NIVEA

亮白極致嫩膚乳液

超乎預期嘅效果 乳霜氣味係有花香味，唔會刺鼻，老公都覺得香 質地剛剛好，容易推開，有足夠滋潤度又唔會太厚 使用後幾分鐘就完全吸收，冇任何黏笠 夏天使用都冇唔舒服嘅感覺 使用後效果比我想像更好 確實做到即時提亮同即時保濕 即使質地輕薄，腳踭位置乾燥都係一用就平滑咗 小腿部份一啲’雞皮’都改善好多 最令我驚喜係 我故意選擇腿部有疤痕位置做前後對比 估唔到連疤痕都有減淡效果 呢個價錢有咁嘅效果完全意料之外 以下附上對比圖，原圖直出 使用前 使用後

首先多謝@cosme先～ 揀中我試用nivea既亮白極致嫩膚乳液！ 之前一直都有用開nivea藍色果支搽全身 今次呢支比藍色款更加水狀，更容易推開到全身 詳情睇圖😆😆😆因為比較水 所以要搽耐少少先會完全吸收 完全吸收之後就會好似下面張圖咁～肉眼可見，其實一搽完就已經白左一度😂😂 呢個亮白真係比之前其他款有感～ 味道都唔會話好大陣～甚至幾好聞 最重要係敏感肌岩用！！！ 男朋友身為敏感肌，用完完全冇話唔舒服，亦都冇話黐立立！！！好難得有款岩佢用！！正啊！

感謝 @cosme 的試用邀請～ NIVEA係一個我覺得性價比幾高ge牌子～今次試用呢款乳液都覺得幾好～ 質地係白色乳液，好易推好快吸收，感覺係再搽多d都唔會黏膩（最怕黏膩訓覺會痴曬落被）。夏天用覺得好適合，唔知冬天會唔會唔夠保濕。 帶香味，我覺得稍微濃左少少，但個味係接受到的都唔係好假嗰d香精味。 提亮膚色方面有驚喜！膝頭平時好少保養，估唔到試用2星期後影相對比已經見到分別 before：after：

感謝@cosme的試用邀請，有幸同大家分享Nivea 亮白極致嫩膚乳液用後感。 1️⃣首先講講品牌方對產品的優點描述： - 成份升級，加入更強美白成份：含99%高濃度維他命B3+80倍維他命C - 質地水潤，長效鎖水，保濕提亮 2️⃣再同大家分享本人用後感 (身體屬混合偏油肌) 乳液瓶身設計簡約，搽用按壓設計；乳液呈白色lotion狀，我覺得一泵份量比其他牌子多，而且較稀身，所以第一次用時，確實覺得有d奇怪...但推開時係勁易推同快吸收，吸收完會feel到皮膚上好似有層薄膜，有保濕滋潤感，有淡淡桃味 香氣怡人，適合夏天使用。跟著就跟大家分享before & after：10日後後記：老實講，不論透過肉眼定係喺相片嘅記錄嚟睇，我都唔覺得有好大分別，可能係自己皮膚都算白🤭所以用完呢款產品唔覺有白咗；又或者咁講，正正係呢款產品厲害，就算我每日都有接觸陽光，但我都冇變黃暗啞。

使用了NIVEA 亮白極致嫩膚乳液有1個星期的時間(!!!)總結岀用後心得～想購買的朋友可以參考一下喔:) 這次十分感謝@cosme，讓我有機會試用NIVEA的產品!!🌸(!!!) NIVEA的產品一直都是我的愛用之選!! 產品一向高質而性價比超高✨ NIVEA 亮白極致嫩膚乳液～♡ 是NIVEA 皇牌美白乳液的新升級版本！新版本加入更強美白成份，所以我特別用在色素沉澱的位置，持續使用的確有提亮均勻膚色的效果!!想要注重美白的朋友們可以衝!! 另外質地水潤不會黏笠不舒服，塗抹在身體後很快吸收～沒有負擔感，是四季都可以使用的一款產品～ 味道方面是全新的藍蓮花香，很特別的香味！前調是清潤桃汁、水竹、水晶冰橙，中調是藍蓮花、粉紅小蘑蘭、白莱莉花，後調是檀木、白麝香。説實話味道是有點重的香味，個人是蠻喜歡的，塗完就好像噴了香水一樣，但應該會有人不喜歡啦，味道方面的喜好就因人而異了✨ 不含酒精、色素、礦物油、PARABEN 類防腐劑、防曬劑，適用於所有膚質，包括敏感肌也可以安心使用！~ 使用了一個星期的時間，肌膚維持水潤不乾燥，美白效果也很有感，質地清爽四季都適合！ 總括來說是很推薦

十分多謝@cosme 抽中我試用NIVEA 亮白極致嫩膚乳液～ NIVEA 皇牌乳液新升級版本 新版本加入更強美白成份 特別適合用於色素沉澱的位置持續使用可提亮均勻膚色的效果 質地水潤唔黏笠 容易推開到全身 搽後吸收快無負擔 味道方面特別的藍蓮花香味 後調帶檀木香 無酒精、無色素、無礦物油、無PARABEN 類防腐劑、無防曬劑 適合所有膚質 包括敏感肌 女人都怕曬黑，有機會試用到 NIVEA亮白極緻乳液 希望長期用有助提亮膚色 乳液有維他命C及其他有助美白的成分，但溫和不刺激 加上淡淡花香有效安神助眠 大推

多謝@cosme 及Nivea 舉辦今次試用活動。 今次試用嘅產品係 NIVEA亮白極致嫩膚乳液 。本身自己係乾性敏感肌膚，有用潤膚乳嘅習慣。今次試用產品標明敏感肌適用，係試用嘅兩星期中，亦冇過敏嘅情況出現，敏感肌嘅朋友可以試吓。 乳液嘅質地屬於清爽唔黏笠，容易推開，亦好快吸收，就算係夏天都好適合。乳液嘅保濕效果好好，搽完明顯感受到肌膚變得更水潤有光澤，有即時提亮嘅功效。就算長期係冷氣房，皮膚亦唔會變得乾燥，保濕力很好。 除咗保濕，乳液主打美白功效，添加了菸鹼醯胺及維他命C，標示連續使用能有效淡化黑色素，改善色差。今次試用期間，感覺美白效果唔算好突出，可能兩星期試用時間比較短，又正值炎夏，陽光比較曬而扺消咗乳液美白嘅效果，希望遲吓用耐啲能有效減淡關節位嘅色素沉澱及提亮膚色。

今次收到Nivea嘅新品潤膚露，用咗感覺幾唔錯！首先係香味唔刺激，亦都唔會好有侵略性，聞落感覺好溫柔～跟住講下質地，係比較稀嘅質感，有些許流動性，同埋吸收完之後唔會黐笠笠！唔使驚擦完整到衣服唔舒服。但係如果少量多次疊加擦會好好多，一次過兩泵會冇咁快吸收。依家轉季期間，皮膚容易乾痕，但係擦呢款都唔會覺得有刺激感。暑假游水曬黑好多，用完感覺係有白返啲，但可能因為主要功效係美白，所以保濕力度相對冇咁持久，如果冬天特別乾燥時可能要加大用量。總體而言，之後用完都會想再回購

本身見到廣告已經心郁郁想買NIVEA新出ge亮白極致嫩膚乳液試下，好開心收到 @cosme ge試用邀請。 本身自己每日都用緊NIVEA藍色樽果隻潤膚露，一直都覺個呢個牌子性價比高又幾好用。今次收到亮白極致嫩膚乳液我就用左右手黎做左個比較，左手用NIVEA亮白極致嫩膚乳，右手就繼續用我原本用緊ge NIVEA藍色樽潤膚露，測試大約一個星期，睇下會有咩變化。 圖片所見，試用果隻手真係有白左少少，效果唔算非常明顯，但一個星期有咁ge效果，其實我已經幾滿意。講一講新ge隻乳液ge質地先，佢算係幾輕盈唔黏笠，沖完涼用佢其實著番衫無耐已經feel唔到佢ge存在，用完亦都無任何刺激ge感覺。同藍色樽果隻潤膚露比較, 呢隻係比較稀身少少ge。至於氣味方面，我覺得都算清新，官方介紹佢ge前調係清潤桃汁、水竹、水晶冰橙，中調係藍蓮花、粉紅小蘑蘭、白莱莉花，後調係檀木、白麝香，大家可以參考下。 總結我會薦比大家，自己用完都應該會回購。

不盡天氣如何，我都好鍾意搽body lotion, 晨早保濕，夜晚修護。今次好開心有機會試用「NIVEA 亮白極致嫩膚乳液」， 兩星期早晚使用，感覺其質地水潤輕盈易吸收。 最鍾意佢全新藍蓮花香，前調：清潤桃汁、水竹、水晶冰橙；中調：藍蓮花、粉紅小蘑蘭、白茉莉花；後調：檀木、白麝香。令人由朝到晚都香噴噴，心情都好啲。 睇返成分，佢不含酒精、色素、礦物油、防曬劑，適合所有膚質，包括敏感肌使用。 重點係用完佢兩星期，睇得出膚色均勻咗，特別係夏天經常曬黑咗嘅手臂。一定會繼續使用，安安心心美白身體每一寸肌膚。

NIVEA 亮白極致嫩膚乳液 收到試用品時發現原來都好大支，有足足400ml，應該可以用到好一段時間，而價錢亦非常便宜，屬性價比高。👍🏻 本身早前已經想買類似嘅美白body lotion嚟用，但一直睇唔啱，同埋我本人皮膚比較敏感，唔敢亂咁買。咁啱被抽中NIVEA亮白極致嫩膚乳液嚟試用，就試一試吧。🫢 呢隻美白乳液係敏感肌都適用，揼出嚟時發覺係比較水質，唔係好杰身嗰種，搽上身之後都好順，好易推開，氣味清新唔會有太濃烈刺鼻嘅香味。搽上身之後，亦感覺到潤澤嘅感覺，而皮膚亦唔會好立痴痴咁，吸收得幾唔錯，夏天都非常適用。🙌🏻 用咗大約一個多星期，皮膚冇過敏反應，但可能因為試用期太短，美白嘅效果未係好明顯，但長期使用嚟講都幾推薦呢款美白乳液。💞

感謝 @cosme 的試用邀請，讓我可率先試用NIVEA亮白極致嫩膚乳液～ 質地流動，好易推及吸收快，擦完當刻有少少少少黏膩感，但過多幾分鐘就完全吸收，不黏膩。 氣味方面，係藍蓮花香，我覺得幾香，陣味到第二朝瞓醒都仲有😆就好似自帶體香咁～ 不過有幾日我前手臂有啲位敏感，原本都擔心美白產品會唔會令痕癢嚴重咗，但擦完呢款乳液又無乜事，所以都偏温和低刺激。 我大概用咗10日，肌膚色澤係提亮咗少少，之後都會keep住用～

感謝Cosme和Nivea的潤膚乳試用邀請～Nivea產品一向口碑好而實際上都係好用 ，自己一直有回購。之前用過上一款，買嘅原因係希望幫皮膚保濕鎖水之餘同時美白。今次呢款新升級亮白極致嫩肌膚乳液，吱出黎已經覺得輕身透薄左，搽上身體感覺到滋潤而清爽，好快就吸收左，改善暗沉，都冇泛白泛油嘅情況。而試用嘅日子有炎炎夏日嘅天氣同打風大雨嘅天氣，可能今次輕身透薄左，使用後完全唔覺得有搽左野嘅黏立感，亦都冇任何敏感情況，可以安心隨時使用。

今次抽中試用NIVEA 亮白極致嫩膚乳液新升級版本， 試用咗兩星期，十分推薦大家購買。 首先，乳液質地上輕薄，一搽上手就迅速吸收晒，完全冇黏笠嘅感覺，夏天非常適合！對比起上一代真係輕盈咗好多！！ 雖然佢好輕薄，但完全比到皮膚水潤嘅感覺，呢點我十分滿意！ 乳液又講到有美白成份，但暫時未見到有效。 但係對於腳上面有啲乾紋，非常有用！ 另外，佢嘅香味好溫和，因為我唔太鍾意濃烈嘅花香，但呢款係好淡嘅香味。 由於本人係敏感肌，皮膚好容易起粒粒，但因為呢款嘅質地比較輕盈，又冇含酒精礦物油等等，所以我皮膚冇起粒粒，總括而言性價比極高！

感謝cosme俾機會我試用Nivea依款亮白極致嫩膚乳液。 官方建議一次按兩下，兩下嘅份量啱啱好可以搽勻雙臂同雙腳。 質地易推開，搽完唔黏膩，好快皮膚就吸收晒，可以有效保濕。 尤其係依家夏天，日頭係室外太陽成日曬住，室內又長期留喺冷氣房，都會令到皮膚變黑同變乾。 我自己習慣係沖完涼搽一次，搽完直到第二朝皮膚都仲keep到水潤有光澤，然後朝早出門前再搽一次。keep住用左一個星期多，感覺皮膚有變白咗少少。 乳液本身有股淡淡嘅香味，自然不刺激，搽完聞住心情都好啲。