Rejoice 飄柔

瞬效柔順護髮精華 (滋潤型)

多謝@cosme 令我有機會使用唔同嘅產品，今次係Rejoice 瞬效柔順護髮精華 (滋潤型)～

當我報完名參加試用之後，偶然發覺網上面有人評價Rejoice嘅頭髮產品唔太好用，內容大約係講佢用Rejoice之後兩三日，頭髮好似有搽咗蠟嘅感覺，仲要打晒撠，佢嘅用後感非常唔良好。所以當我收到試用品之後，老實講我有少少卻步🥲，但係既然抽中咗，都需要履行試用者嘅責任，一直試咗~10日。可能一開始我既期望比較低，反而試用之後令我感覺幾驚艷。

顏色同質地同坊間嘅護髮精華差不多，但Rejoice嘅比較容易推開，都幾符合產品所講嘅《免洗瞬效柔順科技》
喺呢10日，我做左一個小小嘅測試：半邊頭髮用Rejoice免洗精華，另一邊就按照返日常嘅洗髮護髮程序。

相比之下，結果如下：

日常洗髮護髮程序 - 毛燥髮絲依然明顯，頭髮比較啞色冇光澤。
用左Rejoice免沖洗精華 - 頭髮毛燥感減少，雖然都仲有少少毛毛飛出嚟，但的確有明顯改善；而且頭髮帶有光澤。仲有一樣喺相度睇唔出嘅，就係用手摸頭髮嘅質感，有用Rejoice嗰邊摸落去好明顯順滑好多。

睇返產品簡介說明，滋潤型係加咗人蔘精華，有助滋養乾枯嘅頭髮👍🏻我本身係好喜歡加左人蔘嘅產品🥰 不過我試用嘅時候我就唔係好聞到人蔘味，反而覺得佢有點杏仁味🤣

Overall 覺得呢支免洗精華幾好用，但如果佢可以改良吓有啲香味會更好🙂