AESTURA 好用推薦產品

Youpi 好用推薦：我已經回購咗 AESTURA 365舒緩柔護保濕面霜好多次，真係我屋企長期必備嘅cream。雖然佢係面霜，但我其實一年四季都會用喺手同身體，尤其係皮膚乾燥、痕癢或者濕疹位置需要額外保護嘅時候，佢真係幫到好多。 我本身皮膚比較乾，而且有時會有濕疹問題，皮膚狀態唔穩定嘅時候好容易痕、粗糙同甩皮。呢款面霜嘅保濕同修護感好明顯，搽上去之後會有一層好貼服嘅保濕膜，唔會好刺激，亦唔會有焗住皮膚嘅不舒服感。每次皮膚乾到痕或者濕疹位開始唔穩定，我都會厚敷少少，可以幫助舒緩痕癢，同埋令皮膚恢復得快啲。 佢嘅質地雖然滋潤，但好易推開，吸收後唔會太黏笠。用喺手肘、小腿、手背呢啲容易乾燥嘅位置特別好，持續用幾日會覺得皮膚冇咁粗糙，摸落柔軟好多。 面部方面，我平時唔一定每日用，但去到天氣好凍、好乾，或者皮膚敏感就一定會用佢。之前去日本北海道滑雪旅行，天氣又凍又乾，室外風大、室內暖氣又抽乾皮膚，佢真係救星。夜晚厚搽一層，第二朝皮膚冇乾到繃緊，面頰位都保持到滋潤，令我旅行期間皮膚穩定好多。我個女都會一齊用。 最欣賞係佢主打修護肌膚屏障，加上高密度神經醯胺，對乾燥敏感肌非常友好。用落感覺溫和、實用，而且唔係只可