開架卸妝 推薦好用產品

chasiutung好用推薦：BIODERMA紅水 已經用左十幾年 平時我比較鍾意用卸妝油卸妝 但冬天懶得落床去卸妝就必定用佢 水狀質地 一d都吾油吾黏笠 好清爽 好濃嘅妝都卸到 眼妝都卸得好乾淨 入左眼都吾會刺眼 但卸妝後皮膚會有點乾 我係混油敏感性皮膚 用過控油版綠色嗰支 覺得卸妝後真係太乾 感覺卸妝力都是一樣的 建議吾係極油嘅皮膚都係用紅色依款比較好 敏感皮膚都適用 我平時喜歡用依種樽 方便用化妝棉卸妝 難卸嘅眼線筆眼線液睫毛膏都能輕鬆卸乾淨

Sandywwy好用推薦：呢款缷妝水我用左2年左右，佢水狀質地唔會塞住毛孔致痘，又好易缷除濃妝，好啱油肌或敏感肌用。佢既樽蓋設計好方便，一倒係化妝棉上時唔會倒溢。我會回購。

tcying30好用推薦：搽mascara卸妝必備！以前卸眼睫毛要用棉花棒沾卸妝水，需要用好多時間慢慢卸。而家用左呢支一搽上眼，再用沾滿眼唇卸妝液既棉花一敷上眼，等幾秒，mascara同眼影眼線一齊卸完！😆當然有少少眼影眼線未卸乾淨需要再來回抹幾下，但係唔洗逐條眼睫毛抹慳咗好多時間🥹🥹大推 加上用左半年有多都未用完一支！幾乎日日都用！好抵👍🏻👍🏻👍🏻

Venus好用推薦：呢款眼睫毛卸妝 當時發現啲眼睫毛液用普通的卸妝水很難卸掉，仲會搞到眼皮有一點黑色妝不乾淨。 點知！去美妝舖發現咗呢款寶藏！🤩搽嘅時候都係好似平時搽睫毛液咁樣搽上眼睫毛，大概等幾秒再用卸妝水抹去，卸得超級之乾淨❣️大愛！已經回購咗三四支💗卸妝必備 

auntiemuscle好用推薦：呢個產品見到好耐一直冇買黎用 原來係好好用 我平時化全妝 mascara會用專卸mascara搽左睫毛先 直接用呢個乾手乾面捽落面 捽埋面都可以 我覺得唔嗱眼唔刺激 打圈按 可以做埋按摩咁按 睇到啲底妝溶晒出黎 再加手乳化打圈捽過水 乳化會會收乳白色 得左 再用自己平時洗面膏 一啲都唔乾！ 同埋係卸得乾淨 依家變左我秋冬 同皮膚乾既日子專用黎落妝

Fng好用推薦：用了很多年，有試用其他卸妝產品，最後都會回購這款 ，因為卸得清爽乾淨，又不會致敏，生暗粒， 最重要係乳化得快，容易清洗，唔會生粒粒。無論冬天夏天用都適合 ，容量大，價格大眾化，cp值極高。 zero卸妝膏質地具延展性及保濕力，同時溫和卸除防水妝品(如 眼線lip tint)， 用法簡單👉，記得抹乾雙手取卸妝膏，取適量卸妝膏後，塗抹在全臉，然後沾濕雙手輕力打圈按摩大約10~20秒， 待卸妝膏乳化徹底卸除彩妝，最後用清水清洗，另外，⚠️我會用潔面乳二次清潔，確保冇殘留物阻塞毛孔， 呢樣嘢我絕對唔會懶。⚠️😊

lvcycci好用推薦：平時落妝都喜歡用一些質感清爽保濕既落妝液，呢款Softymo落妝油好好用，質感唔會厚重，塗上面好舒服，之後加水浮化就搞掂，防水化妝品都可以落到，特別喜歡沖涼時皮膚濕既狀態下都可以落妝 使用後肌膚唔會繃緊，抹落去好柔軟，亦唔會好似某啲品牌落妝油洗完對眼都好似仲有層野咁 已經用左起過10枝了

Mei_pk好用推薦：最近用到一瓶超好用的卸妝油，覺得一定要跟大家推薦一下！它的質地很清爽，不會有黏膩的感覺。按摩在臉上很舒服，而且乳化速度也很快。即使是防水的眼妝，也能輕鬆卸除乾淨。用完之後皮膚感覺很保濕，不會緊繃繃的。

KDing好用推薦：Minon 卸妝膏質地好輕盈，吱出黎再搽上面好易推開，氣味唔係帶強香精既味道，效果對化開淡妝既人黎講已經好夠，基本上四季用都會好舒服。 佢既清潔力對於日常妝容已經好夠用（eg 畫眉/防曬/遮瑕/胸脂/唇膏），洗完面之後都無妝殘留係面上。如果本身有上濃少少既眼易同底妝，建議係先用強力少少既卸妝產品，再用Minon卸妝膏做二次清潔就好，因為皮膚會無咁乾同溫和D，洗完面既水份都唔會完全帶走曬。 質地：偏水潤易推 香味：淡 清潔力：3.5/5 滋潤度：4/5 回購度：4/5

Enchante好用推薦：感謝cosme✨今次有機會試用Minon嘅輕柔卸妝潔面乳💕佢質地係柔滑嘅cream狀，好鐘意佢無添加酒精，香料同paraben防腐劑，連敏感皮膚嘅我都可以安心使用 👍雖然卸妝乳一般主要係用黎卸底妝，不過我都畫左一條眉筆，兩條眼線液，試下佢嘅卸妝效果✨卸妝乳一搽上去，眉筆同咖啡色眼線已經開始融開用手按摩幾下，上面2條已經差唔多唔見左，黑色眼線液開始淡色過埋水，效果仲明顯～ 相信卸底妝嘅話，卸妝效果應該都會好好❤️ 洗完面後皮膚都keep住水潤，而且唔使用化妝棉卸妝，唔會拉扯到皮膚，溫和得黎又有唔錯嘅卸妝力✨

Tansy 好用推薦：乾手乾面用，兩大泵足以卸除全面彩妝，卸得非常乾淨，用後皮膚唔乾，小資女必備!

Kura好用推薦：呢款卸妝油係我中學時期嘅最愛，係又平又好用嘅代表卸妝油，濃妝淡妝一take過無問題，值得回購一萬次

葉子🍃好用推薦：呢款保濕卸妝紙，尺寸比紙巾細一些，質地好柔韌，唔易穿窿，旅行同外遊都鐘意用佢，好簡單方便攜帶，只需印一印再抹就可以，用完面部唔會刺痛乾澀，好輕柔抹走妝容，仲會見到塵埃，我鐘意佢個膠蓋設計得好結實，唔會開左之後，未用到最後就乾晒，用完之後洗一洗臉，就好乾淨，之前仲出左卡通包裝，我已經買左其他款試，慢慢再分享

FishYu好用推薦：成日都好擔心殘留左d化妝品會搞到塊面敏感，所以每次卸妝都會大力捽😂 呢款卸妝紙質地堅韌得黎柔軟，卸妝效果好，清潔後亦覺得滋潤。細細包帶出街 / 去旅行都方便，一抆就可以用。包裝幾夠密封，開左個幾月都冇覺得卸妝紙變乾。

Circlecyy20好用推薦：Attenir 呢款卸妝油帶有柑橘嘅香氣，用起嚟嘅時候就好似將精油按摩喺面上，使用感相當之舒服。 至於卸妝力方面，佢可以輕易地將面上嘅彩妝卸下，喺面上打圈按摩時候，有一啲嘅黑頭都被按咗出嚟，清潔力都不錯。清洗之後皮膚不會緊繃，反而佢有小小嘅滋潤又不笠。

Julianna好用推薦：之前睇咗美妝youtuber推薦 去咗莎莎買嚟用👀認真不錯😌 呢款係我用過咁多隻卸妝產品以嚟第一支可以卸妝特別快,連眼裝都只要洗多一次就好 用量唔需要好多,已經卸得好乾淨。即使稍為點到眼睛都唔會特別刺痛。加埋香味幾好聞 喺卸妝產品入面幾推薦

Nikincy好用推薦：比預期中更好用 雖然睇落有層油 但用上面又唔會覺得好油粒粒 比想像中更清爽少少 清潔力亦都出乎意料地好 眼妝唇妝都可以輕易地卸乾淨 價錢平民 性價比好高 推薦比大家🌟🌟🌟 會回購👍🏻👍🏻👍🏻👍🏻

Kpl6be6好用推薦：價錢平～CP值高～倒多啲都唔肉赤～通常用嚟卸除眼影～感覺溫和又卸得乾淨～

TY好用推薦：溫和，清潔力唔錯。圖係 kate 怪獸唇膏同 dejav 眼線筆，捽幾下已經卸到八九成，乳化埋就完全乾淨晒，卸妝效果好好，平時全面捽都唔會澀眼，清洗後唔會覺得乾，價錢仲唔貴。

Karman28好用推薦：呢支真係回購左好多好多次，覺得卸妝卸得非常乾淨，仲要有時捽捽下，可以捽埋閉塞毛孔入面既走米出黎。 佢要用水乳化，覺得用完係面完全無殘留，非常清爽。 屋企一定會有一支係度做後備，驚其他牌子既卸妝油唔岩自己用。 而且價錢十分實惠，十分推薦！！

Julianna好用推薦：認真佢係我用過嘅眼唇液入面唔算特別好 每次都要用足幾次先卸乾淨 仲不如直接用卸妝油 但就係一支幾普通嘅眼唇卸妝 新手可以入嘅 唯一優點就係比較平

Kura好用推薦：呢款眼唇卸妝液真係一流，因為我用防水眼線筆，同埋唇釉都好難卸，但用呢款卸妝液就完全無難度，用完清潔得好乾淨，同埋價錢非常平，值得繼續回購

Poyobb好用推薦：好多年前啱啱興起Curel 卸妝啫喱買過，但嗰陣時覺得卸得唔夠乾淨。 今個冬天成日甩皮又爆暗粒，試吓換一啲敏感肌都用得嘅護膚品睇吓會唔會好啲。 開架卸妝產品，啫喱容易推開，不用加水已經可以乳化粉底液，卸日常淡妝都已經好足夠。如果要卸埋眼妝，就要加眼唇卸妝油😉用到尾個樽有啲難唧啲啫喱出嚟。 超級溫和，就算唔再用洗面膏都卸得乾淨。鼻下嘴角卸完都唔會起皮，最緊要用完皮膚唔繃緊。 成份簡單，敏感皮膚都用得。我就嚟用完一支，用佢卸妝之後冇乜生暗粒，已回購定一支喇😛

KDing好用推薦：呢支卸妝啫喱係我日常好鍾意用嘅一個卸妝產品，佢啫喱狀好容易喺面上推開，而且冇咩香精嘅味道，一般嚟講都唔會造成皮膚負擔。 不過有一點要注意，佢比較適合卸一啲簡單嘅妝，普通搽防曬少量嘅遮瑕同埋畫眉唇膏都可以寫得到，但係如果話裝緊比較重嘅時候就未必寫得好好，但可以作為二次清潔嘅步驟使用。 同埋有一點就係去食完之後都唔會覺得好乾，基本上我覺得一年四季都適合使用。 滋潤度：4/5 卸妝力：3/5

bibubibu好用推薦：只要我有化妝嘅日子都一定會用睫毛膏，令到睫毛更加濃密更加纖長，但係持久嘅睫毛膏好多時有一個問題，就係佢會比較難卸除 即使係聲稱溫水可卸嘅睫毛膏，有時用卸妝油都係落唔乾淨 我非常推介呢一個落睫毛膏專用嘅產品 已經回購過唔知幾多支 喺日常落妝程序之前只要將呢個精華搽喺用咗睫毛膏嘅位置 然後照正常落妝咁樣去清洗面上其他彩妝 呢個精華好快就會溶咗睫毛膏，無論係幾持久嘅睫毛膏，佢都可以好輕易咁樣溶解 用帶有卸妝水嘅卸妝棉輕輕一抹，又或者係有卸妝油嘅手輕輕抹一下 所有睫毛膏都可以輕易帶走 佢仲會溶埋眼周嘅眼妝 用佢再配上卸妝水，連眼唇卸妝液都唔需要特登買 而且佢冇難聞嘅氣味 梳頭嘅設計可以令每一條眼睫毛都沾上精華 價錢好相宜 一支可以用好耐 非常推介大家使用

mandy好用推薦：Kose  Curl Keep Magic  Essence Remover  魔法睫毛液卸除精華 $55/ 5.5ml 在此感謝@cosme舉辦的會員活動, 這是@cosme贈送的禮品, 讓我可以嘗試多些不同類型的美妝護膚產品。 這是Kose旗下開架睫毛液品牌Curl Keep Magic  推出專門卸除睫毛液的產品。 魔法睫毛液卸除精華是非常好用方便的產品。 只需用魔法睫毛液卸除精華的刷頭梳開有睫毛液的睫毛, 由根部開始至另一端都要梳到, 反覆此步2-3次。 之後,靜待1分鐘, 就可輕易以化妝棉輕輕抹掉睫毛液。 效果快速又徹底, 比眼部卸妝液更快速方便。 我是以不算易卸的LANCOME GRANDIÔSE SMUDGEPROOF MASCARA 來做測試, 所以其他的睫毛液相信也可以輕易卸除。 價位真是好親民, 人人都負擔到, 絕對不傷荷包。 成分方面加入了一些對肌膚好的優質護膚成分, 可以卸除睫毛液之餘, 還可以滋養眼睫毛呢~ 考慮到如此實惠的價位, 竟然如此高質好用,  即刻覺得性價比高, 十分抵買。  含保濕成分: 礦物油, 摩洛

維他他好用推薦：超級好用的卸妝油，可能我本身只係用防曬就出街，冇眼妝，粉底嗰啲，所以覺得足夠乾淨，而且佢$128 ，就有400 mL，超級大支，可以用好耐，所以性價比好高。 卸妝油嘅用法係乾手乾面，然後泵三至五下喺手心度，然後搽喺面度打圈，按摩，我覺得好乾淨好舒服，淨係卸防曬的話已經足夠，已經多次回購

貓餅好用推薦：個人認為非常好用的卸妝油，用來卸防曬十分足夠，而且乾淨，用油卸的好處，是皮膚絕對不會感到繃緊，一 支好像$95左右，便宜又大支，擠多一點也不怕

Karman28好用推薦：因來見呢個牌子既洗面幾好用，所以都試下佢支卸妝油，清潔力非常好，而且又唔貴。

Kpl6be6好用推薦：性價比高～通常用嚟卸日常防曬/淡妝都足夠～面上打圈加水都易乳化～用後感算舒爽～

Fish Tse好用推薦：如果卸唔清化妝品有殘餘係眼到會對眼睛做成傷害，所以揀選眼唇卸妝油既時候必須要好小心 我試過用眼線筆畫係隻手到，然後用普通既油性卸妝油再乳化係卸唔甩，之後再用哩枝Maybelline既眼唇卸妝油倒係棉花到一抺就卸得好乾淨 卸妝油係分開兩層一層油呈現藍色一層水呈透明色，如果要使用之前一定要搖勻佢，之後倒係棉花到敷五秒左右再抺基本上已經卸左大概九成左右，最好就再重複一次以上動作卸兩次就唔怕唔乾淨 溫和配合適合任何肌膚任何狀溶，即使係防水睫毛膏或者假眼睫毛都可以卸得好乾淨，性價比好高 哩個絕對係卸妝既必需品

Rosa好用推薦：這款眼唇卸妝油一直係我最喜歡使用嘅產品 我會配合卸妝棉同時使用，一般防水化妝品非常容易卸掉，基本上重複使用同一個位置一至兩次已經非常乾淨，我妹妹是敏感肌膚使用後都不會過敏 而且性價比非常高 非常耐用 有時我不停回購的產品

killkew.b好用推薦：貪平買黎試下😅 對於平日淡妝黎講卸妝力尚算ok, 但用量要夠多(3-4泵)先可以做到乳化效果👍 落眼妝就唔算乾淨 但用完塊臉唔覺得油膩

mandy好用推薦：Senka Perfect Watery Oil 水感保濕卸粧油 這瓶專科 的 卸粧油 是舊版，新版為 All Clear Oil。 質地跟一般卸妝油接近，有點油膩感。 帶點水蜜桃的香味, 能徹底卸除彩妝。 加水乳化再沖洗後，肌膚清爽潔淨不乾燥。 價位便宜，性價比高。 含保濕成分: 礦物油 及 甘油 抗衰老成分: 甘油 及 維他命E 肌膚修復成分: 甘油 抗氧化成分: 二丁基羥基甲苯  及 維他命E 鎮靜消炎成分:  維他命E 美白/均勻膚色成分:  維他命E      

mandy好用推薦：Maybelline  SUPERSTAY ERASER 唇妝卸妝棒 $79 唇妝卸妝棒質地滋潤如潤唇膏, 而且不會覺得笠。 有沒有用過唇粙或某些唇膏賣點是持久不脫色, 但卻很難卸除? 唇妝卸妝棒就正正可以解決此問題! 我用了比較花時間才卸到的Givenchy Le Rouge Liquide做測試。 結果只需用Maybelline 唇妝卸妝棒 在唇部打圈,  再用化妝棉抹掉唇膏便可。 1次過已可卸掉唇妝, 方便、快速又徹底, 亦比平時卸唇妝節省不少時間。 價位不貴，絕對不傷荷包，買入也沒有負擔。 推介給在煩惱怎樣卸唇粙最快最方便的人。 含保濕成分: 蜂蠟, 凡士林, 乳木果, 荷荷芭酯, 綠荊樹花蠟 及 聚甘油-3 鎮靜消炎成分: 凡士林 及 乳木果 油性滋潤成分: 凡士林 及 乳木果 抗衰老成分: 乳木果 抗氧化成分: 乳木果

格仔餅公主好用推薦：而家啲唇膏越嚟越容易染唇，佢方便之處係用佢好多時出街可能你日頭用淺色啲，夜晚就想搽深色啲lipstick ,甘想轉色個個時間用佢卸左再上新色就Perfect

lhyying1128好用推薦：本人係痘敏肌(´Д` )對卸妝產品既要求會好高，呢款溫泉舒緩卸妝潔膚水係無香料無酒精嘅，而且係敏感皮膚專用品牌，用起黎好安心(o^^o)

iliya 好用推薦：呢款卸妝水性質溫和，特別適合敏感肌，而且雖然係水劑，但係卸妝力高，眼線眼影等都能輕易徹底卸乾淨，搬起粉刺或暗瘡等等， 十分好用！

jaye好用推薦：avene既產品一向溫和，呢款cleanser都一樣，係好敏感泛紅個陣買黎用左，無咩香味，質地奶狀，無泡，用個陣係無再格外刺激臉，不過並唔覺有舒緩到，而且總係覺得潔淨力唔夠，就甘防曬都好似洗唔乾淨甘，個人覺得麻麻。

Circlecyy20好用推薦：不易起泡的洗面奶洗面，後面上嘅肌膚不乾，但是清潔度會有保留，不會回購