NIVEA

亮白極致嫩膚乳液

NIVEA 亮白極致嫩膚乳液
收到試用品時發現原來都好大支，有足足400ml，應該可以用到好一段時間，而價錢亦非常便宜，屬性價比高。👍🏻
本身早前已經想買類似嘅美白body lotion嚟用，但一直睇唔啱，同埋我本人皮膚比較敏感，唔敢亂咁買。咁啱被抽中NIVEA亮白極致嫩膚乳液嚟試用，就試一試吧。🫢
呢隻美白乳液係敏感肌都適用，揼出嚟時發覺係比較水質，唔係好杰身嗰種，搽上身之後都好順，好易推開，氣味清新唔會有太濃烈刺鼻嘅香味。搽上身之後，亦感覺到潤澤嘅感覺，而皮膚亦唔會好立痴痴咁，吸收得幾唔錯，夏天都非常適用。🙌🏻
用咗大約一個多星期，皮膚冇過敏反應，但可能因為試用期太短，美白嘅效果未係好明顯，但長期使用嚟講都幾推薦呢款美白乳液。💞