La Roche-Posay

每日高效提亮防曬霜 (粉色)

多謝@Cosme 送出這枝LRP 色號ROSY的調色防曬霜。 質感為乳霜狀，色調為偏暖的淡粉色。塗抹後有保濕感，適合較乾燥或長期待在冷氣房的肌膚。擁最高防曬系數SPF50+PA++++，同時具備調色功能，可用作妝前底霜，一物兩用。 塗抹後的效果：防曬同時提亮膚色，用後即時提昇肌膚透明感，自帶好氣息👍🏻塗抹後直接上碎粉就能出門，是偽素顏派必備底妝產品！

抗敏感醫美品牌的防曬，防曬系數高 SPF 50，即使戶外活動都足夠。雖然產品寫係粉色，但支出來發現係米色，我有一下懷疑係盒和 product 錯配了🤨 做一下功課才知道只有一個色。 防曬霜呈乳霜狀，沒有流動性，塗抹容易，但帶一點化學品味道，像是日本雙頭水筆的味道😖 因為防水的關係，防曬有少許焗，秋冬季用更理想。塗到面上有一點提亮效果，但不帶調色功能。整體感覺不錯，但提亮型防曬，我更喜歡雪肌精。

已經用過超過5支，初初因為係防敏感牌子才會試用。我皮膚係偏油，夏天用時會比較淋，但用過一段時間，已經習慣，冬天根本不會有此問題。雖然是粉紅色，但一搽上面已經變透明，不會有色差，感覺沒有太多化學成份，用得比較放心，皮膚都不會有太大負擔，而且可以當Base用，所以才會一直回購👍🏻👍🏻👍🏻👍🏻亦有信心推介朋友使用。

一到夏天就諗起要防曬，以前好驚搽防曬產品，物理性嘅又油又假白，化學性又驚過敏又怕對環境造成影響，淨係搽防曬粉保護力又唔夠，後來查咗好多資料，最終決定買呢支 之所以揀呢支防曬，係因為第一，La RochePosay係醫美品牌，雖然以前用同牌子嘅去粉刺精華感受一般，但至少唔會刺激皮膚，同埋呢支防曬聲稱適合敏感同痘痘肌 第二，防曬度數非常充足，雖則我唔係戶外工作，不過對SPF同PA度數要求都高，另外仲有少見嘅廣譜抗UVA功效，市面同類產品一般只能夠抗320～340左右嘅UVA波長，而呢支防曬可以抗380左右波長，更加有效防止因日曬而產生嘅皺紋同斑點 第三，呢支係結合物理同化學防曬，加上有潤色功能，唔會假白，唧出嚟係乳霜狀，無流動性，易推開，延展性非常好，無油笠笠嘅感覺，feel到係面上形成一層透氣嘅膜，防水能力非常好 不過唔太抵得受摩擦，雖然戴住KF94半日唔會污染口罩，普通口罩會沾染咗一啲，另外都唔太控油，半日就油光滿面，感覺好笠，如果有清爽版本就好 整體表現尚算理想

因為皮膚敏感，一直都好怕啲防曬會悶焗同唔夠清爽，呢個牌子本身專門為敏感肌而設，完全無以上問題，好容易推開同貼合皮膚。 佢防曬度數亦夠強，有SPF50+PA++++，可以好好保護到敏感肌膚唔會因為紫外線而受傷。 另外，呢枝有埋調色功能，有輕微泛紅嘅位置就唔係太遮蓋到，但查左確實面色有變好，各方面都好滿意，會回購！

不錯 防曬度數足夠 粉紅色瞬間提亮 沒有奇怪的味道 不過有一點厚 不是水潤的感覺 但這個牌子出名不會造成暗瘡敏感等肌膚問題 所以我認為有一點厚也不是大問題 不過戴口罩的位置會盡量塗簿 以免悶悶的皮膚不透氣

質地乳霜狀，延伸性很好，易推，具補濕力，非常透薄，會作妝前底霜使用，雖然沒有明顯遮瑕功效，使用後增加了肌膚光澤感，粉色色調有助提亮和調整臉部整體膚色，看起來更精神！

理膚寶水這款潤色防曬已經用掉了很多枝，這枝粉紅色的跟膚色的質地一樣保濕效果不錯，但粉紅色這款提亮效果比膚色的更好。要注意的是混合肌用要配合碎粉，不然會很容易出油，尤其是現在進入了春天，天氣回暖而且潮濕。

淡粉紅色，比較稀既膏狀，好易推，唔泛白，係面上有粉少少素顏霜既效果，無遮瑕度，但可以輕微提亮膚色

由於係物理防曬關係，質地非常厚重， 要少量慢慢塗抹，感覺比較油膩， 用後需要上碎粉。

呢支上臉係有少少粉紅色，潤色效果可以，望落會有返啲氣色，質地2支差唔多，唔笠不過唔輕身

質地看似厚重，但上臉後會變成滋潤感卻不黏笠，令人非常驚喜；日常使用不曬黑又不會致敏，身為易敏肌很愛用

防曬度數高 又有調色功效 我自己會當佢底妝黎用 調色功效都幾明顯 亦有妝感 不過戶外活動用就應該不太適合了 因為感覺佢不防水 戴口罩時都會掉色係口罩上 上臉感覺油油的 要定妝 油性皮膚不推薦

質地不算薄，但易推，但塗抹後臉上帶點重感，由於有調色成分，可tune帶黃膚色，但正正有調色作用，色調會殘留在口罩上，所以戴口罩時會避免用它。

質感厚重，難推開，而且很顯現肌膚的紋理和瑕疵，乾性肌絕對不能嘗試