Clé de Peau Beauté

稜鑽煥肌底霜

#火熱新品 【用後感】CDP稜鑽煥肌底霜：貴婦級「隱形補光燈」，捱夜都唔怕面青口唇白 老實講，最初入手CDP（Cle de Peau）呢枝「稜鑽煥肌底霜」，個心真係拿住拿住。800蚊貨仔，買枝底霜咋喎，唔係粉底喎，真係諗過度過先扑槌。但用咗一個月左右，我可以大膽講句：呢筆錢，係投資，唔係消費。 質地：好似搽緊絲綢咁滑 一唧出嚟，佢係淡粉紅色嘅cream狀，質感好輕盈，完全唔杰身。手指一推開，即時好似溶入皮膚咁，唔會起擦膠碎，亦都唔會黐立立。最驚喜係佢個「轉油為光」技術，我屬於混合肌，T字位成日泛油，但搽完呢枝，過咗幾個鐘，塊面出嘅油居然變咗做一種好自然嘅「光澤感」，望落去塊面係飽滿嘅、似係瞓飽個種健康光，而唔係油光滿面嗰種「污糟光」。 最大優點：即時變「媽生好皮」 我平時唔鍾意厚粉，呢枝底霜最啱我心水嘅地方，就係佢唔係遮瑕，而係 「補光」 。佢入面有啲幼細到肉眼差啲睇唔到嘅粉末，搽上面之後，好似幫塊面打咗層好薄嘅柔焦燈，毛孔即刻平滑晒，膚色均勻返，仲要有種粉粉嫩嫩嘅紅潤感。就算嗰晚捱夜睇劇，第二朝搽完佢，都呃到人以為我精神奕奕。 續航力：越夜越靚，唔會暗沉 好多底霜一到下

Clé de peau 稜鑽煥肌底霜 質地：乳液 顏色：粉紅色珠光 效果：透亮肌膚，光澤感 同correcting cream veil相比，skin beauty enhancer會係偏向流動性高啲嘅乳液，輕薄易推開。主打光澤透亮，係幼細粒子嘅閃、珠光感覺，可輕微修飾毛孔。重點係之後再上粉底/蜜粉，都可以keep到個光澤由底透出嚟，效果自然，好似皮膚自帶光澤。 但如果想要明顯修飾毛孔同埋調整膚色效果，correcting cream veil會較適合。 附上correcting cream veil同skin beauty enhancer嘅對比圖，可以見到兩者嘅質地同埋推開後嘅效果，各有各賣點。 #火熱新品

CPB忠粉！ 呢支隔離質感真係好舒服，推開順滑唔會卡粉，膚色即刻變得透亮均勻，帶SPF防曬好實用。 潤而唔油，上完後膚面係高級啞緻微光，後續上底妝都好貼，係懶人日常必備。 缺點係貴，以及潤色效果比如黑管隔離。 #火熱新品