L'OREAL PARiS

透明質酸8秒水髮膜

優雅風鈴草花香為髮絲沾上香氣 洗後秀髮散發出風鈴草花香，而且持久不散。 成日染燙頭髮，髮絲變得毛糙乾旱又易打結， 一向都少用髮膜，除左時間需性之外， 主因係因為好怕用完之後個種厚重黏膩感， 而且又會令到頭髮容易變得扁塌！ 好開心有機會透過@cosme試用L'Oréal Paris【透明質酸8秒水髮膜】， 係全新突破性水髮膜！只需 8 秒，髮膜如水般被頭髮迅速吸收， 一沖水就帶來柔順秀髮，輕易打造水潤輕盈空氣感！ 今次就實測左塗抹8秒後沖水，期間無須等待， 省時又方便，真係超方便啊！岩哂繁忙既都市人！ 透明質酸8秒水髮膜蘊含98%高純度透明質酸+保濕因子及高純度角鯊烷， 除左高效補水同時修補髮絲鎖水保護層， 其水狀質地更可以均勻包覆條條髮絲， 助我平滑頭髮、賦予輕盈柔順光澤感！！ 我通常會訓前洗頭，就算訓醒，髮絲依然柔順易打理， 唔會有毛糙打結情況出現，可以維持長效水潤， 加上佢既風鈴草花香好清新優雅，真係大推！！ Before: After:

感謝@Cosmo 邀請試用😆😆 覺講下我髮質：偏硬，天生鬈曲，髮量多，定期拉直頭髮（半年左右），有染髮 由於要湊小朋友既關係，都無太多時間管理頭髮，就平時原停去拉直、染髮造成很大傷害，想電內捲嗎？10個髮型師9個說我頭髮太傷，不斷做負離子，染髮的treatment，要停止呢啲行為一年先有機會改善髮質，回復頭髮彈性先得啦，但以我頭髮天生鬈曲的狀態下，我點會由得個頭變「爆炸頭」吖，見新出左「L’Oréal 8秒髮膜」就試試看啦😆😆 髮膜質地：水狀，不黏手； 味道：藍風鈴鈴蘭香，偏重氣味，洗頭後當晚仍會很香，若喜歡香味的朋友應該會很喜歡😊😊 用後感（濕髮情況）：使用在髮尾部分，用後不打結，用手指也很容易梳開頭髮，頭髮好像貼服過未用前，絲絲分明。 （乾髮情況）：髮質好像由偏硬變軟了，翌日起身後摸上去仍很滑身，第一，二日用後頭頂仍很爆炸，髮膜的香味仍很持久，很香（笑） 連續用了8日，髮尾沒有太多開叉情況，而且幾順滑唔黏結，之後都會keep住用😆😆

先講講我本身頭髮髮質，我屬於幼細及因燙染而容易打結及毛糙嘅頭髮～ 大概用咗「L’Oréal Paris 透明質酸8秒水髮膜」十日，用落都好方便，因為8秒就已經可以沖洗，平時啲髮膜都要等一陣先得，呢點真係好吸引我，另外順帶一提，佢個吱頭好細，可以接吱落近髮尾位置，唔洗擔心一野吱過多造成浪費👍🏻 起初用頭兩日，即時效果係望落順滑咗，但打結效果唔覺有好明顯改善，但到用咗一星期到，第二朝起身係梳頭時feel到頭髮真係冇打結，而且望落冇咁毛糙🥰呢點有啲驚喜，零售價唔算貴，CP值好高，所以我之後會買同keep住用佢

好開心今次收到cosme 試用呢款8秒水髮膜☺️我嘅頭髮本身係比較粗同毛糙，頭皮偏油，平時間中都有用一般傳統髮膜令頭髮望落柔順啲😉 而今次試用呢款水髮膜就令我覺得好特別！因為佢水狀嘅質地好容易就沖洗乾淨，唔會好似傳統髮膜洗極都滑潺潺咁。我自己覺得好適合一啲怕用傳統髮膜容易起背痘嘅人使用😉！ 雖然佢係水狀嘅質地，但係濕髮嘅時候用真係可以令頭髮柔順啲，冇咁易打結👍🏻建議份量係一格，但係我自己覺得半格都好夠用。基本上擠完落去頭髮梳順之後簡單按下已經夠哂8秒可以洗得，真心十分方便☺️！ 吹乾頭髮之後，依然有柔順效果，但我就覺得比起傳統髮膜有稍為遜色嘅。不過論清爽度就一定比起傳統髮膜為佳，頭髮都相對蓬鬆啲。而香味方面，我自己覺得有少少似青瓜味🤣不過係清新同唔會覺得難聞嘅！ 總括嚟講，我覺得係好適合夏天同埋鍾意頭髮清爽嘅人使用！使用上好方便，同埋8秒就可以完成護髮程序，想偷懶嘅時候用都係一個好選擇！

今次收到哩枝 透明質酸8秒水髮膜 我嘅髮質屬於受損髮質 好乾 為咗測試呢個水髮膜 除咗普通洗頭水之外 我連護髮素都冇用 試下佢夠唔夠保濕🙈 哩款產品以8秒作賣點 無需等待 我通常會先洗頭之後搽水髮膜 之後就沖涼先再洗走水髮膜 冇特別去數8秒🙈 佢含有98%透明質酸+保濕因子及高純度角鯊烷 同時可鎖水保護  我最鍾意佢係 水狀髮膜 因為佢唔會好似其他護髮素或髮膜咁 唔會有一層洗極都好似未洗乾淨既感覺 第一次用嘅時候 我仲懷疑係咪我搽的唔夠 但吹頭後 發現佢係好順滑 第二朝訓醒都Keep到好順 佢氣味好清香 係風鈴草花香 淡淡既味道 價錢我覺得合理嘅 $119 / 200ml 佢建議每次用10ml 我頭髮都幾厚 但每次10ml都夠晒用 佢樽邊有一條條嘅刻度 我估計係一條等於10ml🤣 我每次用都係跟佢條線🙈 總括來講 以$119嘅價錢 佢做到既護髮效果真係超值 我平時用護髮素 到第二日朝早個頭都會變到草草地 但佢唔會 仲Keep到 唔錯唔錯

多謝@cosme 的邀請，有幸試用L’Oréal Paris透明質酸8秒水髮膜(๑˃̵ᴗ˂̵) 包裝以紫、白為主，是風鈴花的常見顏色。 配以透明樽身，清新淡雅。 打開樽蓋就飄出陣陣風鈴花香（略嫌有點濃烈） 擠出來的液體質感如水輕薄。旁邊有刻度，每格剛好是建議用量10ml，好貼心💛 我有每天使用電髮棒的習慣，髮質變得乾旱易毛燥。 用了這枝水感髮模7日，髮尾毛燥明顯減少了， 未梳頭也很順滑，且沒有黏笠感👍🏻 撇除氣味問題，這枝L’Oréal Paris水髮膜CP 值高🌟 洗頭同時護髮，只需8秒便可沖水，超級方便！值得一試啊👍🏻

8秒護髮好方便 唔洗再等15分鐘先沖洗 對於我呢啲大忙人黎講真係好方便 水狀液體 唔會有痴立立感覺 適合春夏用 初頭用唔太清楚聞唔出原來佢係有香味 可能平時用慣加左香薰精神或香水既洗護用品 所以呢個髮膜的香氣我覺得不是太出眾 不過洗完有淡淡清新味 而用完都會feel到頭髮一絲絲 清爽 同有光澤感 不過維持護髮效果我覺得唔係幾好 有可能最近都係落雨潮濕天氣 啲髮絲隔半日都係出番黎 感覺同其他乳液護髮素用 可能雙管齊下 效果更好😂

一直頭髮都比較多、厚，所以掉髮、打結問題都較嚴重。之前有買過一些護髮膜，但是覺得麻煩，又不能在洗澡時同時使用，所以就沒有用過。這個水感髮膜就正是我需要的！！😍 一打開瓶蓋，就聞到淡淡的西瓜香味（？）😆 然後因為它是水感，沒有傳統的黏膩感，塗上頭髮後不會覺得有額外負擔，仍清爽輕盈。 使用方面，塗抹後只需要輕輕按摩， 8秒後能即刻沖洗掉， 十分方便！ 至今使用了大約兩個星期，還有餘下半瓶，但頭髮都開始察覺到有變化，感覺比以前有光澤及柔順，期待使用整瓶護髮膜後的結果！🥰🥰

快速護髮之選❣️ 髮質： 經常染髮，髮尾電過所以較乾旱，髮量多，客易打結 水髮膜質地： 流質，唔黐手容易洗，使用時有淡香味 使用感受： 主打8秒就可以做到護髮效果，呢個絕對吸引到我試用！因為平時放工好攰，有時真係懶得用髮膜/甚至只係需要等3分鐘嘅護髮素都唔用，尤其頭髮厚好麻煩(而且唔想護髮產品流到背脊)水髮膜絕對係懶人恩物～ 當然護髮效果都好重要～ *圖二係從未使用水髮膜嘅效果 *圖三係用完水髮膜瞓醒後嘅效果 效果： 連續幾日將水髮膜代替護髮素，感覺鎖水同補水效果都足夠～撥頭髮個陣感覺到頭髮比以前輕盈有彈性，而且過左一整日頭髮都冇變乾

首先感謝Cosmo 提供試用L’Oréal Paris透明質酸8秒水髮膜 我的髮質偏幼，天生鬈曲，半年電一次髮，感覺頭髮很毛燥。 樽身以透明紫色為主， 打開樽口尖細，方便不會倒太過量出來， 味道是風鈴草花香味，我個人覺得味道是討好的， 倒出來質地是水狀，有點點油的感覺， 這是我第一次用水狀質地的髮膜，感覺挺新鮮的， 樽身旁有格數，可依個人需要使用，我髮長及肩，基本上依照建議每次1格10ml已經夠用。 因為我是晚上洗頭的，有時放工出街回家已經很晚，回家已經很累，妝都已經唔想落，如果洗頭再用傳統髮膜等十多分鐘，真的心很累，沖完涼吹完頭都已經凌晨了。 所以這產品適合我需要快速洗頭時使用，可以快得來又有護髮的效果。 至於效果呢，由於本人經常電髮，對於受損髮質來說，我覺得滋潤度略嫌不足，但需要快速護髮時使用又不失是一個好選擇。

由@cosme 送出嘅試用品🥳 平時都有用開發膜 不過普通嘅發膜都要等三至5分鐘先可以吸收到 而呢隻發膜就聲稱8秒就能夠吸收 所以一開始真係覺得好神奇 因為佢係流質就好似水狀咁樣 所以真係會好快吸收到 搽左上頭髮之後輕輕按摩 然後就可以沖走 唔需要等佢吸收感覺會慳到時間🤣🤣 佢嘅香味好清新 洗完之後都維持左一段時間 唔想令頭髮帶有蓬鬆感 方便造型～ 我覺得作為日常使用係幾唔錯 而且佢則邊個刻度設計好貼心 每次都用相同用量 就算係髮量多嘅都好夠用 推薦大家日日用 見到頭髮明顯亮澤左同埋冇咁毛燥🤓

多謝@cosme 送左L’Oréal Paris 新出產品 一向好怕要用好耐時間又要結達達既髮膜令髮質變好 但呢枝正野只需8秒就可以做到好好效果 啱晒我呢啲懶人用❤️❤️ 用左幾日效果好明顯 可以直接搽係濕髮 令髮絲髮尾變順滑 得左😉 吹完之後一梳搞掂😂 唔洗再同頭髮打交 甩曬👍🏾佢仲有量度 每次吱一格 唔洗怕自己用多左用少左 真心方便😝 勁度推介呢枝野俾好似我咁懶又貪靚既朋友👻 性價比高💃🏽用完一定會回購🥰🤤

 透明質酸8秒水髮膜質地係流動，唔會好似傳統髮膜咁樣有黏立嘅感覺。同時產品係好容易使用，吱係髮尾上可以。 傳統髮膜塗抹後等待時間需要10到15分鐘。但透明質酸8秒水髮膜，淨係需要等待8秒就可以沖水，感覺相比傳統好方便。 透明質酸8秒水髮膜用既時候有淡淡既花香味，就算去到之後吹頭髮都仍然有淡淡花香。風鈴草花香味非常之持久。  透明質酸8秒水髮膜可以令乾燥嘅頭髮變得冇咁容易打結，冇咁毛糙，頭髮會變得水感輕盈。 就算第二朝瞓醒都係順滑唔打結易打理。 淨係需要8秒髮膜，非常值得一試！

產品包裝係紫色透明樽 ， 頂部有個尖頭唧嘴。倒轉支髮膜輕輕一壓就可唧出。 唧出黎係輕盈既透明液體， 唔油， 好易推， 仲有種青瓜水既香味。不過原來依個味係風鈴草花香。幾香。 每次使用時我慣左會用手梳下把頭髮， 用左7日後，把頭髮明顯有光澤同貼服， 每日好輕易就可以梳到個頭髮貼貼服服， 因為順， 少左拉扯頭髮，覺得個頭髮都甩少左。沖洗後配合吹頭，順住個頭髮向下直吹， 貼服效果更加明顯。 平時慣左洗頭向後仰， 但發覺有啲難吱上把頭髮。 之後試用頭向前俯方式洗， 會易啲吱上去。 用完係唔打結同少左毛燥，好快咁做到保濕順滑既效果。倒上頭髮 ， 眨下眼就夠8秒就洗得。透明質酸 令個頭髮有光澤感又保水。最緊要又唔油，無油膩感。可以取代護髮素。成份有角鯊烷，依個成份既滋潤功效好好的。

感謝給予試用機會！💙 質地： 這是市面上少見的水狀髮膜。塗抹在頭髮後感覺比較清爽輕盈，有別於一般髮膜膏的黏膩厚重。 香味：髮膜散發淡淡藍風鈴香氣，不會過於濃烈。個人感覺這香味清新怡人，為產品錦上添花，相信會令大多用家的使用感更好。 效果：塗抹不久後，感覺髮膜已被完全吸收。沖洗後，亦有感頭髮瞬間變得較為順滑滋潤。 提醒一點，由於是水狀產品，提取的份量相對沒那麼容易拿捏。建議各位可以先擠合適份量在手上，然後再塗抹在髮尾上。 整體而言，用後感相當不俗，值得一試！😊