嘴唇修護 推薦好用產品

sylsylsyl好用推薦：非常滋潤，我覺得係任何人都啱用嘅潤唇膏 明顯地感受到嘴唇滋潤但唔笠，吸收完都仲可以保持到滋潤嘅感覺 成分簡單，係我會無腦回購嘅選擇 但購入前建議先考慮兩點 1。性價比唔算高：雖然價錢唔貴，但用完一枝嘅速度比一般開架wax base嘅潤唇膏快 2。天氣：唔可以向太熱嘅情況下保存或使用，會融成軟泥狀 今次買嘅係有色版 幫嘴唇補上一點血色 同埋感覺無平時一般版果枝咁易溶

Zoe好用推薦：日本買真係好平 一排買每支都係20幾蚊 冇色唇膏 冬天用好潤 夏天都可以用到

Lingling1108好用推薦：本人屬於偏乾敏感肌膚，而嘴唇都會有點乾燥，本人要一年四季都會搽潤膚膏來滋潤雙唇的，𣎴能接受到唇爆裂甩皮既狀態🫣而有次行街經過Laneige專門店看到有個好靚既深粉紅色既圓形盒仔，就被它吸引左入店內睇睇😍原來係Laneige水潤修護睡眠唇膜,完全合哂我心意，回家當晚急不及待試用，首先打開蓋子後已聞到陣類似士多啤梨味，Laneige好細心配上一支小小羹仔可用來取唇膜的，唇膜都係粉紅色架😍，搽上嘴上感覺有一層厚厚既啫喱保護住嘴唇，到了第二天早上。。嘩，洗臉後十分驚喜，嘴上既唇紋完全消失，而且會有種水潤粉嫩脹卜卜既效果👍👍而且一次只需用一羹份量，所以十分耐用，用完一定會回購💯💯

Hamiii好用推薦：Laneige既sleeping mask係我長期必備既，廿幾歲買到而家無斷過🫶🏻 但呢隻唇膜… 就唔係好適合我😅 佢一搽落去係好潤既，淡淡既士多啤梨味，唔算好濃，算接受到既 過一陣，覺得黏黏地… 再過多陣…. 出事啦…. 好痕😵‍💫 即洗.. 過多陣.. 就腫左咀😵‍💫😵‍💫 呢盒最後俾左妹妹，佢用無問題既，覺得潤，但側訓比較易high污糟枕頭，要小心d.. 但如果好似我咁屬於敏感肌，建議試一試上手先，唔敏感先上咀🫶🏻

msthea好用推薦：今次買咗Dior Lip Glow既11號色 見佢係珊瑚色帶有金色閃粉 一直都想試吓有閃粉效果嘅唇膏 平時我都有用開Dior同一個系列 不過相比之下覺得呢一支冇咁好用 唇膏冇咁滑之餘，保濕度都好一般 而且效果都唔係好理想🥹 試過一次就算了

Fish Tse好用推薦：Dior 唇膏都廣為人知，除左色好靚之外外殼我都非常中意，有時候唔想搽唇膏又想滋潤一下嘴唇又唔想有病樣，哩款潤唇膏就好適合 有18隻色選擇，而我揀個隻係012，當中有乳木果、向日葵蠟、米蠟可以形成唇膜同埋可以令唇膏同肌膚融合得更加好 搽左上嘴唇之後會有種光澤感同會覺得水潤感，比相普通既潤唇膏我覺得更加好，加上有好多顏色選擇，令搽完之後即使唔化妝都感到有好氣息

Emma W好用推薦：來到2024年年末，又要想交換禮物的環節。Burt's Bees Beeswax Lip Balm 係消委會都推薦的潤唇膏，絕對係首選之一。而依支潤唇膏，又實用，又係其下的皇牌。能有效滋潤雙唇，長時間保持水潤感，不易乾裂。 成分為100%純天然蜜蠟，蘊含抗氧化劑維他命E、椰子油。其天然成分，就算食左落肚，都唔駛太擔心。 其質地較為厚重，能在唇部形成一層保護膜。但不黏，頭髮也不會經時黐住嘴脣。也可當作唇膜之用。另外，搽時有輕微的薄荷味，讓人感到清新。就算夏天搽時都唔會唔舒服。絕對係送禮首選。 適合肌膚：任何 成效度：4/5 保濕度：4/5 光澤度：3/5

Kura好用推薦：冬天必備最強潤唇膏，我已經回購無數咁多次，最鍾意蜂蜜味，味道夠香甜，搽上嘴非常潤，但唔係油膩嘅感覺，之前冬天個嘴乾到爆裂，用咗呢款潤唇膏之後就好返，夏天用都唔會覺得好油膩，其他口味味道唔係好香好濃，適合唔鍾意香味嘅朋友仔，不過一樣咁潤，用完呢款潤唇膏再搽其他有色潤唇膏都係非常一流，修復唇紋，去除死皮，價錢係非常平，男女老少都啱用呢款潤唇膏，包裝好靚設計方便，自己用或者送朋友都適合，產地係美國，近期需要入手潤唇膏嘅朋友仔可以考慮下 @cosme

Water好用推薦：應該唔會有人未用過萬秀雷敦潤唇膏吧！又平又好用！我係超乾咀唇，無時無刻都要有潤唇膏，呢枝小小薄荷味，上咀會有輕微拉扯感，唔係超油潤順滑嗰隻。持久度好好，會keep住有一層滋潤感喺道。做打底之後上唇膏都好ok，唔會打交起死皮，性價比首選！

維他他好用推薦：曼秀雷敦成日出一啲特別版潤唇膏，今次出咗貓爪，照樣係薄荷潤唇膏，但係得意咗好多，薄荷潤唇膏一向好用，滋潤，有即時嘅保濕效果，但係隔一陣又會乾返，所以要keep住補搽，價錢好大眾，買多幾支都唔怕。搽上咀亦有好明顯嘅薄荷味，嘴唇即時涼涼哋，好提神！

貓餅好用推薦：幾潤的潤唇膏，搽完嘴唇可以潤好耐，持久度都唔錯，但食野飲水會易甩，要補，搽完有層薄油喺嘴唇到，閃閃的，幾靚

維他他好用推薦：好耐之前用過嘅一支潤唇膏，記憶中佢都幾好用，唧出嚟少少少少咁，冇味道嘅，當時嚟講凡士林係好出名滋潤嘅牌子，所以好多人都有用㗎

mysecretgarden好用推薦：嘴唇一直都暗沉乾燥 ，每次刷完潤唇膏好快又要再補搽，之前聽朋友講過話呢隻好用就買來試吓。包裝非常吸引人，賣點係嘴唇嘅熱力將潤唇膏溶化，感覺非常滋潤。因為皮膚敏感嘅關係所以都係買咗無香味，第一下用感覺覺得有啲奇怪。可能因為唇膏新開嘅關係，個面仍然係比較硬，擦起來毫不順滑，同埋無香味嘅感覺好似搽緊漿糊咁，一開始覺得非常失望，但俾啲耐性用多幾日發現搽上咀都順滑咗好多，保濕力度都足夠，一日唔使補搽好多次，但整體個舒適度都係一般般。

agnessstang好用推薦：超級喜歡嘅潤唇膏❤️ 已經唔知用咗幾多支 用咗呢隻潤唇膏之後就冇再用過其他 最近仲出咗premium版本(暫時淨係喺日本🇯🇵見到) 最鍾意嘅味係蜜糖🍯、白桃🍑同無香料 我嘅嘴唇偏乾 係潤唇膏重度使用者 (總之一感覺到個嘴冇曬潤唇膏就會搽 搽任何唇膏之前都一定要搽潤唇膏打底) 搽咗呢款潤唇膏之後係真係感受到個嘴唇冇咁乾 化妝前搽厚少少 化完妝抹一抹走再搽唇膏就會好靚啦 補唇膏前用嚟打底都ok 同埋我習慣瞓覺前會厚搽 唯一缺點係價錢比普遍潤唇膏貴💸 通常我見萬寧有2送1就會買定🤣

羅小白好用推薦：鍾意冇香味嘅潤唇膏，就算去到好乾燥嘅地方都唔會甩皮，反而仲好水潤，不過都就好似有層豬油係個嘴，所以夜晚臨瞓前用就幾好。但同等價位會有更好嘅選擇，但勝在係無香料，用起嚟安心

940727.0好用推薦：依枝潤唇膏，實在太好用。我已經買咗第三支用，佢嘅質地比較啫喱狀，我只係差少少已經夠。夜晚可以當Sleepingmask用。化妝前用更加令唇色貼服。

Jane好用推薦：Rose色比較適合淺唇人，我唇色較深唯有用黎做日常素顏搽，化妝時就會揀其他唇膏。

Lumi Kwan好用推薦：黃糖系列唔會陌生，買fresh好多時都會連帶唇膏做gift，潤色護唇膏官方話有24 小時保濕滋潤，查上去感覺好滑，好似有層油包住，少少甜味，色系較女性化，如果本身唇色淺嘅人應係個唔錯選擇。不過略嫌小少黏，上咀已有溶化感覺，而且好易痴到頭髮。

PorscheB好用推薦：呢枝Afterglow lip balm 已經係第二枝 顏色是 orgasm，偏桃橙色 加啲閃粉 上咀效果好自然 ，而且有足夠滋潤度 官方介紹仲話可以 將Afterglow護唇膏點印在雙頰最高位置， 可達致自然啞緻的提亮效果。🫶🏻 下次回購會試下呢個用法

Mimi好用推薦：潤唇膏顏色係王牌orgasm, 顏色係幾靚，搽完有好氣息嘅感覺，不過整體偏乾，唔夠滋潤～ 

Wasabi好用推薦：滋潤成份(甘油)及橘皮醣配合，提供源源不絕的水份滋潤，預防脫皮、粗糙 蘊含hyper gloss oil，長時間保持雙唇光澤再現 SPF18 • PA++保護唇部免受紫外線傷害 薄薄搽一層已經足夠滋潤，感覺吾會黏稠，之後帶口罩都吾會感到吾舒服，有SPF所以我個人會係日頭使用，睇到其他人心得覺得有點黏稠，但我個人覺得可以，本身冬天唇部都比較乾燥，另外自從帶口罩後少左飲水同長期遮住，唇部都容易乾，此產品可以補充唇部缺少水分！！

Karman28好用推薦：呢支唇膏都用過幾支了。係非常滋潤，用少量已經夠哂成個嘴唇，在冬天使用效果是非常好，解決到乾燥甩皮既情況。

hellolulu好用推薦：咀唇容易乾燥脫皮，有時會忍不住手搣到流血🙈 一直在尋找適合自己的潤唇膏，試了許多不同品牌，不是使用無感就是潤得來太油，或是香味令咀唇敏感🥲 終於遇到Curel 便一試愛上，是暫時個人用過最好用的潤唇膏！ 喜歡它設計簡約，無味無香料，膏體不會太軟身，夠滋潤而不油膩，薄薄塗上一層後即使馬上戴口罩都不會黏住，反而有層薄膜保護咀唇免受磨擦，會無限回購😊

zetalhc好用推薦：喺日本藥妝店買返嚟，滋潤度非常高，用幾日可以改善嘴唇甩皮嘅問題，而且不含香料同酒精

JOYCE好用推薦：之前網購買返嚟，無咗口罩令先開始用😿原來已經停產 質哋係普通唇彩，但對唇部皮膚好嘅成份就同潤唇膏一樣，可以話係潤唇膏同唇彩嘅混合體。隻色仲要好靚好自然😿停產真係好可惜 睇返資料先發現咁高質⋯不含防腐劑、滑石同香料呢啲係基本，仲配合天然礦物成份做到低刺激性配方。仲有超過300億個即使常溫保存仍然保持到高品質嘅乳酸菌“La Flora EC-12”，呢種乳酸菌可以保持皮膚處於弱酸性，有效抑制害菌繁殖，平衡皮膚嘅微生態。 不過再好用都無啦😿😿

Noel好用推薦：個人很欣賞 Flowfushi 品牌敢於創新，睫毛液及氣墊粉都有用過，而當它出了這枝 38°C 精華，就入手了粉色的 +1°C，比較自然的淡淡粉色💕 又帶微微妝感，打造日系可愛風~ 而且它具備抗 UV功能啊！ 記得頭兩次使用時，感覺平平無奇，有想過放棄 (送朋友) 但是，最後堅持用了五天 for 上班＊，沒想到唇況有些改善，少了甩皮，唇紋也不易見！因為感覺幾神奇，就上網做做功課，原來它含一種獨家成份 Endmineral 及美肌菌，有助令唇部保濕。 ＊當時未有 covid

Kriskirs09好用推薦：Canmake - Plump Lip Care Scrub 修護磨砂唇膏 呢支已經係我買嘅第三支 之前用透明01號覺得好好用就再回購多兩支有色版本我買左03號色🌼 No.03 Mikan Yellow 蜜柑黃： 具提亮效果，遮蓋暗沉唇色（新色） 👄效果圖如下：佢的確有遮蓋暗沉唇色嘅功用 小妹係成日咬嘴唇啲死皮 搞到個嘴係甩曬皮 但搽左之後覺得有修護到啲嘴皮 同埋本身支潤唇膏有少少磨砂粒粒 可以幫嘴唇去角質 真係少啲唇紋✨ （但要留意佢扭出嚟 係扭唔返入去的） 而02號色🌸 No.02 Clear Pink 透亮粉紅：添上粉嫩光澤 我個人覺得無01同03咁潤 但優點係有好淺嘅粉紅色 想打造偽偽偽素顏效果都可以一試嘅🤣 💰價錢方面官網$54 但Canmake成日都有折所以好抵買！ 用嚟做唇膏打底都唔錯👍🏽

ChingLam好用推薦：已經第四次回購！😍 依家市面上都比較少唇部去死皮/磨砂產品，而依支又可以做到以上效果之餘 仲有滋潤成分👍🏻 除咗普通磨砂外，仲有另外三支加入左不同成份，適合唔同需要嘅人 前日專門店大特價買$30一支 即刻入返兩支貨仲平過喺日本買🤭

mandy好用推薦：Revlon Kiss™ Exfoliating Lip Balm # Sugar Mint 終極嫩唇潤唇膏 $44.90 終極嫩唇潤唇膏是一款結合潤唇膏及唇部磨砂的二合一產品，帶椰子油香味。添加不少滋潤保濕成分，滋潤度高。像潤唇膏一樣可滋潤雙唇，同時帶微小粒子，可以很温和地為唇部去角質，不會造成痛楚或不適，也不會感到乾燥。如此低價位已可入手終極嫩唇潤唇膏，性價比很高又好用，非常抵買。 含保濕成分: 凡士林, 蔗糖, 葡萄籽油, 蜂蠟, 芒果籽脂, 椰子油 及 乳木果 鎮靜消炎成分: 凡士林 及 乳木果 抗衰老成分: 覆盆子籽油, 葡萄籽油 及 乳木果 抗氧化成分: 覆盆子籽油, 石榴籽油, 葡萄籽油, 椰子油, 二丁基羥基甲苯 及 乳木果

Noelle S好用推薦：路過屈記見到即刻買。第一次試磨砂潤唇膏，感覺幾好。用之前怕甜味重或質地太厚，原來唔會。剛塗上會有少少椰香味sugar mint ，質地滋潤有啲rich，適合沖涼後或瞓覺前用。

綺羅香好用推薦：傳說中Dior唇蜜平替，係日本啲藥妝店一支難求，難得撞正鋪頭返貨，我毫不猶豫掃咗兩支，一支紅色同一支淺粉紅色，好想要一支藍色但係無貨返，唯有先買呢兩支返香港再慢慢試 因為以前曾經食過A酸，所以嘴唇一年356日都好乾，每日都要keep住搽潤唇膏/唇蜜，唇紋唔算明顯；Visee唇蜜全透明長方形管型好有質感，牌子名特別印係黑色蓋上面，夠低調，淺粉紅色嗰支上唇雖透明，好適合返工時搽，搽上嘴有啲厚身但唔笠，搽完無耐會feel到有少少辣，唔太見到有明顯豐唇效果，不過滋潤度好足，只要唔飲食都可以keep到大半日，會考慮回購其他色

Nicole 好用推薦：色號是sp001，上嘴後基本上是透明的， 刷頭不太好用，是硬硬扁扁的，刷頭每次取的量也不是很多，唇蜜是比較有存在感的質地，挺潤不油並且有明顯的涼感，滋潤度還不錯。

isabeloclock好用推薦：超愛Canmake呢支lip scrub💖 我平時都好懶做lip mask，所以嘴唇成日會甩皮，搽完有色唇膏後情況會更明顯同嚴重🙈🙈🙈 之前行過藥妝店，見到呢支lip scrub講到好神咁，價錢又唔貴，就買支嚟試吓～ 唔用猶自可，一用真係愛不釋手！ 佢嘅質地係帶顆粒感嘅潤唇膏，上嘴好似搽咗啲砂糖咁，甜甜哋同少少笠，但唔會漿住個嘴。 有時我會當overnight lip mask咁用，第二朝起身已經唔再笠，仲KO埋死皮同唇紋問題，搽有色唇膏都唔再驚有塊皮吊吓吊吓咁尷尬～ 有時唔記得隔晚搽定，我就會喺妝前搽呢支lip scrub當潤唇膏打底，到化晒成個妝，最後再用紙印一印唇上剩餘嘅lip scrub，然後再上唇妝，咁就會上色得嚟又潤滑！ 宜家我出街用嘅化妝袋係必備呢支lip scrub，打算再買多支for夜晚護理用😆😆 如果妳未試過呢支lip scrub，我強烈建議要試～～～CP值超高嘅好物💖💖💖💖

綺羅香好用推薦：一入秋又係時候要買新嘅潤唇膏，以前用過唔知咩牌子嘅磨砂潤唇膏，感覺到麻麻地，驚啲磨砂粒粒長期留喺嘴咀上不停摩擦，磨到嘴唇薄，年紀一大，唇上死皮越嚟越多，特別係搽咗有成膜嘅唇膏，時間一長啲死皮連埋膜一齊出哂嚟，令到唇妝好肉酸，唯有再挑戰磨砂潤唇膏 會買canmake 全因夠平，唔好用都唔會覺得肉赤，咁啱今年出咗新品，就買嚟試試，有3隻色，分別係唇膏所含有嘅成份，我買咗1號含透明質酸鈉，啱哂我呢種容易嘴唇乾嘅人，唇膏唔可以轉返入去，所以每次唔好轉太多出嚟，啱啱搽上去有一陣涼涼地感覺，磨砂粒粒夠幼細，而且係由砂糖組成，磨幾下就會溶化消失，唔會有粒粒長時間留在嘴唇上，透明無色無香味，滋潤度可以keep足成晚，下個月去日本會考慮掃多幾支返香港 #火熱新品

lingbb好用推薦： 係外國一路都有得賣，香港終於有得買啦！粉紅色原味應該係普遍最受歡迎，呢款lip gloss出街好方便，開蓋就用得，唔會整污糟隻手，個人覺得持久度一般，但好夠保濕，上咀會微黏但可接受，咀唇會有啲豐盈感，有時晚上都會塗一層當sleeping lip mask用，我覺得每個味都討好，紫色果款係糖果味，兩款我都鐘意 #火熱新品

choichoi好用推薦：蠻潤身不過有點點黏所以不能睡前使用，因此只有日常出門使用，它帶有水果氣味怡人討好，幸好有即時滋潤跟修飾唇紋的效果，還是有點貢獻的 #火熱新品

Julianna好用推薦：最近我試了 KANEBO 的嫩唇融澤護唇膏，真心覺得不錯！每次使用時，我都能感受到入面的磨砂粒，整走唇部的死皮 用了一段時間後，唇紋明顯減少，雙唇看起來更光滑、更飽滿。即使在乾燥的環境下，也不會感到緊繃，這點讓我很滿意。 #火熱新品

Fng好用推薦：買咗 V09號色， 偏土啡色， 適合黃皮膚搽。 質地很滋潤，持久， 鏡面妝效，有豐唇嘅效果， 不顯唇紋， 佢會成膜所以不容易掉色。#火熱新品

Milo101好用推薦：之前在Prada試妝，獲得新出的變色護唇膏試用裝一枚，所以就開來試一試： 取得的是U001淺藍色，會跟據PH值變色的，其實用手指取用就會見到微微變成淡粉紅色： 店員提醒：如果唇色深的，顏色其實不太明顯。能看得出哪裡塗了護唇膏嗎？ 答案：（細看會見到塗後有微微光澤的） 對我來說，顏色雖然不明顯，但作為護唇膏，雖然薄薄的一層，滋潤度恰到好處，而且持久度都不錯👍🏻也有淡淡的香氣 #火熱新品