咗佢都唔會覺得笠、而係形成咗一層薄膜喺嘴上面。好light，好舒服。 佢顯色度、飽和度都好高，輕輕一層，已經令到成個嘴好立體，影相會好精神。我用嘅顏色係14號，上嘴唔會太紅~ 佢持久度算中上，未至於可以全日都唔補妝，但係維持四、五小時都冇問題~ 相片中嘅我搽咗呢支唇膏，會見到飲筒上面都有紅色唇印，但係出乎意料地，唔影響成個唇妝嘅效果，食完飯輕輕印下個嘴已經ok，唔一定要補妝！而且佢嘅好處係落妝會好乾淨同方便，唔會好似其他tint咁食死左個嘴唇。 唯一美中不足嘅就係，呢支唇彩嘅掃我略嫌太大，未必可以準確勾畫嘴唇嘅輪廓，如果大家係屋企化妝，有多啲工具，可以配合棉花棒，紙巾等等，如果出街補妝，輕輕由嘴唇中間上色，再自然合上嘴唇抿開，就會natural d! 私心推介，希望大家都搵到啱自己嘅色號！ 

瑪拉好用推薦：持久唔掉～就算飲水食嘢整到都只會掉少少，我呢個係11號色，本人黃二白，暖皮膚搽上嘴係好靚嘅玫瑰色～

Emily Leung好用推薦：Innisfree纖細睫毛膏用後感｜真・根根分明！手殘黨都用到嘅神器！ 哈囉！各位姊妹～ 今日同大家開心Share我最近嘅新寵——Innisfree纖細睫毛膏！用咗一排，真係要同大家講，如果妳怕蒼蠅腳，呢支真係救星！即刻同大家詳細講解下！ 睇下支嘢幾簡約！黑色包裝好簡約，細細支好方便帶出街補妝。 點解會揀呢支？ 本身我嘅睫毛條件一般，又短又直，最慘係每次用睫毛膏都好易「一舊舊」，變咗蒼蠅腳，睇落好邋遢！見好多韓國美妝博主都大推呢支，話個刷頭係精髓，所以就入手試下啦！ 關鍵嚟啦！個刷頭真係幼到好似支針咁！同普通個啲大蘑菇刷頭完全唔同，可以精準刷到每一根睫毛。 妝效如何？自然派最愛！ 我通常會薄薄哋搽兩層，效果真係好自然！唔會好似戴咗假睫毛咁誇張，而係好似本身啲睫毛就咁長咁翹，出嚟係「偽素顏」心機妝感！真係做到根根分明，零結塊！ 持久度同防暈度點樣？ 我朝早化妝，到落班返到屋企，足足十個鐘，睫毛都依然Keep住翹！我眼肚算係幾易出油，但用呢支完全冇暈開，冇熊貓眼，呢點真係要比個Like！ 有冇咩要留意？ 如果妳係追求超濃密爆炸效果，咁呢支就可能要疊擦多幾層，或者用支濃密款

zetalhc好用推薦：性價比超高嘅睫毛液，纖細嘅擦牌可以令睫毛根根分明，又唔會起一粒粒嘅膠，非常好用。唯一就係比較難卸妝，就咁用卸妝洗面奶卸得唔乾淨，一定要用卸妝油。 

Tszki好用推薦：配色邏輯簡單,通常包含霧面打底色與細緻珠光色，讓新手也能輕鬆完成有層次感的眼妝。 粉質服貼, 部分系列含有吸油粉末，能增加妝容持久度，且閃粉細緻、不顯廉價。 性價比極高,價格親民，一盤多色（通常為 9 或 10 色），單色攤算下來非常划算。 攜帶方便,體積小巧且外殼堅固，是旅行或隨身補妝的好選擇。 顯色度中等, 對於追求重口味或歐美妝感的用家來說可能過於清淡。 輕微飛粉,部分亮片色或顆粒較大的閃粉會有飛粉現象，建議用手指上妝會更貼合。 內附刷具一般,附贈的眼影棒或刷頭不太好用，建議自備專業刷具。

Sakura醬好用推薦：眼影｜秋天落葉妝🍂 🍂Etude House嘅MAPLE ROAD楓葉之路 9色棕紅色系眼影盤 5個啞色➕4個珠光 喺陽光底下靚到不得了！ 配色勁百搭 對新手都勁友善 點樣配都唔會出事😄 啞色粉質好軟糯 細閃亦都做得幾靚 唔結塊唔飛粉～◉‿◉ 十分推薦

TsuenMa好用推薦：Innisfree 我的專屬彩妝眼影盤 除咗入手咗閃鑽系列嘅眼影，仲入手左眼面系列嘅粉紅系列，本身佢連個盤係跟咗一支眼影掃，但用用下都唔知去咗邊嚕🙈不過其實係可以再另外買返嘅，係我自己冇再去買，因為佢係好細支，裝起上嚟唔算太好用，有時直接用手指上就算，後來都額外買咗另外嘅眼影掃去上妝，就冇再糾結呢知唔見咗嘅眼影刷。  以前真係好鍾意用呢盒眼影盤，你會見到係鐵盤左兩隻顏色，但最後因為覺得佢顏色太實淨，唔夠柔和，所以入手左其他嘅眼影，去代替呢一盤。 啞色嘅眼影，主要可以作為日常嘅妝容，返工嘅話唔會太浮誇，又可以令到雙眼更加有神，所以其實眼妝真係好重要🙂‍↕️ 如果啞色嘅話就都唔怕可以上多少少，失敗率比較低，但係都要留意如果隻色係深色嘅話，最好都係要少量多次咁去上妝喇。 呢盒眼影基本上用普通嘅卸妝水就可以充分落妝啦，唔需要用到去眼妝專用嘅卸妝油。💟 不過依家市面上有好多其他嘅選擇，我覺得好用程度會比較高，可以行先考慮其他嘅產品再考慮佢，又或者如果你睇中佢可以彈性咁揀自己想要嘅顏色，咁都未防係一個好選擇💞

Circlecyy20好用推薦：都真係啞色調 唔會有閃粉 所以我用黎都係做打底色 不過持妝力就差咁dd

chasiutung好用推薦：Etudehouse依款單色眼影有好多顏色選擇 顯色度吾錯 容易推開 吾算太飛粉 質地柔滑 好推開 持久度不錯

KDing好用推薦：飛粉嘅情況唔算高，但係勝在顏色多，而且平價已入手，所以簡單使用喺日常妝容都好好

Sarah好用推薦：鑽光閃片好靚，好顯色，配合其他眼影做疊加效果好好，可點眼頭/眼下作提亮。

Circlecyy20好用推薦：偏向珠光重d 而底色唔算好顯色 所以比較多用做眼影最後提亮既一步

mandy好用推薦：fwee Blurry Pudding Pot 唇頰兩用布丁膏 #ND03 WITHOUT #PK00 BUNNY 一套兩件、半價折實$138 from fwee HK 最近fwee做緊優惠，皇牌產品唇頰兩用布丁膏一套兩件、半價折實只需$138，而#PK00 BUNNY更是限定色號。此外，即場follow IG，再送隔離霜sample。購物另送匙扣造型Jelly pot 閃令果凍唇頰霜。 fwee Blurry Pudding Pot 布丁糕的色調選擇非常豐富，令人選擇困難，當然由於價位不太高，也可一次入手2至3色，依然不傷荷包。 布丁糕是唇頰兩用的化妝品，質地柔滑QQ的十分易推，每次使用時只需輕點在面頰及唇上，每次上少少份量輕輕均勻推開，直至顯色足夠為止。 布丁糕輕點時顯色不算很強烈，這樣可以防止妝容過於重手及誇張。 fwee Blurry Pudding Pot #ND03 WITHOUT 個人建議大家使用色號#ND03 WITHOUT 作為胭脂，但不太適合作為唇色使用，因為裸調的色系在唇部用會顯得唇色太淡不好看，頂多用作唇部打底使用，之後再補上較鮮明的唇色。

Tszki好用推薦：質地介於膏狀與粉狀之間，手指即可輕易暈染，適合作為唇彩與腮紅。帶有一點紫調的草莓牛奶粉色。它非常適合冷色調肌膚 ，上臉後會顯得很清純、有透明感。 它是這系列中最推薦當腮紅的色號之一，輕拍在臉頰上能呈現自然的少女紅暈。 當唇膏用滋潤度·比較差由於質地偏乾且幾乎不含油分，乾唇星人務必先做好唇部保濕，否則容易出現死皮。對於唇色較淺的人，它是完美的「偽素顏」色。 設計不便， 玻璃瓶口較窄，長指甲者難以取色，建議搭配專門的 矽膠唇刷！持妝力比較差吃飯喝水後需補塗，作為腮紅建議疊加定妝噴霧。 

傻傻小貓好用推薦：都幾顯色，不過有少少飛粉，淺色啲嘅閃粉可以用來畫臥蠶，幾實用

Noel好用推薦：只能說，韓國的美妝市場競爭非常激烈，看看 Missha 的方形眼影就知道。相片排列由新至舊，能夠看出 ？Missha 不遺餘力地改善產品💗👍 💜 紫盒：Glitter Prism [Metal] #04 非常緊貼潮流的花岡岩造型眼影，燈棕色底色，配上滿滿的綠色及銀色閃粉，非常搶眼。

Noel好用推薦：Etude House 有心之作，雖然已經絕版了，但相信還有其他平台可以購買。而且 Hershey's 聯乘系列，就只有兩個色號，如果有喜歡的顏色就入手吧~ Hershey's Powder Rouge Tint #RR402 #아몬드초코 #AlmondChoco 我連同 Cookie and Cream Palette 一起入手，本來只因為化妝品和朱古力品牌🍫合作才會購買。用後感覺這枝唇釉顏色很合我心意，質感有點像 mousse 非常 creamy，塗到唇上很順滑👍加上雲呢拿朱古力香味，實在大加分呢❣ 需要留意，因為是霧面唇釉的關係，雖然塗完後會變很啞緻，但仍然會沾囗罩的。建議薄塗唇釉，待乾後用紙巾輕壓一下啊❗

Kura好用推薦：顏色好靚，搽上嘴唔算好乾，搽上嘴可以打造到好有氣場嘅妝容感覺，但係價錢偏貴

Desse好用推薦：Play Color Eyes 4色眼影盤 Kisses 🛑先講！化妝新手雷區🛑 原因： 極 顯 色！ Play Color Eyes 4色眼影盤 Kisses是韓國品牌 Etude House嘅一款 #眼影 盤 包裝好似一粒kisses嘅朱古力🍫 連眼影都有朱古力味嫁💓 💡顏色方面 我手上嘅金色Kisses 眼影盤有4種唔同感覺嘅橙金色🧅 可以輕鬆混搭出日常同派對妝容 如果懶少少. 我有時淨上右邊隻橙啡色就算🤣 有漸層得嚟又有少少閃粉.. 隻色都幾消腫 💡質地方面 眼影的質地比較幼細…非常顯色💓 珠光或閃粉就比較大粒.. 但整體嚟講比較易飛粉 🔔小小tips🔔 係上眼影前.. 先喺下眼皮先上一層碎粉 就算飛粉.. 都可以輕鬆印走 值得留意嘅係…. 🏮閃粉狀態唔持久 帶有閃粉嘅顏顆粒比較大.. 都幾容易掉粉.. 最好配搭吓閃粉液用 🏮包裝盒比較大 包裝盒雖然好靚… 但size比較大 一般嘅化妝袋裝唔落😥 帶出街用比較唔方便 🧏🏻‍♀️🧏🏻‍♀️🧏🏻‍♀️總結吓 Play Color Eyes 4色眼影盤 Kisses係一款適合日常妝容嘅眼影盤 特別適合鐘意化妝用同一色調

WinWin好用推薦：一年四季都啱用嘅百搭眼影，大地色系用於平日嘅妝容，非常好看！！！