excel

3合1持久造型眉筆(已停產)

Excel三合一眉筆測評 今次同大家試吓呢支Excel三合一眉筆！佢唔單止係日本@cosme大賞嘅常客，仲係眉筆、眉粉、眉刷三合一設計，一支搞掂整個眉妝～話咁方便，啱晒我哋呢啲貪快又貪靚嘅香港女生！ ✏️ 筆芯質地： 筆芯軟硬度啱啱好，唔會太硬拮肉，又唔會太軟易斷。一畫上手，顏色出得好順，線條流暢自然，唔會一嚿嚿或者結色，新手都好容易掌控！ 🎨 三合一功能： 1. 眉筆端：勾勒眉形超順手，可以畫到好精細嘅毛流。 2. 眉粉端：填充顏色夠柔和，有霧感效果，唔會變「硬膠眉」。 3. 螺旋眉刷：暈染同整理毛流一流，令妝感更融合。 💦 防水度測試： 試過噴水同輕輕印汗，顏色都冇溶到或者脫色，持久度唔錯！平日出汗同落雨仔都頂得住，不過游水就未必啦～ ✅ 優點總結： · 一支多用途，出門帶一支就夠。 · 上色順、自然，適合日常淡妝或濃妝。 · 性價比高，耐用又唔貴。 ⚠️ 小提醒： 如果係油性皮膚，建議畫完之後輕輕撲層碎粉定妝，咁就更加持久啦！ 總括來講，Excel呢支三合眉筆真係懶人恩物，無論係趕時間返工定慢慢畫都咁適合！推薦俾鍾意自然眉妝嘅你～ 👏

Excel三合一眉筆轉季實測！秋冬都唔怕變無眉娘 轉秋冬季真係煩～朝早涼冰冰出門對眉仲係靚靚哋，點知行兩步個太陽出嚟，額頭出少少汗就溶咗半邊眉...自從用咗Excel三合一眉筆，終於可以同呢啲尷尬講bye bye～ ✨ 一支搞掂仲要超順手 支野設計真係好聰明～眉筆芯軟硬適中（唔會話畫落去「吉」住塊面），眉粉嗰頭輕輕掃兩下就已經好上色！最正係個眉梳，梳兩下啲眉毛即刻整齊晒，成個過程快到你唔信！ ❄️ 秋冬持久度滿分 試過同班friend去打邊爐！成間舖煙霧瀰漫，出嚟個妝溶咗七成...點知對眉居然「企得好硬」！冇化開冇甩色，個眉形依然keep到～真心佩服！ 🍁 轉季必愛呢個位 天氣開始乾，但支眉筆唔會話畫落去「鞋掹掹」，反而仲好貼眉毛！個眉粉填充嘅部分仲做到啲啲茸毛感，望落自然到好似本身啲眉毛生出嚟咁～ 💡 小貼士 如果想個眉妝再持久啲，可以畫完之後輕輕印少少碎粉上去～咁就真係風吹雨打都唔怕啦！ 總結： 轉秋冬季成日因為溫差搞到眉妝溶咗一撻撻？Excel呢支三合一真係幫到手！價錢合理又耐用，一支解決晒畫眉嘅煩惱～而家我朝早畫完眉，成日都唔使點補妝，真係慳返唔少時間！ 轉季都ke

開架眉筆Top10 但我覺得效果同價錢唔同正比🥲 眉筆 有眉粉 眉掃 三合一 聽落好似好抵 但係產品唔顯色 呢個價錢 咁嘅質素 有啲失望 😿 我喺香港松本清買 佢價錢等於半支品牌嘅眉筆 我會偏向買品牌眉筆

Excel三合一持久造型眉筆，再加多兩種工具，一支就可以完成成個眉妝，帶出街唔使再拎多幾件工具。 眉筆筆芯幼細，描繪眉形好精準。顏色自然，容易同髮色同膚色融合，唔會太突兀。持久度方面都幾好，全日都唔容易甩色，夏天出汗都唔怕。

價錢合理質素好有多種顏色可選擇而且一支有齊三種功能眉筆眉刷眉粉新手必選輕鬆描繪自然

回購再回購嘅眉筆！ 顯色度（4/5） 可以喺趕時間嘅早上都快速畫眉 方便度（5/5）眉筆 眉粉 眉刷集於一身 持久度（3/5） 冇毛嘅位如果捽到佢就會甩，有毛嘅持久度ok!  超多顏色選擇，普通啡色頭髮都實有啱嘅顏色 抵買！

自用PD01 當初想要購入三合一眉筆眉粉眉刷組合，試用過幾隻牌子，excel最有驚喜。 Excel呢支眉筆上色出色又唔會太硬色，眉粉配合上色。顏色有多個選擇，染左頭髮都可以配返相同頭髮顏色。

一支過有齊眉筆、眉粉、刷頭～勁啱懶人用！！揀咗PD01自然棕色～因為個人覺得眉毛淺色少少感覺氣質上會溫柔啲(笑)～上色度顯注～而且大 #夏天 用都唔易甩～出完街番到屋企條眉都好完整 :)

價錢好平，質素又好10分顯色！有粉又有筆二合一方便攜帶！幾十蚊真係冇得彈。

好用 易上色又自然 不過眉粉位最快用完 日日化2個月左右用哂 但眉筆位仲好多

這款眉筆，順滑好用，畫出來的眉毛很漂亮，中間擰開還有一個海棉沾有眉粉，另外一邊是刷頭，三合一的設計。

呢支眉筆已經用咗好多年，係PD05色，有小小似好深嘅灰色，但係又未去到黑色 支筆又有分三部份，一邊係一個刷，另一邊係眉筆，中間扭開係眉粉 通常我會用眉筆畫眼尾，然後再用眉粉掃眉頭，然後用隻梳梳一梳條眉，等啲顏色冇咁實，睇落自然啲！ 呢支筆好方便而且好好用，新手買都唔會錯！

excel眉筆我已經keep住用左好幾年，覺得佢d色自然得來，一支筆就做到晒我要嘅效果，而且CP值亦相當高！ 我主要係用7及11號色，有時深色會用在眉尾，令眉形更立體 佢個旋轉筆頭大小適中，畫眉時更易掌控。我尤其喜歡佢個好細滑同色澤好自然且亮麗嘅眉粉，用佢個圓頭先把眉粉掃上眉，再用佢個掃掃均勻，覺

、輕薄度及顯色度高，一試令我印象深刻，即刻購入！ 日常上班用b在整個眼窩打底，再用d放在上下眼尾加深輪廓層次感，再用c印在眼窩中間和a掃在眉骨上，增加立體和諧感。 3合1持久造型眉筆 - 是@Cosme 殿堂賞 No.1眉筆， 結合眉筆、眉粉及眉刷於一身，使用方便，簡單三步就塑造岀自然眉妝，新手完全沒難度!! 眉筆部分能輕鬆上色，

多謝@Cosme嘅美秀彩禮物🎁🥰俾我有機會用excel呢支3合一眉筆。 眉筆一端係眉筆😂呢隻啡色好易上色，自然又顯色，仲唔會一舊舊，畫粗又得畫幼線又得，補眉梢又得，仲防水。 另一端係把掃仔，可以順返啲眉毛。 最正係仲有中間再扭開係眉影，可以打小小喺眉骨位置，係淺金色，有超幼閃粉，好自然。 呢支眉筆真係俾到我驚喜。一定會繼續長用啦😎多謝晒@cosme😍

呢支眉筆新手都啱用， 使用時出錯率低，好易便可以畫到一條自然的眼眉。 而且佢係三合一，好方便帶出街補妝。

之前有人介紹話excel眉筆好用 試完真心唔錯☺️ 顯色又自然 都回購過幾次

顯色又自然，夏天出全日街個眉尾都仲係到！去旅行一定係拎佢，一枝有哂三樣野，省位又好用！雖然呢款尾筆超持久，但同時也很容易卸除!正！

好榮幸今次可以試用excel嘅眉筆 見到上咗手係咁 其實覺得效果都幾好，上色唔會好重手，新手都容易handle 眉粉是毛絨絨的感覺比較自然 眉筆眉粉眉刷一支有曬👍👍 超級推薦呀

excel 3合1持久造型眉筆 色號PD11淺啡色 3合1設計 一面係眉刷一面係扭出嚟嘅筆芯 中間扭開係眉粉 筆芯上色順滑流暢加上眉粉眉毛更自然更柔和 非常容易畫 新手也不會出錯 持久度高 我混油肌夏天出油出汗都不會掉色 而且excel 3合1持久造型眉筆有很多色號選擇 不怕染髮後眉毛頭髮不同色👍