LAURA MERCIER

水光修護輕粉底霜

多謝 Cosme 俾我試用呢支水光修護輕粉底霜。依家轉天氣，又怕乾又怕油，肌膚仲有啲暗黃，有呢支粉底正好適合用。呢支產品質地水潤、creamy，但唔油膩，輕輕用手指推開就好易伸展。上完粉唔易睇到粉底跡，唔易有細紋卡粉，就算有虎紋或額頭紋都唔怕使用。輕輕一層就可以，相對較透氣，適合啲皮膚易乾又經常日常化妝嘅人。

有需要可以配合遮瑕膏，好易化出更細緻嘅妝容。呢個粉底特點係帶光澤，可以化到水光肌咁。

另外，可能加咗護膚成分，氣味幾特別，估唔到益生菌、益生元萃取都可以放入化妝品做護膚，原來仲可以穩定皮膚狀況。



下午補少少碎粉就足夠，妝容都夠外出玩一整日。
用咗一段時間，皮膚無變差，亦都好穩定，無愈用愈乾，亦無角質層加厚嘅情況，本身皮膚都好似容易清潔啲。 粉底霜有防曬成份 ， 岩日常外出使用。