INNISFREE

綠茶日間潔面膏

Innisfree綠茶潔面乳用後感：油皮恩物定係雷品？ 講起Innisfree，大家第一時間諗起嘅一定係佢哋嘅綠茶系列。今次就想同大家分享下我用咗支綠茶保濕潔面乳（Green Tea Hydrating Cleansing Foam）大概兩個月嘅真實感受。 質地與氣味：清新舒服 唧出嚟係白色膏狀，質地有啲似牙膏，加水搓兩三下就已經起到好綿密嘅泡沫。氣味方面，係好典型嘅Innisfree綠茶味——清新、帶少少草本感，唔會太人工，洗面嗰陣聞到都幾relax。 清潔力：油皮會愛，乾皮要諗諗 我本身係混合偏油肌，T字位夏天好易出油。呢支潔面乳嘅清潔力算中上，洗完塊面係有種「乾淨晒」嘅感覺，鼻翼兩側嘅油脂同灰塵都洗得好徹底。不過要注意嘅係，洗完之後會有少少繃緊，尤其係面頰位置。如果你係乾肌或者敏感肌，可能洗完會覺得有啲乾，建議即刻搽返爽膚水同保濕。 保濕度：唔算突出 官方話有綠茶保濕成分，但老實講，洗完之後嗰種「乾淨感」大過「保濕感」。夏天用都OK，冬天用就可能唔夠潤。我試過有次洗完面隔咗五分鐘先搽護膚品，塊面已經有啲拉扯感。 性價比：抵玩之選 一支150ml大概$70-90左右

用完之後唔會太乾燥，清潔力一般，平日潔面程序用嘅時候都OK嘅，不過感覺上冇乜特別大嘅賣點，就好似一支普通嘅洗面乳咁樣

用落都幾清爽 清潔力唔會過高 仲帶有少少清香 夏天用都幾舒服

都係一支清潔力幾好既洗面膏，唔錯。使用後我通常會立即搽番面霜，以免太乾。

好適合夏天用嘅潔臉膏，用完皮膚唔會好乾，清潔日常防曬淡妝都ok，價錢合理

味道清新OK嘅，但可能冇咩特別咯，清潔力中規中矩，夏天出油量大用嘅話覺得差咁D

清潔力強 有輕微控油效果 但潔面後有皮膚繃緊感 敏感皮膚不適合 不會回購 差唔多價錢有更好嘅潔面乳選擇

依款洗面膏暫時用住先都可以😌，吾會太過乾燥。清潔力剛剛好。好怕清得太勁

一直都好鍾意用innisfree嘅綠茶系列🍵 用呢款潔面膏洗完面唔會太乾 清潔力都ok 有淡淡綠茶味

鍾意佢隻綠茶味，同埋洗完唔會流失水份攪到乾爭爭咁，仲會聞到臉殘留陣綠茶香

清清淡淡的綠茶味，一邊洗一邊放鬆🥰 挺容易起泡，清潔力偏強，補濕有但是偏弱，用完5min到就會有緊繃感

香味上淡淡綠茶🍵令人感覺舒服，膏狀潔面十分易起泡，清潔力不錯。我本身乾性混合油肌，用後會有啲乾緊同甩皮，唔算好岩。但正常油肌可以一試。

價錢平，清潔力還可以，一般日常清潔就足夠，鍾意佢嘅淡淡香味，也不太刺激皮膚

清香的綠茶香氣十分醒神，温和不刺激也不會乾， 用後皮膚狀態穩定，己回購多次，極高性價比

有少少綠茶氣味，聞落去都幾舒服， 不過洗完面偏乾，比較適合夏天使用， 或者油肌既朋友仔使用。

秋冬用偏乾，本身用緊高保濕化妝水都叫過得去 清潔力夠，有陣好細好細的綠茶味，可接受唔敏感 支野幾靚😂 所以買咗嚟試，未必會再買啦

innisfree 綠茶潔面乳很不錯，味道就和🌱綠茶籽精華液一樣，潔面乳很creamy，起泡適中，足夠。個人喜歡卸妝後，再用這枝潔面，清新味道很 refresh，清潔力也不錯👍而用後感覺清爽，不乾不崩緊，個人喜歡這個效果❗整體感覺很滿意，唯獨價格有點高。

潔面膏有綠茶的氣味，而且用少量，加水便可以起到豐富的泡沫，潔面后感到臉上會乾淨，而且價錢適中。

性價比超高嘅洗面乳，如果咁係話有太嚴重膚質品提，呢一走洗面乳已經足夠。重點，價錢非常親民!

價錢便宜，清潔力強，innisfree嘅洗面產品乾肌同中性肌我覺得都唔多適合，但油性肌嘅家人同朋友都覺得好用，所以都要視乎個人膚質入手，其實都叫幾大支抵用，但因為我用會甩皮（中性肌即使夏季用都甩）所以唔會回購。