HADA LABO 肌研

極潤保濕面霜

換季好物｜肌研極潤保濕面霜 轉季皮膚乾到好似砂紙咁，真係唔少得保濕面霜！ 呢支面霜仲有米糠油同植物精華油，可以加強塊面嘅保護層。打開個樽，你會見到裡面有一粒粒細細嘅營養粒子，當你搽呢支面霜上面嘅時候，啲粒子會爆開，跟住同啲面霜一齊吸收入塊面度。 我個人好鍾意佢陣味，淡淡嘅花香味，有舒緩壓力嘅效果，又唔會令我覺得頭暈或者作嘔。佢哋話陣味係來自加入咗嘅牡丹精華，唔係另外加嘅香料。 除咗鍾意佢陣味之外，我覺得呢支面霜係真係做到保濕㗎。佢質地好似奶油咁，用量大概兩粒黃豆咁多就夠，好易推開，配合適當按摩，等面霜吸收完之後，塊面好似飲飽水咁。攞嚟當晚霜用好適合，第二朝起身塊面都唔會乾。 如果係乾性皮膚嘅姊妹，可以喺換季嘅時候當日霜用。我係混合性偏乾，當晚霜用啱啱好。唔刺激，又唔會敏感。混合性偏油或者油性皮膚嘅姊妹就要諗諗先啦。 以後我都會再買返，百零蚊支面霜，用起上嚟都唔會肉赤。 #換季#轉季#保濕面霜

肌研 極潤保濕面霜 50g *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 之前轉季嗰陣因為本身用開嘅面霜已經用晒經美妝blogger介紹下而入咗手⸜(๑⃙⃘'ᵕ'๑⃙⃘)⸝⋆︎*目前都持續用咗around 兩個月୧⃛(๑⃙⃘⁼̴̀꒳⁼̴́๑⃙⃘)୨⃛ ❤︎ ︎ ❤︎ 佢嘅質地係屬於油潤感重嘅膏狀，

肌研 極潤保濕面霜｜混合偏乾肌嘅平價水庫💦 ✨使用感與效果 乳白色凝霜質地，推開吸收後形成保濕膜但唔黐膩，香港夏天用完全唔會悶痘～最驚喜係三重透明質酸真係做到長效鎖水，冷氣房過夜朝早起身兩頰依然軟嫩，T位又冇瘋狂出油！乾紋即時減淡，後續上防曬零搓泥～ ✨同價位比較 VSCurel深層保濕面霜：Curel更溫和但保濕續航力稍遜 VS Neutrogena水活保濕凝露：Neutrogena更清爽但秋冬唔夠力 VS 無印良品高保濕面霜：無印質地較厚，肌研清爽度完勝 ✨混合肌使用 ▸必須掌心乳化後按壓上臉（直接推易搓泥） ▸ T位建議用剩餘量輕拍就夠 ▸ 極潮濕日子可代替乳液單用 ▸ 妝前要等3分鐘完全吸收再上防曬 總結：$180嘅「保濕平衡王」⚖️ 平價得來滿足曬混合肌夏日所有需求，回購率100%！

由佢轉包裝之前已經用緊，最鐘意呢d gel 狀面霜，係夏天用非常清爽。同埋真心覺得舊包裝較為簡潔輕身，靚好多。

保濕得來唔算太厚重，都幾適合香港嘅夏天使用，萬寧特價嘅時候可以囤貨😆

質地比較油身D 係秋冬用就好fit 因為夠滋潤又鎖水 夏天就要視乎係咪成日開冷氣啦

質地比較黏立，比較適合乾燥嘅肌膚或者冬天使用，否則可能會爆粒粒，保濕度還可以

滋潤度好夠，秋冬用皮膚肯定無咁易乾燥同甩皮，如果妝前搽少少做打底仲有好正既保濕效果，上妝粉餅feel到無咁浮

純白色的cream，質感便厚，搽上去臉感覺輕薄但是手摸上去油油的。補水鎖水能力一般，整體比較適合秋冬用。

質感比較偏厚同油，適合成熟乾肌秋冬時用，媽媽喜歡，我就不了。

比較黏同厚重嘅凝膠質地 就算有保濕功效都唔太喜歡 因為太過黏啦

呢隻對我嚟講會太厚重啦，吸收唔曬仲會有啲黏，可以得乾肌先會啱用

夏天唔建議用呢款 會太油喇仲要痴粒粒咁 會搞到塊面勁容易生瘡 不過我諗冬天用會好好多 應該會等冬天先繼續用

冬天用都OK嘅,但係質地好笠。夏天用即刻爆好多暗瘡，目前用佢溝一啲有返唔係好夠嘅乳液，互相補充但係份量都要非常少。

當初中學唔識嘢亂咁買咗佢，簡直就係油性皮膚嘅大敵。佢係激黏笠嘅膏狀物體，其實係手背上已經好難推得均勻，一上面簡直不得了，非常之癡立立，其實都唔係好明點解我當初會買咗佢😂😂之後決定用咗嚟查腳都覺得好笠，如果你唔係極之沙漠嘅皮膚都唔使旨意買佢。