為UZU Eye Opening Liner 的前身，是到目前為止我心中No.1 眼線液🌟當中最常回購的是啡黑色及淺啡色。首先，8角形微閃的筆桿設計超有質感，美感滿分💯而且手感良好，握筆時不滑手，方便繪畫細緻的眼線👍🏻 其次，它與有世界第一化妝筆之稱的「熊野筆」合作開發。雖然筆頭看上去非常尖細，毛量竟是一般眼線筆的1.4倍(#ﾟДﾟ) ，且用上4種優質毛料，使筆頭觸感非常細軟；難怪使用時特別順滑，輕易就能繪畫出理想的線條與弧度⭕️成分方面，眼線液內含有滋潤睫毛的美容成分，而且標榜可防水、防油、防暈染達24小時，卻不會造成色素沉澱👍🏻用水沖擦也完全沒有問題⭕️用紙巾來回磨擦了幾下，也沒有化開⭕️它無論是用料、設計，還是功能都非常優秀！幸好在改版前囤了好幾枝(˶‾᷄ ⁻̫ ‾᷅˵) 即使推出了新版本，Mote Liner依久是我心中最愛呢！ #出遊不能沒有它

八角形筆身令揸係手容易控制及不滑手，筆頭幼細，容易掌控所畫眼線粗幼度，而且易上色及順滑，最鐘意係連油眼嘅我，畫咗成日都唔會變熊貓眼，用過好多防水防油眼線筆效果都唔理想，但呢支防暈染效果好得，所以推薦。

八角形筆身既特別又可防止眼線筆喺平面上碌嚟碌去， 握筆嘅時候亦減低抖顫失手嘅風險。 筆頭既有彈性又柔順， 唔拮眼都可以輕鬆畫出幼細明確嘅眼線， 墨水色澤飽和度好高， 畫喺眼皮上時出墨平均， 即使係初學者都唔易失手。 但佢亦都有啲缺點， 就係如果開咗之後唔常用， 就會好快冇曬墨， 佢都唔係平架所以有啲心痛， 唯有唔好一次過開幾支嚟輪流用啦。 另外深藍色容易暈染但櫻桃紅色就冇呢個問題， 有可能係QC做得麻麻哋。 整體嚟講我推薦呢支眼線液筆。

性價比好高 筆頭好幼 而且好順滑 新手會好容易上手 而且佢好持久 即使油肌用都唔容易化開 推薦購買！🥰

已經用左依個牌子既眼線筆好多年，暫時係用過最好既眼線筆！筆頭好細 好易上手 顏色易上又持久 就算全日都唔會化開 變熊貓眼👍🏻

唔單止防水仲防油，用足成日都唔會甩或者暈染！ 毛筆頭設計可以好易就畫到好幼嘅眼線，容易控制，就算新手都唔怕畫得差。 而且有好多款顏色選擇，想妝感柔和啲就可以買啡色～

係日本好岀名嘅牌子，筆身都好易揸上身容易操控到，顏色都好靚唔易甩色

好鍾意支筆嘅菱角設計，好高级感又好拎，好靚，個頭尖幼易畫又顯色，good

我係油眼人，平時化任何眼妝，就算係淡妝都要搽eye primer先搞得掂，所以眼線我都prefer用liquid eyeliner，因為最持久。試過好幾款liquid eyeliner，耐左都係會溶少少係眼尾，但呢支冇呢個問題，就算我用完佢去行山都冇甩過！而且佢好易畫到一條又幼又尖細既眼線，亦都好易控制，同埋唔會無啦啦冇墨/好多墨。暫時佢都係我用過最好用既眼線液，用完都會keep住回購！❤️ 利申： (1) 有朋友買過但平時橫放，好快就冇墨出，建議平時用完筆頭向下，壽命會長d，畢竟$13x一支都唔算太平。 (2) 我次次用佢之前都有用eye primer打底，但因為我每次就算畫條眼線都會打左底先所以係比較上係冇影響，不過都係油眼人的話就要留意唔打底可能會hold得冇咁耐。

用過很多液態眼線筆，因用開那款停產了，所以試試這個。在sasa買了深啡色，回家立即試用，六角形筆身很好拿，毛筆頭尖細，容易勾畫細長眼線，持久度也不錯，眼皮不油不汗可持妝8小時不化。起初很喜歡，但使用一段時間（約一個月多後），問題便出來了： 首先筆頭突然出現分岔，怎樣弄也不能回復正常，以致描繪眼尾要非常小心。 與此同時另一個問題又來了，出現漏墨情況，筆頭蓋子不停滲漏出墨水，每次使用都會沾污手。 如果它不是出現這樣的問題，它會是一支很好的眼線筆，我相信我會一直使用。 但在以上情況我絕不能再用它，唯有放棄使用它！ 它本身價格絕不便宜（相對其他開架眼線筆），況且現在使用時間不長，一個月多就這樣了，之前用過其他開架眼線筆都不會出現這些問題。

十分易控制同好畫 不過價錢都唔算好平 因為得0.55g 所以好少

物有所值的一支，最大好處是keep到不易溶化！！特別在夏天時感覺很驚豔，淚水多或油眼都keep到大半日。

筆頭幼細，上色容易順滑，可以畫出細緻的眼線，防油效果不錯。

試過好多牌子，終於揾到枝防水防油唔甩色，就算擦眼都無甩 順滑易上手，畫眼尾真係好靚，又多色簡，真係可以終生不換😍😍

暫時係我用過咁多支眼線筆入邊最好嗰支 啲色實得來又唔會咁易甩 同埋我會買啡色 因為就算佢真係化開左 都唔會好顯眼 而係似眼影/黑眼圈😂😂😂