Benefit

激細三叉眉筆

多謝@cosme 俾機會我試用一支非常神奇既眉筆，係無眉毛既位都畫出根根分明眉毛，就好似平地都可以瞬間建築大廈般神奇。
依支眉筆有三個細頭 ， 畫出黎係水液既質地，但份量剛剛好非常自然。

用果時先搖搖筆身，畫果時盡量垂直，輕輕由以至上咁掃，畫出黎既線條就好自然同唔粗。
色系都好多 ， 我今次係試用4號既warm deep brown，非常合適本身係自然色/黑眉既人，畫出黎同自身眉毛融合，非常自然 ，可以填補眉毛之間既稀疏缺縫。我既野生眉就好自然咁形成。


仲要利害到出左成日街，天氣潮濕，用廁紙抹面都唔甩色 ，用卸妝油就可以輕鬆抹走。

追求根根分明， 自然又持久妝容既朋友 ， 依支值得一試 。記得輕輕力畫，份量已經剛剛好非常自然，好實用。 ☺️