CeraVe

長效保濕面霜

多謝@cosme 抽中試用CeraVe 長效保濕面霜

收到試用品時，正值係我皮膚敏感既尾聲，雖然面上啲暗瘡暗粒已經退得7788，但當時都仲有少少紅腫，同埋會突然有1粒半粒爛好似俾蚊咬咁。所以個排真係好唔開心，好耐未試過生咁多暗瘡，仲要係短短幾日內瘋狂爆發。

我知道呢支面霜有保濕修護成份，而且聲稱唔會致敏，所以嗰幾日我係所有護膚品都唔敢搽，夜晚淨係搽CeraVe呢支夜用保濕霜（日頭就另一支CeraVe - 另一篇會講）

又的而且確，我搽呢支保濕霜個段時間並無任何意外發生，塊面冇再突然好似俾蚊咬咁出爛，但保濕力對於我就唔太足夠，會覺得佢層保濕好似停留喺表面，皮膚裡面並冇飲到水。 所以過渡完敏感嗰幾日，我都要用返其他補濕精華，再補一層CeraVe既保濕霜先夠。

總括：呢支保濕霜係要傍身，好處係如果有一日突然皮膚敏感，絕對可以用佢👍🏻 但如果平時皮膚冇咩特別狀況，就未必感受到佢既好處