ETVOS 好用推薦產品

jellybeanyay好用推薦：本身我好少用日本嘅護膚品(除咗面膜)，因為用過唔同牌子都覺得好笠/冇效果...可能我唔好彩...不過呢支保濕精華真係令我改觀 佢質地有啲似lotion，乳白色，非常容易推開，未算超級清爽，但係唔會笠同埋其實都好快就吸收。 用完覺得毛孔收細咗啲啲，保濕度十分好，唔會起擦膠碎，用完第朝塊面唔乾，相信用嚟妝前打底都一流（疫情關係試唔到上妝後出街效果T^T） 唯一我唔鍾意嘅係有香料，雖然話係天然，不過我堅信護膚品入面加香料係多餘的，如果呢支精華冇香料就perfect了！ p.s.多謝cosme嘅禮物，100%真心分享❤

ZoeTung好用推薦：Ceramide 係角質層需要嘅脂質 所以通常價錢唔算平 但依款價錢可接受 都幾耐用 好易推開同好快吸收關係 所以我中意化妝前用 感覺妝會貼服啲！

Candy Ng好用推薦：自然地增添妝容色彩，又不怕重手了，令自己的眼妝好似眼腫甘樣🙈 從不同角度都可以皖到那帶份珠光感，令眼妝睇上去更加有bling bling 感，而且它顯現出來的顏色，比較是少女感💗

jojoma123好用推薦：意想不到的好用,眼影膏質地非常柔滑易推, 出來的效果很貼服,並帶有閃亮珠光,多塗幾層,色澤也不會很濃烈

Candy Ng好用推薦：係之前優惠包裝一齊買回來。 用完之後，覺得佢定妝效果一般，一早出街，過左幾小時之後，就要再補粉。佢long lasting 吾長🙈 佢有一樣野好，皮膚唔穩定，要上碎粉，可以用佢。而且，用完佢之後唔會泛紅。 適合敏感性皮膚使用。

jaye好用推薦：近年因為帶口罩而令到下巴位容易生痘痘，一直想試下用礦物粉底，見到時代廣場counter呢款有旅行裝可以買，就買黎一試，粉質好細滑，用掃打圈掃好快就完成底妝，薄透唔焗促，遮到毛孔，仲有防曬。痘痘問題有改善到，所以覺得幾好，唔傷肌膚又可以做到自然日常妝既底妝產品，敏感肌都可以一試！

Candy Ng好用推薦：我係日本旅行時，試左尼個牌子的掃，好柔軟親膚，所以忍唔住買咗返嚟屋企用😍😍😍 而且，覺得佢找抓粉的能力都勁好，上臉好舒服。 見到有旅行包裝着買返來用，並附帶佢嘅碎粉，遲吓分享埋用佢嘅碎粉心得比大家知😉 

SUM好用推薦：呢枝刷係買試用粉底嘅時候連埋嘅，我會專門用黎上礦物粉底，刷柄長度啱啱好，好方便抓住，而刷頭不算太大，圓刷頭直徑約3cm，不過我已經覺得好夠用，呢個size帶出街或旅行用都好方便。另外刷毛好軟熟，上面好舒服，亦因為佢唔算太大枝，用黎上眼底、鼻翼位都得！

格仔餅公主好用推薦：好有彈性，兩邊都可以用既粉撲，for你主要想打造咩野既妝感去用就得，都幾滿足到我多心既諗頭，覺得一塊價錢兩個作為抵返哂，佢既質素好好唔會拎多餘粉，上出黎亦透薄同自然

Circlecyy20好用推薦：兩面的粉撲都可以用 視乎想令妝感輕薄一點或遮瑕力好點 使用感不錯

mysecretgarden好用推薦：當初睇中佢，最主要係因為佢嘅成分真係非常安全，主打純淨礦物配方，無添加化學防曬劑、滑石粉同埋香料，不單止對敏感肌好溫和，連孕婦都可以安心使用。 呢款蜜粉餅上臉之後嘅保濕度表現得幾好，平時最驚定妝粉會令塊臉乾到裂，但呢款完全唔會，唔會卡粉或者顯乾紋，定完妝之後肌膚仲保持到少少透亮感。 不過佢嘅持久度就真係算唔上太好，如果天氣熱出街，或者到咗下晝，T字位都係會開始有少少出油，需要攞出嚟補一補妝。好在佢嘅粉質夠輕薄，就算重複疊加補粉，妝感依然好自然、唔會變厚粉。整體嚟講，雖然唔算好持久，但睇在佢成分咁安全、保濕唔乾，而且用溫水加洗面奶就卸得乾淨嘅份上，都值得回購。

綺羅香好用推薦：Etvos 嘅防曬粉餅係每年指定時間先推出，而且仲要限量，難得係日本旅行時撞正上市嗰日，就即刻去專櫃買咗一盒粉色同幾個膚色refill ，有SPF50，PA++++，一啲都唔比其他液體防曬差 本身係etvos 用家，平時都係用開佢哋嘅礦物粉底上底妝，由於好多底妝products好易令我生粉刺同爆瘡，所以好少用base 同液體防曬，取而代之就係呢類防曬粉同防曬粉餅，除咗對皮膚友好之外，勝在係外面容易補防曬，有化妝時可以用膚色補妝兼補防曬，一舉兩得，無化妝時用粉色，令嗰人有啲氣色，anyway粉色有細閃粉，介意就唔好入手 嗰防曬粉盒夠深，可以放嗰細半月掃入面，粉壓得一般，掃兩下會有啲飛粉，當每日都會補兩次防曬，一個粉餅都可以用得幾耐

lingbb好用推薦：- 雖然唔鐘意呢種會令到個盒好污漕既遮瑕盒，但由於佢係由天然礦物質+植物油製成嘅遮瑕調色盤，對皮膚溫和低刺激配方，可以用肥皂去卸走佢，皮膚敏感時都用得。 - 遮瑕度我覺得係中度遮瑕，唔乾﹑ 附帶有刷子同海綿頭 , 刷子用黎遮蓋黑眼圈﹑膚色暗沉地方、暗瘡等瑕疵，再用海綿頭Blend開佢令佢更貼面， 持久度一般，拎出街補都方便 - 含有改善肌膚問題的美膚成分：維生素C衍生物、杏仁油、牛油果油、玫瑰果油、葵花籽油、甘草次酸硬脂酸酯 - ❌不含表面活性劑、礦物油、矽樹脂、焦油色素、香料、對羥基苯甲酸酯、酒精或紫外線吸收劑 ， -👍🏻推薦俾敏感肌用！但一定要勤力d洗同更換枝刷!

SUM好用推薦：本身我個人眼底比較敏感，唔係每一款遮瑕膏都啱用，試過用其他牌子，用完之後隻眼就腫左幾日，之後決定買etvos嘅遮瑕膏試下，今次終於冇敏感！ 膏體質感十分保濕，眼底乾嘅都可以試下，中間深橘色嘅可以用黎遮黑眼圈，上面深肉色可以遮紅印同痘痘，最下面用黎提亮眼溝，遮瑕效果都可以，大約遮到8成多，不過可能我黑眼圈較重，唔算遮得太好。 另外，遮瑕膏附送嘅刷都幾好用，一邊係普通刷頭，另一邊就係海棉頭，用稱遮痘印啱啱好！

SUM好用推薦：身為敏感肌的我，使用其他品牌容易令到面頰敏感泛紅，因此挑選Etvos敏感肌適用的礦物胭脂，而且這個是雙色胭脂，一邊是帶有閃粉的淡肉色，另一邊則是裸粉色，顏色十分自然，幾乎也用完全盤！

Fng好用推薦：靚灩礦物唇膏 買佢嘅原因係 😍etvos 不使用人工色素 ，不需額外卸妝,溫水+洗面乳洗臉即可卸除，敏弱肌、醫美術後及孕婦都適用， 持久度一般，保濕非常好。

KDing好用推薦：係專櫃試上手好順滑 隻色一開始會好實色 所以想做透薄感既要少量上嘴 好在佢夠順滑易推 唔會瓊係一個位

sylsylsyl好用推薦：質地幼細唔飛粉 佢嘅賣點係同時可以做眼影，腮紅同唇彩 雖然我無用過黎上嘴 但的確上眼同眼臉都好自然 色調係日系風嘅透薄感 就算係新手都唔易失手 上眼的話係低調嘅粉紅，唔會泡泡眼 去旅行帶呢一盒就可以解決兩樣野好方便啊！

Maggie_Yung好用推薦：顯色好，基本上上兩層就夠