強韌髮絲 推薦好用產品

南西瓜好用推薦：ෆ 使用中 ෆ 觀望好久終於入手了！！！一直以來對 Hair recipe 的印象很好，也很喜歡產品包裝設計！ 這次使用起來覺得非常非常滿意，護髮的體感是真的很溫柔！帶有木質調的香氣感覺不是每個人都喜歡（畢竟市面上多數洗護髮產品都是甜甜花香、果香，或是經典的沐浴洗髮用品味道），但我個人是超級喜歡這個木質調！！！ 一定會回購的程度🥺

ying好用推薦：✨ KÉRASTASE 逆時光至臻香氛修護精華 經常染髮・乾性髮質・髮量少幼細 真實用後感 💬 用完真心話 我成日染髮，乾性髮質，髮量少又幼細。 搵護髮精華其實好難。 ✅ 好嘅位： ✨ 好香 木調味，好舒服 唔會太甜太假 係高級嗰種香味 **無人會抗拒** ✨ 輕盈，唔會太重 對我呢啲髮量少幼細嘅人嚟講 呢點好重要 好多護髮油用咗會塌、會笠 呢支唔會 ✨ 好夠做 佢唔係極潤嗰種 但又未到好潤 但對我嚟講已經好夠 ✨ 用完頭髮柔順咗 毛躁改善咗 打結都少咗 ✨ 吸收快 唔會成手油淋淋 ⚠️ 要注意嘅位： ❌ 唔可以用太多 我髮量少，真係一泵就夠 用多咗會太重 呢點要記住 ❌ 極度乾燥髮質可能唔夠潤 如果你係極乾嗰種 可能要再加其他產品 💡 總結： 呢支精華定位好準 唔係俾極乾髮質用 係俾「一般乾燥、受損、想要輕盈修護」嘅人用 我好啱用 🌟 我嘅總結 KÉRASTASE 逆時光至臻香氛修護精華 好香 ✔️（木調味，無人會抗拒） 輕盈 ✔️（幼細髮質都用得） 夠做 ✔️（唔係極潤但好夠） 吸收快 ✔️（唔油淋淋） 唔可以用太多 ❌ 一泵就夠，用多會塌 極乾髮

Kitty 好用推薦：支精華油質地好輕身，唔會黐立立，搽上頭髮之後好快吸收，完全唔會油淋淋！香味係高級spa嗰種香味，淡淡哋，朝早用完成日都聞到陣味，成個人心情都好啲～ 💁 用法同效果： 我通常係頭髮吹到七成乾嘅時候，按1-2泵（我頭髮到胸襟位左右），搽响髮尾同中段，避開頭皮。之後再吹乾，啲頭髮即刻順滑咗好多，光澤感出返嚟，摸落去軟綿綿，好似做咗treatment咁！ 最明顯係之前打結梳極都唔開，而家一梳就過，仲減咗毛躁感，睇落健康咗好多。如果趕時間唔得閒做mask，用呢支油真係急救恩物！ 👍 優點同缺點： 優點當然係效果快、香味正、用量省，一支可以用好耐。缺點嘛⋯⋯價錢有少少貴（但值得！），同埋如果倒得太多，頭髮會睇落有啲塌，所以要控制好分量。 總括來講： 如果你係電染受損髮質，或者成日吹頭造型，呢支精華油真係投資得過！唔會令你失望～ 不過記住，千祈唔好搽上頭皮，同埋唔好用量過多，咁就perfect啦！

貓餅好用推薦：個人認為非常好用的髮膜粒粒（我當護髮素咁用），通常會帶去旅行用，因為細細粒真在太方便喇。 首先，呢粒髮膜好香，佢有3色，黃色，粉色同藍色，大家不同功效，個人最like黃色，因為最香。 第二，帶去旅行當護髮素係超好用，細細粒，獨立包裝，方便攜帶。好多時酒店的護髮素都不太好用，甚至沒有提供，呢個髮膜粒就幫到手了。 第三，佢髮膜入面個量好多，幾乎係佈滿成粒，所以一粒可以2-3次，而且每次唔需要用太多嘅量就可以搽哂耳仔對下嘅頭髮，其實幾抵！ 第四，髮膜入面有勝肽精華，係高濃度嘅保濕髮膜，用完髮膜，過水嘅時候，感覺到頭髮變得超級順滑，唔會打結，好易梳順，髮膜營養去哂頭髮到，充分被修護，讚。 第五，一盒唔貴，一盒好似有8-10粒，價錢60蚊左右，有時$99會買一送一，但係佢一粒係可以洗幾次頭，所以好抵，性價比好高。 總結，建議大家都入手試試看！

Emma W好用推薦：PRO-V 爆水珠珠髮膜（密集修護）好行容！膠囊設計一樣方便，方便去旅行時、游完水時使用。 其質地濃郁，吸收快不黏膩。香味持久。用左個髮膜1次後，頭髮瞬間補水爆潤，乾枯毛躁全消，受損髮尾撫平左，唔會冬天穿完衣服後，就好似超級撒亞人咁，頭髮飛起，表現毛燥，分岔減少，柔軟有彈性！ 特別適合染燙重度受損、極乾髮質，隔天還超順滑。比強韌防斷款更注重保濕修護，係我必買囤貨貨品之一。 適合肌膚：任何，特別為染燙重度受損、極乾髮質 成效度：5/5 質地：cream 光澤度：5/5 持香度：5/5 值得推薦度：5/5

AnnaChan好用推薦：護髮部門 高濃度絲蛋白與膠原蛋白：富含水解絲蛋白、角蛋白同膠原蛋白，專門針對乾枯、毛躁、脆弱或者染燙受損嘅髮質，可以深入填補毛鱗片，令頭髮恢復光澤同柔順。 清爽保濕：質地水潤好吸收，喺唔會令頭髮增加厚重感嘅情況下提供深層滋潤 洗完頭之後頭髮變得非常柔軟、容易梳理，對於吹風之後好容易乾燥分叉嘅髮尾有好好嘅滋潤效果。 質地好吸收：質地偏向水潤輕盈，吸收得好快，沖水嘅時候唔會有洗唔乾淨嘅黏膩假滑感。

Yty好用推薦：UNOVE 深層水潤修護髮膜 之前去韓國 Olive Young 旅遊順手入咗呢款熱銷髮膜，用完真係幾好，難怪喺去親韓國啲人都推介必買呢 用後感： 質地好似濃郁嘅奶油咁，抹上髮尾好快就被吸收。修護力超級強，沖水嗰陣即刻摸得到髮絲變到好似絲綢咁滑，最讚嘅係吹乾頭之後完全唔會過度重重黏黏或者令頭頂扁塌，依然保有好自然嘅輕盈柔順感 呢款最吸引我嘅其中一個原因就係佢嘅香味！帶有非常精緻高級嘅花果香調，洗完頭之後成個頭散發住淡淡嘅偽體香，留香時間仲好持久，好似做完沙龍護髮咁療癒 就算因為經常造型或者染熨而變得乾枯毛燥嘅髮尾，用完佢都可以即時補滿水，順滑度即時拉滿，梳頭嗰陣一梳到底完全唔卡手 喺 Olive Young 買價格好親民，大容量用埋完全唔心疼，絕對係去韓國必囤嘅護髮寶藏產品！ #護髮部門

takemyokane好用推薦：這幾年很用心養好頭髮，甚少燙染下已不再是受損髮質，但一些小問題如毛燥之類還是會受到直髮夾的影響，加上我是每天都需要用到直髮夾的人，平價直髮夾長遠對髮質始終有影響，因此轉用功能和效果更好的産品。 一開始先被 Power On 的聲音嚇倒🤣預熱後再響一聲又嚇倒。想不到第一樣研究的是如何消音⋯（結論是不能的）預熱是自動感應，只需幾秒就完成。沒有溫度選擇，熱度比想像中高，夾頭髮會冒煙，但神奇在似乎又不傷頭髮。喜歡附送的隔熱套，特別是旅行收拾行李的話，不用等到放涼才能收起。 夾一次就會明白它價錢昂貴的原因。夾完頭髮比未夾之前更閃亮順滑！之前用的直髮夾，同一位置要夾幾次才做到理想效果，現在只夾一次就完成，省去時間而且持久一整天。套裝附送的闊版梳，粒子按摩頭皮很舒服不刺痛。我的頭髮每逢冬天和潮濕春天都會有些頑固毛毛反地心吸力，想不到一梳就平滑下來，太神奇了。 考慮到對髮質的影響，造型省下來的時間，我不再覺得它昂貴了，因為真的值得。

Fng好用推薦：夾直和夾曲都得心應手， 夾出來嘅頭髮順滑同埋有光澤，夾攣咗嘅頭髮喺潮濕天氣就易變返直，如果乾燥嘅秋天冬天就keep到一整日。

oy 好用推薦：講完藍色就要講埋橙色呢款受損修護型，如果你係成日染燙或者漂完頭搞到把頭髮爛晒嘅話，呢隻就啱哂🤣 佢嘅質地明顯比藍色嗰款更加濃稠，擠出嚟好似杰身嘅cream咁，同樣有嗰啲黃色爆珠精華，搓開之後搽上頭會覺得每一條頭髮都俾啲精華好厚實咁包住，滋潤度好高 我自己試過染完頭之後用，本身洗頭嗰陣仲係鞋熠熠好乾旱咁，用完佢即刻順滑翻，手指一梳都完全冇打結。 雖然佢係比較潤身，但又唔會話搞到個頭好油膩，沖水之後你會feel到髮質變軟熟咗好多。吹乾頭之後啲髮尾分叉雖然唔會話即刻消失，但明顯撫平咗好多，成個頭睇落好有光澤好貼服，唔會再係爆炸頭咁樣亂飛。 呢款就特別推介俾嚴重受損髮質、或者本身髮質比較粗硬乾燥嘅人，尤其係啱啱漂染完急需深層修護嗰陣，用佢黎做treatment個效果真係拍得住做焗油，keep住用你會覺得髮質真係有一點點慢慢養返好嘅感覺，不過就味道嚟講個人就唔太鍾意 水潤度：⭐️⭐️⭐️⭐️⭐️ 清爽感：⭐️⭐️ 味道：⭐️⭐️ 價錢：⭐️⭐️⭐️⭐️ 推薦度：⭐️⭐️⭐️⭐️爛髮急救

Elaine好用推薦：三款之中係最香，用完好潤但又唔會太笠 頭髮仲有光澤好多，會keep住買！

葉子🍃好用推薦：清新香味，白色乳膠狀，洗完頭可以搽係頭皮同頭髮上，質地比較厚身，按完2-3分鐘差不多吸收曬，無殘留係表面，沖完水摸到好順滑，頭髮少左打結，無甘易開叉，無用護髮油吹頭都唔乾 #火熱新品

Kmggigi好用推薦：Moist Diane 髮質重構深層導入髮膜好值得入手🤣👏🏻 呢款髮膜係white musk香味， 每次洗完頭都可以令頭髮散發出高級香氣， 持久度都幾高，足以留香一日， 令人心情愉悅🤣 髮膜能夠深入髮芯鎖水， 有效強化受損嘅頭髮纖維， 連分叉嘅髮尾都可以得到修護 用完之後，頭髮即時變得柔順滑溜， 睇落更加健康有光澤！ 不過要注意，沖水嘅時間唔可以太長， 否則護髮成分會被過度沖走， 髮質可能會逐漸回復受損狀態 掌握好沖水時間，就可以保持最佳修護效果！

Cole Cole 好用推薦：之前見到呢款髮膜喺@Cosme有好多好評，但係之前一直都冇減價，而家突然做緊大特價， 呢款係Minion聯名新出，$59，差不多半價，好抵！即刻買來用。 @Cosme嘅用家嘅評價都好中肯，首先香味好正，洗完頭之後都仲有，確實係香水髮膜，洗完頭之後擰乾水，搽上髮膜等一陣再沖，頭髮好柔順，吹完頭之後頭髮都好蓬鬆，感覺好好，應該要買多幾樽放喺屋企慢慢用。😉

雪雪好用推薦：呢支yves rocher防脫育髮精華冇買錯，每次洗完頭都會噴幾下喺髮根同分界線到。 噴完一段時間，覺得頭髮有多到！或者可能甩少左，條分界密左，冇咁明顯，好開心 佢吸收都好快，同埋比較水狀，噴完一定唔會笠，好清爽，會再回購的，不過有少費，平啲就好了

貓餅好用推薦：Yves Rocher 呢支防脫噴霧都幾好用，大大支可以用好耐，我通常洗完頭，就會喺分界線噴幾下，等佢慢慢吸收，用咗一段時間，我覺得頭髮好似冇咁稀疏，多咗啲毛髮咁，甩頭髮方面，份量好似平時一樣，冇特別甩多咗或者甩少咗，總之會keep住用

Kmggigi好用推薦：Kérastase 逆時光至臻修護浴髮乳 — 高級香氣，極致修護💆‍♀️✨ 質地 & 香味: 呢款洗髮乳嘅質地透明、流動性高， 非常容易起泡，泡沫細緻幼滑，洗感輕盈乾淨。 使用時整個浴室都瀰漫住超高級香水味道， 香氣奢華持久， 難怪咁多用家即使價錢偏高都願意回購。 效果: 持續使用後，能感覺到髮質變得更強韌， 髮絲冇咁薄、冇咁易斷。 同時洗完後頭皮唔會覺得乾燥或痕癢， 平衡清潔與滋潤，連細軟髮都適合使用。 質感、香氣同修護效果都一流， 難怪成為重要場合前一晚洗頭嘅「儀式感洗髮乳」。 洗完之後頭髮滑順有光澤，香氣持久又高貴🥳 總結：奢華感滿分，強韌亮澤的高效修護洗髮乳 Kérastase 逆時光至臻修護浴髮乳以高級香氣、輕盈泡沫同卓越修護力獲得極高評價。 雖然價格偏高，但實際效果對得住每一分價錢。 對追求高質感護理嘅人嚟講， 呢支真係值得回購的奢華之選！💛

Sandy好用推薦：youth Revitalizing shampoo 逆時光至臻修護浴髮乳250ml 我試過一支之後就冇用其他品牌洗頭水嘅產品, 原因如下： 居家treatment，淨係用咗佢系列已經頭髮好靚， 都市人時間有限，日頭又要打工，夜晚又要休息同埋要去玩，用最少時間， 按自己嘅時間在 屋企護髮 so easy🙂 如果你哋未買過 ， 強勁推介買一支試下， 我已經50+頭髮開始有毛躁同埋缺乏光澤， 用咗一支之後返去剪頭髮，髮型師話我啲髮質靚咗 仲有angel ring 用過懂的就會明白😄 清新嘅香味，質地泡沫豐富，用好少就可以起泡，一支都幾襟用， 唔好畀佢嘅價錢嚇親你哋，我覺得姊妹們值得擁有， 做一次頭療嘅價錢就可以買到一套基本洗頭水護髮素同埋精華素。why not try 💕 逆轉髮齡，高效賦活成分活性海洋精華，由根源臻活滋養，提升髮絲柔韌度及自我修復力，開啟一段奢華矜貴的美髮旅程。秀髮水潤達+87%*，與受損頭髮比較更顯強韌達2倍^，秀髮瞬間注水，保持亮麗光澤。 唔試下又點知 護髮係咁輕鬆簡單

Fng好用推薦：爆水珠珠膠囊髮膜（深水泡彈） 係人氣好高嘅一次性獨立包裝髮膜。 ✨ 產品核心重點 · 「爆水」保濕鎖水技術：含有 9000+萬粒微米爆水保濕因子，遇到髮絲會「爆開」釋放精華。理念像幫皮膚護膚一樣，先滲透、後鎖水。 · 專櫃級美容成分：注入 3倍玻尿酸（強效補水）同 3倍角鯊烷（修護鎖水）。 · 經典修護配方：加入潘婷經典 Pro-V 維他命原B5 同氨基酸。 · 獨立膠囊包裝：一粒粒好似「子彈」咁，衛生之餘，去旅行帶幾粒超方便。 💬 評價 · 即時保濕、順滑貼服：用完吹頭明顯感覺 順滑咗、冇咁打結。毛躁即刻收晒，頭髮好似 飲飽水 咁。 · 輕盈蓬鬆、水油平衡：藍色款主打輕盈水潤，用完 清爽唔笠 。有乾性肌用家實測指 唔會黐住頭皮，蓬鬆度都好好。 · 修護力與持久度：持續用能改善強韌度，甩少咗頭髮，光澤感KEEP到第二日。 · 使用方便、性價比高：「懶人必備」。中短髮一粒可用2-3次。 📝 使用小貼士 · 適用髮質：藍色款（輕盈水潤）最適合中性及油性頭皮，或想追求蓬鬆水感嘅人。 · 用法好簡單：洗頭後將髮膜均勻搽喺髮中至髮尾（避開頭皮），等 2-5分鐘 後沖洗乾淨。 · 一週用

oy 好用推薦：Pantene Pro-V 爆水珠珠膠囊髮膜（藍色） 最近試咗潘婷呢隻藍色款嘅爆水珠珠膠囊髮膜，真心覺得幾驚喜喎，尤其是對啲驚護髮產品太笠嘅人嚟講真係恩物。首先佢設計成一顆顆獨立包裝真係好貼心，帶去旅行用幾方便，一次用半粒左右，剩低可以留返下次用，唔使帶住大罐嘅髮膜去旅行。 打開會見到入面有好多黃色細細粒嘅精華珠珠，喺手心一搓開就即刻爆開融合，搽上頭嗰陣feel到滲透力好強，啲頭髮好似飲飽水咁即刻軟晒 佢雖然話係高保濕，但質地都好輕身，完全冇嗰種黐笠笠推唔開嘅厚重感，沖水嗰陣亦都好快乾淨，唔會有假滑殘留感。吹乾頭之後個效果最明顯，髮尾原本好乾好躁即刻順滑返晒，摸上手係有水分又有彈性嗰隻，重點係頭頂依然keep到蓬鬆空氣感唔會扁塌，呢點對細軟髮質嚟講真係好難得。 呢隻適合啲頭髮易打結、覺得平時護髮素唔夠力，或者驚護髮產品太油搞到個頭好扁塌嘅人用，如果你想短時間急救吓把頭髮，又想個頭keep住清爽水潤，呢隻唔錯 而且價錢唔算好貴 （尤其特價嗰陣🤣）性價比唔錯 包裝亦轉咗做好似裝雞蛋嗰啲包裝 唔再用之前膠嘅包裝 水潤度：⭐️⭐️⭐️⭐️ 清爽感：⭐️⭐️⭐️⭐️⭐️ 價錢：⭐️⭐

Fng好用推薦：Essential Premium 18修護髮膜用後感｜ 漂染受損髮救星！ ✨ 質地與使用感 呢支粉色髮膜係濃稠乳霜質地，挖出嚟似軟身雪糕，推開時會感受到絲滑包裹感！雖然質地豐潤，但沖水時完全唔會黏膩，頭髮即時變得好順滑，手指可以一梳到底～ 🌟 修護效果實測 針對燙染受損髮真係有驚喜！用完即時感覺到髮尾嘅乾草感消失，取而代之係摸得到嘅柔軟度～連續使用一星期後，頭髮折斷情況明顯減少，尤其係漂過嘅部分冇再點打結，光澤感亦慢慢返嚟！ 💡 使用小貼士 1. 擰乾水分再用：頭髮太濕會稀釋效果 2. 重點塗髮尾：避免頭皮位置免得太潤 3. 配合熱毛巾：敷上後包熱毛巾3分鐘效果加倍 4. 省錢用法：與平價髮膜交替使用 修護力：★★★★★（5/5，真正睇到分別！） 適合：電染漂受損髮、毛躁星人、願意為頭髮投資嘅你～ #Essential髮膜 #MEA髮 #修護髮膜

Lukeee好用推薦：Essential Premium 18-MEA髮之屏障 修護髮膜，花香香氣怡人，滋潤感也不錯，的確可修護髮尾，用完頭髮都幾順滑，清洗時都覺得易洗走，唔會話要好麻煩捽好耐。

Lindabb好用推薦：我用過呢隻Dove小金碗，整體嚟講性價比超高，係日常保養嘅好幫手，但唔好期望同沙龍級深層護理一樣。 質地&香味：似乳酪咁軟滑，好易推開，唔會「漿」住頭髮。香味係好舒服嘅花香，唔會太人工，第二日都聞到淡淡香。 使用感受：搽上頭髮即刻覺得順滑，沖水時明顯變軟，冇假滑感。我係電染受損髮，用完吹頭順好多，打結情況少咗8成。 效果持久度：如果冇用風筒，順滑感大約維持到第二日。但如果有吹頭/用電捲棒，建議隔日就要再用，持久度中等。 性價比：$60-70就有成300ml，一週用2-3次都用到成個月，日日用都唔心痛。 溫馨提示： · 一定要避開頭皮，否則會太滋潤令頭皮出油 · 停留時間跟包裝寫3-5分鐘就夠，唔使敷過夜 總結：適合追求平靚正、懶人日常保養。但如果頭髮嚴重受損（漂到金毛獅王咁），呢盒會唔夠力，要轉用更厚身嘅髮膜。

Paris merci 好用推薦：Dove 勝肽修護髮膜（小金碗），其實係一大罐🤣一開盒就好香。雖然髮膜係濃稠膏狀，但係搽上去好容易，能夠均勻覆蓋到每一根髮絲，就算只搽少少都容易推開。 過水嘅時候已經感覺到頭髮順滑，非常好用，可以深層滋養同修復受損嘅髮質，真係令到頭髮有返光澤同柔順。等我吹頭之後，效果更加明顯，乾嘅髮質都可以keep得順滑，毛躁感減低，髮尾都修復得唔錯。 對於日常護髮嚟講，相比其他高端品牌，呢款髮膜嘅價錢適中，但效果真係唔差，總體合格💕

cynthia_snow好用推薦：對於細軟髮質嘅人嚟講，香港潮濕悶熱嘅夏天簡直係災難，特別係落雨嘅日子，頭髮毛燥到我會形容自己係金毛獅王🦁所以收到Essential Premium 美容魔髮包，都好期待使用效果！ 本身頭髮偏幼，加上每日吹頭、定期染髮，髮質都有一定程度受損，特別係頭頂側邊有好多短嘅鬈髮，夏天潮濕嘅日子更加特別明顯。而髮尾亦長期有打結嘅問題，梳頭個陣都好怕會整甩頭髮。咁啱最近一星期有三日要學游水，無論係泳池水定係一日洗頭吹頭幾次，都令頭髮變得好乾旱😩 Essential Premium美容魔髮包主打添加18-MEA 天然美髮油 ，18-MEA就係頭髮毛鱗片上面脂質膜嘅主要成分，補充18-MEA就可以幫助修復毛麟片嘅狀態，重建頭髮嘅天然屏障，令髮絲之間更疏水、潤滑，無咁容易打結；除此之外，仲添加左7種修護美容液，包括水解膠原蛋白、山茶花油、荷荷巴油、玫瑰果油、透明質酸鈉、蜂王漿萃取、乳酸。 美容魔髮包吱出嚟嘅質地比護髮素更加杰，不過係獨立包裝設計，唔洗擔心用得太多，搞到頭髮太笠要洗兩次，而且亦方便帶去旅行使用，隨時為曝曬、風吹、浸完海水過後受傷嘅頭髮急救。 使用左美容魔髮包之後，可以感受到頭髮變得非

hellolulu好用推薦：非常榮幸入選@Cosme活動，有機會試用Essential Premium 光感水潤洗護系列 + 美容魔髮包。試用至今約七天，分享一下使用感受～ 先說說個人髮質 - 中長直髮，沒有電/染頭髮，髮質比較粗硬乾燥，潮濕天氣下容易毛躁捲曲，因此有每天洗吹和使用電熱直髮梳的習慣。 首次使用洗護系列的洗髮露+護髮素後，已明顯感受到髮絲較平日水潤順滑，特別在剛吹好頭髮後，頭髮顯得更健康亮澤有彈性👍 平日我在吹髮前和使用電熱直髮梳前，需塗髮尾油打底保護，否則髮絲容易乾旱斷裂，而且較暗啞。但在使用Essential Premium光感水潤洗護系列的這七天，沒有額外使用髮尾油的情況下，髮絲仍能維持滋潤感，減少乾旱毛躁，效果非常滿意！ 洗髮露泡沫豐富，洗髮時觸感順滑，能減少拉扯磨擦，斷髮掉髮亦有改善，感覺頭髮更健康強韌，可謂是意外收穫👍至於護髮素質地偏濃潤，乾性髮質約取一節手指份量便已足夠。沖洗時要略多花一點時間，但沖乾淨後不會假滑和有殘留感，能真正深層地滋潤髮絲👍美容魔髮包的質地比護髮素更加濃潤，密集修護效果更出色，用後頭髮順滑柔軟，但不會油淋淋。淡淡留香，而且獨立包裝設計，每次使用一包非常方便👍

LenaC好用推薦：多謝@cosme同埋LUX❤️推出今次【特別會員禮企劃】🫶送咗6枝正貨嘅LUX洗護系列俾我試用☺️☺️ 以下係我既用後感 適合髮質 : 細軟易塌受損髮 質地 : 濃稠乳狀 香味 : 用既時候散發出淡雅芳香的氣息🥰 滑順度 : ♥♥♥♥ (以指尖撫過 就可以充分感受從髮根到髮梢既柔順服貼) 效果: 以前我既頭髮好容易一到下晝就開始油笠笠 塌塌哋 用咗LUX 呢隻角蛋白氨基酸洗髮乳之後 一整天頭皮都超清爽😊😊 用咗佢令啲頭髮恢復既有既彈力同光澤 視覺上睇起嚟更有質感🥰 下圖為行咗半日山後影既 頭髮都仲keep到咁 真係多得呢隻LUX 既 Smoothener 洗護系列 當然仲要多謝@cosme 好介紹 否則都唔會知有呢款咁好既頭髮洗護產品 價錢親民🫶 效果又顯著👍  P.S. 分享@cosme 提供既護理頭髪小秘笈: 原來使用護髪素前要先去掉頭髪上殘留既水份 咁就可以幫助護髪素滲透 更好吸收架

mandy好用推薦：LUX - 角蛋白氨基酸豐盈柔順護髮素 適合細軟易塌受損髮質使用, 以角蛋白氨基酸修復及滋潤受損秀髮。 護髮素的重點在於選洗髮乳是看頭皮(scalp)的情況, 而選護髮素則是看髮尾如何。 例如: 乾性頭皮需要用保濕滋潤型的洗髮乳, 可是油性髮尾要選輕盈、平衡及強韌的護髮素。 適合的洗髮乳及護髮素不一定是用同一個系列。 個人來說, 比較適合使用保濕滋潤型的 膠原蛋白氨基酸保濕滋潤洗髮乳及強韌髮絲、 修護乾旱受損髮的乳木果油氨基酸強韌防斷護髮素。 由於本身頭髮不是細軟易塌的類型, 所以冇咁適合用角蛋白氨基酸豐盈柔順護髮素。 大家記住要好好選擇洗髮乳及護髮素。 -香味清新淡雅, 不會過於濃烈 香味不明顯不代表不好, 有時候香味太濃烈, 未必人人接受到。 如果喜歡較強烈的花果香味, 可以使用有花果香味的護髮噴霧增香。 -質感:  偏清爽水感的乳液狀質地, 延展性佳, 比同系列洗髮乳稍為滋潤,  使用後不會令頭髮變油變笠, 而且富彈性不易扁塌。 -成效: 本身髮量多、頭髮較粗。 平時為了令頭髮變得柔順易梳理, 我會很依賴髮膜。 在試用角

LenaC好用推薦：好高興喺@cosme同埋LUX既【特別會員禮企劃】🫶被抽中😻😻😻😻 收到6枝正貨嘅LUX洗護系列試用☺️☺️ LUX呢6枝洗護系列都係無矽❗️無添加 Parabens防腐劑及合成著色劑 ‼️ 絕對可以安心使用⚜️ 以下係我嘅用後感 質地 : 透明啫喱狀 適合髮質 : 細軟易塌受損髮 起泡量 : ♥♥♥♥ (泡泡好細又好多 無需太費時即可搓揉出大量綿密的泡沫，可依需求按摩到滿意為止，而且都好容易沖洗乾淨。) 香味 : 淡淡清香 後勁感覺有少少果香 洗完會持續飄逸著一股清新既香氣 效果: 洗頭既過程好舒服滋潤 唔會感到乾澀 或者難以用手指梳開 用後頭皮感到乾淨清爽 唔黐笠 第二朝起身 頭髮感覺蓬鬆啲 唔會好塌好扁咁 捲曲嘅髮尾都感覺更Q彈☺️🥰 用前用後 簡直一目了然🫥 真心感謝@cosme 邀請試用😍😍 好野必須分享ahahaha 加上價錢嚟講又唔離地 買啲好野寵下自己 大家都試吓啦 開心😘 P.S. 好多人平時都係稍稍沖濕頭髪 就落洗頭水 其實沖洗頭髪係要沖洗頭皮 約1分30秒 洗淨油污及灰塵 有健康既頭皮先可以長出健康既頭髪 ➡️護理頭皮一樣重要🐒

Latoya好用推薦：首先我的髮質好似鋼線 又粗又硬 本身以為自己沒有脫髮的危機 就經常性將頭髮又染又電 開始中間條界越嚟越深😭 變成一條大馬路 今次試用Lux 2款洗髮乳 -角蛋白氨基酸豐盈柔順洗護系列 起泡⭐️⭐️⭐️⭐️⭐️ 柔順⭐️⭐️⭐️⭐️ 光澤⭐️⭐️⭐️ 清爽⭐️⭐️⭐️⭐️⭐️ 5顆星為滿分 不得不讚呢款洗頭水的到第二日放工都唔會覺得油笠笠 唔會有頭油味 用左6日左右 個頭都感覺好乾爽同蓬鬆感？應該話頭髮嘅健康程度好咗 好似有左少少營養 不過頭髮雖然好順冇打結 但唔係滑有光澤戈類 不過防脫方面仲未見到效果 可能6日時間唔算話係好長 洗頭嘅時候仍然都有一堆頭髮（好心痛）但係掃地發現地下少咗頭髮 會回購 因為好難得有枝洗頭水可以唔笠 夏天應該好啱用 -乳木果油氨基酸強韌防斷洗護系列 起泡⭐️⭐️⭐️⭐️⭐️ 柔順⭐️⭐️⭐️ 光澤⭐️⭐️ 清爽⭐️⭐️⭐️ 5顆星為滿分 呢枝洗頭水主打防脫同適合脆弱易斷受損髮質 試用左3日感覺不大 修復效果不及上面戈枝洗頭水有頭髮飲咗營養劑健康咗嘅感覺 到到第二日下午開始有少少笠  會比較鍾意

Chloeincosme好用推薦：因為頭髮經常燙染變得乾旱似草😑😑見到做特價忍唔住入手 Pantene爆水精華洗髮露！用咗真係驚艷～沖水時已經感受到頭髮好滑！吹乾後依然保持水潤光澤，仲有陣陣清新花果香！ 用前，頭髮睇落好乾 用後：順滑左🥺 🤍 水潤順滑：5/5 真係做到「爆水」感覺！沖水時手指可以輕鬆梳開發絲，吹乾後零打結，毛躁秒速消失～ 🤍 保濕度：4.5/5 頭髮充滿水分感，又唔會令頭皮黏膩，第二日醒來依然保持柔軟順滑～ 🤍 溫和潔淨：4/5 洗得乾淨又唔會過度清潔，頭皮零緊繃感，持續使用都冇出現頭痕或脫髮問題～ 🤍 性價比：5/5 萬寧特價買二送一超級抵用！一支可以用好耐，已經推薦畀成班同事～ 總結： Pantene呢支爆水洗髮露絕對係乾燥髮救星😍用完頭髮重拾健康光澤～會繼續囤貨，推薦俾所有受毛躁打結困擾嘅你！

Maggieyt好用推薦：之前用過保濕髮膜覺得都幾滋潤同順滑 見到洗頭水買一送一，就買黎試下，呢支洗頭水都真係好襟用，用左差唔多半年多先用左差唔多一支 個人用左差唔多一支，感覺唔到有做到強韌防斷功效，係做到綿密泡沫，洗完頭之後感覺係有水潤，但淨澈頭皮我覺得還可以，秋天冬天用會比較適合

Fng好用推薦：Essential 光感水潤 頭水用後感｜夏日之選 ✨ 質地與使用感 呢支Glow & Moist版本係透明凝露質地，推開即起泡，泡沫細密似棉花糖！洗個陣有淡淡花果香，唔會濃到焗親，沖水後頭髮柔順，證明佢真係夠溫和～ 🌟 清潔與保濕效果 主打皮膚用保濕成分，用完頭皮真係有呼吸感！髮尾唔會打結，吹乾後有自然光澤感，第二朝起身都唔會變油頭～ 香港夏天用真係爽，尤其係出汗後個種黏膩感即刻消失！ ⚠️ 注意事項 · 如果你係電染受損髮質，可能要加支護髮素補補水 · 想要豐盈效果嘅話，呢支比較貼服，可能唔係你杯茶 · 千祈唔好貪心唧太多，一個銀幣分量已經夠晒用 🆚 同級洗頭水比較 · VS TSUBAKI金色：TSUBAKI更潤澤，適合乾燥髮； essential 呢支清爽得嚟夠保濕 · VS Merit綠色：兩者都清爽，但Merit去油力太強，乾肌用可能繃緊 · VS LUX無矽油：LUX較乾澀， essential 保濕度贏幾條街！ 💡 使用小貼士 1. 先用溫水沖濕頭髮 2. 唧適量洗頭水係掌心搓泡 3. 用指腹按摩頭皮2分鐘（千祈唔好用指甲抓！） 4. 徹底沖洗乾淨 5

Kayyan22好用推薦：#火熱新品 自己係乾燥+漂染髮質，但見new jeans代言所以好奇想試下 呢款既味道偏清新，較少甜味，似某種瓜既味，我自己就對呢種味感覺普普通通 而吱出尼佢係透明既，清潔度都唔錯，起泡力好勁 4分1包已經夠起泡 洗出尼既頭髮會偏柔軟，幾舒服，相信普通髮質/無漂染髮質使用會更好

Sophia好用推薦：L'Oréal Paris 強韌豐盈防掉髮噴霧精華用起來頭皮感覺微涼清爽舒適，長噴咀設計方便直接噴到頭皮，可以盡量避免沾濕頭髮，香味淡淡亦很快散去，較其他同類產品的中藥味容易接受。 用後感覺掉髮情況也有輕微改善，希望再持續使用後，可以繼續保持髮量，維持頭皮健康。

lingbb好用推薦： -I’OREAL PARiS 第一款防掉髮精華液，專為掉髮問題硏製。舒緩頭皮，強韌髮根，有效缓解掉髮。 - 成枝設計都好貼心，特別係個噴咀，噴出黎唔會周圍都係，集中力係你需要嘅位置 - 我喜歡佢嘅花果香味好清新唔俗，原來香味有茉莉、雪松、檸檬、鳳梨嘅混合，噴上頭皮有種冰涼感，會知道自己噴嘅位置準唔準確 - 除咗防脫髮，都有治療頭瘡舒緩頭皮不適嘅作用，係頭皮比教癢嘅地方噴完就唔會再癢，有頭瘡嘅位置都會消失埋 - 總括而言，好喜歡，一枝可以用好耐 #火熱新品