HADA LABO 肌研

雪葩冰感霜

Hada Labo 雪芭冰感霜 ❄️ 優點： · 瞬降3℃冰感：一推即化水降溫，香港夏天戶外返屋企厚敷5分鐘，即刻鎮靜泛紅同燥熱感 · 滲透力驚人：含多重玻尿酸，補水唔浮面，熟齡偏乾肌用後毛孔即時飽滿，唔會悶出粒粒 · 百元價位王者：同價位（$150以下）保濕霜中，唯一做到「降溫+深層補水」，性價比贏盡Curel、NIVEA水感凝霜 ⚠️ 缺點： · 保濕續航力短：冷氣房瞓覺的話，半夜會覺得乾，要疊加保濕精華 · 功效單一：純補水降溫，無抗老/美白成分，熟齡肌要額外搭抗老產品 · 酒精促滲：敏感肌可能輕微刺痛，極敏感者不建議試用 🌞 香港夏天表現： 混合偏乾肌日間薄塗一層夠爽又保濕，晚間要厚敷先夠力。出汗後無化白汗，降溫效果實測比Biore冰感防曬更持久！ 💡 總結： 百元級降溫補水神器！適合香港夏天追求瞬間降溫同深層補水的熟齡混合肌，但極乾肌同抗老需求者要疊加其他產品～❄️ #HadaLabo #夏日降霜 #開架保濕

呢款HADA LABO 肌研極潤保濕冰感霜真係令我好驚喜！我依照試用商品說明，每朝晚潔面後，輕輕按摩塗抹一層。霜嘅質感好似雪葩一樣，真係如初雪般一抹即溶化，仲有陣陣冰爽感，夏天用特別舒服！ 高效保濕：用咗一個星期，我明顯感覺到皮膚變得更加水潤，乾燥問題減少咗好多。皇牌透明質酸真係名不虛傳，幫我鎖住水分。 清爽控油：產品添加咗超微肌氨酸同控油微球，對我嘅T字位出油問題有顯著改善，毛孔都收細咗，皮膚變得清爽又唔會油膩。 修復呵護：活性益生元幫助修復我嘅皮膚屏障，同時令肌膚水合狀態保持良好，感覺皮膚變得更加健康。 使用後的狀況： 保濕潤澤：中分子、低分子、雙倍及納米級透明質酸配合神經醯胺，真係做到四重保濕效果。皮膚長時間保持滋潤，無論室內冷氣環境定係戶外炎熱，都無再感到乾燥。 整體嚟講，呢款極潤保濕冰感霜真係值得推薦，無論係保濕效果、控油能力定係修復皮膚，都有顯著提升。希望大家都可以試下，體驗下初雪般嘅水潤感覺！

感謝@HadaLabo @cosme 抽選成為今期新品試用者🙏🏻由於之前亦有試用過肌研護膚產品，用後感不錯，所以對今次控油系列非常期待😆😆 1️⃣外表包裝 收到產品時被淺藍的包裝吸引🩵成個藍白配色好夏日feel☁️🏖️🧊雪葩冰感霜藍色瓶身部分採取磨砂設計，開蓋後附帶小匙羹🥄，可以方便拎少量出黎搽上臉而不沾手。容量方面亦係一般坊間面霜分量50g，因為我日常護膚程序較少用面霜，所以每次大概硬幣🪙份量都可以用一段時間。 2️⃣質感效果 因為今次雪葩冰感霜主打控油夏日產品，成個面霜質感名副其實係磨砂雪葩感😆第一次體驗呢種質感嘅面霜。原本以為上臉後會好難吸收或者偏油，但實際效果出乎意料之外🤣搽上臉係好快就已經形成一個薄膜，之後皮膚就會變成霧面感覺。 因為我係混合偏油肌，用完之後隔一段時間後會覺得控油效果唔錯，起碼唔會好似其他面霜咁令面好快就會覺得塊面好油，同時都可以保持到保濕唔乾嘅感覺。 3️⃣整體用後感😉 其實今次產品俾我想像中可以較為常用（因為本身驚太滋潤而會省略面霜step），控油效果都唔錯，會推薦👍🏻

好開心抽中今次Cosme試用 肌研極潤保濕冰感霜！ 我係混合偏乾肌，以現在夏天而言，臉頰同鼻頭偏乾，塊面近鼻翼附近面部位置毛孔較粗。 產品建議使用兩星期，用咗一星期，分享吓感想~我用法係爽膚水>精華液>肌研極潤保濕冰感霜。面霜質感好得意，似雪葩😂附帶匙羹仔。 氣味：清新舒服，產品標榜無香料酒精 質感：水潤易推，一小匙已足夠搽全面，搽完保留到滋潤感。(雖說冰感霜，搽落輕微涼感，唔係薄荷好”那”嗰隻，皮膚容易敏感既朋友都可以放心~) 試用左肌研極潤保濕冰感霜1星期，輕微有收細毛孔，不過如果針對收細毛孔，可能要用更有力嘅產品。 用落驚喜係佢似all in one面霜，保濕度上亦足夠乾肌滋潤。懶的話，沖完涼塊面仍然係飽水狀態，唔用爽膚水直接搽佢都夠保濕，旅行帶佢會好方便~😆 多謝Cosme抽中體驗！總括而言，今次嘅試用感受係正面嘅，做到廣告標榜”一抹保濕”，Like！會繼續使用，亦會推薦比朋友~

首先好多謝cosme 舉辦呢啲試用活動 第一次抽中試用 🫶🏻 雖然香港未真正踏入夏季 但係又濕又焗嘅天氣 更加令皮膚有負擔 本身係混合性嘅皮膚 有時天氣稍為熱少少 中午後 已經好容易出油 而最困擾嘅就係瞓醒總係會出油 試過好多唔同大牌子嘅面霜 用過啲清爽啲嘅gel cream 或者 滋潤冇油性嘅cream 全部都無辦法減少出油 呢隻肌研新出嘅面霜質地好特別 好似雪葩一樣 佢係特別適合香港天氣 連續用左14日，感覺好滿意。 查上面好容易推開同埋會有一層霧面嘅感覺 最出乎意料嘅係真係可以令我皮膚保濕， 但係唔出油。 絕對唔會一味控油而忽略咗保濕。 另外仲有一個驚喜位， 盒內仲附送一隻膠匙羹 每次取出相同嘅份量🫶🏻 夏天大家都要一盒 以下係官方資料  雪葩質感極緻輕盈 如初雪般一抹即溶化， 瞬間被皮膚吸收 •清爽控油： 添加超微肌氨酸及控油微球,有助收細毛孔,改善肌膚水油平衡,減少泛油問題,締造水漾啞緻肌 •修復呵護：活性益生元有效增強肌膚水合狀態，修護受損角質層，改善皮膚屏障

穩定夏日肌膚我有計！香港天氣太熱，熱到塊面紅卜卜，又好易熱到泛紅敏感，見到snow dew就覺得必須要入手，見到雪葩質地既面霜真係好開心，面霜配有一個小勺，質地係非常滑身嘅雪葩狀，非常易推，有種冰涼感覺好舒服，摸落皮膚好柔軟順滑，有即時blur毛孔效果，上面冇黏笠不適，上妝都冇問題，保濕度我覺得幾好，如果天氣太熱，皮膚局部灼熱都好適合用呢種質地既面霜厚敷，我覺得可以放埋係雪櫃用應該會更冰涼！

我都幾喜歡這個品牌，因為它的產品的質素不錯，價錢又親民 這款冰感霜是新出品，它的質地本來是白色啞色的霜狀，但一抹上皮膚就好像雪葩一樣，立刻好似溶化了，變成水狀，所以皮膚吸收得超快，而且感覺完全沒有負擔。單單是這個質感，我已經很有興趣，而且搽上面很清爽，還有冰冰涼涼的感覺，真的十分適合悶熱的夏天使用 它的成份有4種高補濕透明質酸，可以有效為肌膚保濕，用了一段時間，皮膚變得水潤，有足夠的水份，而且油光的問題也改善了，連毛孔也有些微收細了 還有值得加分的地方，就是它很貼心地附送一隻小匙，那麼就可以衛生一點，而且控制份量也可以準確一點

多謝@cosme抽中試用！今次試用既係雪葩冰感霜 (肌研極潤保濕冰感霜)，好開心可以使用到呢隻產品，因為見到廣告嘅時候都已經覺得好吸引，自問係一個夏天好容易出油嘅人，尤其是朝早化完妝，去到收工已經滿面油光，呢隻產品就幾適合我，每朝早化妝之前會搽上面做個打底，非常之清爽，雪葩質地真係好得意，唔會好笠，形成一層薄薄既膜，仲有支羹比你「不」黎搽，好方便。呢隻面霜保濕同埋控油能力都OK，去到收工都唔會話好大油，推薦香港呢啲夏天又潮濕又焗既地方使用！

好開心今次有得試用呢個雪葩系列💙 近排天氣好悶熱，生左好多暗粒，一方面又想補多啲水，另一方面又怕厚怕黏笠！呢個雪葩冰感霜，睇落同真嘅雪葩好似真係冇乜分別😂 輕盈易推，少少份量就可以搽好大面積，延展性好高。揸完之後冇一般面霜咁厚，薄薄嘅一層好快吸收，第二日起身，塊面睇得出舒緩咗好多，冇之前因為天氣熱而令到塊咁红，暗粒開始退落嚟，冇咁快出油，控油同降紅力好好！ 同一時間試埋雪葩冰感眼霜，質感同冰感霜一樣咁輕咁易推，好清爽，用嘅呢兩個星期眼底都冇特別生油脂粒，而且個按摩頭冰冰涼涼，用上眼好舒服！即刻降溫！朝頭早用嘅時候輕微改善到眼部浮腫嘅問題～ 但係係始終用手指按壓先可以令眼霜完全吸收。 總括嚟講，佢嘅質地真係好軟綿綿，輕盈唔厚重，喺香港咁悶熱嘅天氣底下用就岩哂！

多謝@cosme抽到 我今次試用hada labo 嘅雪葩冰感霜 我係油性皮膚，夏天出去幾個鐘就會出油同溶妝 今次收到呢款面霜，效果令我好驚喜，真係同個名一樣係雪葩咁嘅質地，搽上面都係冰冰涼涼，好輕身同易吸收。呢款面霜好易推開，如果同一個位來回搽嘅話會有少少厚薄唔均勻嘅問題，都唔影響佢嘅效果。 開頭搽上面都冇過敏嘅問題，敏感肌都可以用🙋‍♀️去到第二朝早起身塊面都唔會好似搽咗其他乳霜咁油令令 持續試用咗一個星期之後，覺得皮膚冇咁快就成面油光，溶妝嘅情況都有改善！

再次感謝@cosme 邀請使用肌研雪葩冰感霜。本身自己都係混合性偏油皮膚，再加上呢排溫度時高時低同埋打風，肌膚狀況變得非常之唔穩定。 呢款雪葩冰感霜真係黎得好合時，佢質地非常清爽輕盈，有別於一般面霜非常厚重嘅質感，上面真係有種冰涼嘅感覺，但係同時又有一定嘅保濕力。🫢因為佢有呢種特質又可以控油同時保濕，除咗夜晚用之外我朝頭早上妝前亦都會使用。持續用咗兩個星期，完全感受到佢可以減少少出油同時保濕嘅功效。 仲有一個好犀利嘅功效，佢可以幫助收細毛孔同埋令到皮膚更加細緻嫩滑😳🥰。我諗應該春夏都可以繼續使用，用晒之後都會再回購！

呢款肌研極潤保濕冰感霜係好令人驚喜嘅保濕產品 。佢嘅質地非常清爽細緻，擠出黎可以感受到醒膚的涼感，塗抹在臉上觸感很順暢、吸收迅速，不會有黏膩悶熱嘅感覺 成份方面，產品中含有豐富的保濕成分如玻尿酸和神經醯胺，可以有效補充肌膚水分，同時鎖住水分達到持久保濕嘅效果 外觀方面，呢款冰感霜採用簡潔清爽嘅設計，給人一種乾淨高級的感覺。 使用後，感覺皮膚變得水潤有彈性，唔單止立即獲得舒適的保濕感，恢復最佳狀態，尤其對於夏季時乾燥缺水的肌膚黎講，呢款肌研極潤保濕冰感霜絕對是一個不錯的選擇。

多謝@cosme 令我有機會試肌研既冰感霜同眼霜 雪葩冰感霜個質地好輕薄 好適合夏天又熱又焗用 搽上面推開就好似無形間敷咗個好薄既gel mask 保水保濕之餘唔會好黏笠 減慢咗出油既速度 雪葩冰感眼霜最有驚喜 冰感陶瓷按摩頭令雙眼好舒服 尤其朝早起身按摩眼周涼浸浸特別提神 洗完面搽眼霜更加達到保濕效果唔會話好乾同拉扯 最緊要係可以擊退女生大敵：對眼未瞓醒浮腫 今次肌研既冰感霜同眼霜兩款product都好啱夏天用(*≧ω≦) 又熱又焗既日子真係咩都唔想搽上面怕黏笠 冰感霜同眼霜做到保濕之餘又唔會對肌膚有負擔 最緊要係搽上面好涼爽提神 啱曬夏日熱辣辣～

第一次抽中試用，多謝Cosme邀請(´,,•ω•,,)♡ 先講本人膚況：混合偏乾，少少敏感，T字位出油，易生粒粒。 質地：好啱夏天，雪葩質地超light超舒服🍧，仲涼涼地好似搽咗層冰咁🧊，搽多咗都唔會起油脂粒或暗瘡，延展性極高！ 1/ 控油度高！ 出油少咗，之前返工晏晝要印一印鼻頭啲油，用咗之後出少好多油。 2/ 保濕力足！ 以為咁light保濕力會唔夠，點知同平時用嘅cream保濕力差唔多，但佢上面質感贏晒XD，保濕續航力夠高，喺公司OT返到屋企沖晒涼先搽佢，中間隔成十幾個鐘塊面都冇掹掹緊，不錯唷～ 3/ 輕微收細毛孔！ 嚟M時期試用竟然都有小小收細到毛孔，真心大癲🫨！ 總結：春夏季對混合偏乾美眉嚟講都非常夠做，出入冷氣地方都夠保濕👍。秋冬應該唔夠保濕，不過喺香港啲濕熱翳焗天氣嚟講非常友好🥰 想讚一讚XD：包裝設計非常好，有蓋同小匙羹可以隔絕雪葩霜同空氣細菌接觸🧴

十分多謝cosme的試用邀請及品牌方抽中我。我個人十分鍾意肌研新出的雪葩冰感霜，我本身是混合偏油肌，因此一到夏天就很討厭面霜使用後所殘留的黐笠感，但該產品雖然是面霜，卻既清爽易推開又保濕快吸收，使用精華後再使用雪葩冰感霜，冰涼的上面感更令我愛不釋手。 早上使用後係辨公室可以感覺到比以前使用嘅面霜保濕度更持久，外出遊玩時又感覺到佢出色嘅控油能力，首推的面霜，係我一直希望搵到嘅面霜產品，絕對會回購嘅產品!!!!