Hair Recipe

生薑清茶洗髮露

好榮幸有機會試用 Hair Recipe 嘅 生薑x清茶洗髮露，希望呢篇試用報告對大家有用。

洗髮露唧出嚟結身，淡黃色，有淡淡薑同茶嘅香氣，唔覺得係化學香精嘅味道，幾好。

洗髮露遇水輕搓有濃密泡沫，比較容易掌握用量同清潔程度。
洗完頭覺得頭皮清爽乾淨，喺冇用護髮素嘅情況下，頭髮都唔會出現打晒kick嘅情況，效果幾滿意，因為我本身髮質細軟，再用護髮素個頭好容易會扁晒。

連續使用約一星期，頭髮蓬鬆程度同萬年髮界有改善，不過條界唔係分得100%準，同埋頭頂嘅斷髮都需要時間睇吓留唔留得長，所以要用耐啲先知產品嘅真正效果。另外，暫時冇皮膚或頭痛問題，所以應該冇造成敏感。

總括嚟講，係幾好用嘅洗髮露，我會期待後續效果。最後，產品原產地係中國。