Bioré

黑頭崩壞洗面啫喱

# 火熱新品 呢支不起泡嘅 Biore Deep Clay 泥漿洗面膏喺日本超高討論度，連當地都要限購，我見香港第一日有得買就即刻衝去入手！包裝大大支，開架價錢好實惠，睇落可以用好耐。佢帶有淡淡嘅柑橘系香味，唧出嚟係淺灰色、滑身且帶少許黏性嘅泥狀，無論加水定用洗面機都係完全唔會起泡嘅。 根據網上介紹佢有兩種用法，我首先試咗全面清潔：將大約 3cm 份量平均塗抹全面並輕力打圈按摩，之後用暖水沖洗。過水後皮膚感覺幾滑，但嗰種滑手感好似有一層產品殘留喺面上未洗乾淨咁。毛孔睇落有微微清潔咗少少，但去黑頭同角栓嘅效果唔算十分明顯。好在後來搽護膚品或上妝都好順暢，冇起擦膠碎。 之後我試埋厚敷 T-Zone 做深層清潔：敷咗一陣再沖水，但因為驚有殘留感，今次用溫水清洗時比較用力，結果洗完後皮膚受傷泛紅，乾澀掹緊感亦比普通清潔時明顯。再仔細觀察鼻頭黑頭，覺得清潔力只屬正常，未到好神奇嘅地步。 總括嚟講，以容量同價錢嚟講佢算係表現不過不失嘅產品。如果唔鍾意洗完面有層「滑潺潺」殘留感嘅朋友，建議先局部小範圍試用，同埋清洗時記得要溫柔，唔好整傷皮膚！