Loreal Paris

透明質酸8秒水髮膜

產品包裝係紫色透明樽 ， 頂部有個尖頭唧嘴。倒轉支髮膜輕輕一壓就可唧出。

唧出黎係輕盈既透明液體， 唔油， 好易推， 仲有種青瓜水既香味。不過原來依個味係風鈴草花香。幾香。

每次使用時我慣左會用手梳下把頭髮， 用左7日後，把頭髮明顯有光澤同貼服， 每日好輕易就可以梳到個頭髮貼貼服服， 因為順， 少左拉扯頭髮，覺得個頭髮都甩少左。沖洗後配合吹頭，順住個頭髮向下直吹， 貼服效果更加明顯。

平時慣左洗頭向後仰， 但發覺有啲難吱上把頭髮。
之後試用頭向前俯方式洗， 會易啲吱上去。

用完係唔打結同少左毛燥，好快咁做到保濕順滑既效果。倒上頭髮 ， 眨下眼就夠8秒就洗得。透明質酸 令個頭髮有光澤感又保水。最緊要又唔油，無油膩感。可以取代護髮素。成份有角鯊烷，依個成份既滋潤功效好好的。