JILL STUART 好用推薦產品

shadow影子好用推薦：包裝外型，十分討好，用來做裝飾都好靚！香味係淡淡的花香味，不造作，氣味討好清新！

ynqq123好用推薦：好甜的花香荔枝味，係好少女嘅味道。樽身超靚放係到做裝飾都開心。持久度一般，可能要出街補，香味都要好近先聞到。

Fng好用推薦：畀佢包裝吸引住，用落之後發現好香，香味持久，滋潤度好好，夠補濕，同埋我隻手有少少痕癢嗰陣，搽咗呢支hand cream就唔會痕癢。 不過cp值就一般，細細支 咁就百幾蚊， 不過外貌夠靚 補救返cp值不足。🤣🤣🤣

Sophia好用推薦：Jill Stuart護手霜質地輕豐盈，容易推開，吸收迅速，即使現在乾燥的季節，使用後雙手即時感覺柔嫩保濕。而最吸引的是品牌signature白花香味，淡淡的香味優雅持久，令人心情愉悅。包裝都是一貫的夢幻設計，簡約得來十分精美，有細size攜帶方便，隨時隨地都能舒緩手部乾燥不適。其滋潤度和香味的持久度都令人滿意，不論自用或送給身邊的女性朋友做個小禮物都得好適合👍👍👍

katrina523好用推薦：The smell is very sweet. But hk no more shop can’t buy Texture and moisture level just so so. Not any surprise.

🌸好用推薦：三年前開始轉嘅新包裝，不過並唔影響使用感受。同佢其他系列嘅產品一樣，都係我最喜歡嘅白花香味。呢個髮膜洗頭之後使用，竟然可以做到焗油嘅效果，相當出色！價錢唔貴，值得回購。

zetalhc好用推薦：搽係頭髮上面很香亦都非常滋潤。用左一排覺得髪尾開叉少左亦都順滑左，性價比就一般

🌸好用推薦：我呢個係新嘅包裝，由舊包裝開始我已經一直使用，洗完頭之後搽喺髮尾，乾燥嘅髮尾可以即時得到滋潤，變得亮澤豐盈。清新嘅白花香味非常討好，同佢嘅同款香水係同一個味道。

Lumi Kwan好用推薦：以前每一個少女都一定會有一盒，當其時我買咗嘅係粉紅色，仲要有一個有寶石嘅掃，感覺好夢幻。佢都比較容易上色，冇飛粉情況，不過閃粉比較多，如果已經脫離少女時期，唔太建議用，會有少少扮後生嘅感覺。而家香港已經冇得買了，要買就要去日本。

Noel好用推薦：Layer blush 係個人第一塊 Jill Stuart 胭脂，由於水晶公主風實在很合胃口，從此就跌入深淵🤣 照片中的胭脂已經沒有使用，雖然看上去差了一點，但就是不想掉啊~ 個人喜歡的用法： 先用化妝掃沾取大量左角的淡淡米黃色 ➡️ 再沾其餘三格顏色 / 只選其中一色 ➡️ 掃到面脥 一塊胭脂能做出多個變化，而且帶有JS 化妝品香味🥰 如果對包裝鏡盒有要，而又有充足的預算，實在要入手一個啊❗

Kura好用推薦：今個夏天我最鍾意用嘅碎粉，我用嘅色號係01，搽上臉唔會泛白，包裝外形超級少女心，粉質細膩，定妝效果超好，遮瑕力算中等，定妝效果好自然，令到我整體妝感都貼服唔錯，夏天我一出街就爆汗，用咗呢款碎粉我就算大爆汗都好我嘅妝都唔會溶得好犀利，係我夏天必用嘅碎粉，非常推薦俾大家 #碎粉 @cosme

Ruby Wong好用推薦：外觀超可愛，淡淡香氣，粉撲又厚又軟，碎粉質地幼細，上完粉有很絲滑的感覺，也很持久，而且一盒用好耐，我果盒用左差不多一年，而我係接近日日用的！上面後感覺偏白，似陶瓷的感覺，較日系，要看個人喜好～我就很喜歡啦～～

mandy好用推薦：Jill Stuart  Treatment Hair Mist  頭髮修護噴霧 Jill Stuart 家的頭髮修護噴霧一直都被我珍藏, 始終自從Jill Stuart beaute在港撤櫃後,  要買Jill Stuart美妝產品著實不容易。 除了少部分的Jill Stuart 家的美妝產品可以在Sephora HK網店找到外, 很多Jill Stuart 家的產品都不太可能在香港找到。 Treatment Hair Mist 的外型是一貫Jill Stuart 家的甜美公主設計, 光是擺在家中已令人賞心悅目。 香味則是經典的Jill Stuart白花香味, 非常好聞。 Treatment Hair Mist 除了可以為秀髮增添香味, 更有柔順頭髮及修護頭髮之效, 可以減輕吹髮及梳頭對頭髮的損傷。 一瓶Treatment Hair Mist 共200ml, 可以用很久, 價位也不算貴, 實在很值得入手。 此外, 我另外還收了一瓶蜜桃香味的Oil in Fragranced Hair Mist, 也是十分好用。蜜桃香味同樣甜美好聞, 而且具護髮功效。 T

zetalhc好用推薦：味道非常清新，而且噴落頭髮無痴笠笠，會即時見到頭髮有光澤同埋順滑左，好適合每日出門口之前用

格仔餅公主好用推薦：岩岩出既時候佢好似因為個外型都幾hit，同埋佢設計到可以就咁拎住就上連胭脂掃都可以慳返，顏色好自然岩哂淡妝日系風既靚女們，飛粉唔嚴重，幾好

Katrina好用推薦：胭脂帶有經典白花香味。上色同持久力都高。入面有一枝好似蒲公英嘅掃，好可愛。但我都係會用自己嘅胭脂掃攞粉。

Sccan好用推薦：比個香水樽吸引到我買嘅，好有冬天嘅感覺，放屋企裝飾都非常靚。 依款香水主要以雪花為主題，比較溫柔優雅得黎帶點甜美，前調係香豌豆、雪花蓮帶啲水果清香，中調係用帶有花香嘅鈴蘭， 最後後調係帶點甜膩嘅白麝香、琥珀，令整體香味更有層次更生動。 香味比另一款粉樽濃啲，但持久度一般， 我大約噴2-3下，噴衫噴頭髮都得，約3小時就需要補噴，包裝咁靚放公司枱面心情的確會開心啲。

kameari好用推薦：用緊嘅呢一款覺得都ok，幾香，唔會好濃郁或者好俗，難得地都喜歡。

格仔餅公主好用推薦：超級香超級甜，係我最鍾意既一支，佢好簡單唔會好複雜但噴親邊個都話香，無人話難頂，誇到上年紀既人都無彈過，真係好萬用，咩場合都用得既雲尼拿甜香

maylam好用推薦：好鐘意嘅香水！ 包裝好精緻好靚 味道係甜甜嘅雲尼拿香 每次聞都好鐘意！ 缺點係好似好難買到