Judydoll 好用推薦產品

lamsofina好用推薦：我是在深圳Wow Colour藥妝店買的。覺得性價比高，大賣$29.9，顏色鮮艷，很有光澤感。冰棒設計比較貼合嘴形，容易塗抹。不過就需要定時補色，而且容量比較少。不過價格便宜所以可以接受

楊一二好用推薦：我購買既呢款唇露係04琥珀冰茶色。 呢支唇露係「金屬唇刷」，第一次用呢種唇刷覺得幾得意。金屬唇刷搽上嘴冰冰涼涼咁🧊依家夏天用岩曬🤭 不過呢種唇刷蘸取到既膏量比較少，要反覆蘸取幾次先搽滿全嘴～但我可以接受🉑

楊一二好用推薦：超級鍾意用judydoll既腮紅光感膏❤️佢會配埋個粉撲，用粉撲輕輕印個腮紅膏再拍上臉就ok，帶出街用好方便。而且顏色超靚😍我呢個係01號色春醒桃，上臉自帶高光光澤，同埋顏色超級韓，化韓裝岩曬！

楊一二好用推薦：呢隻唇粉霜係需要慢慢扭佢個底部，之後唇粉霜就會係個海綿頭滲出黎。 上唇覺得好絲滑，但我覺得耐左個嘴會乾到起皮🙂‍↕️我買既色號係N22，顏色自然帶細閃。 另外我之前見人話呢款唇霜用耐左，個海綿頭會發臭，但我用左半年暫時未有臭味🤔可能因為我每次唔會扭太多粉霜，粉霜唔會囤係海綿深處變質變味。

TsuenMa好用推薦：Judydoll 開架品牌 4色修容盤，一次過滿足晒你提亮、加深輪廓嘅願望✨ 揀左01號粉紅盒：兩個提亮色+兩個陰影色 一深一淺嘅陰影色；深色嘅可以做面部輪廓，重手啲都冇所謂；淺色嘅可以用嚟做鼻影、面頰蘋果肌底下嘅陰影，用淺色上的話容錯率會比較高，但當然都唔好一次就落得太重手啦🙈 啡色嘅色調偏中性，唔會偏紅，亦都唔會太灰，唔錯！ 個人認為提亮個兩隻色比較難用，啞面色會略嫌有啲太泛白、唔太自然；而有珠光閃粉嘅嗰一格，更加唔適合我呢種皮膚毛孔凹凸不平嘅人使用，會更加顯得毛孔粗大。 所以其實最滿意係佢嘅修容顏色；但係為咗唔好嘥咗另外嗰兩隻色，都會用啞面色去提亮淚溝位置；而帶珠光閃粉嘅就着量取少許放喺眼珠中間做眼影嘅提亮。 另一個加分點係佢個盒自帶鏡，增加一點高級感，使用度上亦都方便左。 雖然一盒做齊晒兩樣功能真係好方便，但係效果就唔係太合乎理想，會嘗試物色其他產品做代替。（都用到啡色陰影嗰格見到鐵皮lu😆）